當社會生活條件好了，或者富裕了，糧食自然沒大問題...沒有足夠的糧食，怕的是民眾營養不良，但糧食供應充足，又怕營養過剩，造成民眾健康問題!!
若沒有走進醫院一看，也不會意識到，原來都有幾多病人有心臟科的問題，當見到有病人進入醫生房，很多都可能需要做俗稱「通波仔」的手術，當中不單是中老年人，較後生也要來到心臟科見醫生...以前聽人講過，數十年前，要做「通波仔」的手術只是寥寥可數的事，現在不同了，可能差不多每間醫院每日都會做的手術...而很多心臟問題都可能與營養過剩有關~~
最先諗到就是紅肉同肥膏(脂肪)，吸收太多都可能與它有關，但聽人講過，反式脂肪可能就是癥結所在...一般市售的食物都好易搵到反式脂肪，一般麵包店、千千萬萬的包裝食品、快餐，差不多一外出食，或買外的食物都避免不了...
為保健康，森伯伯最近都吃多了原食物，有機會再同大家分享吓!!
當然喇，心臟問題不會單是食物所致，有時生活壓力都是病因之一，所以大家都要管好自己的壓力和飲食...
做圖的時候，想查查心電圖的英文係乜...厡來都幾長，幾難讀同幾難記~~~哈哈
無錯現在都市人甚麼都要快，三餐外買多油多鹽，又多各式各樣的茶飲，高糖高脂，超市內零食餅乾高卡反式脂肪等等，當你睇到營養標籤就好多食物都超標，除了食物外，還要多做運動才減少心臟病，政府通波仔要排期好耐，吾係塞左八成都吾會排期做通波仔，排起碼要排以年計算，有可能等到心臟病發都未排到手術，還有政府通波仔手術要收費，普通要三萬幾，加入支架就要六萬幾，這是我媽媽的經驗，費用已是2019年，現在費用還有可能上漲，都係嗰句，身體健康是自己，為了健康還是要節制，偶有放縱，之後就要更加努力做運動。
回覆刪除羊羊講得對，現代人差不多三餐都是外食，就算不幫襯食肆，都在外邊買東西吃...只要方便，是否健康都好少理，所謂的「茶飲」以為冇問題，但當中的糖份亦相當高，興了很久的珍珠奶茶，我自己一杯都未買過...所以唔知什麼味道，很大鄉里!!!!!!
刪除去超市買包裝食品，都一定會看營養標籤，最主要睇睇有幾多添加劑的代號數字!!!某隻港出的包裝麵包，添加都很多，太過嚇人都少買~~
運動一定要做，至少都要有規律的動動手，動動腳...到公園緩步行行都幾好~~~
塞左八成都好緊要，所以血壓常高，而膽固醇又高的人士真係要注意一下，免到大件事時，又要排期又要花費一筆大的手術費用~~政府排期以年計都預了吧!!!就算一般儀器檢查都要等...
多謝羊羊講你親人的經歷，初時講通波仔以為很普遍，原來政府做此手術都要排期，費用都要成十萬!!!!聽你這樣說，個個都唔敢唔愛惜身體......
係膽固醇和糖化蛋白質作怪。不過，我覺得現今對膽固醇研究暫時都未完全清晰，一時一樣，總之，食藥撳低膽固醇濃度唔係好辦法，要從飲食和運動入手。
回覆刪除好油制造好膽固醇掃蕩壞膽固醇，以高動物性奧米加3油嘅鯖魚為首選。植物性奧米加3油吸收率好低架，食佢晒氣啦！我每周食150g鯖魚就夠。
就算你係低糖，精緻加工澱粉質都會轉化為糖，同蛋白質結合成糖化蛋白質，喺血管上堆積引致心臟病。揀原形、帶纖維，低升糖指數嘅才係優質澱粉質好似豆類 南瓜 蕃薯 糙米 燕麥。白米 麵 粉 係加工精緻澱粉要少食。仲有每日澱粉量應不超¼，食多啲不同蔬菜菇菌豆類水果。
斷食和運動都有幫助減低心臟病。
所以現在大眾都認為糖都是一個健康隱患...不過我認為不要吸收太多的人工食物，人造油(反式脂肪)，人造糖(什麼粟米糖漿，麥芽糊精...)因為這些不存在大自然中，人體吸收了無法分解，結果積存在身體的肝臟，血管等~~~
刪除非常贊同你所講，食什麼降血壓藥，什麼降膽固醇藥都唔係辦法，尤其要天天食的~~
一爺化身為專業營養師!!!!冇啦，邊度搵鯖魚油，更何況未必人人吃得(包括森伯伯)，網上資訊又講冷壓橄欖油好，進一步又話牛油果油好...跟口味走就最好!!!
人人都驚左澱粉會轉化成糖，嚇到個個人都話要戒澱粉...傻啦，澱粉不能冇，身體很多運作都要靠醣份轉化為能量去供應，久而久之肌肉冇力，親身眼見有些常話戒澱粉的人，她們很瘦弱，感覺她們有氣冇力，面青唇白...好病態~~~~~~~
何況森伯要增磅，依然都有食飯同麵包...<>我諗我每日澱粉量會超過，當中包埋根莖類!!!!!
斷食對減輕身體負擔真係幾有效，幾贊成~~~~可惜而家森伯要增磅!!!!!!!
糖入血會中毒，胰島素速速現身搜刮晒糖份轉為脂肪儲存喺肝臟。
刪除森哥好啱！加工人造糖/油係毒品要Say No。
醫生都係按現在醫學知識行醫，知識係錯嘅，愈醫愈壞！慘！
專業營養師…依家咩都係自助啦！銀行 超市 海關 領証 網購 點餐 登機…我都係自學自助啫。
魚咩油吖！又話原形食物，超市有劏乾淨急凍鯖魚柳$6.5/片（我每周食一片夠晒），雖然煎香酥脆，蒸魚最佳，有益魚油被高温烹調破壞，或煎到出油漏走晒。油浸都唔肥，好油脂係增磅最有效因爲高卡里。
係一般好，吹噓為Superfood就誇大咗，仲好貴，唔值，芥花籽油和一般果仁種子可替代佢哋，魚油係不可或缺。
優質澱粉佔每日總量 ¼ 就夠，太少令人暴躁（似森哥對住我咁樣)，太多用唔晒無益，除非森哥係農夫 地盤工擔泥要多啲。女人面青唇白可能因月經失血又無補充翻足夠動物性鐵質，黃綠森唔好斷錯症。
懷疑森哥扮斯文要細食，冇盡責食夠 2400卡路里，日日赤字實瘦。如食夠卡路里，咁就係 “腸漏" 唔吸收…仲有『異形』入侵，俗稱 生蟲 叫森媽畀花塔餅你食。
另一種『異形』上身係益生菌，樹熊媽媽會餵樹熊BB食佢屙出嚟嘅新鮮屎，含一種獨特菌能消化樹葉。腸中不同類型好菌係消化用，拆散食物營養畀你吸收。哈哈！森哥食屎啦！
我啲混合撈飯有加羹醋調味，森哥開胃口可食酸尾尾嘢。
糖雖然對健康有影響，但完全不吸收又不能，只有適量食……
刪除人工添加物有問題.，所以自己整較穩陣，起碼知道落了什麼去煮，近排用原型食物當早餐，一來為了增磅，二來唔傷腦筋，薯仔，蕃薯，栗子，芋頭等等……烚一或蒸都得，提早整定，朝早有得食，不怕趕時間！！
勁勁勁認同你所講，如果是一些長期病，有時真係越醫越差，有病人去拿的藥，越拿越多，本身個病的藥，之後加埋佢副作用的藥，越食越多，佢不能斷尾，只是吊住條命咋……
對呀，潮流興乜都自助形式！！
有些魚可以蒸，有些魚只得煎，通常比較腥重的魚，森伯好少食魚……
森伯一定夠澱粉質，唔暴躁……
見到話戒澱粉的人，個樣很病態，一爺又好野，連佢地月經失血又知？！😁有個幾廿歲可能收晒經都唔奇……🤣🤣有時不要盲信，戒乜戒物，有時要睇返自己體質！！
油求其啦，早前買過什麼冷壓橄欖油，都係食得麻麻地，可能森伯屬賤民命😔，食不到太矜貴的油……所以食返些廉價油算了！！
哈哈，森伯終於搵到你欺負老人家的罪證：叫老人家＜森哥食屎啦！＞簡直侮辱老人家！！
森伯一向唔敢食酸野，平時煲飯都有落豆，眉豆易煮，扁豆好食，綠豆清熱…………
全都中GI，有益過麵包啦！。夏天當沙律冷盤唔使加熱，加埋醬汁更易肥。咁增磅派成積表未？推介百X中國南瓜一大個$10好抵食。
刪除我都貪求方便煮，推介燜燒鍋，短時煲熱 長時焗熟原理，唔使長時間睇火，煲到出白煙再煲多2分鐘就熄火放入膽內，唔驚蒸乾水，夏天明火煮食厨房無咁熱。可上二手網買過平煲非名牌試下。
見人吊命長壽之苦，咪立志改變，學習 嘗試 實踐 失敗 不氣餒，摸住石頭過河，總算累積啲心得。
少時怕哽骨，阿媽特登煎荷包蛋畀我，我係老咗先至識𦧲骨。常識唔食魚大頸泡，為營養均衡舊時我都揀小骨部份食。
睇人質哋好啱。
唔好迷信貴油就係好嘢！cheap嘢（我咪cheep囉，吹捧自己）都好好架！不過，試新食物 新方式森哥才能健康進步，態度正確。近來愛上淘淘，試新窮嘢改善生活，帶來無窮樂趣。
森哥見識少兼借意辱罵我。哈哈！西方和香港醫生有用屎救人㗎！中醫望月砂 夜明砂 蠶砂都係屎入藥。
醋係鹼性食物森哥怕酸性食物就唔驚。食豆有益，均衡飲食就係要多種類多顏色。
我沒有理會食物係什麼中低高的升糖指數，一份早餐又不是吃太多，對血糖影響毋必要過份緊張……
刪除南瓜都有時時煮，最近發現有種叫芋頭南瓜，都幾好食！！
你講既燜燒鍋，是否類似爛燒杯，畀人焗養生茶，可是自己冇這需要，產品的質素好重耍，食物要長時間加熱放在內，怕產品釋出什麼不良物質，長期攝入都幾驚～～
油都唔講究，食油不會太多，起碼唔炸野食！！
森哥見識少，呢啲又係你睇唔起老人家森伯伯的罪證！！你認為老人家唔識野，而事實上一爺的確見多識廣，又年青又乜都識，䉍直令人欽佩不已！！👍👍
用米田共醫病係針對某些特殊病症，並非乜病都可㕥醫治……
很認同，能在淘淘㨂到生活上啱用的物品幾開心架！！
有個GI數字畀你比對吓咩係優質澱粉，簡單易明，唔使盲摸摸，咁森哥都唔滿意，難服侍。
刪除新冠欠缺蔬菜時食過，係南瓜我都愛。
一估就中咁鬼叻，分辨係不銹鋼內膽可拎出嚟放爐頭煲，安全過你個會甩嘅不沾塗層或氣化鋁電飯煲，收乾水快飯熟時係飆高過100℃。燜鍋由100℃水滾温度慢慢下降叫低温煮食，比你恆溫100℃ 蒸和烚更低温、更安全，有讀物理科都識。燜燒鍋如巴印打杖所向披靡嘅中國殲10戰機一鳴驚人，剝吹水唔抹嘴三哥牙骹，好爽呀！
油炸鬼秦檜森哥強加我身上嘅莫須有罪名，和奸詐欠口齒美國總統川普如出一轍，針對岳飛、 中國和我。
叫Clostridium bolteae喺健康人腸內益生菌，產生GUDCA，召喚身體出擊去抗發炎，森哥無就要糞移植啦！
雞碎咁多錢變好D、解決困擾，一帆風順，好爽、有成功感！
都冇聽過人話要計GI數字...如果成日都要計GI又要計卞路里，根本唔係叫享受食物，係攞苦來辛，不過一爺鍾意計就計飽佢~~
刪除平時的南瓜煮過後都會好多水，都幾難食架，芋頭南瓜比較乾身好食得多...
未買過呢類燜燒產品，聽落都頗為複雜，唔會搞太多~~~
唔好乜都關政治事，搞到森博都政治化~~~~~
米田共呢家野留返畀一爺移植到夠，但係...你叫醫生唔好將啲米田共移左去你個腦內，否則被人話你腦裝x......
有時買野都好考自己的眼光，如果買到好用都很有成功感!!!!
糖尿病人要查GI值，唔理食咩只求享受就要割腳/眼盲。
刪除森哥完全抗拒我…哈哈！好有主見
唔怪得一爺讀理科，喜歡計數，可能你對數字比較敏感，什麼也喜歡左計右計...
刪除GI值最模稜兩可...基本上一嚿蒸熟的蕃薯是60-70的GI值，而大細、品種、顔色、食的份量、烹煮方法等個數目都大有偏差...紫蕃薯比黃蕃薯又會低啲，烤比蒸或烚又會高啲...好難一個數字走天涯~~~
都想問問，乜一爺有血糖高的問題?!!要關注個GI值?!!
十幾年前，喺我尋求殲滅肚腩武器中途見過低GI減肥食法，係可參考揀健康食材。我仲諗住係高見想分享和推介，點知我對住森哥唔係高見而係 "自尋短見”……慘慘……都係學人唔打電話，唔睬人，唔腹肌…對無心者講黎都……嘥氣…。
刪除應該無得講計架！係做測試才能得出確實數據。
（對無心人無心機真寫，抄人哋）
依照香港糖尿病協會文章
以下介紹一些飲食的建議
1）如進食單一食物時，盡量選擇低GI食物。 例如：脫脂/低脂奶、脫脂/低脂乳酪
2）如選擇了高GI食物，適量地配搭也可使這餐變成低GI餐。 請參考往下資料
3）控制高GI食物的份量 跟據營養師安排的餐單份量
4）必須維持健康均衡的飲食 依照三低一高的基本飲食原則
以下是一些飲食的小提示：
如何將一餐米飯、粉麵等較高GI的食物配搭成低GI餐？
1）加些高纖維食物例如多進食蔬菜
2） 替換較高蛋白質的粉麵例如意大利粉
3）替換些粗纖五穀如黑米、紅米、純麥
4）替換些豆類例如紅豆、黃豆
5）加些適量肉蛋魚類，最好將每天需要的份量平均分配在每一餐內
6）如沒有超重或體重過輕的人士，可酌量加適量的油份或少量的果仁。但必須注意用油的份量及選擇較佳的油份。
一爺擺明hea森伯……內容好似用AI deepseek來覆……
刪除可能森伯頭腦簡單，又目不識丁，唔知你想講乜……
基本上患血糖高的人，都未必吓吓check個升糖指數，有什麼可吃，有什麼不可吃，都應該知道，大前題睇人本身肯唔肯戒口！！
有機會等一爺，研發一個GI apps出來，等有需要的人對住食物掃一掃，就即刻顯示GI值出來，可以造福人群，如果好好用，可能侵侵畀幾億你，霸左佢……🤭🤭
已有永久植入手臂血糖傳感器（$幾舊水），能連續24小時監察，讀出食嘢前後血糖變化嘅整條曲線，唔使拮手指咁痛，仲只度到食後某一時嘅一點數據。有人上載短片顯示不同食材對血糖影響，森哥真係無知少年。
刪除植入手臂check血糖都冇用電話掃一掃咁方便呀??!!一爺個body梗係植得野太多，加多一兩樣都冇乜所謂~~~
刪除其實總之有病都萬樣辛苦，所謂預防勝於治療...平時多多保重身體為要!!!
心臟病原因離不開食物、運動、壓力等因素，但有時候真的搞不清怎樣的食物才算「健康」，唔通真係要餐餐食齋？
回覆刪除對呀...什麼食材都話唔健康，有時真係冇啖好食!!!
刪除不過我現在循住「原形食物」的方法去揀食，冇咁傷腦筋......
食物太引誘了, 為有每樣食物盡量食少啲 ,
回覆刪除哈哈...都係真架!!!美食實在太引誘，好似睇AK的網誌，都覺得肚餓~~~
刪除「通波仔」的手術費很貴，通了！也要保持清淡飲食，否則也是徒勞無功。
回覆刪除你哋唔講真的不知原來做這手術都很貴...
刪除不過聽過曾經做過「通波仔」的，復發機會都幾高，所以真的要加倍留意...
在80年代還未有資訊指導人們少油少鹽的的風氣。
回覆刪除當時我喜歡煮一味「雞油炒菜」，可是每次吃後都感覺不舒服，
便懷疑起來，於是決定戒吃肥油肥肉，果然有效。 偶然在外進食，就取一小碗水，浸去肉類多餘的油分。
直到如今，十分僥倖，目前沒有大問題。
補充：取一碗煮過的水，浸去“食物” 多餘的油分。
刪除以前健康訊息不多，隨後環境普遍富裕了，對精緻飲食的人講究了，隨之而來都巿病，三高病人多了，政府都多了廣告教導人健康飲食……
刪除秋葉這個是很好的習慣，外出用餐時，油太多可以洗洗再食，減減油份……👍👍👍
甚有同感。不過，老牛一向飲食清淡、堅持運動，前年也查出心臟血管收窄，心臟科醫生說只是輕微，唔使做「通波仔」住。所以，心臟有事，除了食物、環境、生活習慣，也許與家族遺傳也有關係。為了在餐廳進食時少些油，老牛的朋友也像秋姨所說的那樣，向店員取一碗滾水，洗一下食物、洗去表面的油。
回覆刪除承蒙牛兄關注。 自從近代發現了體內三高的人越來越多，近來更見年輕化。 醫務署積極宣揚健康飲食，少肉多菜。所以現在很多人在外飲食都會比較小心。同時每年體檢也很重要。
刪除不錯，遺傳也屬於致病的因素，另外，生活壓力也會使人的抵抗力減弱，而衍生出病態。就順應環境，好好的走下去吧。
刪除牛兄：
刪除這樣牛兄真的要多加注意身體，始終都巿人的飲食，生活節奏，生活壓力都容易影響身體……
若不是非要外食，我都會盡量在家自己煮，森伯煮的通常簡單，多以用蒸，食得清淡為主……外出食好難控制油鹽糖等調味料……
秋葉：
刪除外面用餐，啲食物有時都幾肥膩，如果可以要碗熱水撇走些少油脂都幾好，不用吃到成口油……
食肆廚房要做出味道濃郁的食物，往往都是炒炒炸炸，以吸引人客的食慾，尤其是以豬油最為香濃。要保護自己的腸胃，就要知所趨避了。
刪除如果食肆用豬油炒菜，都算有良心，最怕用些油渣來炒菜，外出食，都不能講究太多，好在自己食慣自己整的自家菜，都少外出食太多……
刪除Take care.
回覆刪除不是我問題，只是自己的所見所聞！！
刪除我自己甚少掂好高糖分嘅嘢，肥豬肉基本上接近完全唔食， 所以體重一向冇好大嘅變化。
回覆刪除狂小子都算可以克制一吓飲食，都巿人想食什麼都有供應，假使不能忍口，三高病隨時有！！
刪除