雖然有時上堂已經入夜，但係通常會在之前食飽，因為總有時間可以提早食，若然有咩延遲阻滯都唔駛怕，而且落堂後都幾晏，唔會再去周圍食…
所以每到放學時候，好多食肆都半打烊，唯獨最直接可以買個包頂下肚，而且最方便啦，又唔需要點菜等整，即揀即買即食…而每次經過呢家包店都給我一種入夜的感覺，配合返自己的森情：咁又一日喇！！因為佢都差唔多要收舖，顧客都只有一兩個…或者對麵包都可算是情有獨鍾，雖則不可能時時當正餐，但都可以話係百吃不厭，早陣子課堂有個習作要我們構想一個品牌去設計，我第一時間諗到麵包店，當然喇，揀個自己喜歡的題材，做起來都容易得多…
見了這間麵包店都好一段日子，暫時只幫襯過一次，因為要買定個包當第二日的午餐，lunch都要吔包，真係好有呢種貧苦學生feel…
森兄唔好咁慳成日吔包!!!
回覆刪除包我多數只係早餐而已,晚飯吔包當餐我又好少....
掃街原來個全名係===>>>>>橫掃街邊食檔!!終於知道個原意係咁XXD
我很有興趣看看森兄的功課製成品設計,有機會要擺上blog開心share畀我地欣賞下你的大作!^^
唔會成日食麵包當正餐，只是有需要時才會…
回覆刪除我除咗早餐會吔包，下午茶都會…因為易飽肚!!:p
掃街呢個詞，我都諗咗好耐，咁解讀應該較為接近…
憑gael兄話想睇吓我嘅功課製成品，就即本睇吓有咩可以攞出嚟畀大家欣賞吓……因為你都知喇，而家交功課都會用pdf檔交……
期待啊^^
刪除看看可否轉成jpg就可post上來,等我學下野\^^/
好，咁我睇睇有冇咩再轉jpg放上來...到時希望gael兄唔好話奄悶喇...
刪除夜静嘅麵包店啲麵包有冇得平啲架呢？
回覆刪除清貧嘅學生係食冷飯菜汁架咋！：P
曾經有一段日子…做過貧苦學生，為咗醫肚同趕時間，周不時係街邊橫掃街邊食檔…哈哈哈
刪除其實暫時幫襯過一次咁大把，唔係在收舖前買，我諗都係差唔多...
刪除對森伯伯來講有冷飯菜汁食都算幾好架喇!!!!
KaKa當年掃得街盡食，都唔算貧苦學生啦~~~不過學生時期又唔會計較太多，想食就食...
夜静麵包店 食包包食飽
刪除有冷飯菜汁 唔使四圍跑
其實附近都仲有野可以食…
刪除森伯每餐都即日清, 某冷飯菜汁…
我好鍾意食麪包，一日三餐都唔厭。
回覆刪除麵包我都鍾意，偶爾一兩日都冇問題，但長期就唔太好...
刪除日本有魚子醬和牛包盛惠千五元，咁森伯慳啲咪食黑松露海膽花膠鮑魚包都得。唔好標籤默默支持大衆嘅麪包為窮人，對包包係莫大嘅屈辱，三文治都可以好富豪級架。😵
回覆刪除點解麵包唔可以當正餐，麵包同飯一樣都係提供碳水化合物，中國北方人都食饅頭、餃子、上海銀絲卷，再者，西人都係食麪包、薄餅，中東烤餅，世界各地都好多人將包包當正餐。 出外我都會食個麥記包套當午/晚餐，喺屋企我都會自制芝士蛋包加蕃茄雜菜湯為一正餐，我係支持佢，不過，我唔會行街抗議。唉！麵包好似得罪咗森伯，只可以做妃嬪，點都唔可以坐正做皇后娘娘添。😒😂
都話一爺兄富貴喇，你講日本魚子醬包，和牛包，黑松露包...我諗都冇諗過，在森伯的生活圈子裡只有豬仔包，雞尾包，菠蘿包咋...
刪除相中的麵包舖都冇你講果種富貴包喎...你諗下一個普通麵包都係買十蚊樓下，假若用麵包充飢都十分之經濟實惠，所以有人認為唔夠錢開飯，就要捱麵包，都冇話標籤為窮定富~~~
麵包真係唔可以當正餐成日食，聽報導講麵包食得多好易有直腸癌，仲有之前睇過埃及展，古埃及人自從有麵包後，他們的牙患問題好嚴重，因為係當中的酵母做成，古埃及人冇現代人懂得刷牙...所以鍾意都唔一定可以食得多~~~
個皇帝幾時都係鍾意啲妃嬪多過皇后娘娘架啦...
森伯都知一爺兄鬼仔性格，但都唔好一日幾餐都麵包......
隨便嗡吓都被人話有錢，咁快就語言入罪、文字獄，順應森意，叫我富爺啦！滿足吓我呢個窮人嘅虛榮心都好，得唔到嗡吓都係開心，森伯真會氹人開心。係森伯有錢佬要低調驚人標參至好刻意扮窮人避談啫。
刪除生活艱難，十蚊雞買份即食免煮可充饑熱食嘅都有難度。慳家森伯有乜其它招數？
麵包有癌病，森伯想嚇我膝頭哥唔食辣椒醬。 你估驚蟄打小人咩：『打你個小人口，等你有麵包食都生癌』。我唔信。
原來，酵母菌係『正』嘢，有益身心(有興趣自己上網查)，多食無防。
森伯好有逆向思維，對我逆性更濃。
我見得世面多，適者生存(特別要喺外地工作)，香港人除咗要有國際觀，仲要有個國際肚，我國際化咗。
咁易入罪坐監，咁監獄仲迫爆過公院D床位~~~哈哈
刪除慳慳森伯冇乜慳家招數喎，必要時口擘擘食吓西北風又慳返一餐!!!XXXD
食得包多易得直腸癌係聽有識之士講，唔係老作...當然信不信由你!!要驚蟄打小人都唔打你個小人口，打都打第二度啦...係打你個小人腦，等佢有無謂野都唔識諗XXXXD
酵母好過發粉，但都係嗰句，多食可能有益變冇益~~
咁夜冇乜選擇喎.
回覆刪除唔驚...嗰區好旺，入夜都有大把人宵夜~~~
刪除掃街，只是我做小學生嚮往的日子，長大了，知道衛生情況和禮儀，已經很少掃街，但去台灣就有過幾次掃街。
回覆刪除你都好，小學時都試過掃街盡食~~我到現在都未試過...不過正如你所講人大了，知道什麼是好是壞，所以都不敢食太多...
刪除我都會食麵包做早餐。
回覆刪除我諗香港都有95%以上的人會早餐食麵包~~
刪除夏天我都OK，冬天如果買包在街吃，不碰巧出爐又冇得好像在家般翻熱，感覺冇咁好味咁...
回覆刪除唔一定，通常我買的麵包多，吃不完就放在雪櫃內，到食時再蒸熱，都好好味～若然有焗爐就放在內焗一陣都好香好食…
刪除大家似乎都覺得包熱熱哋好吃些^_^
刪除係呀!!!麵包熱食好多人都鍾意~~尤其出爐嗰隻…
刪除雖然明知麵包高脂高鈉，有反式脂肪，兼有塑化劑。不過有時都會很想吃上一兩個的。
回覆刪除甜餐包、提子麥包、菠蘿包的鈉含量相對較低，偶然吃吃也無妨。
以前荃灣的行車天橋前，有間小店的煎釀三寶真係好好食，在附近等車等到很肚餓，不得不幫襯買來充饑，真係好滋味! 有次買回家，用滾水沖沖，蒸熱來吃都幾方便喔!
對呀，現在所賣的麵包真係頗多化學添加劑…尤其包裝麵包，睇睇它的營養標籤化學數字都有好幾個，而且味道也沒有新鮮出爐的好…所以都甚少買些已包裝好的麵包～
刪除你指的天橋是大河道附近?!!那處真的有幾多食檔或者食肆…其實近這十幾年香港多了很多食肆，差不多處處有得食，總有一兩樣美食令人食過返尋味…
係呀! 就是在哪裡了，不過不知道這小店還在否? 但如果換了老闆，用料的手法不同，又會不好吃的。舍下附近有一間小店改賣煎釀三寶，我有一次買回家試試，就不夠好了。
刪除荃灣這邊內街有間麵包店，下午4時麵包出爐，香氣四溢! 真你冇得頂。
更正：真係冇得頂。
刪除若然是好食又抵食的話，應該間舖頭都會繼續經營下去...
刪除煎釀三寶都係經典的街頭小食，肚餓時都會幾吸引，我好少機會食到街上的煎釀三寶，有機會都要試下~~~
以前的包店有好香的出爐麵包味，現在經過包店乜味都冇...
麵包,我超愛吃腸仔包,丹麥穌.吞拿魚包,但現在都少吃,除非有時候,外出上班，忘記吃早餐才買。
回覆刪除你講的包款我都喜歡吃，除了吞拿魚包…因為未食過而且好少食魚，我都認為麵包係唔錯的臨時醫肚選擇～
刪除