其實世界之大，真的有很多食物未有試過，尤其是一些常常聽到的食物...蔬菜中的羽衣甘籃就是時時聽，不過老人家森伯，都係第一次見它的真身，見到又唔貴，當然要買來試試!!!聽講羽衣甘籃是超級食物，而且深綠色蔬菜比較有益...
睇外表以為菜葉會軟軟的，但實情是比較硬身，羽衣甘籃比較似芥蘭，它的葉比較大，我初時嘗試生吃菜葉，但十分難咀嚼，還硬過芥蘭葉...後來略為煮熟，而且煮熟就比較衛生，在水裡灼少少時間，變了軟身後比較易吃，如果嫌淡口，加些熟蕃薯更加好!!!
可能森伯大鄉里，未識烹調過這種羽衣甘籃，不知大家平時怎樣煮這菜呢?!!森伯老人家始終習慣了口味，都係菜芯，白菜比較好吃~~~~
羽衣甘籃有聽過，名字好好聽。
回覆刪除係呀，羽衣甘籃名字好聽，同棵菜好襯，夠特別……
刪除據說 “羽衣甘藍” 是很有益處的神級蔬菜。在街市我沒有怎樣見過。雖然生吃是保留到成份的好處，不過，還是稍為焯水兩三分鐘比較好吧。
回覆刪除對!!據講此菜是超級食物，不過我認為什麼菜都吃，會有不同的營養素，而且也不會時時見到又買到...
刪除其實自己很少食生的菜，始終怕不衛生，用來生食多數菜苗!!!
把羽衣甘籃灼熟後再吃，反而唔錯~~
不要說你大鄉里，我比你更大鄉里， “羽衣甘藍”這名字聽得多，但都未見過，更加未買過了，聽個名好似好高檔，總覺得會好貴，所以從冇諗過要試試。
回覆刪除係呀，好多人都好似森伯咁，聽就聽得多，但平時很少見...可能有些人常到街市菜檔就會易見，而且都有些人唔食慣，又未必會買來吃...
刪除那次在超市見到有十蚊盒羽衣甘籃，於是便買來試吓!!!!若然間中見到，都會常買~~
羽衣甘籃個名就好聽，食就唔好食，朋友種羽衣甘籃給我小許，教我先用水灼熟，再切碎炒蛋，多謝朋友送給我試，試過之後都冇興趣買黎食。
回覆刪除唔算好易吃的菜，唔排除吃慣了會有人喜歡...
刪除嘩!!自家種，可能係有機菜!!!!呢種唔灼到熟都好難煮到稔......
與其用菜炒蛋，菠菜會好些...如果下次再買，試吓用來炒蛋吃~~~
名字響噹噹！仙丹咁貴平民就唔買嚟食，我估自助餐食過吓都忘記。雖營養豐富到以一敵八，但只食一種太寡、好悶，我喜歡每日食拾多種平民價蔬果瓜菇豆，多顏色、味道、口感更滿意，揀定營養大包圍食策。
回覆刪除感受背靠祖國添多福，同有路就富起來 [我係慳]，才享受農民直銷價，減中間剝削和多餘花費，係互惠互利啦！培養治國人才中勝西，呢個係良果。
難食可同美食攪拌成糊掩蓋住，台灣叫綠拿鐵。
森伯算係大鄉里，羽衣甘籃都聽了很多年，我都係第一次食，只係咁啱超市有得賣，而且唔貴10蚊雞有盒，就算幾有益都唔會餐餐食，營養學講的是營養均衡，食物多元化才是，我只能說每天都有吃不同食物，很難餐餐都食幾隻顏色的食材...
刪除背靠祖國始終是好的，我們買的東西多，而且也較平宜，我時時都講，如果不靠祖國，食又會貴，連飲水的水費都貴..,可能因為咁，香港是福地的原因之一...
用羽衣甘籃攪果糊，都難飲~~~我發覺最好是把它灼熟，加幾舊蕃薯係幾好食，食完好阿Q，覺得健康左~~~~哈哈哈
見呢餐圖，D同事會唔會錯覺認為你好窮？D錢用晒去供樓、要節衣縮食捱苦，照片似舊日貧窮農夫嘅一餐，亦都似貪靚名星瘦身餐。
刪除反而，要讚下自己不怕勞苦麻煩，不怕人笑師奶式算死草格價，花耗時間，攪盡腦力，好講究，用小小錢安排每餐都食得好豐富，無刻薄到自己。事實上，我係平過你呢餐。
個blog除咗自己知之外，冇其他人知，不過啲同事都知森伯窮，事因森伯平時的造型充滿著丐幫feel……
刪除一爺太在意人哋點睇，總之吃了健康，其他又何必在乎呢！！
唔緊要啦，總之想吃什麼就吃什麼……講慳家，邊個及得一爺！！
中秋節健康快樂！
刪除中秋快樂，我都祝你身體健康！！
刪除老牛比森伯伯更「大鄉里」，聽過個名、見過樣，但從未買來試，因為老牛比較保守，唔敢試新嘢，平時食開那幾樣就食那幾樣，反正不單調、多樣化、多色彩、多不同品質就得，營養均衡，所以沒有想過試下這種聽落似是「霓裳羽衣曲」的貴族。
回覆刪除如果不吃慣的食物，很多人也不願試，我有時見到些特別的水果，也不㑹亂買來試，吃慣的才會買！！
刪除平時飲食營養均衡就可以了！！也不需要常常試新東西，更何況新東西也未必營養額外多……