或者森伯伯仍想保有一份乳臭未乾的感覺，心境上就永遠停留在牙牙學語的階段，人都細路啲啦…哇咔咔，所以選擇性地不戒奶…尤其近排整傷啲骨，需要補充多少少鈣質，又唔想食鈣片，從食物裡吸收係最穩陣…
所以呢排都飲多了高鈣奶，以前好少特別買高鈣的，眼見而家咁情況，唯有揀些對的食物才是…
呢個就係近排常常食的早餐，除了有奶有麵包之外，仲有黑芝麻粉，芝麻都係一種幾唔錯的補鈣食品，將芝麻粉+麥包+麥餅，最後加奶就食得……呢個早餐都好豐富，平時趕時間就咁塞個包就算，相當求其…
單係吸收鈣都唔得，早上見有少少陽光都落去曬一曬，都係一陣咁啦，實在又熱(個太陽)又濕(成身汗)……
我這邊兩公升普通鮮奶係三個幾紐元，但加了鈣就貴多三分一…
回覆刪除想同你講下笑，貴的原因是這裡多老人，而另一的就是個鈣字側邊有個金字呢！哈哈…
哈哈，鈣字旁邊有金，貴啲都唔奇…啲生意人好醒目，無論加鈣，加味，無脂，無糖都要貴少少…都係捉消費者的心理啫……
刪除紐國老人多，咁做老人家生意都幾好喎，其實吸收鈣都要趁後生，到年紀漸大效用就冇咁好……
作者已經移除這則留言。
回覆刪除黑芝麻
刪除曬太陽20分/日
07~10
16~19
對Ka Ka講的，有同感！
刪除kaka同stella,兩位美少女食嘢梗係講賣相啦…但對森伯呢類麻甩仔嚟講有益最緊要，何況芝麻粉多數放落飲品食……
刪除大夫：每日要曬廿分鐘太陽，咁我記低先…
刪除期待森兄會變成古天樂咁....XXXD
刪除十字牌好唔好飲?未飲過喱隻呢
森伯出事仲要畀gael兄挖苦…><
刪除家陣仲唔夠黑咩…
十字奶聽講係本地生產，味道跟其他品牌也差不多…
晒下個人都精神啲健康啲嘛^^
刪除情況許可又碰啱天朗氣清都會曬曬……
刪除仲駛唔駛覆診?
刪除要呀~呢段時期醫生check得密些…
刪除綠色蔬菜和豆腐都可以加鈣架！
回覆刪除平時都有食菜和豆製品，但好少早餐食呢兩樣……
刪除我一直都未戒奶
回覆刪除我諗都有好多人一直未戒奶…哈哈
刪除大奶-色誘我唔到（賣相差矣）。
回覆刪除通常賣相味道差的食物，都係有益嗰類…
刪除咪係話人醜就係有益嗰類呢！我咪好有益囉！哈哈！
刪除人體對鈣質的單次最大吸收量約500毫克，分開二、三次適量食。
我只係話通常賣相味道差的-食物…
刪除乜一爺兄係食物咩？哈哈
我唔係成支奶一日飲晒，分幾日食～～你當森伯生大食癪？！……
成碗杰撻撻，都好特別吓喎。我寧可天天飲黑芝麻豆漿，食板豆腐。
回覆刪除聽聞雞蛋殼重多鈣質。打碎雞蛋殼落啲餸菜度一齊煮，吃了更多鈣質。不過我未試過，不知口感如何?
森伯又絕少早餐食板豆腐…其實呢碗麵包奶望落杰撻撻，食落都幾好味，加點蜂蜜更好，都唔係咩特別嘢，都係講食唔食慣……
刪除有機會你都試吓…可能會喜歡～
蛋殼含鈣質，我好早已經知道，以前用蛋殼粉餵寵物，好讓牠們多吸收鈣質，自己唔知啱唔啱，暫時冇試…
刪除板豆腐大多數都係蒸魚，或者煎來做餸。好少話做早餐。
刪除早上我會蒸一碗豆漿，或者黑芝麻豆漿，加個蛋。麵包會蒸一蒸才吃，除非是新鮮出爐的。
有時肚餓，會用一杯滾水，浸軟了餅乾才吃。個人如果吃乾的餅乾，會有乾燥的感覺，十分不妥。
其實我也不喜歡吃乾硬的食物。如果你將麥包另外用碟蒸軟就很好!
目前你不方便郁動太多，就這樣做是很方便的早餐，食落順喉就好了。
刪除哈哈哈…真係好啱啵，我都係一樣，若時間許可的話，我都會蒸包來吃，蒸過的麵包會回復軟熟，易入口…
刪除以前很喜歡用熱煉奶浸克力架食，在我眼裡都係一樣好好味的東西，當中包括埋回憶…
咁奇? 森少都係喜歡蒸過啲包才吃，浸過餅乾才食，真係有咁啱，得咁轎了。有啲人唔鍾意咁樣食法，說這是太過姿整!
刪除*浸克力架都有回憶...係咪諗起以前拍拖啲甜蜜回憶呀?
其實好多人都喜歡咁食，好似有隻黑色圓餅乾，廣告都話可以浸牛奶食呢…可能小朋友喜歡卦～
刪除以前拍拖的甜蜜回憶…？！一齊浸克力架都好唔浪漫啫…哈哈，我講係回憶返細時咁食～～
以為森少在少年時，在去會佳人之前，肚仔餓，於是擒擒青，開杯熱煉奶，浸件克力架頂吓肚先~咁咋...
刪除秋葉知道森伯年事已高，特登考一考森伯嘅邏輯思維，話明擒擒青，仲邊有時間攪杯熱奶慢慢嘆克力架丫……
刪除又唔係要煮個麵，開杯熱奶都係唔花好多時間啫。咁又要講邏輯思維?
刪除為求豐富劇情，要加些戲劇性架。
哈哈…咁樣的情節都畀秋葉諗到，唔怪之得戲劇有如夢工場啦…
刪除若然真係要擒擒青，通常吔幾塊餅乾就算…
咁就唔知啦，都係編出嚟嘅啫，我又未試過，求其憑空想像咯，可以超時空，超乎平常嘅!
刪除我諗秋葉阿姨本身的工作都係做創作嗰類…
刪除我做過的工作都好踏實! 打字打了兩年。一人獨力編過會刊，文字與美術並用，每次都不會相同，是需要創意的，很享受這種有創意的工作。
刪除並不是天馬行空，生安白造的，與說笑胡謅不同。唔使驚!
咁同秋葉的工作性質都差不多，不過我間中要畫插畫放在出版物裡…而編書我就不需要，編書的工作繁複得多，秋葉真的能者多勞…
刪除不同的，我不畫畫已久，我說的“美術”是作版面編排的意思。多數都是安排照片，與文字配合定位。其實與做blog有點相似。
刪除請你看看一本坊間的雜誌：每一篇主題或訪問稿，會有一個訪問員的文字紀錄、加上拍攝的照片，然後交由美術部去作版面美術的配置。
最後才交由編輯去作審視和修訂，才叫大功告成。
*
因為我做的期刊篇數不多，也不屬於任何機構，只是受人所託，我一個人包辦了，為朋友省了很多錢。不過，因為那些是我找來珍貴的歷史圖片，當時各大傳媒和廣州的著名學府都有收藏。
你的工作係刊物編輯，要編輯一份刊物雖然唔容易，但有成功感…這種就是工作中的樂趣…
刪除味道如何？
回覆刪除味道唔錯，若加少許蜜糖，仲好食有益…
刪除少飲奶.每次飲都肚瀉.我應該是對牛奶過敏.
回覆刪除如果飲了有不適，可能真係對牛奶敏感，轉飲豆奶，營養都差不多…
刪除森源﹕你係好番晒﹖你的早餐健康。我會食麥片+脫脂奶，因為我肥。
回覆刪除都未完全好番晒，有心呀愚老師…
刪除如果純係怕肥，把脫脂奶轉為豆奶更好，不過味道冇牛奶咁好…