近排都有很多人呻悶,可能人們大部份時間都要留守家中避疫啦,聽講話學生哥可能留到四月份先至考慮復唔復課,亦有很多人要Home Office,森伯過完年後都有兩個星期的Home Office,不過近來都要復工,一返就已經幾個禮拜了。
當然近排最唔慣就係成日戴住個口罩,口罩的存貨唔係多都要慳住用,可以發揮森老伯的慳家本領,因為平時都慳慣,森伯的森活格言就係...慳得一個得一個嘛!!總之就一個布口罩+一個外科口罩,咁就出去"打扙",仲兒戲過乜!!哈哈哈
呢個時候都要多謝科技的進步,用個Apps就可以同人溝通,都用慣,是因早前的黑暴大鬧尖東,所以迫住要網上授課,家陣就係公司的同事間,因為怕聚集所以都要用Apps搞會議...一個Apps見證住兩個社會事件,而且仲係相隔兩個月的時間內...
有日晨咁早又要返工,見到個晨光初現,相當之美隨手就拍下來!!寓意晴朗日子將不遠矣!!
春暖花開,陽光明媚,好兆頭!
回覆刪除近排森伯都冇咩留意明媚的花朵,都希望兆頭好!!
刪除希望黎明不遠⋯⋯
回覆刪除不用怕…黑暗過後就見黎明……
刪除香港佛舍/韓國天地會都失守,求神拜佛不如相信現代知識。
回覆刪除發燒日本人仲搭人多多地鐵上班,好驚大爆發,希望他國唔好有事啦!估唔到香港人對瘟疫意式咁高, 擠迫環境更要高度戒備。
2020農曆年係一個易記又難忘嘅日子,唔好睇低無色無味殺人於無形嘅小小小生物。
寄望4月可放監
都會令人費解,或者世間的事冥冥中有主宰,宗教的力量在於心靈的補足…
刪除香港的防病意識高了,全靠過往的沙士,所以時時聽人講,逆境災害都係一種得著,等到將來再有發生,你都知道怎樣應對…日本人對事業好著緊,返工係首位…
呢種新冠肺炎係種病毒,唔係細菌…唔算生物喎!!你唔敢出街咩?!有時在家中都有好多嘢做……
假若森哥就係呢個主宰,補足衆奴才嘅心靈………………教主大人 仙福永享 壽與天齊 萬歲 萬歲 萬萬歲。😁
刪除逆境🔚自強,下次再會面便不怕,能輕鬆解決。好似最近非洲蝗禍,已蔓延到印度,中國常遇,已有對策,將空運十萬大鴨軍到巴基斯坦大舉還擊,大戰後買咗啲肥美大鴨,去補償農業部份捐失,好過出生化武器攻擊,又貴又破壞環境。
咁都識病毒唔係生物!突然間感覺到,森哥綻放光芒, 氣焰逼人,擋不住的鋒情。 多得森哥 糾正我的錯處,上網搜尋才知呢種『異形』。
無事出街少破財,可減低交叉感染風險。 係呀!唔敢!怕死!珍惜遺下唔多嘅光陰,要好好享受。
仲話做咩主宰,主宰自己都唔掂啦~~~~反而一爺做主宰感興趣多啲!!!到時森伯一定祝願教主,永享福祿,添福添壽兼添丁,萬歲…萬歲…慢慢帥(越來越帥)~~~~
刪除其實對於中國來講,一直以來,無論天災人禍都經歷唔少,對於危機意識的應對處理都高很多,所以話災難從另一面睇都係一個好處,就好似一個人病痛多了,對一切危害自身都有防範,將個傷害程度盡量較到最小!!!
真係聽君一席話,勝讀廿幾卅幾年書,我只係聽到有些國家有蝗蟲侵襲,唔知佢地用鴨去處理呢個問題,不過班鴨仔打完仗又要做美食,做鴨真係幾坎坷…哈哈
呢排一打開電視,電台,上網都已經聽到睇到話”新冠病毒”喇~~可能你對眼仔大大,睇過籠冇留意!!!!呢排都有好多人唔出街!!...一來費時去人多地方~~有時間就來森Blog傾兩句閒話家常~~~
吓!言下之意,森哥想做奴,叫我做你嘅主。呢個角色扮演我OK喎! 懇請森哥聽命於我, 恕我唔客氣啦 !哈哈!😁
刪除多謝森哥嘅祝願。不過,你知老人家時日唔多,我依家咁醜樣,慢慢帥,到我終結時都係醜樣喎!加快步伐得唔得。
經一事長一智,愈挫愈強,所以,森哥係區內最強, 防範於未然,有森哥挺住我就鎮定多了。
高蛋白低脂蝗蟲係鴨仔嘅小鮮肉美食,話晒都坐過吓飛機出國旅遊,又唔使成日困住喺個籠度可以周圍走,已經比佢哋國內兄弟幸福好多,都享受過生活,做過鴨生最有意思嘅事情,鴨生無憾啦!更好彩係被選中做種鴨留下一代。大量有機施肥,肥沃土地,可算化災為機。
~~有時間就來森Blog傾兩句閒話家常~~~咁又唔得喎!我咁口多,兩句點夠攝牙罅呀!
你講:呢D角色我OK喎……我做奴;你做主,乜你咁講自己呀!!!做貓做狗都肯~~~哈哈哈
刪除而家D貓主狗主都稱為貓奴狗奴架啦!!!!好嘞……帶你去散步順便帶定報紙!!!!XXXD
加快步伐得唔得……慢慢帥都話唔好,咁你去大韓民國打一轉,想三五七日變靚又得,即刻變靚都得!!!!
你講的鴨仔兵團我都有睇過電視報導,後來大陸証實冇呢回事,照計鴨係水鳥類,食魚仔多,蝗蟲都唔係鴨的食糧!!未必幫到手~~~
就係知你口多,兩句唔夠攝你的牙罅,所以森伯咪叫你講兩句囉!!!!
森哥轉數高話我係可愛小毛孩。止步韓疫區。BCC台都咁講。唯有食糖止口痕。
刪除可唔可愛真係要睇吓邊種毛小孩,等疫情過後才去大韓整過~~我睇TVB台咋!!!!
刪除當然係醜得好可愛果種啦!打錯!係英國BBC台。
刪除唔該舉啲例子有邊種生物係醜得可愛果類?!!
刪除森伯好local,睇本地台~~
八哥、法鬥同最似森哥一出世就好老嘅沙皮。
刪除你咁講法就等如話森伯一出世就同條狗冇咩分別~~
刪除男人老狗嘛!
刪除呢啲算唔算爛gag呀?!!...
刪除係命運安排你、我再用狗眼看破呢個世界囉!
刪除哈哈哈...咁都畀你諗到~~
刪除相當之美隨手就拍下來!!寓意晴朗日子將不遠矣,好同意,大家齊心努力抗疫﹗
回覆刪除謝謝…只是臨時拿起手機拍的!!但相比羊羊的靚相,還差得遠…
刪除對呀~只要齊心做,必然做到!
我都三兩天才出街買餸,相信管理好自己的健康,對家人和香港人都是付責任。
回覆刪除Stella呢句講得好啱,如果有最佳回應,我會將佢置在頂端…因為呢段時間很多人真的恐懼,自己做好預防,對人對社會都係好!!!!
刪除黎明總是令人期待的,一日之計在於晨。
回覆刪除希望日子都是風調雨順,黑暴遠去,港泰民安 !!!
對呀,希望香港早日見到曙光,黑暗過後便是晴天~~
刪除生活總要經過一些苦難,沒有捱過又怎會知道平靜生活的可貴呢!!!
我也有一些疫情感想。下篇再述。
刪除謝謝通知,我已去過看看...
刪除都想聽聽秋葉對疫情有什麼感想~~