相信近期最熱話的時事都一定係關稅戰，新聞真係日日都有新花款，這些花款當然係史上最出位的某國大總統侵侵啦...
其實侵侵未選總統時，做過真人show主持，若以香港的標準來看都算半個娛樂圈中人，但我覺得佢除了做主持得之外，做戲都應該好得，戲路很廣...包括可飾演一個：
社團大佬......收""保護費""
粗鄙蠱惑仔......kiss 佢個八月十五
多啦A夢的胖虎(舊式叮噹的技安)蝦蝦霸霸......
世界級港女.......等唔到電話發晒老脾，又要扮多人打電話畀佢...
細蚊仔......唔侵呢個玩，唔侵嗰個玩~~
腦退化患者......講過唔算數，明天又另一樣~~
森伯只諗到這些，若大家有得意的補充都可以講講...總之成日覺得佢係做緊戲，某國邊有總統咁"黐線"!!!
其實由一九年打後，某國都用很多"招數"去圍堵中國，目的都係想拖垮中國，而早兩日聽到有佈導講，在大英帝國的移英港人，將發動倫敦53大遊行，目的為抗中...一路以來對這些所謂的"港人"十分反感，不維護國家不特止仲去幫拖...若受什麼政黨指示，更加不知所謂~~
講到這裡，好似同預兆沒什麼關連?!!...可能近排太多什麼關稅戰、貿易戰之類的新聞...而早幾日前經過城門河，看到上空很多雲，唯獨有一大片巨雲呈現龍頭的形狀，看見十分奇特@@，正所謂有圖有真相，可是未能及時拍攝，不要緊，森伯可以畫圖，大概是如圖的模樣...平時看雲都有不同的形狀，看似龍頭都是第一次見...
中國人的寓意：飛龍在天，富甲天下!!而龍就代表...莫非這場什麼經濟戰上天已分了勝負??!!
圖：手筆 + google map位置截圖
回覆刪除真係形容得好貼切，好生動鬼馬。笑甩個下巴呀！
佢真係痴線架，我睇話佢有精神病，有幾個徵狀
1) 極之自戀 Narcissism
~誇大自身成就。
~沒辦法承認錯誤和失敗。
~對批評反應往往激烈並作出反擊。
2)妄想症 Delusional disorder
堅持無事實根據嘅信仰。
覺得民主黨在破壞佢嘅好事。
3)偏執症 Paranoid
被敵人包圍，有惡意陰謀在搞他。所以，今屆揀高忠誠度嘅二三線人才做身邊幕僚。唔使叻但要聽話。
4)過度誇大自身控制力 grandiosity of control
用關稅戰可玩弄全世界於股掌之中。
點解自稱係民主典範嘅會選個痴線架？成個國家任佢亂玩？三權分立無制行力？呢個制度徹底失敗。
中國外交部昨日發咗個短片 ，闡述不跪、不退，叫敵人唔好痴心妄想。要揭竿起義 反川 反霸凌 ，呼籲全球一起反抗。片中都有提及日本廣場協議和法國巨頭企業屈服後悲慘下場。
睇牌面，佢輸硬。
哈哈，看了咁多侵侵的新聞，腦海浮現多種角色，唔做總統做影帝都得！！
刪除今次畀一爺讚一讚，我預兆三晚瞓唔著……🤭🤭
這些資料係你寫？！好專業，簡直臨床心理學家……👍👍
之前有聽位評論員講，民主社㑹，著重於選舉投票，做成民粹主義選舉，容易選出一個錯誤的人出来，就等如一九年黒暴橫行，如果當時畀佢哋選，就真係可想而知，好似烏國選出司機一樣……
不要説我哋華人中國人，世界有好多各國的人都唔想中國跪低，他們真心希望有個人不屈服於强制下！！！
世界要彰顯公義，唔可以做縮頭烏龜，怕事軟弱。
刪除邪不能勝正，須實幹清潔工除去藏污立垢，霉菌不可讓社會腐敗落去，讓世間恢復一片淨土，人類能呼吸自由清新空氣。
當蠢人遇着傻人，蠢人自以為自己聰明，應當做人類話是人霸凌搞事，傻人有睿智無錢賺都能伸直腰板勇敢站出來說不。
相互碰撞擦出新火苗，正義火源如奧運聖火，一國一國傳遞開去，世世代代永不熄滅。
我開心到瞓唔著，亦驕傲百年難得一遇嘅歷史新一頁由中國人寫上，未來炎黃子孫津津樂道講起呢件大事。唔係預兆，係歷史巨輪真實地運轉中，你我親身經歷中。
如果怕事就很多東西也做不到，正如早幾年前，有產品廣告一句slogan講“怯就㑹輸一世″，所以遇到強勢，你都不能怯，總好過有些人寧願受屈，都要做些違背自己的事情……
刪除反而我冇為到此而訓唔著，要醒醒神神，看到新篇章的到來，新一頁唔會一帆風順，總多波折，阻碍……一步步走上高峰，不是更有意思嗎？！
怯？飛曱甴？殺他死？開估係咩產品？
刪除森哥係我一面鏡，永遠同我反轉嚟。我就係要咁寫 ，等森哥有覺好瞓，咁床頭婆婆 (神仙) 就可送個兒子畀你，開展新篇章 。哈哈！
管制芬泰妮咁簡單都卸膊，咁弱嘅廢柴都諗唔到出色招數壓制人，唔駛驚啦！
諗起舊時個白人同事，想卸膊畀我，發電郵追我攞供應商樣辦，我當然唔怯，仲反將軍，我吋佢：你係負責呢個項目嘅工程師，問佢下達咗咩指示畀工廠（知佢無喇)，等我按佢要求幫佢追辦，佢立刻收嗲，以後都唔敢惹我，係要還以顏色架！知我強才驚我，佢行為都低低哋，好易應付。
另一次係客户網上差評話我廠生產嘅咖啡壺有膠味要退貨，公司好緊張想揾出生產有咩問題，我都唔覺有膠味，好淡定，咪效法玩百事/可樂『盲測』邊隻好味方法。用飛利浦咖啡壺同我生產線隨機抽樣，一齊煲水試飲，結果當然我贏，兩杯都無味。我問佢有冇人有金舌頭飲到有膠味，咁我改良咗都可以畀佢飲吓得唔得啦！我覺得係有啲人心理不平衡，好喜歡唱衰人，又或者係敵人畀錢買劣評攻擊對手…
做事唔好怯，揾啱方法就無往而不利。
高關稅實施後無落貨，倉存清晒貨後個架空空，我好期待6月快啲嚟！無貨買當然最傷係西方啦！侵侵就大鑊。
冇記錯好似是個買運動用品的廣告，呢句說話寫得好好，簡單而直接，幾個字就可帶出一個訊息，而且又容易記……
刪除森伯冇諗同你唱反調，係你有種為反而反的心態，可能年青人都有種反叛心態！！乜床頭有位婆婆，又想嚇森伯，搞到森伯臨瞓前都要望望床頭……送個兒子都冇用，森伯養唔起佢……
根本芬泰尼係個藉口，有冇打擊不力，根本冇人知，要搞中國，加拿大都要搵個原因……
聽你兩個經歷，都印證一位時事評論員所講，他話白人覺得自己總比華人叻，出眾……無論做咩，佢都係啱嘅……某程度上都算同歧見有關，不過你位白人同事結果輸畀足智多謀的一爺都冇話可說，對呀，人生多個競賽，你怯咩，就註定輸……
森伯小時怕事怕羞，漸漸訓練自己腦轉快啲，講野唔好怯膽，遇到有咩爭辯，都夠膽與他人理論……
拿，我估到時侵侵在5月中即刻話減關稅，侵侵鍾意講乜就講乜，隨時變，話咁易！！😁
啲名牌賣得超貴（唔值），就係花錢諗金句。👎
刪除唔祗青少年，老森都一樣好反叛。激C我。
驚乜，床頭婆婆係神仙嚟，送子觀音太忙要仙人幫手。阿媽有拜開。買少啲寶石咪夠錢養仔囉！包養埋我都得 。
唔係真借口，我覺得佢真係得把口，無能架！解決唔到。唔好以為佢好醒，真係蠢架。
我細路時認為白人個樣靚，又高又壯，啲人都叻啲。長大咗接觸後都係符合 normal distribution 有小撮人好叻，其他一般般。我都有歧見。
唔怯！森哥贏好多啦！
森哥同我激拗時，就知你有幾厲害！牙尖嘴利！
超市唔用信用卡畀錢怕人龍鬧鬼你，唔敢話畀收銀員同標價有出入，收多咗，都尚係『怯』底，怕事根源未清。
記得好似係Ad字頭的運動用品，佢波鞋好出名，頗大眾化！！
刪除你搜尋：怯就會輸一世…的字就摷到！！
人哋老森係堅持自己，站在道理那邊，唔似一爺果類為反叛而駁嘴的年青人，就等如話一個細路仔，總要駁大人嘴先舒服，大人多數掌佢嘅嘴，等佢醒吓……
＜＜床頭婆婆係神仙嚟＞＞……你講到好似鬼鬼咁，嚇我弱小森靈……自己都養唔掂，仲話養乜養物，否則都唔會諗盡辦法，絞盡腦汁慳得一毫得一毫啦！！
普遍大眾都有崇洋的傾向，正如現在常講嘅…高大尚，高人一等，而且白人社會開明，感覺文明……的確係好多人的觀感！！
牙尖咀利？！……改個形容詞為口齒伶俐得唔得？牙尖咀利太似八公！！！
我去超市揀時段，免人龍，用發達通付錢，較快手……
波鞋底似擦子膠造，著2年就蝕底要買新，真蝕底，商/專家設計嘅短命種。
刪除怯…我只想摷書中黃金屋。
以我過氣補習老師身份批閲第三段，我畀你95分(95%正確），核實生日後，只要顛倒(是非)我倆名字，同時，殘暴『掌』改為温情『錫』，才獲滿分。
嫌棄婆娘老，小精靈（戀童）啱森意。森哥會掌（獎！）細路係被差人拉架！坐花廳唔養得。
鬼咁叻已是過去進行式，80年代日式曇花一現，中式浦頭中…
家中排第九，我係九公，森哥大我一點，八公係你。哈哈！
超市我吼住特價才去，南瓜（每個同價）就吼住新一批出貨可揀大個。依行動心態，森哥避人…我睇錢，邊個慳家！
咁如果學生們冇帶擦膠，可以上上下堂剥對鞋出來當擦膠...咁又可以慳返少少~~~~~
刪除黃金屋你都住緊啦!!!!
過氣補習老師...專幫小鮮肉補習?!!哈哈哈
唔好想得太多，森伯喜歡老人家多過細路仔，如果森伯係社會工作者，我喜歡做老人家、長者的範疇，多過小朋友，老人家很多人生故事聽，你唔覺?!!
你成日過黎都係聽森伯講""想當年""啫...兼且森伯發覺有長輩緣，同長輩們比較合得來~~
身為中國人，華人，都望中國好啦~~
我講既八公唔係排第八，係諸事八卦個八...
吼住...要時間?!!我冇呢份閒情日日走去超市，我現時最多一星期至十日才去買東西!!!!
哈哈哈！狂人自大！
回覆刪除哈哈，佢講白人優先，都已經係自大上腦……
刪除你今日聽吓佢講100日宣言仲好笑啦，明明大部份民意調查話佢係歷來上任100日民望最低的總統，但他卻說那是假資訊，他現在是最受歡迎的總統....阿Q！
回覆刪除哈哈，和平兄講得啱，聽侵侵講野都笑死，娛樂性十足……
刪除一國之君，說話跟承諾好重要，如果冇口齒，兼且時時發放假資訊，仲可以帶領一個國家和人民嗎？！
但見侵侵兩次當總統，都是見風駛𢃇，缺乏了「一言九鼎」的王者氣度。好像上次來華會談時已定案，走後回去卻反悔~朝令夕改。
回覆刪除*
現今他妄圖霸凌世界，惟我獨尊 ! 發狂冒起的加重關稅貿易戰，強要屈服他國，根本就不符合經濟之道，只有損人不利己。
其國內引起通貨膨脹，市民已經群起而攻之，示威不斷，他的民望大跌了，還要死撐：「你們買少些就得啦。」撈一把沙算了。
他的戲演到幾時 ? 我不如聽 “花僮” 唱「一半瘋了，一半算了」，還更賞心樂事。
森源的6項比喻都很有趣 !
刪除其實這麼久以來，侵侵都沒什麼王者風範，某國多年所建立的一切，都被他搞垮……
刪除對呀，最難以預測就是他那種朝令夕改的行徑，就是這樣可以操作個金融巿場，估唔到堂堂大國都可以有個如此戲劇的總統……
哈哈，這首一半瘋了；一半醉了，你有不時聽嗎？！只要聽多幾次，都會喜歡或懂得唱！！下次秋葉在卡啦OK獻唱，都可以揀選這首歌……
謝謝，當睇得侵侵的新聞多，自然諗到很多比喻……
刪除每個人唱歌的習慣，和作風都不同。除了一些善於模仿的人，很難唱得和別人一樣。我看視頻，聽過不同人唱這首歌的國粵版本，始終都是覺得 “花僮”這首粵語的最好聽。
刪除我的新post 有上載她一張照片，你覺得她美麗嗎 ?
有時在車程中，都會聽下歌，如果有合聽的歌都會下載在手機裡，想聽歌時便可以聽……
刪除在我post這首歌時，感謝秋葉補充更多資料，好讓大家都了解哪位是花僮，或她的少少背景，花僮真的可以用人靚聲甜形容……
手機的範圍狹小，我的文件檔搬不到那裡，所以慣了在電腦做blog. 也不懂得把歌曲集中到手機去。
刪除我很佩服她，聽到她是盡量把粵音唱好，令我覺得無比悅耳 ! 她的成就是多方面的，每一樣都很出眾。對呀 ! 她真是人靚聲甜。說她不美才怪哩。
相對手機，用電腦做博較方便，手機畫面太細！！
刪除看來秋葉很欣賞花僮，當一聽到她的聲音很清，聽起來很舒服，講真，她好過現今香港樂壇很多新人，至於不純正的廣東音，反而令到首歌有她特色……
經常講大話嘅人，係冇人會相信佢。
回覆刪除對呀，但亦有一班忠實的粉絲會相信……🙄
刪除森伯伯說得好，侵侵是頂級演員，日日都在世界舞台的中央位置、聚光燈照着他表演，日日不同、許多花款，而且昨日講的今日變了，明天可能又是另一樣，實在嘆為觀止。
回覆刪除牛兄實在過獎，每天聽到新聞，總有侵侵說這樣，說那樣……而且每日都有新鮮話，鍾意講什麼就什麼……不過大家似乎習慣了……
刪除由此至今，對1佢冇任何好感，整個社會出電現問題，佢將來一定會負1。
回覆刪除所以一個國家的領導人好重要，否則人民都會受到牽連！！
刪除