自11月開始，如要進入政府機構或部門，就要掃描安心出行，據講假若當時有人患新冠，都可以追蹤與患者接觸過的人群...呢個措施有人認為好擾民，而且有部份人未必有智能手機，被迫又要買一部手機為求方便出入...
其實對於森伯來講都OK，大家都知森伯平時森居揀出(正確寫法：深居簡出)唔會處處都去，就算要用到的機會都少，尤其政府部門，之不過自有安心出行以來，多間食肆都見有響應，很多門前都貼有安心出行二維碼，但記得早前去某間大型的連鎖食肆食晏，乜都唔需要，又冇強迫掃安心出行，又某填紙仔，好鬼free...但實施後就唔得!!相信對部份稍為年長人士來講，都會幾擔心，可能都有些之前未接觸過智能手機的，忽然諗起森伯伯之前都一樣，他們要重新學過點用智能機...
有日經過食店門前見大排長龍，都無謂同人爭凳仔，我都既然裝左個出行Apps，手痕痕都想試下點用，掃一掃真係好簡單...大吉利是講句當日若有食客中左招，我只係躝過門口，掃過個code，前後不到半分鐘就按離開，咁都可能要強制檢測同隔離......真係好唔抵~~一時手痕的代價~~哈哈哈
我媽媽用長者手機有安心出行，但要按好多個制，太煩啦媽媽吾識用，唯有將智能舊手機裝個安心出行比佢用，慢慢日日用佢都識得少少，不過老人家無記性，只掃入無出，有時要人幫吓佢，好多食市街市都有人幫老人家架﹗一掃好方便﹗
回覆刪除始終要按太多制對長者來講都係煩了點，不過慢慢都會習慣，可能習慣了後又會覺得唔難，最大問題可能是政府轄下的街市要掃安心，相信呢樣是長者們常到的地方~~
刪除暫時都係政府機構等場所，食肆等......一般都唔需要常常去，對我暫時都冇咩太大不便...
我部甩皮甩骨傷殘舊華為手機都掃唔到二維碼，因為鏡頭唔係好掂。幸好政府派錢，及時雨畀我買咗部新小米，原來，就算冇電話卡、冇Wi-Fi都掃到，正好近期要出席百日宴，不過，唔熟新機，我呢個阿伯，企喺門囗揾咗一陣至揾番個 APP，畀個企堂眼啤啤。
回覆刪除去之前當然要試吓啦！我都喺就近街市試，發現係假code，咪揾大間嘅麥記試囉，又得咗喎！暫時得二個記錄。
生不入官門，我真係絕少去，影響不大。
咁講法你部華為機都有番咁上下歷史...咁消費券真係你的及時雨，我部稱為老爺級的HTC起碼都仲掃到二維碼，所以都有幾多人尊登買部二手機去掃安心，聽講冇電話卡，唔駛上網都可以掃，森伯對科技野真係一竅不通，一爺兄梗係裝太多無謂APP，要摷都有排摷~~~我都唔會裝太多APPS，有啲裝咗後中伏都冇咩作用，就即delete...
刪除而家對大眾來講都算初初階段，啲人都唔會眼睥睥，生不入官門，好似誇張左，但去食肆或政府機構做事，都會掃一掃暫時都未覺得太不便~~
永遠落後嘅森哥都係近年才轉用智能手機，唔好五十步笑百步，不過，我都係新手機才可以用到安心上路。
刪除因為同屋企人掛住傾偈，我離開百日宴時都冇按制，番到屋企時才記得，個APP已自動幫我離開，寫入行程記錄，程式設計有諗得很貼心喎！
試問一個咸豐年代的森伯伯，又點跟到時代的步伐呢?!!!証明你係時候要換手機，如果唔係部老爺機HTC電池唔夠，我都會繼續用，唔想搞太多......
刪除通常一個新應用程式都要用時間慢慢摸熟，不過安心都係要用就用，未必做到成日掃...
咸豐年代古物好值錢喎！森哥唔好炫耀，咁張揚，咁我 ：祝君出入平安。
刪除用開舊機好順手，我知道人同物都有個限期，雖然已介風燭殘年，部機好多病痛， 想等佢喺塵世間有意義地活多一會，好似講緊自己咁，將會被拋棄呢一刻，時日到就轉機啦！
都清零好耐，係時候行下一步要同內地通關。好似啲人去某處打卡咁，呢個APP操作簡易，如有需要我都會配合。
森伯人就唔係咸豐，思維係啫……所以都唔值錢……
刪除正所謂舊的不去，新的不來，我的舊機只要唔阻地方，我都會保存佢……只怪森伯實在太長情～～
疫情政策時時都在變，都唔理得咁多……總之做好個人防疫措施就OK啦～～
森伯個腦值錢。
刪除呢排我逐啲逐啲大掃除，掉走好多袋雜物，好佩服啲人斷舍離，得番超少嘢嘅簡約生活，我暫時做唔到。
每個人個腦都係得一個，個個都珍貴值錢架啦!!!
刪除其實有時我都好想減少些雜物，唔想搞到似拾荒屋，但有時東西都好有記念價值，所以都儘量少買無無謂謂的用品，差唔多要添一件就掉一件騰出空間~~~
我想拋下過去執念，拿回人生主導權。丟吧！成為更好的自己。
刪除面前囤積症的長輩，我會關注森哥心理因素，越是上了年紀的人， 擁有的物品越多， 對物品的依戀越深。 對年輕人未來獲得新東西的機會會好多， 也可能對其他東西感興趣丟掉手上的一些東西也不會有太大打擊，可是，對有了一定年紀嘅人，這過去的回憶和榮耀，係支撐自己活下去的重要憑據。丟掉舊物，等於跟過去閃閃發光的自己說再見，那是很痛苦的事，我怕丟咗森哥生存支撐，會走得好快，梗係唔理你啦！
冇咩執念唔掉得低，除非是信念啫!!!!!
刪除森伯冇囤積癮，森伯家陣幾廿歲人屋企越寬敞越好，陣間被阻礙物絆倒就好長手尾，一爺啲後生小伙子唔知架嘞...哈哈哈
唔會喇，森伯留念的東西通常都係比較小型物品，太大件會阻地方~~~唔係森伯懶長情，事實有些東西丟掉就買唔返，同埋如果有都無謂再買~~~
你講得好啱，有些物品的存在是可以鼓勵自己，畀到自己正面的做人態度，所以跟森伯一世架啦!!!!基本上識森伯的人都唔敢隨便丟森伯啲寶貝物件~~~~~~
與上一代舊照片承載住好多回憶，人已經走咗係影唔翻，查實如果唔係執屋咁耐我都冇翻閱過，係零價值，佢霸佔咗我吋金尺土，都諗住電子化保存，確實出手丟棄好難。
刪除舊物：小學畢業嘅紀念冊我早就丟咗，森哥呢？
世界另一端真係要『安心出行』。白俄羅斯放一千多個中東難民喺歐盟國邊境去羞辱重視人權嘅假民主西方，立陶宛、波蘭立刻設軍阻擋手無吋鐵嘅難民，仲話要建設圍牆，虛偽德國曾經反對美國咁做唔人道，火唔燒到自己唔會肉痛，今次都同意盟國咁做。制造中東難民始作俑者都係美國，為咗私利帶領契弟歐盟搗亂他國，搞完個爛攤子又唔理，拍拍蘿皮就走。西方扮好人係得把口講人哋有幾差，要做就耍手擰頭，好鬼虛偽。
相片係最珍貴的回憶唔會丟，有時候絕對會睇返，唔知點解唔鍾意電子化存相，因為檔案好易冇，每隔一些時候就會儲齊要曬的相片檔攞去曬，鍾意有實物渣手!!!!!!
刪除在我回憶裡，都好似冇咩紀念冊的回憶...
一爺真係關心時事，呢單國際新聞照聽但都冇點理，除非辣到香港的事，世界好多地方都好亂，人心唔安穩，出到外國就寄人籬下，其實都冇想像中咁自在~~~一爺兄有冇諗過移居外地呢?!!西方打呢個人權與自由的牌都唔知用過幾多次，橋唔怕舊，最緊要有人受!!!!!!
乜到你個年代唔興紀念冊哪！
刪除本精美冊有4R相薄咁大，內頁用幾種粉色空白彩紙，厚膠封面好似70年代超人筆盒，頂層透明膠好厚，公仔圖案可以立體或有層次。表面寫留言同貼相片，背面寫聯絡地址同電話。
金句有：萬長城長又長，你我友誼比它長。 一寸光陰一寸金，寸金難買寸光陰。但願我倆友誼比長江更長。 青春常駐。 友誼永固。
香港最適合我，唔會走。中國正超越美國成為全球第一嘅超級大國，會更開放、穩定、繁榮、合情合理。
美國要拉攏人和議做戲，但係，愈來愈小呢！都係勢利嘅， 選邊站都靠向未來世界第一嘅中國啦！
應該有紀念冊賣卦，不過冇印象有叫同學寫過呢本嘢...
刪除得喇!!得喇!!唔需要咁詳盡形容記念冊，我知係乜，其實就算當時寫咗聯絡電話等，現在都未必會聯絡番班同學仔...更何況寫咁多長又長，又寸光陰又友誼永固等，都係好行貨...有些事要過去都要過去喇~~~~
你講起中國正超越美國...有日忽然諗起其實儘管中國的科技如何進步也好，還有其他多方面需要繼續去趕上，講到人文藝術的領域，創作藝術的自由度，社會的多元文化等等，都仲爭美國一大截...作為一個大國都要兼顧好多層面的進步，正如你講得好好，希望大陸真的會更開放、穩定、繁榮、合情合理!!!!
清代後，成個中國打散晒，重新黎過，行過一條全新路，短短幾拾年有咁嘅成績嚇怕全世界，好多落後國家都借鏡中國經濟發展模式。
刪除中國古代人文藝術、創作藝術自由度、社會多元文化都好高，中國要站起來、富起來、強起來，才有金錢閒情講呢啲，發展有先後次序。
其實中國已經有很悠久的歷史，仲記得初中西史書介紹過的四大文明古國其中之一，後來多個文明古國隨著時代改變已經漸漸失去古時的色彩...
刪除不過到現在中國的漸漸強大，又可以回復當年勇!!
我之前都有講過，的確還有很多需要去迎合時代的改變，但需要等待!!
我都係長者，我ok冇問題！
回覆刪除其實平時用開智能機，對掃安心都唔係問題......
刪除今天看到這個標題，心裡暗覺好好笑。雖然有些學者說：「今日的懶音，在多年之後會約家俗成，習以為常成為正音。」雖然話是這麼說，但是現在總覺得很梗耳 !
回覆刪除目前說懶音的大多是年青人，不知道為什麼 ? 他們的老師和家長都沒有糾正他們，就讓這些年青人習以為常，口齒不清。
康趕=香港； 趕話=講話； 《恆生銀行》變成=痕身un寒； 過去=個去...搞到現在有些人也是“過、個”不分。
更難聽的是：「廣州」被說成是「港州」!
刪除更正：是“約定俗成”。家字是手誤。
刪除咬字對廣東話來講好重要，不能口快快就讀錯音，考主持或配音員都看重每個字的發音正唔正...可能本身冇秋葉咁嚴謹，聽得明就算，有時自己都冇特別留意每個字的讀音正唔正，可能不知不覺懶音百出，現今社會都不要說新一代，甚至連他們的父母輩，老師輩咬字讀音都未必標準，相信秋葉必定會糾正好自己後輩的發音問題，做到字正腔圓，讀書說話就唔會失禮...
刪除這個廣字最容易讀音犯錯，其實呢個字肯用心留意下唔會讀錯!!
有時手快快就會容易打錯字!!!
有學者說：今日的懶音，可能就是以後的通用語言，不足為怪。
刪除不過，現在明知是錯的，為什麼要縱容？而不去糾正？
早幾年前，我曾經在鄉事會社區提議測試本區子弟學童的粵語口音問題，就在一次嘉年華會上擺攤，製訂了各種不同年齡的測試牌。結果當然有些參差。
很高興知道本區有些教師很重視學生的粵音正確，及有一位年青的家長，她很重視兩名小女兒的粵音，小女孩的發音真是十分標準！比很多大哥哥、大姐姐更正確！
原來她的媽媽時常讀報紙給女兒聽，刻意培養，不容墮下懶音的網中去。
我都用咗安心出“痕”好耐了。在我常去的食店並不守門督促的時候，我也自動自覺去掃了。
刪除呢位學者真係歪理成真理...哈哈，我都如你的想法相同，讀錯音都可以縱容?!!咁永遠都會讀錯下去...
刪除基本上身為家長，老師都要有少許責任，其實都未必易做到，可能有很多青少年人的家長都係新移民，要發音正確都冇咁易，聽及講得明白已經好好...
秋葉都已經很用心，堅持要把正字正音帶到社區的新一代...老實講時下很多家長都有份工作，放工後可以監督子女功課已經很盡力，邊會仲顧及他們粵語正音~~訓練子女讀音真係要有方法及恆心......
秋葉真係好市民配合政府，是因最近要強制市民用安心，所以下載過來試試，見到很多食肆都要掃，其他場所未見全面配合...
刪除我當然是個好市民啦，冇車過的時候，我也不會衝紅燈，尤其是有小孩子在場，更加要做個好榜樣 ! 只是在太趕時間的時候，人行我就行了。當然在通衢大道上，會有閉路電視影住，或者有執法者睇住gar ! 咪亂嚟呀。
刪除你講開紅燈照行照衝...其實呢種情況最危險，有時轉彎位係盲點，司機看不到就急轉過去，萬一碰撞倒就好唔著數，保險都唔會陪，以為可以貪一時之快，其實就最愚蠢~~
刪除係啦，尤其現在閉路電視，車CAM等度度都有，冇得偷雞~~~~
我見到有些人明知紅燈，卻不肯等候走出去，誰知忽然轉角處有車駛來，我們正在等候的人群，見到那人很狼狽 !
刪除舍下附近是直路，有時紅燈亮著很久，遠處都沒有車輛的影子，有人忍耐不住行出去了，我趕時間才跟著行了，否則，也不會行。這樣不算人車爭路。
如果在鬧市，千祈咪衝燈 !
以為自己可以衝得過，萬一被車撞倒真係後悔都來不及~~這種人不會時時都好好彩!!!!避不過就大劑~~~~
刪除有人話直路仲危險，因為司機見直路就會放鬆加快行駛，一不小心就好易撞倒人，反而彎路要停一停就會提起司機的警覺心!!!
我哋呢d窮鄉僻壤，直路一眼望晒，有時好遠都不見有車駛嚟，一班守法的人還在站等，而紅燈又太長時間，於是有人不想做傻瓜守法，終於行出去了。
刪除秋葉謙啫，通常住半山地區先一條直路，唔係上就落...
刪除香港咁多人，始終有些人搏僥倖心態，可以唔守法快步衝過去或跑過去，人家的行為也管不著，做好自己最重要!!
如果明知冇車，認為情況安全，都可以先過馬路...
上山都有轉灣的時候，好像舍區在海角的地方，地方多而車輛較少，直路上當然亦有盡頭轉角位，只不過盡頭太遠根本看不到，只看到有沒有車。
刪除當根本很久都不見一輛車的時候，但是紅燈很久都不轉綠，等過的人就是空等，就像個傻瓜 ! 守法就是這樣，有些人就會當你是傻瓜。
當初這裡未曾設置交通燈的時候，大家都會有車就停，冇車就過，很自然安全的。豈料竟然設立了兩處交通燈，冇車都要等綠燈才能過，真是費時失事 !
近海的地方通常唔多居民，路都比較寬敞，盡頭太遠看不到彎位或有冇車，正正遠處的盲點，不過見到有車出現在視線內，都應該避得及!!!
刪除相信秋葉都係個守法的巿民，我應該唔會紅燈就衝過，萬一有個開快車的司機真係直飊過去...就算畀人認為傻瓜都係咁講!!!
你講這種就是人性弱點，當冇交通燈時大家都有所警覺，到有交通燈的時候就諗住司機會睇住行人，變得懶理想過就過...呢啲先真正傻瓜~~~~~
自從推出"安心出行"我就立即安裝，日日都有用，只是按兩個掣好方便，毫無問題，看來我都算係個smart長者啩！.....不過，我經常忘記離開，幸好，四個小時後系統會自動離開。:p
回覆刪除Peace兄真係好市民...安心推出咁耐，早前我先有機會試用吓，但都未正式用到~~~Peace兄謙啫，知道要用，懂用已經好smart!!!!
刪除這個安心程式都有另一個作用，就係訓練一下自己的記性，每次都要按離開，才完成記錄...
我只係諗到要開班教長者用smart phone。
回覆刪除仲等開得班嚟蚊仔都訓晒覺...哈哈
刪除港府已經有派人到多處場所的安心碼附近教唔識的人士用~~~~
睇森伯的blog係我係公司偸懶時的其中的一個活動
回覆刪除舊BLOG友...?!相信森伯都會認識你~~你唔介意開名嗎!!
刪除多謝你對森blog支持，最近都好懶hea寫網誌，但經你一番話我會有動力繼續寫...
老實講我已老到唔記得個YAHOO BLOG 年代時的 BLOG 名, 但係係同'愚'同期:)
刪除若果同"阿愚"同期的，唔會記得太多個blog友，你咁講即時腦海出現YKK兄......唔知有冇猜錯??!!我都好懷念每一個陪伴過森blog的blog友!!!!!!
刪除SORRY I AM NOT "矮子站在山巔仍是矮子，巨人站在井底仍是巨人" 的 YKK 呵!我係無名小卒的老婆婆吧了!
刪除睇嚟你真係好記得KK兄的金句，有啲Blog友的印象都好深。如果你唔係KK兄，咁就真係估唔到，你願意開估嗎？！
刪除有時間就多點來幫森blog打打氣！！