一向有睇開森伯網誌都知老人家喜好椰子食品，所以很多有椰子味的食品都喜歡，其實椰子都幾多樣化，無論甜鹹都好有獨特香味...現在超市都有隻椰醬推出，差唔多已有兩三年，試過一次都偏甜，用來搽餅乾麵包或做甜點用的...而市面上的抹醬其實都幾唔健康，多糖就一定，莫講其他人工添加成份~~
所以家下的起森肝，試下自己做個醬用來搽麵包都唔錯，材料相當簡單，紙包椰漿、少許紅糖、椰絲、麥餅就可以，但要開火煮一煮...
自己食過後都直竪姆指，自家製作起碼少許甜，做完後放雪櫃，三、四日內食完!!唔好話森伯自吹自擂，自己認為幾得架!!!!
我都喜歡椰子食品，好介紹！
回覆刪除原來都有幾多人鍾意椰子味道，簡單易整試下……
刪除椰子的味道都幾好，我都很喜歡 !
回覆刪除椰漿好易買而且份量多少隨意，煮餸整小食都可以……
刪除昨天買了紙包椰漿、麥餅，預備試做這款椰醬。
刪除其實做法好簡單，如果整得好食，記得話畀森伯知!!!!
刪除還未整，因為要找一個空置的玻璃瓶，要等那瓶子裡的醬料用完，才可以讓椰醬有藏身之處。
刪除所以我有時都會把些合用的醬料樽洗乾淨收起，有需要時可以拿來用，但原先裝醬料的玻璃樽要徹底洗淨，免得留有醬料味~~~~
刪除謝謝指示 ! 這個當然啦，玻璃樽要用清水洗乾淨，還要用熱水沖洗過，才可以裝熟的食料。否則要把醬料蒸過，才可以食用。
刪除不用客氣...你都知道就好了，聽做過果醬的人都好嚴謹，放樽前都要把玻璃樽熱水燙過消毒，這樣才能保存新鮮的果醬，我洗乾淨就算...
刪除做多少少工夫是好的。清水是生水，點清都可能有細菌，用些熱水沖洗過，好似安心d嘅。
刪除聽d老人家講，千祈唔好放食用的筷子落去嗰樽腐乳度，(因為筷子不是常常消毒) 筷子可能沾附了口水，這些口水會使樽內的腐乳生蟲的 !
又聽說舊時鄉村婦女是在家生bb的,可千萬不能用剪刀斷臍帶，要打破一個新的瓷碗來斷臍，因為新的缺口是沒有細菌。
我諗可能有些人做的果醬多了，要食完都有一段時間，所以要做好消毒步驟，但我做的只是吃幾日，唔需要太個複雜吧~~
刪除對呀，每有放醃製食物的樽內，都不能常常去撩撩攪攪，好易變壞變味，所以拿出來食都要講衛生乾淨!!
你唔講唔知，有時睇戲都有講，打爛隻碗再割臍帶，原來有這個意思......
好有東南亞風味！
回覆刪除Big Boss 森哥設計埋個樽趁年宵頭炮推出市場。
你講起東南亞風味，我諗超巿有隻蛋椰醬……好甜……
刪除好多人都識整，唔駛買！
冇防腐劑嘅食用期咁短好難賣。
刪除講開年宵同椰子醬，黎緊農曆新年喺二月一日，近年尾有人會趁未加價、迫人、搶貨前提早辨年貨，諗起新年靚靚枱布上用紅膠碟裝著嘅發達糖、大白兔糖、黐糖紙搣唔甩嘅瑞士糖、咖啡糖同香港品牌甄沾記椰子糖(哈哈！留言植入式廣告)，充滿開心嘅回憶，都係平價糖，以前啲細路好易滿足，依家啲細路好矜貴，唔知食咩糖？森哥有冇食過呢隻椰子糖？冇防腐劑嘅食用期咁短好難賣。
講開年宵同椰子醬，黎緊農曆新年喺二月一日，近年尾有人會趁未加價、迫人、搶貨前提早辨年貨，諗起新年靚靚枱布上用紅膠碟裝著嘅發達糖、大白兔糖、黐糖紙搣唔甩嘅瑞士糖、咖啡糖同香港品牌甄沾記椰子糖(哈哈！留言植入式廣告)，充滿開心嘅回憶，都係平價糖，以前啲細路好易滿足，依家啲細路好矜貴，唔知食咩糖？森哥有冇食過呢隻椰子糖？
近呢幾個年頭的農曆年都少見人要辦年貨，好多人都寧願出街食飯做節，不過自從有限聚令就變左在家中團年...其實你提起的賀年糖果，好多都仲有得賣，你漏了講利是糖，細個覺得好似一封封小利是，你講的甄沾記椰子糖見過仲有，但冇買就冇留意牌子是否出自甄沾記...
刪除以前的小朋友開心過年可以食下糖，但現在小朋友父母都唔會畀食太多糖，怕食壞身體~~
森伯當然有食過你講的椰子糖，但真係麻麻地...實在太過甜~~
防腐劑的出現，都可能用來遷就消費食品的期限...........
電腦壞咗留言好事發成雙。
刪除依家日本流行嘅極簡主義，其實我嘅父母年代係行梗，因為戰後好鬼窮，仲要無乜好嘅避孕方法，加上重男輕女同傳統百子千孫觀念，咪生成竇仔女， 仲唔窮到燶， 唔使送畀人，勉強生存到已經好好， 個個都瘦猛猛， 肥人先有福份、夠體面， 大部分時間冇啖好食係正常， 一到過年過節先至食餐勁，仲唔開心到彈起，記憶最深刻，正常+開心 拉勻係開心。依家剛剛相反，全年豐衣足食係應得，過節限制唔畀食太多，正常+限食令 拉勻係唔開心。想一想…………過得開心係要饑餓與飽足交替共存，必要高低落差，斷食法係二日地獄五日天堂，唔怪得我感覺比以前開心咗。
記憶中冇食過利是糖，可能屋企同阿姨唔興呢隻糖。(唯一喺香港嘅親戚)
你部電腦又壞得幾得意!!
刪除以前年代的人大多數都係極簡主義，物質冇咁豐富，只有現代人富裕了，才乜都買...
人到有什麼喜慶才會吃一大餐，所以以前的人對節日特別高興，大魚大肉，現代人每日都可以~~
森伯最多食少D，暫時都唔會斷食住!!!平時食到七成飽，儘量揀些優質而簡單的食材，健唔健康都係盡下人事咋!!!!!
香港唯一親戚?!!你細個在國內住?!!
係網絡壞。
刪除阿爸係大陸人，九代單傳有八個家姐，打杖同屋企人失散咗，同双親走日本仔時係餓c病c，拾𡃁歲自生自滅，跟人揾食走難到香港。跟著大陸封關，後來開放少少，才揾翻兩個喺廣州嘅家姐。
阿媽係新界農民，出咗黎九龍，得個阿妹跟住佢喺城市過活。有個阿妹喺七十年代移民去荷蘭。
以前新界係山旮旯咁鬼遠，舊時交通唔完善，疏落班次巴士冇夜班車。佢有個親戚喺村擺喜酒(係食盤菜)，都要住一晚第二日出翻九龍。
除咗地理因素，現金流都係問題。親疏有別，就算規矩唔會全村拜年，人數都唔少，派利是、成家搭車、禮物都支出好大，窮個鬼邊有咁多，聽講我屋企以前係收番仔女啲利是錢，才夠現金周轉，後來，手頭鬆動啲，利是才唔使收歸國有。
阿媽仲有幾個姑姐同個後母喺九龍，都好少聯絡。
雖然我呢一代係喺香港出世，因此，只剩一個親戚會拜年。我係咪將我私隱身世交代得好清楚呢！因為你係唔了解上一代發生咩，有必要同森哥講古，夠古未呀？
七分飽食健康法，我係識講唔識做，森哥呢方面能力好勁，寫個『服』字畀你。
你的身世之謎都講得很清楚...完全收貨!!!忽然感覺森伯真係好似你失散N咁多年的兄弟.......但以前又聽你講過曾經被養父母收養?!!而家又有幾個親戚?!!又係孟德拉效應?!!...哈哈哈
刪除其實好欣賞上一代的人，日日為生活，為屋企人打拼，工作就算幾辛苦都無怨言，可以話係環境迫出來的生活，但見家人食得好著得暖又是一種安慰~~
以前太細個當然父母代收利是，但之後就靠利是錢去買些東西，森伯細個都冇零用錢，所以每逢生日，時節的利是都係主要的經濟來源~~~~~
其實現今的新一代人都好少去做些應節習俗，拜年都少了免得麻煩人家~~~通常上一代的親戚，基本上都好少聯絡，忽然間親戚的關係都好疏離，無奈!!!!!
現在無論生活如何，都活好每一天便是了!!!!!
七分飽都係一時時啦，有時食得過飽，就做少少有郁動的運動，幫助下消化~~~~~~~~~~
一人有一個故事，自己用心用力編織好，成功造夢。
刪除講開『七』， 突發奇想 ，諗起202222222222222 呢個神秘密碼？玩Do姐有問題，森哥估吓佢有咩特殊意義呢？佢會圍繞住每個人咁發生，有人會捉實佢好好咁利用。
造夢成功有乜用，要成真才好!!!!
刪除202222222222222 呢個神秘密碼......仲以為你話同中六合彩有關?!!同年份，時辰等有關?!!真係估唔到~~
一爺知道箇中秘密，一定會好好利用達至成功啦!!!!
森哥咁鬼醒，畀你估到，我好妒忌。
刪除1955、1966、1977、1988、1999、2011都有人一早安排喺難得一遇、好易記得嘅叠數字為某某紀念日如表白、求婚、訂婚、結婚、動土、計劃開始、入伙、政變……。2022年2月22日22時22分22秒仲撞正舊歷正月22日，啱啱發覺我漏咗果日仲係星期2。
無論中文或英文，一個字會有多過一個義意，所以文言文、四字詞要深入考究。例如抱薪救火，個薪字係柴唔係薪水。夢即係夢想。不過，我發現咗森哥直腸直肚呢個爽直性格，唔怪得咁得人鍾意啦！
唔係我醒，係呢類密碼數字來來去去都係差唔多，生日數字，出生年份，幾個數字相同的日子，例如最近購網的雙11...等等
刪除你講果堆年份我都冇份，較接近係2011.......XXD，家陣既人個腦好唔得閒，仲邊會記住22日22時22秒，如果真係跟住做的人都幾得閒噃!!!
守株待兔都可以話係一個夢想，想有朝一日有另一隻兔撞過來，結果都係一場空咋!!!!
有時太過直腸直肚反而惹人討厭，所以適當時候做適當事，適當時候講適當說話........
椰子味醬偏甜，但自家制就可控制到甜度，
回覆刪除係呀，少少甜味就能帶出椰香味，自己整份量的多少可以自己調配！
刪除我買嘅椰子味搽麵包醬好鬼C甜。
回覆刪除係呀，外邊買的椰子抹醬特別甜，有隻蛋椰醬主要用砂糖整……
刪除我都喜歡椰子食品，少甜的確好介紹！
回覆刪除如果鍾意椰子味食品，不妨自己試下整，唔落糖都整到～～
刪除椰子係幾香，但我無用過椰醬搽麵包呀!🤪
回覆刪除有機會試下整，可能你慢慢喜歡用椰子醬來搽麵包~~~
刪除