有些時候也會想想，我們每日的生活會遇到、接觸到無數的人，簡單的分類就是認識與不認識...
認識的人不需多講，只想講講這些，不認識但又十分熟悉的過路人...聽起來好似有點前後矛盾，但當中你我都會遇過...
這些人偶爾都會碰面，但從未與他們有真正的講過任何說話，就算講句早晨，你好，hello...都沒有，但你又會認得他們!!!可能最多機會遇到的是隔離鄰舍...或者是常常幫襯的店舖內...也會是大家搭著同一班車...這種層面甚至可以講到在博客上，儘管大家在網上如何熟悉，如何投契也好，其實私底下大家都各不相識...
有時也相當有趣，有些人時時都會遇見撞見，面孔已很熟悉，但是姓甚名誰...不知，何方神聖...不知，一些說話也未層交流過，或者人與人之間的接觸，就是這樣微妙有趣......
熟悉的陌生人……乜唔係講套劇咩！男主角意外後醒過來，穿越時空，回到未認悉妻子前。
回覆刪除明星 歌星 都好熟悉，但唔係人人去追星。
點頭之交、泛泛之交、莫逆之交、金蘭之交、刎頸之交、忘年之交、總角之交、杵臼之交、患難之交…原來結交都好多種架！
交往係好嘥時間，善用有限資源，揀啱才去悉。
咁好朋友應該要幾多個呢？
君子之交淡如水，小人之交甘若醴。川成日吹牛話習係好朋友，都只人小人之交，唔通鬼佬唔悉分君子同小人！俄、巴鐵、塞又悉君子係咩喎！
你真係煲得韓劇多...這些橋段咁似韓劇~~尤其是穿越時空果句...
刪除係喎，你講既明星歌星，看似就非常熟，甚至有些人常常留意他們的八卦新聞，仲可以隨口講出人家的事，但事實他們之間係可能是完全不相識，都是我今篇所講的範圍之內~~~
中國辭彙或四字詞都有幾多不同的交誼階段，作為網友，我們各位都可以稱為網絡之交...好虛!!!!!!哈哈哈
現在這個世代，所謂的好朋友已經好難搵，很現實的~~~
唔好話國與國之間，領導人何來有所謂的友情...頂多話伙伴，就好似習和京一樣，大家為合作伙伴，目的都係想抗衡霸權大國的力量...
藝人好處係娛樂大家唔失感情，聊朋友同事事情會易惹事端。
刪除上媒體爆紅陌生人都算係。
網友easy come easy go ，絕交無感情瓜葛，不會面左左咁尷尬。同事送零食唔啱自己掉櫃桶底，你又要回禮喎！嘥錢又煩買咩嘢，網友邊駛禮物架。我覺得虛好過實。
49年非洲和中國都一樣落後貧窮時，係非洲兄弟『抬』中國入聯合國，一腳踢走台灣。發跡後中國無忘本，患難見真情，出錢出力援助依然貧窮落後嘅非洲。
白種俄國妄想加入西方碰壁，更何況黃種華人。美白日本人加入西方陣營只當係狗。中國呢百年一直被西方不停壓制，留喺南方陣營一齊努力靠譜務實。
哈哈！擊中無稀土要害，方寸大亂。佢話係熟悉好朋友(敵人)，已被刪封為陌生人，不回答，冷對待。
中英語法反轉（姓 名Vs名 姓），將川話意思反轉來解讀就啱喇！
大家一同喜歡，都可以傾下娛樂料，但未必個個人都會八卦娛樂緋聞事...
刪除對呀!!!網絡kol都係識佢，而事實都係個陌生人...
你唔好抹到森伯黑一黑，森伯唔係什麼easy come easy go既人，都收過博友的禮物，之後都有回禮當交個朋友~~知道一爺出名慳家節儉，先唔敢叫你玩交換禮物...哈哈哈哈~~
乜講定先呀!!!「絕交無感情瓜葛，不會面左左咁尷尬」，咁快諗定同森伯絕交!!!!!
其實講到尾，中國人同外國人本身的文化大有差異，有時好難用一套理論去斷定任何國家的人~~~西人較直接，而中國人就較含蓄，什麼都著重人家看法...在落難的時候，人家幫過自己，發達後也不能忘本，樣樣都循規蹈矩...人家對你不客氣，仲講什麼風度呢?!!
川普既說話冇得估佢出咩牌，鍾意講乜就講乜，鍾意幾時生效又得，幾時取消又得~~~~~
負森人又負面扮做受害者去控訴我，哈！真衰。來去自如 、瀟洒自由、 無拘無束、 無牽無掛 係我理想關係 ，講我呀！
刪除我厭繁文縟節，多餘。我小學雞時恨收聖誕卡，咪先送畀人，好幼稚。
我已進入身邊人一個個走階段，啟動減法人。講唔埋架，斷交好自然。My Best Use Date 限期唔長。『咁快諗定』唔好暴露你青年人心態。
不論你係咩黨，中國宗旨更合領導世界各國走向發展 進步 繁榮 昌盛 嘅 光明建設之路。另一邊治國能力差 自大自私 ，祗做破壞事，鐵達尼號要沉喇！
森哥好細心觀察到，並精闢總結佢笑C人行為。誠信就無喇！面皮幾尺厚話改就改，私人公司見勢色唔對路立改係好架，但治國要先考慮周全才行動，朝令夕改太差。只揀馬屁精做幕僚，顯露整個團隊能力差勁囉。
不是負面，森伯似係真正被欺侮的受害者！！
刪除你用一大堆四字詞來形容潚灑，豁達……一啲啲都唔似一爺平時為人！！感覺你畏首畏首尾，心裡負面的多……👎
細路仔的時候，很多都希望收到禮物，都唔奇，細路仔都要有返童真才對的！！
冇暴露年青心態……只是森伯都已一把年紀，很多事情都看得較開一點！！
多謝一爺讚森老伯夠細心，只是平時多於觀察別人，再去分析別人的所思所想，盡量減低看錯人的機會……
侵侵真係某國最叻叻的總統，再上任總統幾個多月，用最短的時間搞到某國一鑊粥……
正面森哥會點樣『正向』回覆呢？
刪除瀟灑的意思係自然不做作，不受拘束。
不做作將真我呈現喺人哋面前，如舊日36吋肥肚腩、 醜到八両金咁樣、為方便打理剪陸軍裝…等等。我都會讚自己優點。
不拘束：過節唔會做咩儀式、食咩過節嘢、嫌禮來禮去煩、舊時母親仍在時會叫哥姊拜年送阿媽平時食開 如牛油果 提子乾 杯麵 圓肉 蜜糖味薯片 藍莓夾心餅 旺旺仙貝 做禮物，唔好送傳統新年糖餅…
我定義應該不同森哥啦！所以，森哥唔覺得我瀟灑。重要係我覺得自己瀟灑就得啦！後生時才要人認同。
政治人物唯利是圖，乜違背良心嘅都做得出。
森伯冇話自己好正面，不過未至於太過負面而已~~~~
刪除一爺仲未夠灑脫，給一種無形的枷鎖鎖住，變得好謹慎，拘謹...
唔信，正所謂有圖有真相，唔好講太多一於send張相來睇睇個八両金樣，講開陸軍裝，森伯都未刻意剪過，除左做完手術時期...><
到人大了，反而覺得能夠多些同長輩一起是不錯，除了可彼此關顧之外，你還可以藉此孝順一下父母，知道他們的心思，喜歡的活動，食物，生活起居時間等等...
到現在你還很詳細記得你母親喜歡吃的所有東西....很有孝心!!!!証明你每樣東西都牢記著~~相當感動!!!
你覺得自己係乜都得架啦!!!!你話你自己係侵侵都得~~~正所謂旁觀者清，當局者迷...你呃唔到老人家的眼!!!哈哈哈
你見侵侵同Elon Musk(爭啲唔記得個中文釋名...)就知，變面仲快過乜~~~~~
唔認？咁我話森哥『好正』囉！
刪除群體生活要顧人（枷鎖）！
不停追問我嘅缺點……正森要有同情心！唔好挖人痛處咁冷血！
來得好自然，唔使感動喎！咩都要在生時做，C後做乜都假。
列舉呃你有咩好處？
馬先生唔怕笨川。
民主自由選最『好』嘅總統！總統亂搞一通，又話三權分立可制止不適當事情，假嘅！
對呀，群體生活要與人相處，無形中枷鎖感又會重了...
刪除每個人都有缺點又有優點，無人完美，無謂太過介懷人地點睇你自己~~
C後做乜都都冇意義，所以大家都話趁彼此在的時候，就要珍惜當下的時間，去營造多些值得回憶的事情!!
列舉呃你有咩好處？...只有一爺自己先知!!!!!!!
一爺可能讀開番書，黃皮白心的ABC...中文詞彙有句說話講出：君叫臣死，臣不敢不死.......證明皇帝把口很大，民眾百姓不得違背~~~~侵侵即是皇帝，邊個敢得罪皇帝，就算富翁都唔得，以前要收監斬頭，成家人著晒白衫上刑場受刑.........
所以我好宅，唔理人享受單獨瀟灑。
刪除『……無謂太過介懷人地點睇你自己』呢幾句無乜作用。接受現實全部靠自己用長時間走出黎。不過有人不斷針對醜樣弱點就唔好人喇！不愛拍仲問攞相，係為難人。
我呢個呃森嫌疑犯喺『無罪推定』法律下，應該係森哥講出好處，講唔出要無罪釋放。哈哈！
殖民地年代9成幾係英中，回歸後保皇黨為咗擦阿爺鞋倡議母語教學，破壞舊有良好敎育制度我係反對架，能操英語係優點，學外語要趁早和多時間。原來，我倆年紀隔得比我想像中更遠。
熟面陌生的無關係緣份，唔及『女神配對計劃』咁搞笑又煽情嘅緣份，發生關係才吸睛，覺得部份係照劇本演。想借出位陌生人和未紅藝人有時需要出賣私隱和尊嚴，才能制造炒作機會，繼而爆紅，演出真人騷紅過拍劇。
資本主義即係錢惡晒，財力可改變每屆總統選舉命運，錢可推翻皇帝，仲可買凶刺殺添。
拜登曾經向川普抄家。
睇見張床，揭開尾國權力核心都係制造罪惡温床。
幾宅都好，間唔中班鮮肉友人来探吓你玩吓笑吓，敍一敍……😘😘
刪除呢個唔係森伯伯自己作出来，係你自己極度介懷，人哋八両金如果連自己都唔敢出鏡，你今日都唔識佢啦，行出来是需要勇氣，你連啲啲勇氣都冇！！👎👎
他們所倡議的母語教學，是以母語為先，並不是只教母語，英語就不能講……
其實我想講的熟悉陌生人是常常遇到熟口熟面的人，你是知道有呢個人存在，但可以係完全零説話，亦零交流……同緣份又冇咩太大關係！！
有時唔係個個可得罪，以前的君王，一聲號令，要你咩就咩，賜下毒酒，一爺都要毒酒當珍珠奶乖乖飲埋去……＞＜
唔理你係咩高官達人，好似一爺家財萬貫的有錢人，都不能逃避！！
唔好將自己所愛鮮肉加諸别人身上，森哥亂猜都係錯誤。森哥次次都係諗埋呢一鞭，一成不變。
刪除佢靠面口謀生，我係聰慧食腦型，賣腦不賣身。森哥係靠樣揾食，要瞓身躺平，又用自己一套放喺我身上。
學外語要多用，無左中學7年堅實全英我會後悔。
叫有緣無份。全都吸引唔到森哥搭訕畀佢哋名份。
波音事故出庭證人(品管人 工程人…）一個個消失，印度錫克教主(加人)喺加拿大土地上被印暗殺，俄軍官被炸彈暗殺，黎巴嫩Call機……現代式治理五花八門。漏左，皇帝御賜三樣：白綾 刀 酒。中國得罪美國好沙膽……我都成日得罪森哥……做個勇敢中國人
森老伯吃素的比例多，鮮肉食物唔係太合森伯，平時肉食都以雪藏肉為主......
刪除唔諗埋一邊，邊有得笑!!!!
無論靠什麼搵食都好，起碼人哋唔怕自己醜怪，願意踏出第一步，結果成為大家的搞笑經典人物!!!!
你又講左去邊?!!...如果在街上個個遇到的人，都要同佢哋有緣有份，咁十個森伯都搞唔掂!!!都叫左你唔好煲咁多韓劇.......
最慘被消失的人，查都冇人敢去查...
你定啦，中國人做事都有幾手準備，知道plan A唔得可能有plan B、C、D...只要一切做了準備，遇到變數時都有路行~~~
你終於知道成日得罪森伯!!!...有句說話講：寧得罪君子；莫得罪小人...幸好森伯是君子!!!!
人的相處，講求緣份，有人很有緣份，有人有緣無份，當然大多數人都是無緣無份，總之，一切隨緣好了。
回覆刪除講得很對，人與人之間都好講求""緣份""，常常聽到的緣起即聚，緣盡即散...看似化學，其實可能冥冥中有了安排...........
刪除「網上熟悉又投契，私底都各不相識...」，有些和我交上真實朋友，有些就繼續網上熟悉又投契地，互相分享生活點滴...
回覆刪除這個當然啦，未必個個情況一樣，有些人在網絡認識後到真正接觸，都可以遇上壞人和好人~~~所以我不會一概而論，網絡只是一種溝通工具而已~~
刪除「既熟悉又陌生」的情況在現代社會是常態，同一座住宅大廈，即使同一層，都只是點頭之交，未必知其姓什名誰。上班族更多同一時間同搭一趟巴士的熟口熟面的乘客。老牛早上出去做運動，也有幾個點頭、打招呼、叫「早晨」的晨運客，但從未問「先生貴姓」。這就是現在都市的常態。
回覆刪除現今的人們都己經習慣了各顧各，對別人的事也不大理會，過於關心多問，會怕別人想八卦自己，或有什麼企圖等……
刪除其實講聲早晨或你好，都已經不算熟悉的陌生人，至少起碼有溝通，並不是太陌生！！