呢段時間真正感受到開始有點冷，早上的時候都唔太想起床，不過以香港氣候可能冷幾日又熱幾日，徘徊在冷與熱之間!!!
其實對於森伯來講，都無話換季不換季，現在四季的氣候不分明，所以無論什麼季節的衣服，都總有好幾件來遷就變化不定的氣溫，都已經冇在櫳底摷出來著這種經典的換季場口!!!
平時對慳得一毫得一毫，慳得一分得一分的森伯來講，換季都可能要添些新衣，視乎有沒有些著了幾個世紀的舊衣，可謂送舊迎新，至於N個世代前的青葱時代都會入一入連鎖式的服裝店睇睇，但發覺年紀越大，那類衣款就唔太適合自己，反而去些大眾化公司的服裝部較易找到森頭好...老人家總之老實款就OK，薯嘜得來又帶點官仔骨骨，老土得來又帶點懷舊氣息...
今年好想買件風褸質地的背心外套，但都幾難搵，本來相中的衫都幾合心水，但無端端灰色中又加條螢光粉藍的拉練...個look好唔得!!!可能遲下再留意過其他......
我對衣服的要求要舒服，添衣為保暖，但香港冷天日子不多，因此秋冬季衣服已經很少添加了！
回覆刪除認同，衣服著起來最緊要舒服自然，可是現時的冬天可能只係極凍幾日又回暖，所以近年來冬裝唔買太多~~~
刪除我唔係Steve Job 或 Mark Zuckerberg 著c同一套便服衫返工都有人讚，啲人講閒話話你寒酸，返工衫必要買多幾套替換。
回覆刪除Steve Job 或 Mark Zuckerberg著c同一套便服衫...可能係打造一個形象，有些名人有個特有的時裝風格較易被人記得~~
刪除都冇可能著c一件卦，每個人都有幾套返工衫!!!!
有衣物我會買同色同款，連鎖店內褲一包6條一隻色，同黑色保暖衣買6件有特價，所以，冬天你會見到我日日著黑色保暖衫，我唔係打造形象，唔使諗個look自定制服，都算 minimalism。
刪除人哋唔知你有咁多一色一樣的衫，只會認為你冇換衫，穿幾日都冇洗~~~~~你呢種minimalism...森伯自問學唔到!!!!!!
刪除以前冬裝都有件厚褸，但現在的冷天氣唔持久，著不同色款的風褸都已經OK，兼且可以畀自己有不同的配搭~~~~~
我咪同佢哋講：成功男人嘅衣著都係千篇一律，唔使花時間諗吓著咩，唔使花時間周圍走去揀衫，好似森哥呢次咁買唔到合適嘅、中空寶。
刪除森哥仲後生唔怕凍，我近年喺寒冷日子都戴帽同頸巾，仲要著兩條長褲，當然有厚褸啦！
成功的男人係人哋覺得，唔係自己講架嘛……
刪除我認為間中幫自己買衫都係樂趣，考自己眼光品味，著得好都係一種滿足……
冇買呢件但有買其他衫，冇相擺出嚟——
森伯燥底，行兩行就熱起來，如果左近有個類似一爺兄的人，畀佢激一激，分分鐘著件背心都得……哈哈哈
當然講某某顯赫名人好似 Apple 前 CEO 同Facebook CEO，我都係學佢哋咋！不過，熟悉我嘅人都知我好有個性、好破格，有啲事情唔會隨波俗流。
刪除森哥唔好揾我過橋，借啲意剝衫展露魔鬼身材喎！我唔會讓森哥奸計得逞，引導我出盡拾成功力激到森哥剝光豬，仲走埋去出浴降溫，來個濕身誘惑。 啋啋啋鬼過你， 聽咗都要洗耳！
我又冇一爺兄咁懂得模仿人家的CEO，森伯只識做番自己咋~~~~~
刪除有個性、好破格，有啲事情唔會隨波俗流..........唔係都唔會話你係外星生物喇，肯定與地球人不同....
你諗野好偏埋一邊...你睇得某類戲多，所以搞到日有所思，夜有所夢...時時都諗起當中的情節~~~XXD
啋啋啋鬼過你.........呢類說話好似out左少少，通常啲姨嬸輩才講~~~~~
係學習成功人仕可取嘅地方，森哥唔會學人哋架？咁唔使返學同睇書學人哋啦！天生聰慧、異于常人。
刪除咁我要搞個外星人品牌，呢個名好易記，暫時未諗到賣咩！
記得拾幾年前報紙上睇到一個國際調查報告，話男人每隔3秒就諗鹹嘢！我都係正常男人啫！咁森哥係異于常人嘛！唔好完全用自己角度去睇我啦！
哈哈！叫我搞大嬸。不過，我都係想做大爺多啲，我要注意一啲女性化言語。
都冇咩邊位仁兄想學，做番自己啦!!!醒目仔就話學人，薯嘜就不如做自己---森伯就是!!!!!
刪除外星人跟時尚東西有關，買啲新潮野可以用外星人做品牌和logo~~~
通常咩專家話或者咩調查報告，有很多都係呃飯食......哈哈哈
冇咩所謂女唔女性化言詞，古老錫山的森伯聽得明就得啦，有時我都不知不覺寫錯語氣，不過在送出前會check真啲錯字同語氣，發覺有問題就執一執~~~~~
我唔會將自身嘅價值觀壓喺森哥身上，隨着每個人成長過程嘅經歷，自然而然形成適合自己嘅一套價值觀念，我知勉強冇幸福。好似由幾族有錢白人控制嘅美國，美化佢嘅民主制度係全宇宙最正嘅，強迫別國學美式民主，結果呢伊朗、阿富汗(耗費咗仟億美元、長達廿年)都失敗告終。白人骨子裏想自己白種人永遠稱王稱霸，其他係黑奴。另外，從食方面諗亦即係奧米加3油對我有益，對森哥係有毒都係同一樣道理。
刪除學習令人醒目，知識改變人生，我唔理會森哥點睇低我學人哋，我喜歡就夠，好在我心靈強大，我唔懼怕森哥語言傷害、貶低我哋好學精神。
唔知外星人logo唔抄ET森可會創作成點呢？大眼冇鼻冇耳鷹嘴凸肚纖臂長腿綠人。
咁就最好，最怕就係將自己一套價值用在別人身上...每個國家都有自己的制度，當然有好有唔好的地方，就看你怎樣去看待~~~我們只是小蟻民，總之生活安好太平就算，有些國家以民主人權之義去破壞別的國家，近來都聽唔少，相信好與壞大家都心想有數~~
刪除對呀，就算同一樣東西，可能對某人是好的，亦可能對某某人是不適合的...你唔好又抹黑森伯，冇貶低你，你好學始終得益是你自己，森伯就對自己有用才學，其他事情都懶理~~
用Q版外星人就可以，眼大大肚dump大大，最低限度都要同大眾想像中的模樣差唔多，否則冇乜共鳴~~~~
我一向冬夏衣不太分明，以前要返工，恤衫無論冬夏都一定係長袖，冬天就加件老西在外，再凍就加件冷背心在裡面。現在冇返工，幾年都唔使買一次新衣。
回覆刪除係呀，一般人好多時要買新衣都是為了上班，尤其是近幾年的四季氣溫都唔太分明，簡單的配搭便可以了，我著件厚的長袖衣加件風褸就已經OK，唔覺太冷!穿衣越簡單越好~~
刪除嗰件衫嘅顏色真係好唔得。
回覆刪除灰色都冇問題，但條拉鏈色就相當之...礙眼~~
刪除返工衣服是視乎場合，做文職時天天手袋半踭鞋一條合適的連身裙。
回覆刪除多年後赴運動場工作，改穿便服運動鞋，不明有些人還要穿裙挽手袋來開工，很異樣。
對呀!!穿衣都要看場合，若果工作要常見客，都要穿得端莊些，做銀行工作的職員都著得十分斯文~~
刪除本身工作對穿衣都沒有特定的要求，所以一路以來都是穿著簡單的服裝便可以，自己主要是老實懷舊款就得嘞!!!!哈哈
'薯嘜得來又帶點官仔骨骨，老土得來又帶點懷舊氣息...、嘩，真係有D難度，嘻..
回覆刪除呢種style只有森伯才著得起，你man man唔好學，高貴得體的穿衣風格較適合你吧~~~~
刪除疫情期間，都沒有機會到日本添置衣服……😭
回覆刪除好耐冇見你，生活安好嗎??
刪除唔緊要啦，疫情過後去買番夠本!!!!
我哋咁嘅年紀，穿著已不講究，夏天清爽、冬天溫暖舒適，目的已達。十年來，我捐咗七八套舊西裝，而家去飲都係飛機裇一度。
回覆刪除對呀，年紀大衣著都唔需要太過講究，總之大方得體就可以了，我都只係買些衫換季，而且不是年年都會買來換季，細細的衣櫃都唔多有位置......
刪除