細時食腸粉，通常都是早餐，一碟腸粉總是要選擇加甜醬定辣醬，森伯當然揀甜醬!!通常亦會加上豉油和撒上芝麻...這都可算是一碟平民美食...
反而人大了，已經甚少機會在外食腸粉，通常都會買些現成的腸粉回來蒸來吃，有時週末也會食炒腸粉，但這些純腸粉加點豉油，撒點鹽蒸來吃也不錯...因為自己不會太講究，簡單蒸熱便可~~
而最近喜歡撤上黑芝麻粉，同樣都帶少少芝麻味，但也不錯...
一向都有買開黑芝麻粉食用，其實放在什麼食物都可以，當然喇，如果只撒上芝麻粉都無所謂，若然要有少少味道都要加點豉油，對森伯來講少量都夠，再撒上少少糼鹽和麻油，可令味道自然一點，不會過於寡味，亦令腸粉多點營養...
不知大家吃腸粉的時候，又會喜歡加些什麼來吃呢?!!!
奈何我唔食得辣啦！
回覆刪除喜歡煎香，叫梅納反應，帶有硬硬脆脆好正呀！
街外正正常常嘅麻醬好味。屋企無花生醬和芝麻醬，只用豉油砂糖麻油蠔油。
最好係原身無味，加咩創新味道都夾，只要你喜歡，最好係就手喺你屋企現成有嘅調味，唔使買埋幾拾樣嘢咁煩呀！早餐曾經食過燕麥片用三合一奶茶加芝士或三合一咖啡加芝士調味，好食呀！因為人走了要清剩餘物資。
情況好似雪糕有奶茶味 醬油味 芥末海苔味 蔥花肉鬆牛奶味 炸雞味…五花八門，你受得起就乜都得，唔使理世俗眼光，話你怪咩…回句：我喜歡呀！我要條命操縱喺我自己手中。
辣食物只能食少少，煎魚都係，煎香口都係脆脆地，魚肉又軟滑，都特別好食！！
刪除家中有麻醬，不過唔識搞，不如落麻油，加芝麻粉都好味……
如果要買，一定買包甜醬 ，包裝袋都係用在腸粉上，還原街邊檔的風味！！
溝呢樣溝果樣，你好似玩實驗，麥片只會溝煉奶……絕配！！
通常唔會試古怪雪糕，最直接是浪費金錢，二來食味精，森伯冇咁笨！！！
冇人話怕世俗眼光，只係太過古怪的東西，連自己都接受唔到啫！！乜一爺要成日受著世俗目光的煎熬咩？！！
係呀！煎得香噴噴，不過，鯖魚煎走正斗魚油，蒸好。另外，餐飯一煲熟可去家務化。
刪除上網揾師傅教混醬囉！
無錯！厨師試多組合才揾到美味配搭，同實驗一樣。設計公司都將電腦畫作配上萬種顏色睇揀，真係萬中無一。
以前我都係奶麥傳統食法，依家唔煮爛，見到一片片架。
森哥不嬲都好精明啦！批量生產雪糕為慳成本會落化學合成物：色素、 增味劑…。
係人都會受他人敵視目光嘅時候，平常心。
糯米+黑芝麻 和呢個好雷同喎！
呢度係『甜森厨房』。Sweet Heart Kitchen
一煲過最方便，突然諗吓你好適合整湯飯，有飯有餸有湯！！而且湯飯夠清淡，又合乎你原則！！
刪除一片片麥皮見到，是否未熟？！我認為最佳食法是麥片粥……
個人老左，對食品的安全著重一點，後生人會貪新鮮乜都嘗試！！
甜森廚房，個名好一般，我反而喜歡老森廚房，好合森伯！！
唔鍾意乾呑硬噍，濕軟飯啱我，但無湯飯咁多水，加醬汁亦不『清』喎！
刪除行先餸後飯次序可降升糖，飯中加爽口(生)菜 、烚蛋、罐頭魚 整碎，混埋麥片，再加醋醬汁和幾羹湯當沙律食。
特登放人哋當垃圾掉咗嘅洋蔥皮煲湯，吸取其豐富水溶性抗老化抗氣化素，啲湯好深色。對住『老』森，我需要更多抗老化物才夠力去對抗『老』森。
由以前Muesli 到 Overnight oat 我都係浸軟漲大食，或許會微波爐加暖食，就係森哥話嘅『生』，但西人會咁樣食，有啲植物可生食。
2010年一個19歲澳洲壯碩青少年，仲係學校風頭躉欖球隊長，好叻好勇敢，計劃未來轉打職業賽，喺一次生日派對飲酒中，有隻蛞蝓出現，在其好友慫恿下，挑戰其膽色叫佢生吞，唔輸得叻仔好聽話食咗，因此食埋寄生蟲，蟲蟲鑽上腦袋，腦部受創導致半身癱瘓，半植物人要阿媽長期照顧，一個大好青年就一失足成千古恨，做咗廢柴。最終在18年11月初因併發症去世，終年28歲，太惋惜。
典型愛出風頭 認叻 易受唆擺 心口掛個勇字 欠安全知識後生仔。 啱啱醒起森哥每次都硬要貶低我為無知青年，自己就認叻，係知識老人，都唔係讚我青春有為，而係諷刺我愚昧無知，真衰。哈哈！
Sam's Kitchen 森思厨房有心思。老嘅可用Senior ，例如 senior citizen。咁 Senior Sam's Kitchen 就啱。唔可叫 高級森思厨房咁低級，愛暗中認老認叻，雖然口不對心，話唔好讚得咁勵害，我都要話超級森思廚房更襯。
適中就可以了，不宜吃得太硬， 好易唔消化，搞到胃痛，太軟太水，對牙齒不好，冇了咀嚼訓練，取其中庸之道……
刪除軟體昆蟲最多寄生蟲，除非人工養殖，供食用的昆蟲，牠們是廉價蛋白質，又是環保天然食材！！貿貿然食隻蛞蝓好危險！！
多謝一爺對森伯的素餐咁捧場，專登諗個名畀森伯介紹一吓簡單素食，如果喜歡，日後會多加介紹，雖然森老伯同鼎爺差不多年資，但森老伯的廚藝差人萬條街……人哋就「阿爺廚房」，森老伯就「阿伯廚房」！！都幾OK……🤣👍
與朋友在酒樓飲茶，有時會點煎腸粉，或者「齋腸」即沒有餡料的腸粉，加豉油、甜醬、花生醬。如果在街頭買的蒸腸粉，也是豉油、甜醬，因為老牛怕辣。
回覆刪除其實都有幾多博友唔會食辣，我在茶樓很少會點粉腸，通常選些上茶樓才會食的點心……
刪除你講起街邊檔的腸粉會加豉油，想想它的味道是很特別，並不是我們常食到的豉油味！
細個時候吃齋腸粉非常普遍，通常在街邊車仔檔食，加上不太咸的豉油，再配以甜醬、麻醬和白芝麻，我不喜歡辣，所以極少會加辣醬，這已經是當時的人間美食了。
回覆刪除係呀，街邊車仔檔的腸粉，真的很少會落辣椒醬，始終認為落甜醬比較夾……其實腸粉檔的豉油或甜醬，都有它獨有的味道，在家始終做不到……
刪除豉油、麻油、麻醬和白芝麻，已經大滿足了！最近我在小店鋪試了蛋煎腸粉，好好味呀！
回覆刪除齋腸粉配搭些自己喜歡的食物，都好味！！
刪除蛋煎腸粉在家吃得多，蛋塊加上少少豉油一起炒，好似滑蛋炒河！！👍👍
我從小到現在吃腸粉都鍾意混醬 ( 甜醬麻醬豉油 ) 一齊食.
回覆刪除哈哈，這是腸粉最基本的食法，亦是最佳配搭！！
刪除腸粉是我自小很喜歡的食物，但我不會落辣醬和甜醬。
回覆刪除下甜豉油、麻醬和白芝麻已經好好食。
想知道芝麻粉哪裡有得賣 ? 原來可以用蛋煎腸粉，真係要試試整來吃吃。
落甜醬很多人都喜歡，有番街邊檔的回憶！！
刪除如你有留意，很多地方都可以買到黑芝麻粉，超市，阿信屋，大新……十分容易搵到！！
蛋加腸粉一齊炒，好好味！
齋腸梗係食甜麻醬，加上芝麻最正。
回覆刪除基本上，齋腸粉配你喜歡的食材都好好味……
刪除最惜食辣，但鍾意加甜醬，好味道。
回覆刪除基本上加甜醬，大小都喜歡，算食腸粉經典配搭！！
刪除