雖則森伯伯已經一把年紀，在古時可能已經養尊處優，退隱歸田，弄室為樂的時候...XXXD（曾孫，正確寫法是什麼？請指教...）
但時至今日森伯伯仍然營營役役，忙忙碌碌...有史以來都未咁勞役過~~~
返工時候要進修真係幾吃力，唔止去上堂聽書咁簡單，仲要顧下要做的功課，以及唔影響份工作為大前題...森理壓力都幾大架~~
所讀的課程都要用到電腦授課，而電腦室又要去到另一處返學，所以呢排真係課室兩邊走...
事實我都幾怕成日要留意個日程表，雖然係隔條街，但上錯課室就麻煩...至於課堂中心那邊是遊客旺區，都冇咩時間周圍逛感受一下夜晚的地道街景，總是來去怱怱...
其實上電腦課最好，感覺玩下電腦好容易又一堂，但如果有D導師長氣少少，就會遲落堂，哪晚就收得夜，落堂時候課堂中心都已經熄燈…搞到好夜~~
返到家中都拿拿聲食少少野，之後二話不說即刻沖個涼覺覺豬喇！第二朝晨咁早又要返工...所以成日唔夠訓，我諗若然讀完呢個課程可能會老左廿幾倍~~~
完全感受到…一個麻甩有兩頭住家的確幾辛苦！！成日兩邊走～雖則個比喻牽強左少少，但這一刻真係好貼切…XXD
電腦嘅graphic design?
回覆刪除今個課程樣樣有關美術的東西都掂吓…
刪除森伯，我在網上看到的.....
回覆刪除「香港中文大學粵語詞庫中亦同時收錄“息”和“塞”兩詞，均解作“曾孫”之意，而且“息”在粵語中是可以讀成近“塞”(Sak7)音的;故本人懷疑其實現在人們寫的“塞”字，其本字應為“息”，及後音變使人忘了本字，套用了近音的“塞”字。」
謝謝stella的資料補充…呢個字聽就聽得多，但好少留意佢真正的寫法，不過現在網上好，遇有唔清楚的字或資料，都可以去網上搵搵…原來息字都可以解作曾孫，看落冇咩關連的字原來都可有另一意思……
刪除鳳凰姐真係好有心，幫我們查到這個“息”字。也讓我知多了一點。
刪除想起來，前人常有說：“希望子息繁衍，開枝散葉。”
原來這個“息”字，就是這個意思。
呢個字我們都是常常聽到，但又不是太多人知道真正的寫法，現在認識了到有機會用到時都識寫吧~~
刪除在網上大家有唔識的都可以交談一下，所謂的集思廣益嘛...
「集思廣益」，森少說得很不錯!
刪除秋葉見笑喇~~森伯只係拋書包...
刪除不敢，不敢!~~~客氣,客氣!
刪除如無記錯，秋葉也曾經是刊物編輯，中英文水平都應該有番咁上下…
刪除森伯有時博文文筆錯漏百出，有錯不妨指正…
森少真好記性，不過，我編過的是會刊吧了，寫的也是會刊。但早年在各報也有發表過文章。但我的英文都生疏了，很多長長的生字，竟然識讀唔識解! 哈哈!
刪除有時我都會執筆忘字。點敢指正人吖。
刪除有時也發覺自己寫錯同音字。在這裡自選的留言欄目上，都冇得改gar啦。
秋葉謙啫！編輯一份會刊也不容易，有時都唔可以有太多錯字問題，若然就歸咎編輯，所以編輯的工作一點也不簡單…
刪除有時我都會執筆忘字，尤其在網上打文，打錯字的形況都時有發生，後來睇番才知…
我所編過的會刊很簡單嘅啫。甚至一手包辦了撰文、拍照、美術、編輯。當然要再三審視文字結構，更不能出錯字! 一手包辦是為了替委託人慳錢吧。
刪除結果出來反映也不錯。
就算一本極簡單的會刊，都總會有讀者看的，所以都唔一定可以馬虎～如果讀者發現有問題，都一樣會指正…所以身為編輯的工作，一點都唔能鬆懈～
刪除有秋葉包辦的刊物，必定受歡迎啦…
這本會刊不是公開發售的，是某校校友的會刊。這些老校友很多都是德高望重。
刪除委託人家道中落，想中興聲望，輾轉找到我幫忙。發出後，聽說很多人不相信這刊物是由一個女子一手包辦的。我知道收到的人或機構都已經好好收藏了。
很想知道：森少從哪裡得知這件事情的?
搵得秋葉幫手，肯定委託人對本刊物有一定的期望…希望做到好，做到出色…
刪除不知你有否存起當時的刊物呢？可以post出來給我們看看？！！
哈哈，又係你自己講結果個反應唔錯…都估到又有口碑又有好的回響啦…
森少你誤會了我問的意思。我是想知道：“你從哪裡(哪篇)知道我曾經做過編輯呢 ? ”編輯是要對轄下公開的文篇負有責任，內容要真確，文字要通順，不能出錯字，甚至標點符號也要準確，威信才能成立。如果寫手寫得不好，要提出更正，甚至會出手改好。
刪除我當然有存起一些，不過，這不是公開出售的刊物，我不想公開招搖。
我都係記得你之前的回應講過…其實現我們寫blog同出一本刊物形式一樣，無論文章內容，少少的設計都係自己一手包辦，blog友就是讀者，都同樣睇到大家的反應…
刪除這樣你有否其他個人作品可post出來看看呢?
寫博文拍照都是很個人的東西，相信都是各施各法，沒有人要求要絕對不出錯字。都是很率性的作品。
刪除*
我也有其他的作品，如果找得到這張照片，也可以po上的。
當然做本出版物跟寫blog不同，前者要認真做，後者就可以輕鬆啲…
刪除好喎…期待欣賞你有份參與的作品…
說是個人作品當然都是獨立製作。負責審稿、選紙與製作。
刪除能夠一腳踢做本刊物真係唔簡單，有機會真的要見識吓……
刪除做一本夠份量的刊物很不簡單，至於獨力去做的，只能是較為少紙的刊物。
刪除後來我所做的是幫人出一本詩集。曾經拍下的照片，已經是幾年前的了，都幾難搵吓。但我會盡力而為。
我一路以來的工作都是跟出版物有關的，都有份參予美編的部份，每次畫完的插畫都好期待能夠見到印好的出版物，自己有份做的一定會保存返一份…
刪除當然啦! 出版的刊物原本都是分工合作的作品，各有職責和崗位。當看到一份刊物面世了，大家都會很關注合作的成果。
刪除對呀,所以每次都好期待份製成品...現在有很多都縮減印紙量,改為網上版,感覺少一種實在感,不過也是大勢所趨~~
刪除看電腦雖然方便與環保，不過，沒有了實在感與質感。
刪除事實上看實體書比較有利於眼睛，免受光度的的侵擾。
絕對認同，有時望得電腦多眼睛容易疲勞，都好難想像要在電腦看整本書的文字…
刪除我係跟日程做嘅人， 減少錯漏， 易於計劃， 時間分配得宜。
回覆刪除可半工讀係要好強嘅時間管理，腦筋轉數快，才能完成工作，即係話你有能力包二奶囉！
個日程表唔係自己寫，係學校畀學生留意邊日有導師請假，上課地點在邊樹…你大忙人有份日程表編配吓時間梗需要啦…我就懶得去寫，基本上日日都係差唔多啫…讀今趟書可以睇到自己能力去到邊…
刪除我讀夜學時，啲同事話我係『書生』，因為我工餘時間都放晒落學業，冇乜參加佢哋聚會。
刪除五點半放工就趕返六點半學，九點半放學返屋企食晚晚晚飯，好彩住得近學校，九點九就可開飯。最慘有semister係每周上四晚，真係讀到嘔，長達四年，過來人都明白森伯苦況。
好學森伯不忘初衷，從4月初到依家都過了七個月，捱落去啦，因為課程好快就完結，到時又可輕鬆。加油！
難得一爺咁正正經經叫森伯加油...呢個實會啦!!正如你講都要捱落去...
刪除聽你咁講又真係幾書生，儘管返工又要返學，少D毅力都未必做到，你叻我好多，你個課程要讀四年，而且一周要返四晚，
相信是個學位課程喇，讀完對個事業有實質幫助都好好...起碼捱得有價值~~畀我已經唔會讀，因為個時間太長，我萬一有痛症個壓力仲大喇~~~~
森伯見多識廣，估嘢都好準下。
刪除上一代人捱得鹹苦，森伯都係，絕對能完成，除非係內置計時炸彈爆發，痛不欲生。touch wood 今年爆咗幾次？
森伯有名井底之森，大鄉里一個咋...
刪除你真係識講嘢，森伯應該係上一代再上兩代的人，正確嚟講係滿清漢族人嗰類~~~哈哈哈
好難講喎，只能講個痛度係輕微定嚴重!!!
嘩！上幾代人咁長命。你唔係……係……係……啊！森伯係來自星星的你嘅金秀賢，擁有𣎴死之身同特異功能，因為地球某啲嘢影響身體而會不定期出現大大小小嘅痛症，所以，要禁食某啲地球食物。XXXD
刪除你估真係寫懸疑小說咩…我仲以為你話森伯思想係古老石山嗰類～
刪除森伯的確有幾多嘢戒口禁食，但鮑魚，燕窩，草蟲，花膠都食得，你嚟老人院探森伯識做啦…XXXXXXD
我以為森伯係古老『金』山， 犀飛利呀！
刪除我同你相反喎！我戒食你講果啲，佢哋會令我缺乏Vitamin M，臨老過唔到世。丿 金山森伯食幾多都得。
你以為即係唔係啦～冇金嘅金山阿伯伯就有份…
刪除有森伯缺乏都冇你缺乏維他命Ｍ喇…
金山森伯食幾多都得>>>…你講西北風呀?!!…XXXD
需要毅力與無窮精力，加油💪🏻
回覆刪除有阿摩幫老人家打氣…當堂振作番~~
刪除之前上水彩畫課,明是上1.5小時,導師要人完成作品,都拖到2.5小時甚至3小時,攪到自己都有點壓力,自己也不敢同導師講已過鐘,想走人.
回覆刪除如果個畫畫班在假日的早午時間都可有鬆動時間，若果好似我們在晚上時間就要準時放學，只要遲個令鐘頭，同學就自動早走…因為大部份都要明天返工…
刪除弄室為樂<===初頭仲以為森兄講咩?...XXD
回覆刪除只要係有所得益又是自己興趣所在,其實都忙得幾開心嘅係咪
話唔定第時上晒堂你又可能會有少少失落感唔習慣添啦!索性好好享受現在的幸福忙
阿gael gael 兄好似講到好隱晦…唔知誤咗弄咩為樂呢？哈哈哈
刪除忙得開心，呢個詞用在這裡就不對喇…不知幾想快啲讀完~~~~
至於你話失落感，可能暫時仲未清楚，真係要留到讀完才知道…現在這刻讀書森態都係見步行步，有堂就上，有功課就做咁囉…
弄 息/ 曾孫 為樂
刪除弄 室/ 妻妾 為樂
怱怱 / 屁股 匆匆
乜大夫去完東瀛返來?!!...睇嚟大夫叉完電，思維都唔同咗...
刪除森源總是來去怱怱...
刪除邊有大夫咁輕鬆慢活遊東瀛丫...
刪除來去怱怱...
刪除是否坐來坐去
諗若然讀完呢個課程可能會老左廿幾倍--->餘下多少個上課天(OR「上課夜」)?
回覆刪除未有咁快，應該仲有好幾個月的時間…
刪除咁有冇前後對照睇下先XXD
刪除嚇得森伯伯丫...哦!你講既前後對照指老咗廿倍的相?!
刪除緊係冇啦~後生咗廿倍就話啫XXXXD
森伯，加油！堅持下去，勝利在望呀！
回覆刪除多謝Man Man誠心為森伯打氣，我會堅持下去……
刪除一邊工作，一邊又要上夜校，確是很辛苦的。
回覆刪除以前因為家窮，女校名校要收我也不能去，因為學費和書簿費都很貴! 只能讀夜校。
當時見到有兩位日間要上班的同學，都趕得很辛苦。
有一位有時要加班都要缺課，常向我借筆記抄。後來他開了一間小廠。
對呀，唔好話放完工仲要去花精神去學習，平時放工後都想躺著什麼都不做...學習的確要些堅定的意志~~
刪除因為環境問題你放棄讀名校，真有點可惜...不過很多事都係事在人為，只要能在自已崗位發揮自己所長，都搵到屬於自已的一片天...正如你口中所講的同學一樣...
那些年小時我住在旺角區，行路由阿皆老街去九龍塘瑪莉諾女校很方便，也投考這一間。後來知道這學校不但學費貴，而且常有向家長募捐籌款的活動。便打消了去入學的念頭。一封催我入學的信也沒保留了。
刪除那位創業的男同學，有一次在同學的婚宴上同席，他也有邀我去工作。不過他的工廠在荃灣，地點較遠，便沒再聯絡了。
現在的名校大眾家長都趨之若鶩，為爭到一個席位，什麼方法都會試…反而以前的人生活迫人，必須的生活問題未能解決的時候，讀書已經是奢侈的事…不過以前的社會，就算未有受過好好的教育，只要人有奮發心，一樣有很多機會（我覺得比現在多）同樣可以實踐自己的理想…
刪除你說得很對! 現在的社會環境和以前大大不同了。以前入學是各取所需；學校也有權錄取或不錄取學生。
刪除可是現今既有教肓署聯合派位，也容許各校自取一部份學生入讀。情況好像變了天。
唔好話教育，民生問題都有很多跟以前大有不同，或者社會不斷在變，只能講自己能否適應，能否轉變而已…
刪除