近排部份港人的搶購行為,真係「柒」出國際,特顯港人蛇龜的一面,但疫情傳到別的國家都一樣有人去搶購貨品,正所謂患難當前,人的本性都可能是一樣……
森伯上周要去超市買東西,順便睇睇是否真的冇米賣,結果正如自己所料,都不知幾多米賣,我懷疑就近呢間超市根本冇斷過貨,但眼見都冇咩人去睇去買,可能班人之前買落的米仲囤積在家中,仲有排食!
其實森伯最主要來買穀類,今次森伯都係要糴米,係糴小米,因為本身五穀都食得七七八八,唯有買包小米頂住先啦!!
聽講我們常食的米稱之為大米,當大米磨去糠皮後,白米就變為精製了,屬於酸性食物,而小米就是鹼性食物,常吃會令身體常常處於鹼性狀態,就冇咁容易病,所以多吃也無妨~~
今趟呢個帶飯餐就係咖哩薯仔雞肉飯,呢個飯小米淪為配角,而主角當然係咖哩,而佢包粉的包裝都印明「印度咖哩」,食住個勢!呢個時候幾適合多食,唔講咁多,嘆完個所謂印度咖哩飯之後又開工……
愛椰漿超多汁咖哩飯,加汁、加飯。
回覆刪除真係好好好多謝一爺晨咁早嚟捧場~~~我設定錯了時間,本應係下午三時出Blog...
刪除如果加椰漿就會一pat pat,返到公司會好難食~~~~
薑黃抗關節炎,誓要日日食做咖喱人,冇痛一身鬆,笑呵呵!
刪除你就可以做個開心咖哩人,黃色咖哩含有薑黃成份,我不能吃過多薑蒜食材……
刪除點解我十之八九推薦畀森哥都唔食得架!存活好難,森哥非常堅毅不屈同擁有勁多正向能量,令人敬佩。
刪除哈哈…咁啱啫~食物都有啱食唔啱食,而森伯放得上博介紹,一般人都食咗冇咩大影響……
刪除最弊有幾多正能量都好,畀一爺兄講到森伯為人差晒…
唔抵得森哥咁純潔白淨,妒忌到學美國佬抹黑人家,我奉行天理定律,不招人妒是庸才,大量森哥唔會嬲我。
刪除多謝一爺兄讚森老伯純潔白淨……有時都可以有幾日冇洗白白~~~哈哈哈
刪除老屈等同抹黑,但森伯唔會老屈一爺,係有咁上下緣因先會講!!哈哈哈哈
累積體香為享受😁
刪除森哥行得正企得行,好難有位屈得入。
咁一爺真係可以…化悲憤為力量,化干戈為玉帛~~~唔好都變為好!!!!
刪除行得正企得行,好難有位屈得入…………………首先向一爺兄致歉,畀森Blog誤導咗,通常行得正企得正先響Blog裡講,平時行唔正企唔正的又唔會寫出嚟啦…
我真係冇擔心冇米買,只是擔心自己冇錢咋!
回覆刪除有時真係唔需要太過擔心,知道種種情況仲有米糧供應就冇問題……
刪除我唔係日日食飯。冇米唔係問題.
回覆刪除作最後打算,如果真的冇米賣就食其他代替~~
刪除小米係咪同大米-齊落飯煲煮就ok?
回覆刪除只要把洗好的大米及小米一同放在電飯煲內煮便可…
刪除間中我也有買燕麥飯
刪除搵日有時間可以介紹下...
刪除都係同飯一齊煮好方便^^
刪除呢度都幾多博友有食麥皮的習慣……
刪除初時我去超市真係見個貨架上無米,一有米推出來就好多人去搶,價錢又提升了不少。
回覆刪除可能自己耐不耐先行去賣米那邊,所以都冇留意是否一度被人搶購一空…不過在這刻都發覺米價高了!!
刪除等我都試下小米同大米一齊煮飯至得。
回覆刪除有機會你不妨試試,加了小米的白飯會煮得靚靚~~~
刪除一向我都很喜歡吃大米飯,小米比較粗糙,不大喜歡。我寧可另外吃麥皮了。
回覆刪除森少咁講究飲食養生,真難得! 忽然覺得你若不是獨子的話,也可能是長子,身嬌玉貴,是家中的金叵囉。不知我可有猜錯呢 ?
小米可能沒你講的粗糙,在眾多的穀物中,小米算易入口,若然有人唔舒服,可煲些小米粥,可以幫助消化吸收不錯的,麥皮自己就甚少吃…
刪除秋葉見笑嘞!!身嬌玉貴,是家中金叵囉~~我都好想.....可惜自問粗民一名,庸俗勞碌,手停就口停…何來身嬌玉貴咁呢~~~~><,能學習秋葉的文筆修辭,已經萬幸!!自小係潺仔嗰類,咪多多鑽研養生方面囉……
近日公佈~菇菌類和麥片有抗疫功能,宜多吃。
刪除無論貧富,為人父母、家人總會視子女如珠如寶,不捨得他去捱苦,更加痛惜!更加配合和指示。所以森少才會這麼愛惜身體,和努力去工作生活。
明白:秋自小也是多病,所以也是這樣小心飲食的,健康也會日漸平和了。
能不嫌秋諸事多問,也很萬幸!
無論貧富,為人父母、家人總會視他如珠如寶,不捨得他去捱苦。
刪除近排睇有關飲食節目都多了介紹菇菌類食材!!有益就吃多點…
刪除基本上父母都會愛惜自己子女,相信秋葉都會當自己家人如珠如寶,很多人小時都會受到長輩愛惜,但人大了很多事情就要自已面對,再不似小朋友處處受到呵護,而自己也要學識做人處事!!
無論身體強不強壯,養生都是時下都市人應該著重!!
當然不嫌秋葉多問,知你是善意的,大家好博友當傾偈~~~
聽說若有痛風症,可千萬不能吃冬菇,一吃就發病。
刪除其實菇菌類很有益,各樣菇我都喜歡吃。清觧可口,不用配肉都很好吃。
至於一家人同舟共濟,彼此關愛是應該的。若在身邊同住,那麼更為關注了。
如果有痛風症都會幾麻煩,有很多普通食物都不能吃,除了菇類仲有豆類,紅肉等等……
刪除什麼情況形成痛風,通常吃得紅肉多又大肚dump,加上又好杯中物,就大機會有痛風……
偶爾聽到有人食了菇菌中毒,就很少食!!只食普通的冬菇草菇呢類!!
講的珍惜眼前人,就即係你親近的人們吧~~
我不會上山摘菇吃,咁危險的事我不會做。日常吃的菇都是在市上買回來的。
刪除乾冬菇吃得比較多,金菇次之。蘑菇很有益,但不多吃。
*
眼前有人總是好的,不用只靠Apps.獨居者只能逆境自強。
哈哈哈,當然不應該自行上山採摘來吃,簡直玩命~~~~~~早前聽到新聞話有人吃了買來的牛肝菌中毒,就感覺就算在商舖買的菇菌都唔可靠,尤其一些新型菇類…所以不會試太多,用些慣常的菇類比較放心食用……
刪除在某程度上,無論獨居或不是獨居都要自強,獨居者面對的生活挑戰會更多……
有時會吃十穀米,未有試過單吃小米。
回覆刪除米,這陣子應該沒有早前那麼緊張!
感到十穀米有不同的穀類,每次都要預些時間浸泡...所以很少拿來與飯同煮!!這種小米好方便,跟白米同洗同浸就可以煮,煮完的飯粒粒分明!!
刪除一直只是正正常常購買家中日用品,盲搶實在太反智。
回覆刪除或者是恐懼讓人失智...我認為冇就去買,夠用就算,唔想家變貨倉~~~
刪除以前曾經經歷過搶購白米的日子,這次我未驚過,因為知道香港是有白米存貨的,而且自己食飯不多。
回覆刪除謝謝peace的到訪…
刪除我諗搶購與否,真的要看看你的懼怕程度,認識的人當中,都有這樣的人!!!一有風吹草動就要搶購些米糧才安心……其實正如你講,米是有存貨又何需要太緊張呢!!
糴米
回覆刪除糴小米...
刪除