既然學習有關拍攝的東西，好自然份習作也跟攝影有關，今趟個題目就是講解有關常見的拍攝對象，當中包括了形狀，在日常中有關形狀的東西真的很多，本應要影得好，影得靚都唔難，但是亦有難度…至於個難度就係要高仿網絡媒體的相片，細節就唔詳談，之後我選了跟形狀有莫大關係的三角朱古力…因為容易搵，容易買，容易影…
一向都好少買朱古力食，都有個疑問，呢隻朱古力仲存唔存在？！去到超市糖果嗰part，要搵三角朱古力原來都好易，而且仲有好幾種口味揀，記得好耐以前得一種，所以有時自己唔食就以為唔存在，其實就一直存在只係平時自己完全冇察覺…呢隻三角嘜原來唔貴，鍾意食朱古力的人應該覺得幾抵食…
買完之後就等一個適當的時候就映…映…映…其實影朱古力跟雪糕差唔多，就係要保持個靚靚形狀唔容易，好易溶…影食物除了要保持個完好形狀之外，仲要抵得住為食，因為朱古力一溶就想即刻擺落口，一路影一路食…發覺森伯其實對朱古力都係麻麻地，因為食了好幾粒後，真係好難再食落去，實在都幾甜，人老咗平時都唔敢食太甜…諗諗下咁樣算唔算為藝術而犧牲呢?!!...梗係算啦！！哈哈哈
影完份高仿習作之後，都頗滿意，這幅不是高仿作品，只是用來放上blog，到最後當然整排食晒，到現在見到相片都覺得滯滯地…唔關朱古力事，本身係牛奶朱古力都係好好味，只係個人唔受得吃太多，補返少少飛先！！！
有得食、有得玩、有得交功課，一次過滿足3個願望。
回覆刪除早知call我去做助手，我鍾意食朱古力架，森伯唔使啃得咁辛苦囉，人盡其用，各有所需。
都可以咁講，直情係出奇蛋，有得食有得反(玩)…
刪除豈敢叫一爺兄過來食啲影剩的朱古力呢…過門都係客，定要買番十排八排招呼一爺先叫做有家教嘛……
大客氣都會害我，就係知你得少少我先至敢開口，我會喪失自制力一口氣掃清光，試諗吓一次過食十排八排有幾大傷害。所以，我嘅策略就係隔一排買少少零食。
刪除尤其零食…好多人都會一食就冇咁易停口，對我來講一排朱古力都已經好多，所以請人食一、兩排都好夠，費事吃壞人家個肚皮啦…我都係間中買些零食，都要睇吓什麼心境、情況而定！！
刪除森伯係咩嘢心情？ 同女友鬧交呀！ 好激心。 同女友恩愛浪漫！ 好開心。開心、傷心、無聊……，零食萬靈丹，一服搞掂，唔包斷尾。
刪除做咩你又爆你啲私人事畀森伯聽?!!哈哈……無論你激嬲人或想氹人開心，零食呢一招都萬試萬靈……
刪除我講嘅睇心境情況…係指過時過節開P就會盡情食零食，至在高興啫……
咁森伯依家嘅十大零食係乜？
刪除過節……唔係節日食品？咁會有乜零食賀端午節？
同人有過節都要盡情食零食早洩憤。(硬要講歪)哈哈！
你咁問真係要諗吓喎…叫我立刻數十樣零食都唔係容易…
刪除過時過節當然指聖誕節、新年嗰類大節慶…
咩叫做食零食早洩憤??...又係你啲私人問題XXXD
這個牌子，現在冇廣告容易被人淡忘。
回覆刪除都係架，廣告有時對商品來講好重要…
刪除為三角藝術而犧牲呢
回覆刪除講為藝術而犧牲好似高尚少少…哈哈哈
刪除對森兄而言,係咪用筆畫朱古力比用相機影容易呢^^
回覆刪除當然唔係，影幅相用幾秒鐘，而畫畫就要用些時間……
刪除又唔post幅高仿作品嚟睇吓...
回覆刪除今次主要講三角朱古力，功課或者有機會才講...
刪除森兄：你多啲寫有關學攝影的題目呀！
回覆刪除我一直以來都想學架！
其實我學的攝影，只是課程的其中一環，相當皮毛，如果有心學真係要搵專門啲較好...
刪除以朱古力做題材影相，唔只攝影技巧本身，由擺位開始已經是藝術一部份啊^_^
回覆刪除都係架...通常朱古力商製作朱古力都係以美觀為主，而且有浪漫元素，只要就0岩角度影多數靚...
刪除之前我很喜歡吃朱古力,特別是壓力時,吃的特別多,但自兩年前住院後,少吃了。
回覆刪除你住院跟吃零食有關?!!...都的確有很多人吃零食唔只因為肚餓或者口癮，想改變一下心情也是原因~~
刪除因為皮膚敏感已經戒咗食朱古力好耐……
回覆刪除好耐冇見喇……近況好嗎??
刪除我也聽過人家有皮膚敏感症狀的不能吃太甜…
拍攝商業產品的照片，一般要求效果高清美而亮。
回覆刪除拍商業相是重要的一環。
商業相片要求一定高啦~相片拍攝得美觀吸引，可能都會影響生意。暫時未知課程裡有冇商業拍攝……
刪除