還記得之前的人盲搶白醋，盲搶板藍根，盲搶鹽，今天的人搶的是口罩，米糧，消毒水，消毒抹手紙，廁紙，廁所水...呢種真係可算是：有心人裝無心人，有心人發放消息；而無心人就瘋狂地搶買...感覺上造成一種社會混亂的現象！！當然森伯冇參予呢種搶買大行動，亦都冇份排隊買口罩，夠用就算！但上班仍需要戴上口罩，雖然侷促少少，但諗諗都有好處，朝早太趕時間可以唔剃鬚，口罩冚住某人知...嘻嘻
仲有必備一支噴噴火酒，因為本身有，所以都冇搶住買，呢個時候有支消毒水，忽然好似冒出一個光環咁！yeah...........森伯真係好膚淺~~
現在生在香港的我們，甚老實地講，疫情不是去到重災區的地步，有部份人已經去到瘋狂失控的搶這個，搶那個，對真正患病的人從沒有什麼的關問，只見有人借題發揮去發災難財，有人借題發揮搞政治，有人幸災樂禍...顯盡人性的醜態，醜惡~~
我都有時跟人講，疫情並不可怕，皆因人間有情，但人間去到無情、無義、無理智的時候，先至最可怕......幸好坊間仍不乏正能量的聲音，森伯都唔執輸，講番句：香港加油，中國加油，武漢加油!!!
仲有病者加油，因為能夠康復過來才是真正有希望!!
森兄有支火酒旁身个心都可以定一定！
回覆刪除最近有冇得home office?
唔洗搭車返工可以慳少少口罩
咁下次要换張鬍鬚look自畫像啦XXD
刪除其實只是帶住以備不時之需，都好少攞出來用...
放年假期間就home office，不過現在開始要返~~
唔係去些高菌地方，唔需要成日換口罩...
我的親身照都有鬍鬚look，唔需要自畫!!!
如果外出搭車扶過扶手之類就可以噴下手不錯的
刪除之前聽你說公司也有種植物希望有助改善空氣質素
都啱！平時都係搭車時人多風險較高吧
既然森兄咁講我就非常期待下篇可看看鬍鬚親身照了XXXD
基本上返到公司或屋企都會第一時間去洗手，消毒水多數噴個外口罩面...
刪除相信呢個時候嗰幾棵植物仔都改善不到什麼，不過有總好過冇~~
其實一日之內都好少機會接觸一大班人...
仲話期待...陣間又話森伯個樣好老人家，到時又畀GAEL兄笑~~~~~
PoPo會唔會話火酒係攻擊性武器呢?
回覆刪除都可以算係攻擊性武器，對病毒嚟講~~~~
刪除同意，疫情並不可怕，心態很重要，大家冷靜沉著應對疫情，大家加油！
回覆刪除人是群居，一定會有種羊群心理，見人人都恐慌懼怕，自己都不其然都要恐怕埋一份......
刪除港大預測4~5月見頂，6~7消退。睇番現在確診數據，如果處理得宜，最快3月見頂，4月消退。如果大學預測係準確嘅，咁都要預多啲口罩。
回覆刪除依家，我才知道酒精消毒效果最好唔係100%而係75%，真係奇怪。
睇見郵輪困境，下次遇到另一個疫情，就算交晒旅費冇得退，都唔好去玩咁笨，命仔緊要。
要停止多人聚會如打邊爐啦！打到成個家族入醫院就唔好啦！
希望呢個大教訓會令中國人醒覺唔好食野味喇！中央有新機制防止地方政府隱瞞疫情，容許醫生舉報 ，事關爆起上黎經濟損失超慘重。
你的回應好似一篇疾病報告，多謝一爺補充資料~~最近呢類資訊真係聽得太多，一開電視，上網都係講肺炎，一唔係就講冇口罩...
刪除市面上一般消毒火酒都係百份之75，我就未見過有百份之一百的純酒精，不過用時都要小心，要遠離火種，否則會引起大火~~
其實無論在那裡都有可能中招，就算唔出街，在家中廁所小個便沖廁所，都有可能在廁渠標毒過來，真正避無可避...
總之面對疫情，做好個人基本防禦!!
古時新年流流入廟拜神， 求道平安符催吉避凶，疫境自強，口罩好似平安符，冇佢唔得掂，酒精變成神仙水， 疫勢凶凶都唔驚，淡淡定有錢淨，快啲唔使日日戴住平安符， 祝大家平安大吉。
刪除齊齊發個疫情財，春節後股市兩日慘跌千五點，趁低吸納，然後，像沙士一樣經濟從谷底逐步回升，個個賺到盤滿缽滿，祝大家財源廣進。換個角度，疫境都有好處嘅，舒緩吓悲情。
古時的人瘟疫來到會去寺廟祈福，一年之始更係希望一切都有個好的開始，無論什麼境況都要自強不息架啦!!
刪除我只係話只要基本防禦做足，驚都冇得自已驚，反而日擔心夜擔心，仲會削弱自己的抵抗力...
咁一爺趁低吸納咪買左好多貨在手!!!...森伯又唔夠錢買貨，又唔夠狠同人掙口罩，冇咩可能發呢類疫情財，顧掂自己都偷偷地笑...
人性有時比疫症更可怕
回覆刪除經此一疫後，人性的種種就表露無遺...
刪除發佈糧食缺乏的人真無良！搶米的人也很無知。
回覆刪除泰國一直有種米，貨運也沒有封關，為什麼要去搶呢？
真係被秋葉一句話，道盡兩種人的心態...無良與無知!!
刪除明天的事無人知，驚政策上突然有變動冇米賣，所以搶得幾多就幾多...
我冇搶，認為這些民生食糧唔會缺!!
香港的民生食品和用品，大部份都是靠進口，香港進口泰國米很多年，其他還有越南米，大陸米。出口或進口都是為了生計，可以不出口，不進口嗎 ?
刪除若果見米就搶，剛巧冇米的人來到，想買也買不到。其實，也可以去買飯盒囉，總好過冇米到肚。
生活基本就是糧油雜貨，對現今港人真是沒一樣也不行，如果話明日冇糧食供港，到時以港人怕執輸心態必定同你C過，爭到頭崩爛額都要搶......
刪除相信秋葉不是自私自利的人，都會顧及其他真正有需要的人，有時都會諗，可以不限買都唔會買多，都要留番點給別人買~~
早前口罩冇咁緊張嘅時候，真係無限買，我有機會買多幾盒的，就因為不想獨佔那麼多，我只係取貨買了一盒。
刪除誰知後來想買都好難 ! 真係有d後悔，點解當時唔買多一盒呢 ? 現在有醫生教市民自製口罩，睇嚟都係要自製了。
自從沙士之後，家中都不時留有口罩看門口，不過好少用。殊不知今年又用得著…而且過年時仲未有搶購潮，有人買了，所以現在都可以…兼森伯又慳慳地用都應該OK…就算可以任買，我認為少量就夠，留番畀其他有需要嘅人…
刪除自製口罩穩唔穩陣，我反而諗諗點樣延長口罩使用期……
是醫生研究之後，在電視上公佈可行。但認為去醫院要用正規口簞。
刪除我沒有看過這自製口罩的方法，若果完全買不到就可以試試…
刪除只要不去高風險地方，應該冇問題嘅~~~
如果遇著有人咳嗽，那人沒有戴口罩，才會走出飛沬來，也只能飛到兩米。
刪除最怕的還是公眾地方的扶手、門鈕、用紙墊著去按安全些。
醫生不贊成用火酒噴灑口罩，說會失效。
基本上人太多太密集的地方都會盡量少去，萬一有人咳嗽，或者打噴嚏就會好難避免，雖然唔一定有事，但嚇一餐都唔想~~
刪除平時出街好少乜都摸，如要按升降機掣都會小心...
我只係用消毒酒精噴外面的布口罩~~~
別有用心的人比疫情更可怕！
回覆刪除所以要提防那些別有用心的人,發放出來的訊息~~~
刪除作者已經移除這則留言。
回覆刪除森少說得很對：疫情並不可怕，皆因人間有情，但人間去到無情、無義、無理智的時候，先至係最可怕的 !
回覆刪除隔了那麼多日才看到這留言...
刪除秋葉過獎了，不單止講面對疫情，就算身處厄困中，也應該要保持清晰的思維，這才容易解決問題~~
謝謝森少回應。我也幾乎忘記了這個留言了。
刪除覺得保持清醒的人不多，大數人都是抱著羊群心態，喜歡一窩蜂的去做事。
喜歡趁熱鬧的人佔著大多數。