2018年7月4日 星期三
森伯收藏之figure匙扣…
以前的人們娛樂方面冇現在的人咁多樣，一有些大型的國際盛事都會十分哄動，一個奧運，另一個當然係世界盃啦，四年一次，捱通宵都要睇…舉行前幾個月已經有宣傳…相反而家世盃打到嚟都未必知，又或者唔係大台播又會差得多，雖則話世盃係盛事，但又真的唔太關森伯事，大家都知森伯份人好直架啦…XXXD，唔講大話，一向都冇睇足球賽事，所以要摷啲同足球有關的物件寫下博都唔易，結果都要出動埋啲珍藏匙扣…
呢個figure公仔匙扣買了都有十多年了，個size 4.5cm到咋，跟手指差不多而且做工精細，記得當時都有其他球員，不過冇個識，買1個都夠啦…
唔知有冇有識之士知道呢位球員係乜水？！解開呢十令年之謎，身穿藍色球衣，背後印有20號，知道就告知森伯，寫寫吓好似警訊尋人～哈哈
訂閱：
張貼留言 (Atom)
華朗,來自阿根廷的老將,已退役^^
回覆刪除gael兄果然勁喎, 一post就知係邊位球星...都咁多年已退役都唔奇~~
刪除森兄,我都同你一樣冇睇波 最近一次世界杯都係因為工作地方而有得睇,都係2002年嘅事了!
回覆刪除雖然話世界盃係盛事，總相信未必個個喜歡…自己覺得現在睇球賽的人，也冇之前的熱烈，睇波都好講氣氛，又要電視台肯揼本攪吓氣氛先得…
刪除我都冇睇.
回覆刪除個球員唔識你都買嘅？
當時又係熱播世盃，雖然唔多識，見佢咁QQ，就買番個…
刪除買了十多年都KEEP得唔錯.今年真的沒睇過任何一場球賽.今年只認識兩個球員一個C朗及美斯.
回覆刪除基本上呢啲匙扣用來儲，通常都會keep得好好…figure匙扣唔及你多…
刪除你講的美斯同C朗上屆已經認識…
你問我十幾年前做過乜就唔記得。
回覆刪除記得呢個塞豆窿放喺邊好叻。
記得係大約幾時買又好叻。
保存得咁好真好叻。
不過，矇查查買乜都唔知就…………點解會買呢？
公仔球衣上有佢個名，上網查吓都知啦！
刪除呢啲就係你跟森伯老人家的分別，我唔記得近嘢，反而遠嘢就好記得…哈哈
刪除通常儲匙扣都會用個防潮袋保存…
呢個匙扣在大型百貨買，質素好好…
畀個包裝吸引，而且製作精細Q爆…
森伯不是常常攞出嚟，冇留意到…而且又可以考吓大家…
老花眼就會近嘅矇糊、遠嘅清楚，老花記憶即係高錕嘅腦退化症，忘記最近發生事情，只記得以為嘅嘢，最終會退化到吞嚥同抖氣都唔識，要插晒喉管餵飼同呼吸，森伯人生真悽慘，又多一樣嚴重嘅老人病，依家有藥食可以減慢退化時間，快啲去揾醫生協助啦！
刪除願主保佑 可憐嘅森伯， 命途坎坷。（搖哂頭）
老花就易搞啦，戴個老花眼鏡…
刪除有時唔係你揀腦退化症，而係腦退化症揀你，邊個想有病呢…當然唔想啦，咁真係祝君健康，生活安好…
你都知森伯命途坎坷呢…等你仲激森伯…哈哈
邊個咁叻搞到森伯激凸了。😁
刪除哈哈哈…咪係一爺兄~激到森伯眼都凸～～
刪除激凸森伯惹人愛，我都算做點好事。
刪除你知啦！森伯 胸襟太深可撐船，係丞相之才，要激嬲都要施展渾身解數。
平時的森伯都未必惹人愛啦～何況凸眼的森伯…你講得咁好聽，想唔認都唔得~你要施展渾身解數，都放在有聊事上啦…
刪除當我嘅弱項碰上森伯強項，當然要付出全力啦。
刪除呢個係我喜歡嘅無聊事，可減工作壓力，付出多多都唔覺累。
話時話，我都唔知自己有咩強項…真係要等一爺兄發掘吓…
刪除認同，有時處於壓力下，做啲無聊嘢會輕鬆啲嘅～～
因為無興趣，我一向都冇睇足球賽事架！
回覆刪除雖然話世界盃係盛事，但也未必個個喜歡睇…
刪除世界波
刪除world cup
刪除作者已經移除這則留言。
回覆刪除KaKa:
刪除kaka咁問，一定有啲嶢崎…乜有個球星個名有個ka字咩？！未必估到喎…
大夫：
刪除英文歌都畀你諗到……
作者已經移除這則留言。
刪除陣間…我點知會答咗咩，到時KaKa又畀個氹森伯踩…哈哈
刪除作者已經移除這則留言。
刪除森伯出得嚟行，梗係醒目啦…哈哈哈
刪除講笑咋…講笑咋…就係蠢先費事得罪人…
聽說梅艷芳生前很喜歡碧咸，原來碧咸嫂都很矚目!
回覆刪除除咗碧咸，梅姐又很喜歡西城秀樹。
對呀~碧咸嫂本身係外國樂壇組合辣妹成員之一，之前已經很出名…
刪除秋葉是梅姐的歌迷？！…
梅艷芳的身世坎坷，但早已鍛鍊出不凡的歌影生涯，她的歌影迷很多，我只是一個旁觀者。森少不大認識球壇，也認識碧咸嫂，顯然對外國歌曲更有興趣吧?
刪除秋葉一向對足球沒有興趣，只聽過一個萬人迷“碧咸”和碧咸嫂，就想起已故的名歌星“梅艷芳”，聽說她是很喜歡“碧咸”的。
刪除“西城秀樹”在今年已經作古，駕鶴西歸了，名藝人又少一個。
以前的歌星，總會有些人生歷練，其實人都係，有過不一樣的經歷才造就出不一樣的人生…而我相信秋葉也是個有經歷的人…
刪除除咗碧咸之外，森伯仲識好幾位球星，至於碧咸嫂Victoria應該好多人都知，除非流落荒島啫…
平時對外國樂壇好一般…
其實生老病死是人生必經之路，名人也不例外，總之在有生一日就要學會多多珍惜眼前的事與人…
森少早晨! 你說得不錯，每一個人或多或少，都會有不同的個人經歷。
刪除有輝煌的日子，也有平淡的日子。有驚險的旅程，也有風和日麗的時刻。現在秋變了一只井底蛙了。坐井觀天，只見到天空的一角。
早晨，人生就是這樣，人越大經歷的事情多了，人生閱歷都豐富得多，當人在風平浪靜時，看不到什麼…但人在苦難前，就會磨煉出鬥志，所以從另一個角度睇苦練都係好事…
刪除點會呀~有森伯井底蛙都未到秋葉啦…
是不是說：人越成熟成長，就越會籌謀? 有時我倒是很笨，很喜歡關心周圍的事物，對於自己，倒是不夠周到。看來自己要改善的事情仍然很多。靜坐常思己過。
刪除森伯一向多往外走動，點會係井底蛙吖...
森伯就唔會乜都關心，正所謂：事不關己，己不勞心…因為煩自己都未煩得完啦~
刪除如果唔係有要事出街街，森伯都好宅吓……
所關心的是電視、電腦上報導的消息，並不是去八吓隔籬左右屋啲人。
刪除說得好：事不關己，己不勞心。可能我有過多的同情心。自私一點更快樂。是達人還是宅人都好，祝福安康!
關心吓身邊的人們有時都需要架，在這個冷漠的世界裡，發揮吓關愛精神嘛…
刪除都好多謝秋葉時時來關心老人家森伯…^^
以最近世衛的標準，65歲算是中年人，看來森少都未夠65歲，只能算是年青人吧。
刪除通常我對有病的人，總是充滿同情心。雖然有些是不能接近，好像沙士的病人。更值得同情的，是該些藥物對病人的影響是深遠的。但願人人都懂得：保守到個人的身心健康!
你真係好心，話森伯伯係年輕人真有點兒那個，中年人就差唔多啦~
刪除能夠對病者伸出關懷之手，這個人壞極都有限，或者一個人最脆弱，最無助的時候，就是在病榻中…
如果個個人都懂得互助互愛的精神，人間就充滿暖意……