前篇網誌都同大家講開零食，其實森伯對零食好一般，就算要買都係買些果仁之類...尤其人越老就越唔敢食太多零食，家附近都有間零食店，常見到很多小朋友幫襯，都是買些糖、朱古力之類的零食，畢竟他們都是細露仔，森伯諗起自己細個時都有買零食，但又不會太多，至於當時的零食真的寥寥幾樣，「乖乖」該是其中一樣...
今時今日見到都不忘要影張相，見它出現在某個大型商場的台灣食品裡，本身「乖乖」真的不知出自那處，只記得舊時有幾種味道，而現在的「乖乖」都有兩款味道，因實在不能拎住周圍走，所以沒有買下，只用手機拍了相片...可惜沒有再試試味道有冇依舊不變...味道就不知，但身價就升了不少，這個當然喇，以前在士多舖仔出現就不貴，但在這個高檔商場賣就不一樣了~~
相信這個小食也是不少成年人的回憶，不知大家現在有冇見過?!!...
我對零食真係麻麻，尤其是那加重味精的都怕怕。印象中記得有「乖乖」這東西，但未食過，唔知係乜。
回覆刪除其實零食基本上都係精製小食，不是味精重就糖份高，所以現在都甚少買，如沒記錯，乖乖的味道類似現在的芝士波脆口小食...
刪除好似瑪仔黐牙喎！蝦條、薯片、粟一燒好食啲。
回覆刪除台灣IT工程師嘅吉祥物，放喺機房等啲機器運作良好，乖乖聽話。
瑪仔黐牙?!!唔係，應該類似粟一燒!!!因為太耐冇見過食過喇!!
刪除如果有商業頭腦，可以做些乖乖掛飾，現在都好興有食品的掛飾，專是老師的幸運掛飾，令班學生乖乖聽話~~~
酒吧、唱K會有兜零食送酒，混合咗提子乾、蝦條、花生、魷魚絲，又甜又鹹又脆又煙韌口感味道好正， 以前我喺屋企都有咁樣胡混，屋企淨食唔飲酒去治療工作壓力。森哥有冇同人落club飲酒呀？
刪除咁我要送個乖乖袖珍飾物畀森哥，少啲反(玩)我。😁
細路時未有進口日本零食，外國嘅太貴仲要行半個鐘去好遠嘅百佳超市，舊時好少分店架，乖乖一甜同珍珍薯片一鹹，珍珍太鹹太油唔酥脆唔太正，有咁多選擇我就好少買黎食，森哥有冇食過。
你講呢種mix可以自己整，外面食呢類大雜繪小食，會唔會對面果枱客食完走，跟著啲待應又畀埋你哋，所以幾百樣小食混埋一兜...XXD森伯老人家養生唔會落club消遣，寧願將錢買多幾兩蔘茸海味補補身!!!!
刪除好呀，等你的乖乖袖珍飾物......相信大批做有很多人會買，客路有老師，父母，情侶同賭徒(希望啲手氣乖乖哋)
對!!!以前冇咁多超市，不過都有些街坊超市，係士多的延續，不過比較大間，裡面有雜貨罐頭最多，相信在網上時時提到人氣超市(家興超市等)，細時多數買卡樂B，卡樂B同珍珍現在都有...不過現在甚少食薯片，正如你講真係太鹹~~老人家驚腎虧!!
環保回收惜食呢個質疑都可以放喺森哥過節去高級酒店食自助餐，無良心商家冇喺額頭鑿住個奸字。
刪除幼時鄰居補壞腦事故徹底影響我對進補嘅壞印象。話說隔壁住咗對相依為命嘅兩嫲孫，個孫係低低哋嘅，因為畀好多補品個孫食，有次發高燒搞到燒壞腦，兩夫婦拋棄個仔，兩嫲孫只好搬開住。所以，好人好者就唔使補，我唔太喜好藥材味。各種藥性、份量同體質要配合得宜，太複雜啦！簡單生活食一般食物達到均衡營養已夠，我唔補依家都過得好好呀！
自助餐又未必擔心，食過的食物賣相都唔同啲...目測都可以分辨得到~~~對呀，要提防無良奸商!!!不過見你講個小食兜乜野都有就諗起......
刪除真係未聽過食得補品多變左低低地，咁森伯都可能自小食得補品多得滯><...個嫲嫲好偉大，跟孫仔相依為命，為人父母又真的一句"情何以堪"呢??
我講的補品不是指"十全大補酒""當歸人蔘鹿茸"之類，係寧願將錢買些健康食品果類~~~唔好睇少呢類都唔平架!!!不過生為富貴人家的一爺完全覺得濕濕碎都唔定~~
完全認同你的講法，食得普普通通，簡簡單單為最好的健康飲食方向...
打著健康個名實唔平啦！否則，森哥又會質疑咁平得唔得架！貴先至正。
刪除健康野都唔一定貴，只是商家想圖利而已，蕃薯，南瓜都唔一定要貴價，今早就有個南瓜糊做早餐~~~~
刪除long...time no see...
回覆刪除真係long time no see喇~~~
刪除乖乖都有食過，小朋友大多都喜歡食零食。
回覆刪除所以很多零食店，主要客源都是小朋友，但現在很多年青人中年人都喜歡...
刪除有時悶悶地食吓零食都幾好，但適可而止。
回覆刪除對呀，零食最主要畀人過口癮加少少肚餓時食，尤其上班時對著電腦...
刪除我都喜歡吃零食，但印象中沒有吃過「乖乖」，哈哈，我是否不乖呢！？
回覆刪除可能你一向都沒有吃零食的習慣，反而是個乖孩子的表現......
刪除乖乖，除食之外，台灣擺響度係有意思呀！
回覆刪除哈哈...經你講一講又好似幾啱~~~呢間係誠品商店的食品部!!很多台灣特產賣~~~
刪除往日乖乖的宣傳度高，真是大名鼎鼎，可惜我不愛吃零食，也沒有好奇心去買些來吃吃。
回覆刪除當時的乖乖很多地方都有，就算平時對零食沒什麼興趣的人，都應該聽過它的名字，不愛零食也好不會影響正餐...
刪除