新曆年過後，霎一霎眼又到農曆新年，來到這裡…都要跟大家拜個年：祝願大家事事如意，新春大吉大利…恭賀說話就等同金錢，相信大家都唔會嫌多…雖然老土，但先有傳統氣氛～
呢排實在幾唔得閒，返到公司都可以話唔多野做，因為每逢過年都老俸唔會做野等收爐！！但係放工後反而要做功課…最麻Ｑ就係要做本Book…新正頭呢個字唔可以講……XXD要成本自己創作，都唔易架！！
所以都冇為過年前做過什麼，除左執個丐幫look之外，我覺得今年市面的過年氣氛都好一般…
近排常經過半佬酒店，見佢地的新年裝飾都好靚，遠看有很多燈籠懸掛空中，吸引很多人影相，以森伯影相技術都算ＯＫ喇…
過年的指定動作係逛花市，屋企附近都有個小型花市，不過冇行…變了在商場內行個摩登花市，當行左…哈哈
今年係豬年，通常豬畀大家印象都係蠢，俗語都有講蠢豬，蠢豬…呢樣又幾似森伯都係蠢蠢地，希望來年個人變得醒Ｄ啦…今云有金豬過年，真係富貴又吉祥！！
另一指定動作年夜飯，餐飯來來去去都係差不多，不過志在大家屋企人相聚食一餐，今年都幾多人…
過年對大食懶森伯來講都係食…食…食…不過又唔敢食太多真矛盾！！
祝大家(見者有份)
回覆刪除豬籠入水 龍馬精神 出入平安 心想事成
你巴閉喎……Number One~~哈哈
刪除恭祝你好運連連，事事大吉，豬年旺相，想嗰樣得嗰樣……
咁啱啫！
刪除你呢門學問喺中學時叫『呃錢』，Arts 即係藝術，份功課係要森少『要為藝術而犧牲』，Book係咪森少個人驚艷『寫真集』，『最麻Q』係太多靚相，選擇困難。有興趣想知係乜嘢內容？
我覺得你呢份功課好好玩喎！ 勾起讀中四時嘅古時代回憶，有2份好有趣嘅(我對功課正面過你)特別Project，一份係英文科，另一份係生物科，要自行分組完成。英文科係二男三女，生物科係二男一女，我同另一個哨牙肥女好搶手，二膽拖幾個。英文科係要 揸住 卡式錄音機(古古物)去啟德機場(古代 灰飛煙滅 建築物)，揾啲鬼鬼訪問錄音，將英文對話內容用文字寫番出黎，而生物係溪澗水生態，要上山採藥咁摘啲植物同捉虫，查番係乜生物學名，整理份報告交畀先生。個哨牙肥女最叻設計封面同包裝，我就係最快打字員用打字機( 出土文物 )打晒成份報告，每份要打2個幾星期架。
封面整咗個有側蓋紙盒藏磁帶，盒上五個面畫上卡式錄音機個樣，好鬼立體，平面畫上拖線咪高峰連接部機，巧妙設計貼題又實用。
以為你新一年來到，個人會大個左成熟左，殊不知個腦筍仲未生埋，講野好似有智力障礙咁...XXD
刪除想像中份功課幾好玩，但都有少少壓力，雖然做本書平時都知來龍去脈，但係主題都係問題，既要似模似樣又要易做，因為製作的時間有限...
你以前的課堂習作都幾認真，現在你講我都覺得麻Q...如果呢種功課畀我地現在的同學做，肯定個個都冇心機做，因為個個都係工餘時間讀，所以功課都唔敢太繁複...
封面就唔會立體，求其似本書就算架?!!
哈哈！低低哋……白痴 ……痴痴哋……痴心當玩偶……哈哈！最緊要好玩，豬年扮珠。老人森唔好咁緊緊，鬆鬆啲。
刪除深信森伯能力絕對係易過借火啦！正所謂 睇餸食飯，唔夠時間咪要求低啲，學吓做人有時係低低哋，合格就算啦！。
哈哈哈...想講的形容詞都畀你講中曬!!不過過年就唔敢講太多啦……
刪除老人森有D神經質，比較易緊張~~做唔到鬆弛森!!!
你講得最0岩，唔想要求太高分，合格就算~~~~
心理學家話神經質嘅人聰明過人。
刪除相由心生，心緊則身緊，想肥都難。
好嘢黎喎！
心理學家真係有講過?!!做人蠢蠢地仲好喎…
刪除可惜人到老年就會容易肥呢!!俗語有話：老年發福…哈哈哈
真討厭，唔好寫到自己咁優秀喎！已經夠叻，仲要有謙虛識得適時扮蠢。
刪除森伯幾時寫到自己優秀先？！我唔識扮野，係真正蠢嗰類…
刪除不過謙虛幾時都要架啦～～
因為本身太優秀，就算不經意地輕描淡寫都好易浮現出來。
刪除冇扮，即係面懵心精。
把口咁乖乖…因住人哋以為畀咗做枚費你…森伯伯優番條褲就有份，優秀就冇得旨意嘞…XXXXD
刪除森伯份人內外一致，面懵森慒嗰類…
合法喎！我駛乜驚，新年收利是都係咁樣操作啦。好多人會問森少攞枚費，你先要因住。
刪除森少想瞬間轉移都唔好寫『優番條褲』，令人好有畫面，焦點就放喺森少冇著褲上，真係『一枝獨秀』，係有意展示吓定無意呢。
我喺森伯呢度係體現『相對論』，講乜嘢都我相對嘅，哈哈！
事實上又冇乜人問森伯攞做枚費…因為全世界得你講嘢咁浮誇咋喎~~啲做枚費當吟口費…XXD
刪除估唔到森伯伯一個老人家講句『優番條褲』，令血氣方剛的年青人一爺兄咁有畫面，真係罪過，罪過…XXD
乜森Blog咁有學術性?!!…能夠體現相對論咁高層次!!
如果森老頭喺金紫荊廣場『優番條褲』，唔駛血氣方剛都引起羣衆一場騷動，果真罪過，仲可能畀差人拉，幾多吟口費都冇用。哈哈！
刪除森伯一向都好有內涵，高森莫測，有高層次嘅學術知識都唔出奇。
乜唔係優番條褲先至對個場合莊重咩…哈哈哈~~
刪除你講開又講，森伯好似未去過紫荊廣場…搵日真係要去睇吓~~
你咁講咪叫浮誇囉~~咩好有內涵，咩高深莫測…完全兩回事!!!!!!
森伯﹗祝豬年大吉大利﹗身體健康﹗出入平安﹗
回覆刪除多謝Bonnie咁早嚟跟森伯拜年…
刪除我都祝你身體健康，事事如意，豬年順利!!
祝豬年快樂，身體健康，事事如意，Happy New Year 🎊🌹🍾️🎉
回覆刪除祝願恕兄事事如意，家庭和睦愉快，當然最重要係身體健康，日日有食神...
刪除恭喜發財！
回覆刪除我向王子講：利是逗來~~
刪除森兄：早晨！
回覆刪除大年初一，祝您新春大吉！萬事勝意！
身體健康！恭喜！恭喜！：D
多謝KaKa初一日來跟森伯拜年~~
刪除祝你心想事成，新年進步，日日開心，當然實有身體健康啦~~
大年初一百花開 老少平安坐幾檯
刪除迎春納福心如意 富貴由天重人才
大夫果然好文采，而且文中有理，多謝你祝願，我都祝大夫事事順利，投資獲利多旅遊...
刪除豬來了！祝你諸事大吉！
回覆刪除大家咁話~~
刪除我都祝你事事順利，諸事大吉大旺!!
祝事事如意，身體健康，學業有成！
回覆刪除多謝阿摩~~我都祝你事事如意，工作順利，身體健康...
刪除豬年大年初一，祝森源身體健康，學習、生活一切順利。
回覆刪除多謝small U祝願~~
刪除我都祝你身體健康，豬年順利又開心，遊山遊水多逍遙~~~
恭賀新禧！商場花市，係咪只得展覽，不作買賣?
回覆刪除謝謝Key Case…我都祝你今年勝舊年~~
刪除商場內的舖頭有年花賣…
最後係咪都有去剪個靚髮先XXD
回覆刪除想知係乜book喎,係咪森作品珍藏集?
今年又唔需要等好耐，好快就可以剪...
刪除因為整的時間有限，所以用手頭上的散文整本book...
森少，點解唔見我有留言嘅? 真大懵!可能近日谷歌取消 G+，搞到啲留言唔見晒，去開得會議多失魂之故。不過有心唔怕遲，十月都係拜年時。
回覆刪除在此恭祝森少豬事大吉!安康順遂!一年好過一年!
當然不遲啦!!!我也祝願秋葉新一年事事順利，安康快樂…
刪除其實都好少理G+的版面，我只係用個網誌寫吓Blog覆大家留言之類…
只要對平時的版面冇什麼大影響，都冇咩問題…我又好少發生消失留言喎～
因為你一向沒有與 G+掛鉤，所以不受牽連影響。我們凡有同時上G+留言的，隨著宣佈G+將會關閉，先清理與網誌掛鉤的舊留言，所以我們在網誌的舊留言全部被撤走了。
刪除我其實都冇咩用到G+的版面，所以在我的角度影響不大~~
刪除藉著版面的關閉，順便清一清理自已的資料也不錯...