不經不覺讀呢個課程都有成年，或多或少都估唔到森伯仲可以頂得住，繼續捱讀下去…唔好以為用個「捱」字好誇張，但對森伯來講又確實貼切喎…因為初時有導師講過，都有課程讀到一半就走了一半學生，幸好暫時又未出現這樣情況…
呢個課程可算係大包圍，乜東東都會學下，就好似輪到家陣的攝影堂，感覺就幾好玩，始終時下的人喜歡拍攝，都想自己的相片拍出來有美感…
本身對影相都唔會太講究，總之拍出來的相不過不失都已經OK！經過學習一些校快門，校光圈的基本知識後，感覺影出來的相都係同平時差唔多XXD，可能正所謂工欲善其事，必先利其器…未上堂前都有考慮過要唔要買部新相機呢，咁當然要上堂後睇睇導師有冇呢個需要先…
其實要的相機都估到係比較專業少少，導師就推薦我們買相中那款，佢話呢個大牌子既好用，而且呢個型號經濟實惠，最緊要係個鏡頭可以換…本身有就唔需要花錢買過喇，查實簡單一句悉隨尊便就可以…
我平時用開普通的DC就算，只因一個原因，就係攜帶方便，而有部壞壞地，所以都係時候買部新DC，用來上堂又好，平時影相都可以…
最好就係學校有得借用，純粹練習一下點樣操作，如果要影些相就要帶備記憶卡，但只供課室裡使用…
森伯伯，好多老人家一捱就病，健康為大，都係回頭是岸，放棄啦！😂 (直讚唔受，我要轉折讚森伯老而彌堅)
回覆刪除個課程好廣泛、好實用又有趣，唔錯喎！
難得一爺兄都覺得森伯伯老而彌堅，反而森伯想老當益壯多0的喎...你咁後生仲有排學呀!!!!
刪除當你要做好份功課的時候，就唔覺得有趣~~
喜歡直長直肚講你想點，好過我喺度估估吓，原來係要老當益壯。
刪除我果頭近啦！捱住咁學唔係我路數，享樂為主，不過，都會與時俱進，學有趣味又實用嘅新鮮嘢。
乜你講到係交功課心態架，花啲心思同創新畀人意外驚喜，獲得阿Sir讚美好有成功感，自己又開心，享樂嘅一種。
森伯份人勝在夠晒直XXXD唔識講假話…更加唔識畀人猜謎啦!!!
刪除你咁快就話果頭近，仲有排你捱呀…生活總之取個平衡就最好，有勞動，有享受，有壓力，有放鬆…每樣事情都互相效力~~
課堂的功課每樣都有所規定要做什麼，不是可以自由創作，不是你話想點做就點做，點創新就點創新…
果頭近：我就快樂不知時日過，森伯時時度日如年，你嘅一年就係我嘅365年，我嘅時間咪過得太快，要好好珍惜，我呢啲開心人嘅時間觀念係森伯唔會明白嘅！
刪除仲有排你捱：心疼森伯仲捱梗，想拖我落個森淵陪伴，我真係覺得自己歎梗世界喎！(心涼話😂)
咁老師唔啱，出埋啲冇發揮空間嘅功課牢牢縛束住森伯。
反而人老了（我講我自己啫）…真係唔想時間過得太快，有時霎吓眼就一個禮拜，一個月，一年～～有很多事都未做得切時間已經過去…
刪除時下做人都想有種慢活的生活態度，唔需要太急太快…因為時間太快，個人又會快老啲啫…當森伯仲係後生樣時，一爺兄已經變了人瑞樣…哈哈哈哈
若然一爺唔駛捱即係已經退休啦…真羡慕！！
有關美術設計的功課係咁架啦…你大驚少怪啫～～
期待欣賞森兄的優雅自拍照....XXD
回覆刪除冇呀……就算有都未輪到gael兄欣賞啦…XXXD
刪除睇睇森源有冇呢個永久性需要先…
刪除永久性需要…??!! 哈哈哈
刪除科技一日千里，未來幾年可能唔駛手機都可以映相…
真係好,可以持續學一樣興趣,相反我,學了半年水彩,便放棄了.
回覆刪除有些人去學興趣班可能只為純粹興趣，但我這個課程想學的就是想充實自己...
刪除相機的質素點都好過手機，拍出來的效果會好好多。
回覆刪除不過手機十分輕便，當做一般紀錄也不錯。
係呀…用手機拍同相機拍，真係有分別，相機拍的相片較有立體感靚些，手機相志在即興，作個紀念都幾方便幾好…
刪除係N年前，我曾經想過學攝影，但最後都冇學，因為冇錢玩。嘻....
回覆刪除現在有上網，就算自學都十分方便，認識一些基本知識再加上親身拍攝取經驗也是一樣吧…
刪除