踏入新一年已經過了好幾日，當然有新就有舊，家陣潮流興懷舊，無論食得唔食得的東西，加上「昔日情懷」四隻大字就變得有價值…有時都會諗諗舊的東西有實質的價值，還只是一種生意價值呢？！
對於新一代的人要買米，當然會去超市，我見過油站都有米賣…不過對於上一輩的人來講買米當然去米舖，要買米就要帶個米袋去買，夠晒環保…查實米舖唔單止有米賣，還有很多糧油雜貨，而米舖都有送米服務，咁當然要買得多才會送啦…
仲有雜貨店，見到有售賣文具，玩具，糖果…而呢種幾合一的舖頭森伯好似冇乜印象～～記得細個有辦館，買糖果…而文具店就買文具、玩具、運動用品，係類似現在的中南書局類型…
畢竟無論有很多事物怎樣眷戀也好，始終時間個巨輪都不停地轉，今日的事物很快就成了舊物，而記憶中的舊物又成了大家的集體回憶…
趁新年就等森伯伯好好去愐懷吓…
買米要自己帶米袋<====真係好環保,應該要重新實行啦^^
回覆刪除記唔記得以前買魚和買豆腐用咩裝?
以前屋企樓下商場間文具店有機打添㗎:P
有人送米
刪除倒入米缸
Gael兄:
刪除對呀…以前物資唔豐富的時候，樣樣都比較環保，我都有諗過實行環保消費得唔得…但商家的品質可能無咩保障…
用膠袋裝?!定係綁鹹水草?!
文具舖有機打…咁又未聽過…
大夫:
刪除以前的米缸真係用粗瓦整，很重…
如果豆腐用鹹水草綁是失傳了的絕技吧XXD
刪除以前個個買菜的，都識綁鹹水草…
刪除不過用報紙包住又唔衛生~~
會印咗啲字上舊豆腐度XXD
刪除油墨豆腐邊個敢食…哈哈
刪除森兄新年駛唔駛去辦年貨^^
刪除過年都冇咩年貨辦，求其買少少嘢算…
刪除幅相一森伯喺邊度𥄫嘢？
回覆刪除屋企人多，會叫米舖送米(一麻包袋)、火水、生油(大鋁罐裝)。因為一個笑話，好記得間嘢叫聯益。有次阿媽打電話去叫啦！起頭緊係問『係唔係聯益啦』，點知接電話個𡃁仔竟然回覆『呢度唔係零壹，係零零七呀，八婆』收線。激到啤啤聲。
米係麻包袋裝，小學時興跳麻包袋接力比賽，我都被派去同其它小學比賽，好似得梗頸二。
森伯為個Blog坐時光機去架!!!!哈哈哈
刪除你的回應鉤起老人家森伯伯好多回憶，以前鄰居都有叫人送糧油雜貨來，用手推車...
聯益呢個名好耐冇聽過，專做糧油生意，而家唔知仲存唔存在?!!
以前有好多人脾氣比較燥，容易開口得罪人，現在的人比較好修養~~起碼唔會郁啲鬧人八公八婆...XXD
第二名都好喇!!為學校爭光~~
以上的相在歷史博物館影，有時間去睇吓…
歷史博物館鬆開各段時間嘅繩索，等我哋飛翔於那段歷史當中。
刪除吊高個錢桶係咪可以防止三隻手呢？
歷史博物館仲可以睇吓古時的香港，在尖沙咀區睇完可以去附近食吓嘢消磨吓唔錯…
刪除除非自己友，錢桶裡硬幣最多，點會攞呀！!
舊時回樽得一毫我已經好開心，幾毫子可以食到個早餐，搭巴士仲有用斗零，一蚊/伍毫封利是，嗰個時代啲神沙係好值錢，邊似依家拾蚊雞都唔見嘥。
刪除我幼稚園時畀一班𡃁仔(高我兩個頭)攞住木棍打劫一排吉X利朱古力，依家梗係大笑話啦！以前我係覺得好似鮑魚咁貴重架！要哭喪。 唔同年代、唔同年齡嘅價值觀係不斷變化。
以前的銀紙較見駛，帶十令蚊就可以落街…不過通漲都翻幾翻，一定唔會跟以前一樣…而家唔好話幾十蚊，幾百蚊都好快駛晒……
刪除咁森伯又未試過感覺朱古力好似鮑魚，通常電視有咩大型show,屋企會有雪糕吔，為之開心……
周三缺貨，希望身體唔嘢嘛！係忙功課至好呢！
刪除一爺兄真係有留意啵，上個周三冇出博…稍後可以講吓!!
刪除一爺兄簡直可以做森伯的人肉平安鐘……
上次斷骨都冇停寫，呢次一定唔嘢少。
刪除人肉平安鐘………………吓！(好肉酸)森伯唔係想撳我嘛！唔好亂撳喎！哈哈(偏要講歪)
斷骨有冇停寫我都唔係好記得…不過而家畀你激到斷氣, 想寫都寫唔到啦XXD
刪除撳?!!...你當你自己係老襯定水魚先?!... XXD
平安鐘有個功能係可以聯絡長者問吓佢地有冇事架…
斷氣係嚴重過斷骨嘅。咁斷氣可以借啲意同人『咀對咀』人工呼吸，森伯就爽爽。
刪除你當你自己係老襯定水魚先?! 我咪提醒你 :『唔好亂撳喎！』後果自負。
哈哈哈…斷氣仲人工呼吸，即刻打去call白車啦～～
刪除反而我想知，假設撳咗有咩後果？！！仲話係森伯個平安鐘！唔及格！等到加生果金即刻換過個…
我記得細個時有人送米到屋企。
回覆刪除冇記錯，我們以前都叫過一段少時間送米來...
刪除仲有上門送火水
刪除諗吓送火水的工人都幾辛苦~~
刪除而家新一代，無人識糴米啦！
回覆刪除而家邊要糴米呢回事...冇米就去超市糴幾包囉~~~
刪除我記得開米舖嘅大多都係潮州人，而以前仲可以賒數，即係月結！
回覆刪除潮州人特別有米…?!!以前賒數都係畀顧客一種優惠…又唔知當時多唔多人走咗搬咗冇畀錢呢？!
刪除糧油雜貨店都買少見少了，大概自己舖的話有更大機會在超市附近經營下去吧。
回覆刪除呢類舊式舖頭生意未必夠附近超市搶…所以買少見少，不過一些舊區應該仲有，有些冷門嘢呢類舖頭可能搵到…
刪除糧油雜貨店，我在石硤尾見過有一間。
回覆刪除再過一、兩年，我想這些店都會消失。
我諗呢類舊店暫時都未會絕跡，可能一些舊區都有發現…
刪除不過時代變遷，總有新物取代舊物……
糧油雜貨店,我還可以在舊的屋村見到.但買米.真的只見新一代在超市買多.
回覆刪除舊的屋村街市應該仲有呢類雜貨舖，米舖真係冇乜見，見到都不妨搣吓自己係咪發夢…哈哈~
刪除點解會叫做辦館?係咩意思呢?
回覆刪除你真係考起我，辦館相等於現在的便利店咁上下…
刪除以前母親住處樓下的不遠處，有小型街市和糧油米舖，米舖大多是潮州人開的，送米送火水的伙計原來是店主的兒子。媽媽不會歧視潮州人，總會有打賞。
回覆刪除以前就算小型的街市, 內裡都有很多舖頭, 當中一定包括米舖雜貨舖, 買些生活的糧油雜貨…咁我又唔清楚原來開米舖多數是潮州人…
刪除