早前都跟大家提過今年第一日返工，就有奇遇…看到自己位的白掌開花，真係完全估唔到，因為全是水種…據知有些本來會開花的泥種植物轉了水種後就會冇花，其實對於森伯來講，純粹觀葉植物都唔錯，放在電腦側邊眼累累就可以望一望綠葉，對眼睛都幾好，所以一直打理都已經有好幾年了…殊不知今年突然開花，初時仲以為點解個位有朵花，再看個究竟才知原來棵白掌開了花，個個同事看到都話幾得意…
一上網睇資料，原來白掌又可以稱為白鶴芋，又叫一帆風順，因為白色的花就好似白色的帆船一樣，驟眼看真似一隻小帆船迎風飄揚，個寓意都唔錯喎！原來它的開花期在夏季，何解會在呢個時開花呢？我諗佢會保持到農曆新年期間…
花開富貴，一帆風順，好意頭！恭喜！恭喜！
回覆刪除多謝...多謝...
刪除咁啱過年,真係好一朵迎春花~~
葉本身都好茂盛,係咪多陽光?
回覆刪除奇就奇在冇乜陽光,靠的是...燈光~~~
刪除大家都知森伯係陽光型男，加上呢排春風得意，猛烈嘅森伯陽光咪照到佢開花囉！
回覆刪除做咩臨近過年特別好口，不過全段說話都好假…
刪除呢種白掌係室內植物，唔要太強光，少少光就可以如常生長～
莫非真話係陽光🔚陰濕，型男🔚衰女，森伯係陰濕衰女？哈哈！😂
刪除新年著條紅裙仔、 高踭鞋去拜年。
哈哈，完全唔知你想表達乜?!!!
刪除講笑啫唔重要嘅！唔明就算啦！創新都未必人人了解，咁要回歸舊有習俗，趁早向森伯拜年：
刪除『恭賀新禧 老少平安 開工大吉 身壯力健 萬事如意 大吉大利 步步高陞 財源廣進 青春常駐』🍻🍰🍬🍦☕🍌🍎🍓🍑🎉🎇🎊🎍🎲🎰🀄🎤🔟💯🚼🔥🔑
我幾時都話一爺兄創意無限，政府唔搵你做創意產業的代言人真係嘥晒…
刪除乜咁快就來同森伯拜年，唔好帶兩梳蕉喎(指兩手fing fing)…哈哈哈~~
乜唔係局長咩！要做高官。
刪除咁就帶個香吻，仲要係初吻果隻啦！ 😘💏💋❤
今時今日做高官，畀人鬧嘅多……
刪除你邊鼠鄉下…外國?!!新年送香吻…好行貨啫!!…想逗森伯封利是，起碼都細罐嘅藍X曲奇啦……哈哈哈
呢種白掌開出來啲花都好清雅！
回覆刪除我以前都種過啲BB眼淚，仙人掌，紫羅蘭等等！
以前屋企人有養過黑色金魚，試過啲黑色金魚生出BB來，好得意！
(人哋話啲黑色金魚好少機會會生B B喎！)
可能因為純白色的關係，而且它們一支獨秀，所以變得很清雅…
刪除BB眼淚冇記錯都係多肉植物…好細個時屋企有棵玉蓮，後來種不成，所以好少種多肉植物…
想像中金魚都好難繁殖，魚缸太細要魚池才可…
白鶴芋
刪除科學分類
界： 植物界 Plantae
門： 木蘭植物門 Magnoliophyta
綱： 百合綱 Liliopsida
目： 澤瀉目 Alismatales
科： 天南星科 Araceae
屬： 白鶴芋屬 Spathiphyllum
種： 白鶴芋 S. kochii
二名法
Spathiphyllum kochii
Engl. et Krause
又稱白掌、和平芋、苞葉芋。
白鶴芋原產於中南美洲哥倫比亞、馬來群島、
哥斯大黎、菲律賓，生於熱帶雨林中，
為歐洲最流行的室內觀葉植物之一，
20世紀80年代末中國開始引種並通過組培繁殖。
白鶴芋花葉美，輕盈多姿，生長旺盛，且又耐陰，
深受人們的青睞，常用於室內美化裝飾。
大夫的資料完全正確，謝謝你的補充...
刪除室內有點植物，非常好！
回覆刪除對呀，室內植物有淨化空氣作用~~
刪除都有人送過觀葉植物俾我，大概都是為我著想，所以都係澆澆水就得那類。
回覆刪除你位朋友都很明白你心，水種植物打理好簡單，平時加些水，間中施少許肥，已經種得好好~~
刪除我嗰盆時時都有花㗎，依家冬天都有一朵。
回覆刪除泥種又唔同，泥種會時時有花開，但係用水種冇花都唔出奇...
刪除一帆風順個名不俗呀！仲幾形象化添！👏👏👍👍
回覆刪除謝謝你到訪...
刪除通常植物都會給予它有個好名字，一來易記，二來吸引人種…希望帶來好意頭！！
這棵白鶴芋青蔥翠綠，葉柄修長葉形優美，很好看! 水養而能夠生出白掌，一枝獨秀，名為一帆風順，意頭甚好。 以往我用水養萬年青，也曾經養出花朵來。
回覆刪除也有人用水浸在花瓶的一小株桃花，竟然生出綠色的桃子。
白鶴芋外型優美，而且容易種植，幾適合家居擺放，令到家中充滿生氣…
刪除我現在家中都有水養萬年青，暫時都是初養階段，未見有花開…好耐以前用泥種萬年青，見過它們的花，同屬天南星科的植物，花跟白鶴芋差不多～
花瓶養小桃花會結出桃子……嘩～真係奇事喎!!!!!
養這小株桃花的人都好有心，有時拿一個噴壺去灑灑花葉，想不到有一天我去拜年，才發覺樹上生出桃子來! 而有些親友年年購置了一大株桃花擺放，可未聽說過會生出桃子來，你說奇不奇。
刪除有時種植物都要講有冇心機打理，只要悉心打理，總有意想不到的事發生都唔出奇…
刪除買桃花結桃子真係未聽過，能夠種到開花結果，個寓意真係好好，若然是而家發生影番幾張相呃like都好……哈哈~
那株桃花結子是N年前的事了，就算是現在有手機的年代，我也不是見什麼都影一餐。不過，若是現在我肯定會把桃子拍下來。
刪除更有趣的是，當時那主人竟然不知道多了一個桃子有什麼稀奇。
現在手機年代的好處就見到什麼，認為有趣的都可以拍下，若然有難得一遇的情景更可以拍下作為憑證…係幾方便…
刪除可能當年的花主本身不是城市人，住開郊區，見慣花草就不稀奇，對城市人來講算出奇…
看來森兄明年必定一帆風順，事事如意，這是好兆頭呢！
回覆刪除謝謝恕兄，望有好兆頭喇…
刪除我都祝恕兄日日有食神，家庭和睦愉快…