當第五波的疫情打到來,相信很多人都感到害怕,公司更提前容許員工在家工作,不經不覺已經過了好一段時間,稍見疫情有點緩和,就需要正式在office上班,對我來講話就話在家工作,而我的工作需要配合其他設備才能做,為免工作進度一再拖延,所以都要立即返去開工...都已經有成個星期了,反而要待適應復工的節奏,起碼要早起整定午飯,但認識的人當中仍有人在這刻要留家工作...
闊別一段少少的時間,大家見到面都即時問句,你有冇中招?!...相信總有些認識的人中了新冠!!!幸存者真有種劫後餘生的感覺,所謂"幸存"的人又唔代表日後唔會中!!總之無論幾放寬防疫措拖都好,自己都要小心,相信要等清零都未必咁快,本港的疫情未清零,自己個荷包已經清晒零,幸好有新一輪的消費券可以幫補吓...哈哈哈哈
消費券
回覆刪除幫補
幫補吓都好!
刪除復工,真需要小小時間適應。此時此刻,防疫之心仍不能鬆懈。
回覆刪除對呀,畀些時間自己慢慢適應!對於森伯冇打過針,防疫更加不能鬆懈……
刪除WFH真係有啲同事會好耐都冇見過。
回覆刪除WFH咁耐就冇見咁耐,除了同事,都仲有些人天天見開……
刪除病毒係現實版嘅『異形』,揾寄生宿主,劫後餘生,人生如戲。
回覆刪除人生如戲,你煲劇太多……一場病毒,可能令大家的人生都有所改變,有所經歷!
刪除復工係喜訊,不過,香港疫情失控,係行梗與病毒共存,因大規模感染而產生免疫屏障,並不是阿爺控制疫情而達致動態清零。搞屎棍嗰兩條航空界友仔要坐花廳。
刪除荷包清零,森哥係現代人,清晒零頭,用電子錢荷包無硬幣。有冇去過政府硬幣找換車?我試過一舖清袋,剩番啲啲大嘅舊五毫子同一毫子。
我近來都揀有八達通畀錢嘅街市舖頭買餸,政府變相推動電子貨幣追上大時代,阿爺都遂步遂步行梗電子貨幣,避開美國成日蝦蝦霸霸用黎制裁他國嘅SWIFT系統,佢建立之初係同世界講呢個系統係中立嘅叫各國放心加入,依家碰上世紀大騙子上當啦!佢做咩都唔可信。
所以,面對電子貨幣森哥要愛國愛港唔好搞對抗喎!諗起森哥都有好多嘢抗拒,好有個性喎!看唔起我呢啲隨波逐流跟住大圍群眾走嘅人,永遠同我拗交作對。哈哈!
很多香港人有得行街街,出街食嘢,已經叫人生樂趣,與唔與病毒共存都唔多在乎,一話可以放寬限制,大家到旺區都係人頭湧湧,你同佢講就話困了好耐有抗疫疲勞...
刪除你真係吹佢唔脹喎!!哈哈~~並不是主要傳媒佈導的消息,據講果兩名空中服務員都認罪,但不能輕判!!!!不知是否屬實?!!又冇聽過大台佈導呢單新聞!!!!!
近排真係好多用八達隆,不過仍需要些現金澤吓褲袋~~~毫子到現在都用得著,大多數都係超市,通常超市標價XX.90...視覺好似平了~~常用技倆,這樣一定有神砂找回~~~
我沒有你諗太多,只要方便自己就可以~~森伯邊似你果類後生仔鍾意反判搞對抗,用什麼方式用錢同愛國愛港冇咩關係,多人用現金都要用,遲下用電子貨幣,都要慢慢習慣!!!!永遠同你嗌交作對,又想抹黑森伯,講到好似八公專幫人嗌交,作對,好在森伯平時老實兼落落大方...點抹黑都唔會有人信!!!!哈哈哈
官方感染係200萬人,有好多人冇執,無自檢又一堆人,專家估實在是400萬人,中咗後有6個月免疫期,仲唔趁機大玩啦!人頭湧湧好正常啫! 有類人唔外出係會屈出病架,數字下降中就由得他啦!
刪除困好耐我都唔會有抗疫疲勞架!網絡帶我去世界各地,五花八門,精彩萬分,你想唔到嘅都有,冇規定節目時間任你幾時睇,以前得電視、收音機、報刋、書本我就會覺悶。啊!呢個優點,我適合做太空人,困喺細細太空站內半年都唔會痴線。
抹黑能力強,森哥唔去霸主打工可以去鵝頸橋底開檔打小人,保護文化傳統遺產都好。
森哥立夏飲咩茶呢?
其實一爺有冇中過?!就因為多人中咗,所以連自己中過都唔知,半年內有抗體是否屬實?!唔知,只知嚟梗夏天一般都少些氣管性疾病……
刪除對呀,有些人不能不出街,好易屈出病,森伯就宅慣,冇咩所謂!
就算家中冇嘢做都好少嗌悶,訓覺都可以架!
夏天煲些簡單的菊花水飲吓,清熱解燥!
又無喎!不過,中毒會無症狀,或許,中招我唔知就好翻,答唔到首條難題。
刪除醫學文獻發表有人半年內會中兩次。另一篇文獻,檢查抗體量發現打針半年後抗體量會下降到不能抵禦病毒嘅低水平,唔使懷疑,係有科學數據證明。
森哥講得啱,有醫學文獻發表氣温愈高病毒傳播力愈低。最好係10月尾打我第四針,跨越香港最凍嘅時間(10月~3月)。
斷食增強抵抗力,自從我5:2斷食後冇病過。最近我有所調整,增加168斷食,果2日低卡一餐過食晒,而平時5日在5~8小時內只食兩餐,延長唔食嘢時間。
得到諾貝爾醫學獎嘅日本專家就係靠發現唔食(18小時)令身體產生細胞自噬機制,原來,唔食才『重生』。有好多好處。
辟穀係道教中的道士用節制飲食來養生的一種方法,😁 我正學古代道士修行、養生。
唔食23小時係可以醫治關節炎,把3餐食物谷埋一餐盡食,一日一餐,肚餓飲水/無糖綠茶/齋啡,每月2次。助人脫病苦係積善德,明知森哥唔聽我講,我都煩住晒。😁 無叫你要食咩,亦無唔食咩。
刪除據講香港現時有四百幾萬人都中招,可能有很多原因漏報,所以都唔知實際感染數字,我都可能中過招好返都唔奇,若果有日真要做全民檢測可能會發現真正的數字,疫情搞咁耐來一次全民檢測我都贊成...
阿爺兄!!!!其實唔需要睇咩文獻都知天時熱冇咁易傷風感冒啦,通常夏季多人到戶外曬太陽,呼吸性的疾病都應該少一些,日照長有太陽的龐大殺菌功能~~
我暫時沒有打針,不過我又唔反對人哋打,若然日後要迫住打都冇辦法...你10月尾打第四針,可能日後要逐年打....
斷食雖想實行,但森伯唔係肥人,怕弄巧反拙......其實聽講大自然動物都唔會餐餐有得食,可能食一餐再等下餐就要等兩三日,都已經有斷食機制去適應~~不過人類社會,食物豐富才一日三餐,聽你咁講,我可能會決定...........戒下午茶開始!!!
我 sale 咩 森哥 都唔 buy。sale 屎 好難做,好彩自知無料入行做sale 屎,實揸兜。
刪除放假hea吓已經斷食咗都唔知啦!由8點食完晚餐到第二日放假瞓到日頭曬屎忽, 1點才食個 brunch,咁已經係斷食17個鐘,無論肥瘦人都試過啦!不但只無害,更是有益。唔食嘢等你身體內臟休息,夠長時間才消耗晒體內醣份,呢個時候神奇開關才打開,釋放自噬細胞,掃蕩癌細胞,滅絕發炎。
斷食已被證實能夠減少稱為單核球的促炎細胞釋出,因單核球引致發炎咪少咗。同時,也提升脂聯素,使胰島素敏感度增強,降低血糖,血糖高引致嘅發炎也隨之而無咗。
森哥咁喜歡質疑、唔信我,唔好只 challenge 我 (扮心淡),亦要 challenge 吓一日三餐對人體有害。合併早、午餐喺中午時一齊食晒。
對一爺sale的東西真係冇咩信心,可以慳下個荷包......哈哈
刪除你話全日斷食又冇太大可能,能餐與餐之間唔食太多都好應該,現在人的腸胃都不斷食食食,完全感覺唔健康,血糖就係咁升升升,尤其人年紀大飲食要注意下,否則老年時與針藥為伴就慘...你有先知先覺係好事,趁你現在還可以預先做下節制的準備,日後才知今天的斷食是沒有白做!!!!
以前常聽一日三餐,實在太飽足,有時自己都會食到好飽,減少餐數或食量都係有需要,相信人都會健康些吧~~
合併早、午、晚餐一齊食,應該會飽得滯,暫時減量為先吧!!!!!!
都係嗰句,今日病情漸漸減退,唔等於從此天下太平,當然我們不能長期繃緊地生活,有機會還是要放鬆一下,但一定要保持防疫戒備。
回覆刪除講得對,香港疫情稍有緩和,但都要小心,有可能隨時反彈……很多人在這段期間精神都繃緊,適當時候真的要好好放鬆……
刪除我還未中招,但今日唔知明日事,除了小心保重還要自求多福。
回覆刪除對呀,隨時都可能中招,冇話百分百免疫,總之小心為上!
刪除疫情跟本未離開過,唯有樣樣小心,哈哈﹗消費券我都洗得七七八八啦^_<
回覆刪除咁好,使得七七八八,森伯都未認真買過嘢!
刪除你呢個心態正確,疫情並未離開過,要自我警惕……
復工是幸福之事,如學生恢復面授那樣開心雀躍。
回覆刪除KM認為復工復課係開心事,你真係好員工,乖學生……不過可以返工返學證明生活已回復正常!😁
刪除這幾年由於疫情關係,困在家中的時間多左,真係悶到人都癲呀!
回覆刪除係呀,所以政府宣布一放寬防疫限制,個個都雞咁腳出街又飲又食又玩!
刪除