一般來講，大家會喜歡吃鹹味的東西?!!或是甜味的東西呢?!!其實都不需要花太多時間比較，一諗起肚餓時，就知道鹹食或甜食你會比較喜歡...我諗我肚餓的時候會選擇鹹食，鹹食會令我諗起湯麵或鹹包之類，夠飽肚...
早前聽人講話有種岩鹽較為健康，粉紅色的顏色是蘊含礦物質，於是就買細細樽來試，就算不好也不浪費，而這隻岩鹽幾好樽頂白色部份有個磨，可以把粗糙的岩鹽磨細，直接灑在食物上，呢種鹽不是精製鹽所以唔係太鹹，比我預期淡得多....一小樽都有排食!!!
另一個想介紹就是呢隻鹹朱古力，未食過之前覺得好難想像味道，食落又真係幾好味，可能不是甜你就不會有強烈的食後罪惡感...本身是買來給不能吃甜的長輩們，後來自己食又頗喜歡，它好吃過濃度高的黑朱古力，鹹味又剛剛恰當，平時對朱古力麻麻地，若要揀我會首選呢隻......
以前飲湯都喜歡加多些少鹽，屋企人就會講食得鹽多就會變鹹蟲...需知是講笑，但湯若然太淡就冇味，反而加多些少鹽就會吊出湯的鮮甜味，所以到現在我飲湯都一定要加鹽......
我有用即磨岩鹽習慣，貪新意而已。我去大馬旅遊參觀朱古力場，咸辣味都有，我都是喜歡甜。
回覆刪除
刪除岩鹽據講比較好些，有礦物營養...
對我來講，鹹味朱古力已經是新奇味道，辣味聽過不過唔會買來試覺得怪味道，一般都喜歡甜朱古力，普通的吉X利榛子朱古力...
我呢邊剛好相反，平時多數食岩鹽，所以西人認為海鹽會健康啲。
回覆刪除海鹽健康啲...咁港人食開的粗鹽就係純正未加工的海鹽，咁就真係價廉物美!!!!
刪除其實係物以罕為貴。少有就話好啲。
刪除如果咁講，王子可以代理粗鹽，香港入貨，咪賺到笑.....
刪除我血壓得10x，唔使就住就住食鹽。無鹽湯我唔飲架。
回覆刪除鹹朱古力又未食過喎！試下無妨，貴就食過就算囉！我都係食平民價7X%黑朱古力。不過，我對零食會失控，一係唔食，一食就要清晒，一口氣食200g，真係瘋零食症，病入膏肓，絕症無得救。
你血壓好正常喎!!我血壓應該高過你十幾廿度......我都係冇鹽的湯唔覺好飲~~~~~
刪除黑朱古力會比較健康，但較為硬味道麻麻，你可以試下鹹味朱古力，森伯頗推介，食朱古力本身唔係太喜歡，所以定力夠唔會失控...森伯諗諗都好少有樣食物會食到清晒倉，咁瘋狂!!!!
我血壓好靚仔都係斷食嘅好處之一，改善腸道菌叢，令血壓降低。好處多籮籮，所以，我見人就推薦。
刪除普通有害朱古力好味好多，有益黑朱古力味道真係唔係咁討好，我騙自己係食梗朱古力填滿空虛嘅零食心靈。
相信一爺的腸道好年輕，分分鐘好似一個十多歲的青少年一樣~~~~暫時都係試下減少一餐afternoon tea...
刪除其實朱古力真係唔需要太多花款味道，普通的牛奶朱古力已經好好，不過我食朱古力好易痰上頸，森伯又冇零食心靈呢家野!!!
暗戀森哥一定要送朱古力，明顯想你起痰，佢得米囉！
刪除送朱古力嚴格來講，唔係暗戀，係靠害......哈哈哈
刪除因害得福，等人打蛇隨棍上，送上暖意關懷同問候，打開森哥密實心胸，快啲迎『春』接福，脫單。
刪除諗得好完美，打蛇隨棍上，迎春接福……怕係福頭個福，以為有人暗戀，連自己都呃埋！
刪除然後，投森所好，買咩鹹嘢逗森森歡心。
刪除真係唔知你想講乜？！……
刪除肥餓時又冇乜特別諗起鹹食或甜食，總之想食。年紀大咗，無論是鹹或甜，都習慣咗少鹽少糖。
回覆刪除唔知你有否發覺，市面售的食品，不是鹹就是甜，想買些健康的消費者都幾難選擇......外食或買現成食品無法控制鹽糖，但自己整多數落極少量來調味.......
刪除外面吃東西就冇得計較，就算標榜健康食品都不一定健康，而且一定較貴，好在我一向盡量減少在街外吃，粥粉麵飯，麵包蛋糕，都以自己製作為樂趣。
刪除外面吃的或買包裝的食品，落鹽落糖都可能係小問題，化學添加物才是最大的影響...當然好似peace兄自己製作更好，起碼新鮮整新鮮食，唔需要落咩穩定劑，防腐劑之類........
刪除少鹽吊出湯的鮮甜味
回覆刪除飲湯一定要加鹽......
適量的鹽，太多鹽放湯又鹹過頭!!!!
刪除我沒有吃零食的習慣，平時很少會想吃甜的食品。 但有時也會想吃甜食，所以方便的時候，會去X華買定一些紅菱、白菱，皮蛋酥、糯米糍等，以備不時之需。
回覆刪除如果在煮食時肚子很餓，會吃些果仁來頂住先。近日買了一瓶Smucker's 甜橙果醬，塗在方麥包上吃，感覺很好，比塗芝士來得吸引。
我也很少買零食，一包包放在購物車的情況，都冇乜可能出現在自己身上，頂多買一兩包……
刪除你提起x華的中式餅，細時麻麻地鍾意食，反而人大了頗喜歡，附近的餅店都有中式餅，當然質素冇x 華咁好喇，不過純粹過口癮都唔錯，塗麵包什麼都沒所謂，想食的就用來塗，若然最喜歡，都非花生醬莫屬！！
比較鍾意鹹嘅食物多D，粉麪同粥都係喜好的食品。
回覆刪除係呀，肚餓時首選鹹食，尤其來一碗湯麵或鹵味飯！
刪除