有人話做人慢活才是生活的應有態度，不過始終港人節奏快，做咩事都係急急腳，如要慢活都可能係生活裡的奢求…
如果要返工的時候，早餐真係好求其食，或者有好多人鍾意返到公司先食，但係對我來講都冇乜所謂…晨咁早就要起身，自家整定個Lunch
Box順便食埋個早餐就OK喇…其實帶飯已經好多年，可能自己老人家唔食得太多外邊的三高食物，高糖、高鹽、高脂！因為不時聽到報導話外面的餐飲糖又超標、鈉又超標～～聽到都幾興幸自己係帶飯果批…至於自家製都係以清淡為主，事關整清東西比濃東西簡單，都係一個字講晒──懶！！哈哈
其實食物的濃淡都係從細時的口味開始，習慣食淡的就比較適應淡味的食物，但食開濃味的就很難改口…所以有次在百貨店見到這類小朋友餐盒，其實都唔一定係小朋友，成人都可以買個帶飯，如果係Marvel的fans見到應該幾開心，買個返去儲都好，日本貨應該唔係A貨卦…亦因最近創作超級英雄的作者逝世，這類咁靚的Marvel餐盒或者會乘勢熱賣…
卡通飯合原來森伯都介紹^_^帶飯好呀又可健康又可省錢﹗
回覆刪除可以拿上blog講，都會傾傾...
刪除羊羊真係了解森伯，健康又省錢，慳番嚟買多個雞尾包做早餐...哈哈
帶飯實惠又方便，唔駛同人逼。
回覆刪除其實帶飯最主要好處，係份量,食材調味可以自已控制...
刪除有人帶電飯煲返公司煮飯蒸餸，飯香更可口。
回覆刪除我哋公司有蒸爐，冇人帶個電飯煲...
刪除森伯食得好簡單，唔會計較色香味喎~~
苦行僧森 善哉善哉！
刪除唔係你估…等你仲以為森伯伯好為食…XXXD
刪除苦係森伯人生意義！😢
刪除唔係你估…等你仲以為森伯伯好幽默好好笑…><
刪除呢排好攰，覆我都慳水慳力。哈哈哈！
刪除證明你唔多了解森伯喎！其實只係苦中作樂啫…哈哈
刪除呢排唔係好攰…係勁攰！！
苦口良藥利於病
刪除大夫果然言之有理~~
刪除小朋友帶飯通常冇得放入微波爐，大人帶飯有得叮一叮，選飯盒時留意埋物料穩妥些啊。不過你用不鏽鋼，都唔預算叮啦。=P
回覆刪除我諗現在的家長多數買個保溫飯壼給小朋友帶飯免叮，多數學校提供膳食...
刪除你講得好啱，飯盒的物料好重要，我覺得不鏽鋼好過塑膠盒...
我家的大朋友都係帶飯，午飯時間唔使同人迫，慳到一的時間慢慢食自家飯盒。
回覆刪除咁你家的大朋友仔就識諗，自已整飯較安全衛生，放飯時間在公司食舒服得多~~
刪除飯盒都係揀質素良好的有保證,因為驚返叮時會釋出不良物質
回覆刪除對呀，若然要買個物料安全的飯盒都唔易，事前都要做吓搜料功課…一般我用不鏽鋼盒，都好少連飯一齊叮……
刪除之前聽過好似話不鏽鋼飯盒盡量避免盛載帶酸性食物云云.....
刪除不繡鋼器具唔可以放酸性食，例如糖醋骨之類就唔得…至於酸嘢一向都少食，更加好少用來帶飯…
刪除一定啦,森兄平時都怕食酸嘢XXD
刪除又未必嘅…若果有日gael兄派薑醋畀森伯，都可以食少少……^^
刪除講開飯盒,細個時候都試過,不怎好食,因吃時會有一種像「噏咗」的氣味......
回覆刪除至於慢活,其實對上了年紀的人來說,想唔慢都唔得,好似我而家喺香港,我行步路都唔敢行快,因太多人在街上,真係要好小心呀！
你講起又令我記得，以前的暖壼裝飯的確有陣「除」唔好食，所以現在唔會用…相對新出的暖壼好好多，食物保持原味~~
刪除你在紐國太耐了，羊多過人，回來香港變了唔習慣…家陣香港唔止人多，地磚凹凹凸凸，唔為意好易click親~~睇相，覺得恕兄仲好健壯喎！！
請問marvel飯盒係邊度有得買?
回覆刪除在觀塘的一田超市分店...
刪除我都係帶飯，飯盒係最簡單嘅玻璃兜。
回覆刪除玻璃兜都見有幾多人用，不過嫌重又要小心放，所以冇用到……
刪除我媽都帶左飯廿多年,但她可能年紀都開始大,都有二高.高血脂與高血壓.我自己中午那餐都外面吃.感覺外面吃的.都多肉又多醬汁.又少菜.不知不覺都胖了許多.想自己帶飯.但自己中午常四周行.一時在北角.一時在尖沙咀.一時在柴灣.一時在紅磡.帶個飲盒有少許不方便.
回覆刪除其實帶飯食都唔一定可以避過三高症狀…最主要係睇自己用什麼餸菜帶飯！在外面食有時都唔錯，可以每天都嘗試其他飯菜，至於話健唔健康那就後話…
刪除或者你可以試下買一個極輕便不太大的飯盒，用一個背包揹起，咁就可以四圍去，下午選一個適當位置便可開餐，食常溫飯都可以，只要食材揀些清淡…咁你或者會減低不必要的胖嘞…
雞蛋芝士三文
刪除整呢個方便~~
刪除