森情小品文

2018年8月1日星期三

從休養中出發…

其實都休養了好一段時間，人都尚算OK…之不過在這段期間都有幾大的無形壓力，幸好工作方面唔需要太緊張，有醫生寫假紙證明就得喇…但至於上堂就係最大的壓力來源…個課程唔會因自己休養而暫停，所以時時都問自己OK未？！...當然去到見醫生都唔會建議返工返學啦！最主要怕傷患未固定未復元，但自己覺得可以應付…始終想想返工返學都係坐為主，又不是擔擔抬抬嗰類…兼夾諗起四個字，忽然令森伯振作起來點都要返一返工，至於嗰四個字當然唔係咩努力加油，就係手停口停囉（呢句原動力大啲！）…在有醫生紙的情況下，都要返工…最主要都係要適應返工節奏～

至於講到返學方面，有人話不如退學…我當然不想前功盡棄，如果呢個是興趣班之類，我諗會考慮退學…因為始終壓力幾大，現在唯有見步行步咁啦…

在工進修都唔容易，反而讀書壓力唔大，本身都算有少少美術底子，問題就在於能否順順利利完成整個課程才是重點…

2018年7月25日星期三

森記糖水之簡易芝麻糊…

早前同人講返舊時住的附近，有很多路邊美食檔，當中總會有檔賣糖水，雖然不是有名店舖，但用料味道都係好好，相對而家就算店舖食，都總係差很多…

不過講起糖水，港人都唔會陌生，以前的人飯後會煮些糖水大家食，相對現今個個聽到糖水都耍手擰頭，都唔想吔太多甜東西…既然現今個個都怕太甜，包括自己都係啦…所以森老伯介鉊個既簡單又健康的糖水喇~~

材料甚簡單…蕃薯粉，芝麻醬…

先用適當份量的蕃薯粉開水，用煲煮成杰撻撻的薯粉糊，跟住拔兩匙的黑芝麻醬放落薯粉內一起煮，雖然兩匙份量以為少少地，但已足夠……一放落之後就要不停攪拌，直至麻醬溶掉為止，糖可以不落，因為芝麻醬本身有糖…熱騰騰的一碗芝麻糊搞掂咯！！

至於用的芝麻醬在普通超市買就可以，本身用來搽麵包果種…

你諗下…傻男森伯都識煮就知幾簡單啦～～

2018年7月18日星期三

保護套…

生活仍是要繼續，路仍是要繼續行，工作仍是要繼續勞碌…
一個人有過傷患，心理障礙可能就係最大的問題，會凝住凝住再會碰傷，所以為求安心，呢個時候做些保護都係需要…又想保護隻手得來又唔想太誇張，有些護踭套都幾大舊，所以用對緊緊的壓力襪唔錯，薄薄地，戴咗都唔覺啦…

其實呢對壓力襪，唔係咩名牌子出品，在一些臨時攤擋買，不過之前用過都唔錯，我用的時候就會把腳掌位置剪去，方便穿戴…
個檔口係臨時，都冇見一排，後來又見出現，見到當然買多少少啦，戴住再加個墊應該去邊都冇問題，總之自己都係要小心為上~
真架…每次外出都驚驚地，呢類算唔算係老年陰影呢？

2018年7月11日星期三

夜幕低垂…

晚上總是讓人有種謐靜的感覺…記得好耐好耐之前，喜歡夜闌人靜的時候，坐在電視機前，其實不一定為了睇電視，而係在那個時間，人的思維特別清晰，可以畀自己諗諗東西，日頭諗唔掂的事，在晚上又會諗到解決問題的方法…

不過其後要上班，漸漸都甚少晚上睇電視，最主要都係上床便睡了…現在多了出夜街，始終香港地日頭一個世界，夜晚又係另一個世界，晚上都有好多人出來消遣…

當然分地區啦，荃灣對我來講都成日踏足，呢帶都有幾間酒吧！勝就勝在晚上工業區附近比較靜，總不是人來人往，夜行有夜行的好處，冇日頭的節奏咁快，亦都冇人太多的壓迫感，人都可以放鬆一點，感受到那份漫不經意的空間…

2018年7月4日星期三

森伯收藏之figure匙扣…

以前的人們娛樂方面冇現在的人咁多樣，一有些大型的國際盛事都會十分哄動，一個奧運，另一個當然係世界盃啦，四年一次，捱通宵都要睇…舉行前幾個月已經有宣傳…相反而家世盃打到嚟都未必知，又或者唔係大台播又會差得多，雖則話世盃係盛事，但又真的唔太關森伯事，大家都知森伯份人好直架啦…XXXD，唔講大話，一向都冇睇足球賽事，所以要摷啲同足球有關的物件寫下博都唔易，結果都要出動埋啲珍藏匙扣…