如果數算香港眾多的店舖，相信辦飲食的特別多，事實每個人都需要食，如果合他們心意，會繼續來光顧，不愁沒生意...
有些食店都可能有一兩款食物會令人回味或者出名，而出名大都會看它有否人在門外排隊，越多人排隊當然那款名食越受歡迎喇...不要說名不名食，每間店舖，總有一兩款食物令人回味...
呢間餅店是連鎖店，分店都有很多，以前都幫襯過買生日蛋糕，可是蛋糕很甜，唔係甜到漏，係甜到膩~~~~其他餅食就一般，而唯獨是這款包，食極都唔厭...就是這款抹茶紅豆包，抹茶味相當香，又加上軟軟的紅豆粒，若然經過餅店都會入內看看有沒有...
麵包的質素唔錯，看到一個個窿仔，若是抹茶控應該都喜歡...
這款包雖然不是什麼名食，但相信每間店舖都總有些食物是你心水之選，而你又有否什麼心水呢?!!哪間店舖?!!哪款美食?!!
經濟真係要靠你呢啲後生仔撐起，自從十多年前為了健康轉咗穀物早餐由 museli 到 燕麥，我就無再食麵包，係偶然因時間太趕而午餐食中式菜肉包，食肆靠我真係要食穀種 執笠喇！真的對不起。
回覆刪除記得我細路時，早餐會喺屋企樓下奶茶檔食X醬麵包加杯好立克/阿華田，有時太悶會轉去隔離粥檔食牛肉粥加淨腸粉或油條。
唔食麵包我真係好另類， 拍得住綠色生活嘅周兆祥博士咁罕有。回頭看，原來我老咗，為咗健康作出咁多改變。
食肆都係為咗有回頭客而出盡法寶整D美食，等人哋心思思 有件事 食上癮，營養上會放次要，可是，我覺得我呢個老人身體太化學，已經承受唔到美食嘅衝擊，我唔想拖住殘軀捱埋餘生，美食和營養只好二擇一。
劉德華賺咁多錢都係食素，唔享珍饈百味。大肚腩美食家轁轁因病而要戒口食清啲。現實例子告訴我人老化咗係自願或被迫要規範飲食。
窿仔麵包…森哥有冇食過酸種麵包？
大班西餅話欠交租和推遲出糧喎！難生存。
有冇講到咁誇呀，買一包既包就可以撐起經濟，museli 玩下手仲貴過呢包抹茶包，未買過museli ，要大型超市才有嗎?!!你講起菜肉包，冬菇雞包都好好味~~
刪除森伯多數食住家飯，但有些情況也會外出食...
講少少題外話，又話本地人撐本地經濟，但事實現時很多食店的食品加晒價，有人話難怪大家要北上消費...平時慳儉的一爺都會在港消費，已經值得一讚!!!!
嘩~~一爺細路時已經自己走去樓下茶餐廳食早餐，仲要腸粉加杯阿華田，勁富貴...回想返森伯細路時，等阿媽買個無餡的豬仔包在家食咋~~~~
唔知你咩原因誡麵包，有時自己都常常睇健康資訊視頻，的確好多人叫唔好食現在的麵包，話小麥粉有麩質，嚇到個個食親粥，食親飯，食親麵包...就好似食煙食砒霜咁款~~~
但有位女營養師講得非常對，感覺非主流說話，她話除非有麩質敏感，其實唔需要誡麵粉，每樣食物每日攝取有限量，唔食得多都唔需要太驚......你係咪諗得負面太多，常常感覺食左就會影響身體，到老左唔知點算!!唔好話森老伯佛系思想，生死有命，唔驚得太多~~平時森伯食得超清淡，以為身體會好好，但問題來了，越吃越瘦，以為有咩奇難雜症，到現在都驚，所以要在短時間內增磅，所以食返早餐，麵包也吃，當然不過量，也不吃太多餡料的麵包...
你常常睇些個別例子，又諗到好得人驚，嚇到自己乜春夏秋冬都唔敢食，在不為意下缺乏鐵質又唔定，缺乏一些微量元素也唔定...呢個都算是自己呢幾個月來的體會~~~
大班除了冰皮月餅有市場外，其他就麻麻地~~~~
我最初食價*棧嘅museli係$21/1kg，其他鋪賣貴十倍，每餐食100g都係$2.1平過麵包，近來無食唔知價，當然係包包好味。
刪除類似嘅酒樓雞包仔以前係細點，仲一籠三個好抵食，老闆驚客仔食平嘢塞飽賺錢少咪消失咗。
薪水追唔上物價通漲唯有北上和淘寶，食肆和店舖自然萎縮，政府必須諗計解決經濟結構問題。
舊時徙置區政府檔仔似深水埗女人街好平租，商舖攞貨價低，家庭作業無請人，所以，賣得好平，抵過你買包食，正經啲睇翻我個年代『森哥認知勁富貴』嘅生活。
戒包…無此諗頭，只係尋找比麵包平價又高營養又能減肥嘅早餐選擇，森哥比拼下燕麥片和麵包營養咪知，而且，我要食埋燕麥片和豆豆糖水啲纖維攝取量才夠吖！
我不盡信營養師，身體力行才準確。係我腰圍>36吋未病但唔健康（其它部位一啲唔肥），當時揾不同方法減去有害脂肪，試………無數試…就成為我今日奉行良策。
森哥自小有炎痛已戒口，本屬瘦體質同我情況不同，方法定必因人而異，從森哥角度睇我，會覺得我好怪，從我角度睇森哥，我覺得你食法好唔合理。
中年爆瘦會係糖尿病？嚇吓你先。
我每日食廿幾種不同食材等我不會缺乏所需營養，每睇一文介紹某營養後會粗略計算攝取量是否足夠，會調翻啱。
而家乜春夏秋冬都貴晒，其實現時很多城市都通漲，香港很多食材都貴了，近排打電話去book枱，book之前先問吓價錢，發覺很多間都加晒價，
刪除人哋加唔通你唔加埋一份……
雞包仔一向都係大點，而家唔特點，頂點都偷笑喇！！😅
現在時勢，去買淘寶貨都係多一個渠道，佢最癲就係一件細細都可以買到，見人地去取件，有些人都係攞一件細細包，森諗儲多幾件先買喇……
好佩服一爺，真心佩服果隻……
留咁多錢做乜，人生前半生做牛做馬（可能一爺係嘆住做）賺埋的錢，就是畀自己過一些比較舒服的下半生生活，成日都話慳住唔會食……
現在很多有益食材都畀商家刻意炒高，利用人追求健康的心理，現在我的心態就係有益食材都未必日日食，隔一兩日換一換，畀自己吸取不同的營養素！！
你把口唔好亂up，暫時未去到暴瘦……老人家就算糖尿都唔奇，冇得驚咁多……生活成日計住計住食幾多幾多，都好唔自在，你地後生著緊啲都唔奇，對於年事已高的森伯伯，想食就食喇，唔食等幾時……
邊及尾角100%關稅漲爆啦！依家後悔自投川網，民選咩吖！害左自己真攪笑。
刪除我現在買優品燕麥($15/kg)更平$1.5/早餐。
book之前先問吓價錢…我怕醜，教我點問呢？
一件細細可能急用，但落單到收件要等1周？
我又淘…拜託！我千萬不要染上網購物狂。平價太誘惑。驚！斬手指。
乜咁樣講架！唔通森哥打算等政府養？好識佔人便宜。森哥有咩慳家法同我分享！
任炒貴都唔關我事，我食一般食材如蛋豆腐 蔬果…已達標，係知識改變荷包。
面對疾病，要比喻森哥自己係大罪犯，再多一條都唔驚。
無科學計算我就會好化學，框住我都無問題，每日食得好開心。有人炫耀隨性亂食，我唔會眼紅你架！
舊日，無多士爐我用平底鍋煎，香噴噴、熱辣辣、外酥內軟，講到我流口水。森哥烘麵包嗎？
關稅再大，可能首當其衝都係自己人民要買貴野，以前人人都響往在尾角生活，攞到綠卡好似人生勝利組……但現在時移世易，發覺尾角本土的問題多多，首覺係槍支合法化，乜人都擁有槍械，話就民主大國，有示威集會自由，但多年以來，你有你上街表示要管槍械，政策有政策的做法，早幾日侵侵仍話尾角公民仍保有收藏槍械的個人擁有權，咁遊行嚟做乜，形同虛設……
刪除唔駛請教既含蓄又內向又內斂的森伯伯呀！想問咩就問！當你腦裡諗住慳一毫得一毫，你就夠膽去問，幫長輩book枱搞生日，要格價……
我都覺得買一小件包件係急用或幫人買，自己多數儲兩三樣先買！
買平嘢個個都好易失控，最怕係買到成屋都係唔等駛的雜物，我之前都講過，我買野有選擇困難症，買任何野都考慮一段時間，唔多買無謂東西……
做人亂食唔係要人眼紅，好壞要自己負責，生活隨意就最好，度住度住好辛苦，平常人注意一下飲食就可以，如果要辛苦誡口禁食，冇乜必要！！
我家中無多士爐，你唔記得森伯伯燥底好易熱氣，唔會烘包食，最多蒸熱來食！！
森哥嘅早角幾千年來一直係穩坐世界第一，百邦來朝進貢，日韓拎漢字回國應用，沖繩島(琉球國)被吞併前都係早角朝貢國，香港都唔使因死鬼犯毒而割據，清末至2000年咪一樣跌到森坑，辛苦由谷底爬起。尾角早年係好馨香，我都崇美，近年每況愈下，治安係差過早角。
刪除我仲以為酒樓都要問價，要豪擺百圍壽宴，請過千客人，應係自助晚餐，有許多優惠網站如 eatigo kkday klook hyperair buffetjetso openrice groupbuya …提供邊日幾多人訂折扣，通過其網訂有著數，眼花撩亂。遷就老人早瞓，食自助午餐精神啲，未食早餐孝順仔陪伴行完山去啱啱好。
我每次買十幾樣，都改善到我生活，都花時揀完，有冷静期，再審度後才下單。例如：我係撥水洗面，攪到枱面濕晒，淘個萬向延伸水喉頭擰向上好好洗，又方便清洗瓷盤可全面射晒。今次試下芝麻核桃黑豆桑葚粉(免運費)，有實名制，應該有益過超級加工化學合成唔開名有幾十種營養嘅華田/立克…我窮鬼吼住佢平一半，日日飲補鈣會慳唔少。
森哥唔係都被熱氣框住無得隨意，要辛苦戒口，自稱窮森都要度住啲錢慳住買好辛苦（唔信）。人係有限，只係森老闆在有限薪水下有無限超人要求。
在古時的四大文明古國，中國已經有份，到現在仍屹立不倒，遲吓會跑到世界第一也說不定，中間的努力也經歷過無限艱辛，得來不易！！
刪除係呀，長輩喜歡自助餐較好氣氛，網上訂購有優惠，但訂了日子不能更改，暫時還有時間考慮……
十幾樣都幾多，能夠改善生活就相當實用，唔算無謂東西！！
買野要實名制？！我未試過呀，買到合心水食品都唔錯，不過未在淘佬買過食品，現在多了去超市，通常會買食物，常買一隻黑芝麻粉都幾好，我認為吃什麼補充食物都好，越簡單材料越好……
窮森都冇計，唯有慳得一毫得一毫，慳得十次就有一蚊，已經樂上半天，晚上也訓不著…🤭🤭
四大古國唔係浪得虛名。見早角咁強硬抗尾，今次踢館終于踢着塊鐵板。早角做全球人類後盾呀！不要怕一齊抗爭。鷗盟嗆尾角只佔全球15%購買力，要全球79億人只聽3億人話，（乜民主係多數服從小數），佢係無足夠實力蠻不講理，唔怕你打橫嚟！壽司國都唔聽話，尾角呢戰將敗。尾角只佔早角總貿易額嘅11%，損失主權不準發展高科技嘅後果就係今日壽司國經濟悲慘下場，前車可鑑，發展未來帶來收入遠遠大過呢11%，有數得計，口袋裏得1元，掉1角換來2元唔係重好。侵侵快啲揾落台階啦！
刪除生日都改期？咁唔尊重？森貴人事忙！
買咗換馬桶出水閥和其專用工具備用，個位太窄現有工具無空位擰開，啲師傅收$500起跳，自換慳好多。網上寫：話易到女仔都識換，工程師嘅我要請擰擰師傅上身，唔得嘅小小哋我當交學費。（維修）
我個攪拌機密封圈用爛左漏水，淘寶可度身訂制啱尺寸嘅食用級硅膠圈，只需HK$14(免運費)，平過去原廠買配件（來回車費）。我的好寶寶啊！活用，所以我好多實用嘢想買係真實嘅（維修)
“實名制” 係指隻飲品。如果我話“森源”好飲，你一定話“森源”係流嘢、不可靠（借D意），咁花旗蔘桂圓叫“蔘圓”好補，一望就知飲乜，信心大增，因實實在在將個食材名字寫晒出來，單睇“華田”，你根本唔知係咩成份，佢話入面有廿幾種營養素，真係任佢嗡！…（中文科閱讀理解不合格，扱黑豬仔)
咁去有信譽店買，食得安全喺心理層面上都蠻重要。
淘寶發展咁耐已加入好多機制防騙子商戶，依家淘寶係穩陣咗。一次生兩次熟，踏出舒適圈。
咁窮森唔好為慳而失眠咁大鑊，因小失大，要繼續洗腳唔抹腳。哈哈！特登會錯意。
現在的尾角簡直江湖大佬化，你聽聽話話就唔搞你，唔聽話就搞到你都冇運行……壽司國都要做乖乖狗……
刪除老人家話生日冇得改期，寧願提早搞，不能遲！！
聽你咁講，淘佬真係好方便，可以搵到小零件，現在家中也有個水龍頭，類似有個活門的一個小小鋼粒，正常可以控制水的流量，有日無端端脫了出來，成個換又可惜，因壞只是一部份，唔知呢種零件佢有冇？！！
食品生產商話有就有，況且有冇落足營養素，真係得生產商自己先知……
點解買淘佬野，要踏出舒適圈？！！
冇所謂，慳到1蚊咁大把，開心到訓唔著都算大確幸！！🤣🤣
佢首要想整死早角，而次要係掠奪全球利益，用關税要挾全球，叫他國都向早角增加關稅，引致互相交易停止，如斷開俄國一樣，完全孤立早角，係獨裁統治。[註：獨裁體制的統治權常由一人或一集團所壟斷，通過不同的鎮壓機制來發揮其政治權威] 滅早角才能繼續獨裁統治世界。
刪除森哥好孝順父母，乖仔。
如果係”水龍頭防濺神器“淘佬都有，打關鍵字睇吓有冇你嘅類同款式。教學短片可上Youtube 睇人點換。在”滿¥99包郵“商戶下可免運費到香港。仲要有合適工具，無就要買埋。
大牌子…信佢咋！西方大國都無誠信，咁西方大牌子？…仲信波音飛機公司咩？
『舒適圈定義：一個人所處的一種環境的狀態，和習慣的行動，人會在這種安樂窩的狀態中感到舒適並且缺乏危機感。』 淘佬係出咗香港圈呢個環境，我購物習慣 1)在香港 2)實體店舖，咁網上虛擬店易中伏，危機四伏。才第二次買應算走出舒適圈。上次“實名制”，連同今次“舒適圈”，我要收你中文科補習費。
侵侵外表好似犯眾憎，打擊早角，其實間接幫早角，佢越搞個爛攤子，反而令大家覺得早角係好好，就因為咁有很多生意機遇到找上早角...因為有些陰謀論係咁講~~
刪除其實早在侵侵上一屆做，都已經有這感覺，記得在競選既時候問"習、京"二人都話希望侵侵可重做...可想而知，他們的說話未必是順口開河......
森伯激到父母親嘔雪的常事，呢度冇講啫!!!!!
好的，試下搵下有冇呢種"水龍頭防濺神器"...一爺好勁喎，水龍頭睇吓YT的教學，仲淘埋咁多工具自己整，畀個大讚你~~識維修水電，移民都可以加分~~~
唔好話森伯愚昧，森伯真係信西方大牌子架!!!!!!!!!
當然啦，始終有時在網上買東西，買之前可能未見過實物，未拿過上手睇，買錯也不奇~~~森伯都中過伏，不過價錢不會買太貴，未勉太肉赤~~~
麵包店最大成本是舖租及薪金，食材成本很低，以你的麵包8片裝計算，食材成本少於5元，但他們做得好食就有客，多人幫襯，利錢好大。我明白這樣算出來會比人閙，畢竟店舖除了付出舖租及薪金之外，還有技術，總之都係嗰句，買得開心食得滿意便是了。不過我還是喜歡自己整的。
回覆刪除對呀，可能因為成本唔太高，所以坊間的麵包店、餅店都越開越多，而且很多人的夢想都係開間麵包店，但在香港經營唔容易，租金人工是成本最貴的支出項，但要留住客人的心，除了價錢外，仲要產品有質素，味道又要好...
刪除這句我也讚同，自己做的包會健康得多，起碼都少了用人造牛油...
大約20年前，我在觀塘區住，附近一間麵包店做得頗成功，價錢不貴，客源多，老闆說，經營三年，所有設備已經返本，餘下日子只需支出舖租及伙記的人工，食材好平，毫無壓力，未知該店是否仍在，還是大展鴻圖，開更多分店。
刪除你講起這事情，令我諗起家附近有間麵包舖，這間不是有名的包店，以前因為以較低價做招徠，一度幾好生意，但近幾年價升了，生意明顯冇咁好，但竟然見個老闆頂埋隔離檔開小食店，真係咁好賺！！
刪除我很喜歡吃麵包，但抹茶味就麻麻地啦！
回覆刪除麵包有很多人都喜歡，我也不例外，抹茶吃起來有點點茶苦味，未必個個人接受......
刪除早餐鍾意食粉麵多D。
回覆刪除早餐食粉麵……？！很少聽，以前很多人的早餐會食早飯，油條送粥……
刪除老牛甚少食麵包、偶然會在家附近的麵包鋪買「湯種厚方包」。近日留意到，附近有兩家店面窄、不起眼的食店，門口竟有十幾人排隊，店內座無虛席，估計是有「網紅」在什麼書上介紹過，吸引許多人來試。
回覆刪除口味和飲食習慣每個人都有不同，「湯種厚方包」聽個名都好充實又飽肚，其實每家食店或餅店，有樣拿手產品，而另家沒有，經過網上吹捧，即刻可以熱賣起來……
刪除抹茶味的麵包,蛋糕我不喜歡，在我家左近有一間小餅店，有一款芝士鬆餅好好食，12蚊有3個迷你鬆餅。
回覆刪除口味隨個人而定，可能常說飲茶有益，所以連帶抹茶的食品都不抗拒……
刪除係呀，有時不起眼的小店，內裡都可能有些食物是自己的心頭好！！
「抹茶紅豆包」裡有紅豆，看起來都幾好食。不過我孤陋寡聞，都係第一次見。 關於老人家生日，聽講話，寧願推遲，不要提早，這樣比較吉利。不過都是迷信嘢，可有可無。
回覆刪除這款抹茶紅豆的確唔錯，如果對茶味食物不抗拒的話都可以一試...而且東X堂分店很多地方都有!!!
刪除其實我都想問問大家，看看有否這套他們認為的理論!!!原來秋葉是相反講法，其實都幾有趣，正所謂各處鄉村各處例，人人不同...
其實都是聽親友，和網上的講法，我哪有這種本事，生出這種理論來哩 ! 都是看網上說，老人家不要提早賀生辰。
刪除記得小時第一次赴宴，是跟父親去賀某伯60歲大壽，可是很快某伯就去世了。 父親從不賀生日，平平穩穩活到88。我知道父親希望有90歲，所以我向天地借兩歲，使堂官宣佈是90，完成父親的心願。其實胎兒在母體內都孕育了9個月。
所謂「十月懷胎」，不過是一個齊頭數吧。
刪除七個月、八個月出世都有，一般都是九個月就出生了。
習俗說法各有不同，都有可能以訛傳訛，傳至今天都已經不同了……
刪除家中長輩們認為只可早不可遲，就算平時節日的做節飯也是如此！！現在多數聽人提早做節，冇聽過人講補返做節飯，可能一般人都認為寧早莫遲！！
以前的人60歲都已經可以擺大壽，現代人長壽了，60歲已經不稀有，一般都好少擺大壽，當普通買個生日蛋糕，或食餐飯已當慶祝……
平時叫人要活在當下，要珍惜眼前人，所以有什麼節日或生日，都會藉此大家開開心心慶祝一吓，因為今天未必會知道明天的事…
節日和生日不同，節日年年有，遲早慶祝都得。生日未必年年有。正日慶祝不到，寧可押後，不要提早結束。尤其是老人家，找個好意頭的為佳。如果是百無禁忌，就算了吧。當我唔識世界，亂噏一通。
刪除*
近日傳媒上有一研究說：香港人多擠迫，空氣又差，為什麼老人長壽追過日本 ? 這是香港的老人家懂得養生之道。但是年青人患上三高的越來越多，都是放縱飲食之過，這樣下去，將來長壽的人就不多了。
除了節日年年有之外，生日亦不例外，乜秋葉的生日不是年年有？！就算有些人生於2月29日來講都可以提早到2月28日來慶祝，始終人都要大一歲……
刪除老人家可能認為一年總有個生日，遲了認為不吉利等等……後輩的森伯當然冇所謂，生日可以補祝嘛……
據講港人喜歡煲湯水，飲湯水，可能是原因之一，現在多了人有三高，只因富裕地方，食物又太過豐富，食得多自然病也多……
每4年一次閏年，即是4年才會有一次2月是29日，其餘3年只得28日，想正日慶祝都唔得啦。
刪除森源真是很有孝心，處處為父母著想，不會違背。
我個人比較特殊，真的不是年年有生日。有時都會把今天當作是最後的一天來過。
如果真的如此，冇29日閏年的話，自己可改為2月28日，提早一天慶祝生日...
刪除都冇乜必要違背父母的想法，他們多數正日搞生日，不會有什麼大搞，普通食吓飯而已~~
不是年年有生日...?!!真的幾特別，是忘記生日?...只計舊曆?...或是沒有正式的出生日期?...
一言難盡，不囉唆了。
刪除不要緊，每個人總有些事不想訴說……
刪除抹茶跟紅豆是上佳的配搭，很多日式甜品都會見到它們的影子。
回覆刪除阿摩真的心水清，通常抹茶是日式茶飲，再加上他們稱為十勝紅豆的配搭，做出很多日式包點...
刪除不過呢款包，除了紅豆是甜，麵包反而是鹹鹹地......