對於時下的都市人來講，上班的時候真係少郁動，好多時都係坐多過行…但對於森伯來講坐得太耐又會好唔舒服，點都要行一行蛇王下，好早之前有同事贈過我一套鬆弛操，大意都係一些可在辦工空間郁動下的運動，目的都係伸展筋骨…
不過整套操都係step by step，你知長者森隨時都有可能腦退化發作，所以都懶記！早前買過一條拉力帶（介紹過…），都係畀人室內可以做些簡單運動，但公司做未免太似馬騮戲…
所以近年來都買了些手部健康石來把玩，佢原意目的都唔錯，因為人的手和腳板都有很多穴位區，據講常常刺激當中的穴位，就可收到健體功效…當然信不信由你，但試下都無妨，尤其現在用滑鼠又多，掃電話又多…隻手好易電腦手（之前我都患過，手腕很酸痛…）資料講呢種手部按摩球對電腦手都有幫助，所以買來試試…返工時用都OK！！
呢種按摩球無什麼限制，什麼時候有需要都可以拿來按按…呢個森伯推介！
我記得以前屋企都有一對鐵膽,都幾重
回覆刪除想睇下森兄示範拉力帶,應該對伸展頭肩頸有幫助
我認為輕的按摩球較好，鐵膽真係好重…
刪除都話我示範似馬騮戲，費事畀gael兄笑喇~~哈哈
工作成日要用電話,會有滑鼠手危機,有適當紓緩也很重要,尤其是森兄隻手傷初癒
刪除工作成日要用電腦
刪除對呀~差不多每日都用手機電腦，手部時時也是做同樣動作，作些簡單的手部按壓都幾好…
刪除好多謝gael兄常常關注到森伯的傷患，有時按吓手球當做物理治療……
一石激出千層浪，三木發過拾幢樓。
回覆刪除一爺兄明知森伯目不識丁，就唔好吟詩作對……唔明喎~~
刪除一來唔想回覆水蛇春咁長，二來我作得咁工整，仲諗住森兄會讚下我添。
刪除首句係話:扔塊石頭到水中掀起千層浪花。比喻一句话或某一细小行動，會引起强烈的反響。
尾句係話:三木即係森兄，財富比10幢樓還多。身份地位都受人敬仰，少少一句話或少行動都 舉足輕重， 影響大時代。
無所謂啦…你回覆幾多就答幾多，水蛇春咪當傾下偈囉~~
刪除真係唔該晒你個解簽達人幫森伯解開呢段簽文之謎，睇黎森伯抽到支上上簽……哈哈哈
原來你副簽文有寓意，生活都有些事只要做多少少，都可能有個重大改變，鍛煉都一樣…每日練習下，都會見成效，只在乎你肯唔肯去做啫…
同事肯分享咁好人。
刪除有精(音貞)操同事不理其他人目光照做？
你哋整合個精操二人組，有伴裝膽咪唔驚尷尬囉！
人哋大媽跳廣場面舞都係咁啦！乜森伯咁大年紀都怕羞架。
乜嘢分享…又貞操…又乜嘢其他目光…又尷尬……哈哈哈。完全唔知講緊咩…
刪除你唔好睇森伯幾廿歲人仔，個人好純情，含蓄同怕羞嗰類……XXD
純情學生哥、怕羞仔…… kawaii(日文)
刪除Kawaii…真定假先?!!...就算冇100%純情，都有99.99我估…哈哈哈
刪除關你森事，假裝純情咪係假嘅Kawaii，唔知森伯果99.99係裝出來定係貨真價實。
刪除Ka唔Kawaii都冇咩所謂啦…都長者啦!!!
刪除平時你同森伯傾談，在言詞間都知森伯為人單純稚嫰…仲有假咩?!!...
其實原地做吓甩手操，左右腳分別向前向後踢出踢入，都要簡單有效的運動，森伯不妨試試。
回覆刪除多謝提議…甩手操都唔錯，但在公司做又唔適合…最簡單做法，合掌伸開都算係簡單運動，緩手部疲勞…
刪除當然信不信由你，但試下都無妨---->我信穴位這回事啊，中醫理論有談的。
回覆刪除我都相信穴位按壓對人有幫助，是自然療法的一種……
刪除兩個合桃
刪除平靚正
大夫真醒目，只要簡單用兩個合桃就可以，不過市面好少見完整的合桃，所以會買啲木製合桃…
刪除秋葉真係唔好意思…本來要刪除你多出的回應，殊不知刪除了另一則回應……
回覆刪除回答如下:
足部的運動反而唔擔心，坐耐了，大家都會離位行行，但係工作耐了，按按手球也很好，可以舒緩手部筋腱，更可以減吓精神緊張…
因為我所寫的重複了句子，不想留著，所以繼續另外再貼吧。
刪除不用介意，都是些消閒的閒談吧了。
可以有機會起來行行，也很不錯了。藉著去茶水間走走，讓足部運動一下很重要。
我都知秋葉大人有大量，實唔介意…
刪除通常在辦公室借啲倚蛇王行一行，都係出呢幾招…去茶水間…去吓洗手間…落街買吓早餐…哈哈哈
原來森少蛇王都識得這幾招，哈哈...!
刪除森伯邊有秋葉咁埋頭苦幹做工作，我時時都要袋定幾招出去懶一懶……
刪除係呀!森少估得啱呀!以往我工作起來是不懂得偷懶架，真係屬於“埋頭苦幹”嗰類人。不過這樣真係好鬼蠢! 工作時應該識得忙裡偷閒，對健康都有裨益，有時應該要蛇吓王才襟玩。
刪除*
今天剛好出了新網誌，介紹大陸一位女攝影師的作品，展示農村晒秋的風貌真係好靚!有機會蛇王的話，就來欣賞欣賞啦!
其實都唔係好鬼蠢既…老闆見到咁勤力的員工，都肯定會加良好印象分～都敢講秋葉當年的勤工獎，年尾花紅都有唔少～不過工作還工作適當時候都要畀自己抖抖，所謂的充吓電嘛～
刪除就算秋葉唔講，我都會去睇睇…
英雄不論當年勇。就因為我只是個閒人，所以都唔好講咁鬼多舊事了。要講都係留番去拜山至講吧。
刪除多謝到訪閱覽並留言!攝影大師拍的照片很美麗。
總之活在當下，珍惜當下…趁親人還在的時候就多些溝通吧…
刪除「留番拜山至講。」這是一句俗語，不是我自創的。
刪除意思是：而家唔講唔多啦，有機會一起去拜山時才再說吧!
至於有冇朋友~會相約去拜山時才再討論問題嘅呢?
你當森伯好細個?!…呢句坊間的俗語我當然聽過…有說話要講，就唔好再等到什麼時候，真正到拜山時，講什麼都冇用……
刪除係呀，我真係當森少好細個架咋!就算你成日叫自己做老人家。不過看到森少處事好成熟，阿姨我又望塵不及，佩服!
刪除*
原來森少都聽過呢句老陳皮的俗語，不過我哋嘅解讀，好像有些少不同喎。
對我來認為秋葉都仲好年青，一個人心境年青好重要，感覺明天還有大把時間，人也可以放慢腳步慢慢欣賞身邊的事物~~~
刪除你真係當森伯講笑，森伯個老人家好多古言有云都可能聽過......
時時懷舊想唔認老都唔得啦。不過我常常以一種小孩子的心態看世界，自得其樂。在冷暖的人間，都看到種種人生百態。
刪除感覺到世間上好人總是多過壞人，實在感恩!
*
以前母親常常隨口就說些廣東俗語，十分精警。還有以前的電影上，也常常加插一些一針見血的俗語，總記得一些。
森少可否說一些“古語有云”的例子出來呢 ?
刪除提示：網上都有好多。
刪除秋葉這種心態好正面，看事物或做人處事用小孩子的眼光出發，可能有不一樣的體會，至於找一些古語有云的例子，要刻意去列出未必即時諗到…雖然是古話但用在今天仍很有道理或形容某些事情也十分貼切…
刪除我都相信每個成年人都總會有童真的一面，只在乎呈現這一面是多或少而已…
活動活動，身體健康！
回覆刪除對呀，多些郁動舒展吓都好…
刪除