平時都唔會食得太多生果，因為有好多水果都係酸酸地，如果有些生果唔太酸都會食多少少…相信牛油果都係其中之一種生果唔會酸，不過牛油果唔會拎起就咬來食，通常都係畀鍾意攪三攪四的森伯，用來攪個牛油果糊，都好少用牛油果做其他，或者有blog友有其他食法都不妨提供下…
牛油果簡直係大人版的出奇蛋，有得食之餘仲有得玩！可能睇到呢度你會問牛油果有咩玩?!!當食完個牛油果之後會發現個牛油果核都係一樣鍛練工具，可以用來練手指靈活，閒來就咁按壓一下手部穴位都唔錯，天然又夠晒環保…如果又有閒情，仲可以種在花盆內，睇睇佢有冇機會種得出！！我又未試過…最主要係冇咁大個地方種～～
平時都可以扮下森家大少他他條條，呢排忽然又忙起來，能夠出到篇Blog都已經可以為自己拍爛手掌…唯有遲吓再逐一探訪大家…
有啲生果我反而愛食偏酸多過甜,例如奇異果和火龍果:P
回覆刪除我無搞拌機無得整糊仔,牛油果肉多數切片用來夾麵包,我好少齋食一個牛油果通常拌其他嘢一齊食
我都試過拎啲核落街種XXXD
年尾旺季所以森兄都忙啲係咪?隻手初癒唔好太操勞喎^^
如果食得酸就冇咩所謂，有時帶少少酸的生果食起來都醒胃...
刪除哈哈哈...咁你又唔好講到攪糊仔，好似畀BB仔食咁款!!通常攪完的果糊都會用來送麵包，就好似麥皮粥，當一個豐富的早餐~~
或者下次試下用來夾麵包食，可以加片蕉增加甜味~~
始終香港土壤環境都未必適合種牛油果...
好多謝gael兄的關心呀!!忙還忙...都會睇住個傷患!!
又係喎,成日拎啲核落街種,又真係好似唔多見有果樹生出來XXXD
刪除始終唔同來源地的環境，好難長成果樹，香港實在太潮濕…尤其在社區裡…
刪除知啦！ 係鹼性電森嘛！
回覆刪除以前唔識點揀，摸吓淋淋嘅切開黎食，一係生嘅，一係過熟到爛咗，考你識唔識點揀靚嘅？
好多功課？好多工作？好多秘撈？好多拖拍？
為咗慳番森伯寶貴時間，我係謝絕探訪，我咁體貼，唔使感動流淚喎！
幾時都畀一爺兄的留言,有D意外笑料...何謂鹼性電森?!!
刪除食左牛油果咁耐都知幾時最適合食，當佢的皮轉為深啡色就可以食喇，見到綠青色仲係生的，切左都唔食得...
你四個問題，估中兩個...功課同公司野兩樣要一齊做...
感動還感動，有D野笑下都可以在忙碌中有D調劑...
森伯防病發要食鹼性食物，體質呈鹼，食完嘢咪义足電，成粒鹼性電芯咁。
刪除果皮顏色同果肉軟硬都唔準，後來，我上網揾到話椗底搣開睇到果肉變成呈啡黃色就夠熟啱食，呢個準好多。
嚟緊放聖誕節假有得抖。
人得一世，梗係要時時笑下開心。
咩講到防病發咁驚驚呀…唔通樣樣食物都check住鹼性定酸性咩！！
刪除其實牛油果一睇就知熟未，唔需要咁多舊魚在椗底搣開先知，水果一搣開就惹菌，牛油果更加易氧化變壞…
所以有假留到年尾放！有得笑就笑…冇得笑唔會夾硬笑，費事畀人話傻森啦…
牛油果，營養高！
回覆刪除對呀…所以都會間中食幾個~~
刪除有得食有得玩，牛油果仲有益過朱古力蛋。
回覆刪除這個當然喇…而且牛油果的食法仲可以搞多點變化~~~
刪除有得食就食
刪除有得玩就玩
睇嚟大夫有好多嘢玩,有好多嘢食咁喎~~
刪除我好少吃牛油果，最近在餐廳吃多士，有半個切薄片的牛油果，又覺得幾正喎！
回覆刪除原來都幾多人鍾意用牛油果片夾麵包食，既然講到咁好食下次試下咁食!!!
刪除未試過食牛油果，揾次試下都好喎。
回覆刪除雖然牛油味道啖口，但配搭其他食材都可以…不妨試吓~~
刪除牛油果我唔知整乜好.
回覆刪除整個牛油果cake或者都可以呢！！
刪除用來整crumble....XXD
刪除牛油果冇果味，整糕點未必吸引……
刪除好耐冇來探森少，原來森少鍾情牛油果，我又長見識了。
回覆刪除有閒時再來學習。
謝謝秋葉來探訪森blog，知道好耐冇嚟，就要多常來呀~
刪除生活仍有很多學問等待我們探索……
謝謝您的邀請，若有時間就來拜訪學習!祝福安好!
刪除秋葉姨姨唔需要太見外，隨時來訪都十分歡迎～～
刪除牛油果未食過,羅漢果,有買過來沖或是買鴻X堂的枝樽來飲.
回覆刪除就咁食牛油果唔好食，一定要配其他食材…平時又好少買樽裝嘢飲…
刪除