記得以前過年的恭賀說話,一見面就不理三七二十一就會講:恭喜發財!!通常大家都好樂意回應番句:恭喜發財!!時至今日,大家都講的恭賀語都莫過於,身體健康!想身體健康唔會齋講就可以,幾時都要身體力行去做,當然尤其是在這個疫症流行的時刻...
所以唔係講笑,森伯比平時都食多了葱,其實在眾多的辛辣料中,比起蒜頭,辣椒我是可以接受葱的辛辣味,尤其肉粥放些葱花,簡直神來之筆~~特別能夠提出肉粥的鮮甜味!
生的葱除了好味之外,還可以當為一個食療...因為據講葱實在有太多好處,尤其當你見到葱裡的透明汁液,黏黏滑滑的就是最有益處...
懶蟲森有個食法都好方便,先把方包塗上牛油或橄欖油,再在其灑上一些葱花,夾起來吃就已經好好食,我今次呢片包就用了牛油,或者你可以先把包烘熱,再加上牛油葱花就更好味!這個都算是最簡單食生葱的方法...
我諗最基本葱除了可以預防流感之外,對增強抵抗力,免疫力都好重要,尤其是現在的環境...
蔥原來可以增強抵抗力,森兄不說不知呢!
回覆刪除沒想過可以蔥夾麵包咁中西合璧,其實我也不太食蔥的呢:P
記得以前農曆新年後開學,聽說有些父母會在孩子書包內放了蔥和芹菜
刪除寓意是聰明和勤勤力力讀書^^
雖然已過了年,但也再祝森兄萬事如意,龍馬精神^^
據講有很多天然辛辣香料都有這個作用,適量地食也應該沒有什麼壞影響……
刪除葱加在什麼也可,飯,粥,腸粉…但我認為直接夾包食最簡單
Gael兄咁講,可會是小時曾經被父母塞過葱,芹菜在書包裡?!
相信這俗信也可是真,所以Gael兄變得聰明又勤力…
咁森伯祝你繼續聰明伶俐,身體健康…
洋蔥可能較可以接受半生熟,蔥我就唔太頂得順😜
刪除少量羌蔥蒸下魚之類也ok
咁又冇,其實我几怕蔥和西芹芫荽那類草腥味
所以我也不太聰明勤力XXD
Anyway大家咁話身體健康最緊要!!
有時飲食口味都係講習慣,當習慣了又會接受到…
刪除蒸魚一定要落薑葱,否則太腥可能唔想食~~
西芹可以生吃,但據講芫荽生食怕有蟲,不過記得魚片粥好興落芫荽
你兼啫…中國人意頭都係取其同音……當然健康最重要喇!!!!
生嘅蔥我少少就得。
回覆刪除不過,多食才有作用!!
刪除森哥翻炒喎!喺2019年8月7日 唔係葱油餅...應該係葱油包~~~唔同嘅係上次就成個包由麵粉整出黎,呢次係用現成麵包嘅。好歌不怕百回聽,咁美食日日食都唔厭嘅。
回覆刪除我都問完又問同一個問題,叫森哥包容吓我呢個記憶力退化ing嘅老人家,呢樣我會明白嘅。
都不能不說一爺真係森BLOG的忠實博友,的確抵讚!!!!!!!
刪除我都記得以前講過,不過適當時候又再講,事實老人家平時生活都幾奄悶喎,重複吔完又吔,邊似你哋啲後生人口味日日新...哈哈哈
自製葱包要蒸過,生葱的效用會失去,這個生食較好...
又得到森哥讚賞,希望今晚我唔好失眠啦!會又多幾條額皺紋
刪除奄悶老人家好過奄尖聲悶嘅老人家。每個人喺某方面都過住重複生活, 名人蘋果嘅喬布斯 同面書嘅馬克伯格每天都重複著同一款衫啦!口味嘅喜歡就得,唔使睇其他人臉色。
睇黎森哥吞唔少黏黏滑滑液體,呢啲長長哋條狀物體就啱森哥。
蒸魚攢豉油熱油,我都愛半生熟嘅薑葱芫荽。生嘅辛辣味我會接受唔到。我呢世人試過一次難食到嘔嘅滋味,就係生食白蘿蔔蓉,果種辛辣味令我反胃嘔吐。哈哈哈! 生食有益都係咁話,勉強冇幸福。
咁失眠事小,額紋事大…你都係盡快忘記森伯的讚賞~~~~~
刪除最弊森伯伯兩種奄悶都有,哈哈哈~~不過森伯個人好悶得,唔似一爺又要貪新鮮又要貪口味,更要貪好玩!!!!!所以生活裡就多采多姿!!!!!
你想講乜先…哈哈哈~~~你講到個吞字又誇張左,果D葱汁好少,唔講…食左都唔知!!!!!!好多食材都係條狀物架啦!!!!
無端端要食生白蘿蔔蓉,白蘿蔔會有辛辣味,又真係唔知,平時唔會食所以冇留意!!!當然唔係種種植物食材都可以生食,芋頭都唔得喇……
森哥連一條皺紋都容不下,好彩 現今科技先進拉麵皮 、打毒針可消除。
刪除幸好森哥對住我又冇奄尖聲悶,係森哥愛人嘅特別待遇。道出咗我去街市時買餸嘅師奶格,一定貪小便宜。我會喺平淡買餸煮飯生活揾出精彩部份。
係得森哥咁樣描述啲葱咋!特別抽取森哥精華,原汁原味, 務必 令人暇想。
咪喺斷食日嘅歷煉,尋覓人生中難免嘅跌跌碰碰,回想起來好好笑。日式炸物有時會有小許冇味白蘿蔔蓉降低吓炸嘢熱氣。
一條皺紋都容不下……又係你自己講先,又話失眠又話多幾條額紋……
刪除邊敢對一爺兄奄尖聲悶,陣間又畀一爺寸一鑊!!相信森伯的愛人都冇咁嘅優厚待遇……係人都貪小便宜只睇你有冇過份貪?!!!!
你咁叻叻煮飯,又唔分享一些下廚心得,等老人家學下野~~
我只係實事實講,遐想呢家野係正常人都有架啦,不過你的遐想特別多啫!!!
日本餐好興食白蘿蔔蓉,是否日本蘿蔔有不同呢?!!未試過~~好似話日本蘿蔔長身細啲……
幾時都話森哥係大好人,對人人都咁友善,可以頒個愛COOL最佳卜友親善大使獎。
刪除入廚心得係『敢於嘗試、撞多啲板、廚學鑑證、知錯能改、有分有吋』。
因為想像空間永遠大過現實空間,靠諗力改變容易過追求真實改變,森哥可以幻想我係高富帥咁同我聊天會開心好多。
我都唔知喎!日本人生活太壓抑,要食佢化氣。
畀一爺兄讚大好人,驚驚今晚又訓唔著,第二朝起身又多幾條魚尾紋……
刪除事實我最多都係開個煎PAN煎蛋,普通餸菜都係以蒸為主,因為唔駛搞太多~~而且想食得清淡,最唔想煮餸要落太多醬料!!!
都冇假想過一爺兄係高富帥果類!!!!做人平平凡凡仲好~
唔好話日本,現在港人都好大生活壓力架!!!
向好處睇,森哥好似苗僑偉嘅魚尾紋增添咗成熟魅力。真係同人唔同命。
刪除我用微波爐加些少水叮荷包蛋。我嫌煎炒煩,都係一煲過煮齊飯、餸,所以,食果仁補充適量好油,同時吸取礦物質。我要用醬油醃肉架。
我喜歡平凡、簡約生活。
全球生活最昂貴嘅城市壓力當然高啦,所以,有人移民東南亞過舒適生活。
真係好多謝一爺兄比喻森伯好似苗僑偉D皺紋咁有型,但可惜皺紋型都冇用,個人唔型先弊嘛!!
刪除以前聽人講微波爐叮食物都係麻麻地,所以甚少用!!蒸食物都唔煩,又適合森伯呢類長者~~
移民又要重新適應當地環境,可不容易啊!!乜一爺有打算退休後移民去東南亞?!仲以為你退休後去奧國搵王子添!!😆😆
蔥,我唔啱食,所以唔聰明囉。
回覆刪除呢個時候唔聰明唔緊要,最緊要係健康為上嘛.....
刪除蔥,好吃......
回覆刪除蔥+油,拌飯一流。
薑+蔥,是好拍檔,薑蔥生蠔,薑蔥炒蟹,薑蔥牛肉,我會先吃薑蔥,才吃肉。
還有大蔥,都好好吃😋
我都覺得適當的葱加在食物上好吃~~
刪除葱+油撈飯又好少,多數以前薑葱油用來蘸白切雞...
薑+葱聽得最多,薑葱炒蟹,薑葱蒸魚...令食物不平凡~~
不過你講的大葱未食過,我諗應該比普通葱味濃些...
我都好鍾意食葱覺得葱好香,加上葱食物嘅味道會提升左。
回覆刪除所以平時食什麼,可以加葱都會放些葱,會令到食物好味之餘又會開胃啲...
刪除蒸或煮魚一定要落蔥,一碗及弟粥也要下些蔥花才好味。不下薑還可以,蔥卻是不可少。
回覆刪除專家說過吃生大蒜、生洋蔥很有益,尤其是生洋蔥的免疫力很強。
不過我我可不敢吃未煮過的食物。 生蔥未經過火,有沒有細菌的呢 ?
通常整魚,薑同葱是不可少,而且都有實際的需要,可以去魚腥味,通常這些辛料類可以生吃當然最好,不過話明辛辣料味道又濃,所以生吃都未必個個人都會,點都要煮一煮才能吃入口,葱好少有細菌,因為細菌害蟲好少會在葱蒜裡生存,所以種植葱蒜不需落農藥而同粗生…
刪除森少的常識好豐富,連種植葱蒜不需落農藥你都知,真係好佩服你 !
刪除所以森少敢生吃青蔥,不妨稍炒一些洋蔥來多吃,這個更會增進你的免疫力。
秋葉見笑,只是平時對種植或植物方面有點留意,便會知道,通常辛辣香料的病蟲害都比較少,呢段時間都有人介紹吃洋蔥,相信對健康都有幫助!!
刪除