森伯由細到大都頗喜歡陶瓷製的物品，尤其是一些陶瓷擺設，若果陶瓷保存得好，可以很耐看...家中有個大型鸚鵡擺件，大概是用樹脂製作的，已經經不起時間的考驗，漸漸褪色了，但若是陶瓷製的，相信色彩可以繼續保持下去...
至於時至今日，我們一般最接觸得多的陶瓷是餐具，早前就換了個新碗，雖然也很精美亮麗，但也不及小時候用上的米通碗碟，早陣子去過裕華，也有以前用過的米通碗售賣，都頗有回憶，可是有顏料塗上，就沒有買了~~
至於之前到過文化博物館，順道也參觀它的古時陶藝展，中國製造陶瓷都有很悠久的歷史，記得之前上藝術課時都把這個題材作為功課...
古時的陶瓷已經很美，多以生活用品為主，這些古代陶瓷除了有欣賞價值之外，還有它本身的歷史價值...
嘩嘩嘩！我要嘩出嚟！因為一萬年前，仲係新石器時代，唔知邊個聰明中國人會識得用咩泥土咩火去製造陶瓷器皿，我最近愛追『中國國寶』視頻，係講發掘古墓古建築，知道喺新石器時代嘅仰韶文化和龍山文化遺址掘出陶瓷瓦片嘅真憑實據，唔係估估吓只有口述架！中國地下好多寶藏，陶瓷係歷史悠久到嚇你一跳架！
回覆刪除我去過西安親眼目睹兵馬俑…用『震撼』…來形容。陶俑陪葬以佢為代表作。秦朝雖咁短時間，但修築長城 統一中國 統一文字 統一度量衡單位…點夠時間做咁多嘢！厲害…人民被奴役壓迫得好勁，才咁快滅亡。
從萬年拉回2025年，我最近都係買白瓷，因為可放入微波爐，外觀襟睇唔受潮流影響，大方得體，酒店用得都無走雞啦！
煲藥煲醋都要用翻陶瓷煲就知道佢有卓越物質特性啦！但萬年前已諗到，証明中國人一直都係咁高智慧。
其實初期的陶瓷很粗糙，未必似今時今日咁多變化，不過凡事都有開始...都要慢慢演變過來，慢慢改進...
刪除又到我「嘩嘩嘩！」一爺好有文化氣息，睇『中國國寶』，呢類文化藝術節目~~我比較少睇，去開博物館會睇睇，如果到一些國貨公司，或賣陶瓷的店舖都會看看...
你能親身去到西安參觀，一定壯觀得多，秦朝在歷史文化上，都對中國和世界有幾深遠的影響...興建萬里長城、兵馬俑、想統一六國等等!!!
我想法跟你一樣，最理想都會揀全白的陶瓷餐具，不過在香港不容易買，有時都迫住上淘佬買，因為有顏色的陶瓷餐具放熱東西，酸東西，用洗潔精洗都易褪色，
買餐具最基本都一定要內裡全白~~不知你講的陶瓷煲，是否指缸瓦煲...舊時的缸瓦煲內裡會塗上黑色的顏料，呢層顏色不太好，買時要注意吓~~~
我哋祖先設計都有另一番韻味令人細嚼，異類三星堆一啲都唔粗糙，中國歷史文物令我神往追看。我都話我愛國嘛！石器時代已設計咗有窿瓦鍋嚟蒸食物…神奇。
刪除試諗吓中國依然分裂為七小國，咪好似依家歐盟咁要做霸主狗，像英犬面對關税戰跪低咗。多謝秦國嬴政合成有牙力超級大國。
我曾經跟過慢熱煲(類似電子瓦罉)用到陶瓷鍋，走訪佛山潮汕一帶工廠學習陶瓷制作工藝 流程 石膏/五金模 設計要點 固定/流水燒窯…記得第一批貨太急，我要親身去即場驗收，一早摸黑五點坐公司貨車由深圳去潮汕，去程行高速公路都要8個鐘，回程裝滿貨太重行慢咗需12個鐘，半夜2點才回到公司。半途大家尿急就要用貨車擋住路邊解決，好在果陣時唔係咁多車，晚飯（公數）喺高速公路內餐館食，收費公路好似搭地鐵，未到目的地唔會離開。
因供應不順，採購部主管（即太子女）曾話要收購一間陶瓷廠，好大口氣。
『迫買』… 森哥唔好將『合法正當』 講成走私販毒咁嘛。哈哈！
三星堆被譽為古時的外太空文明，可能外星人幫手做些青銅器，所以一爺唔好太崇洋，以為外星人只有在美國才發現，外星人古時己經到訪過祖國……🤭🤭
刪除用陶瓷餐具，唔需要揀精美，或時尚科技，很多看似出自大自然的物料，加了新科技就變了另一樣野，例如麥飯石電煲，砭石紅外線保溫杯之類，用就用最簡單就可以……
收購陶瓷廠可能有此需要，比較容易控制生產量！唔怕冇貨！！
迫買的意思你諗多了，香港零售有得買，唔駛迫住上陶佬買！！
幸好無畀衰格貪心鬼佬偷走屬於中國嘅三星堆文物。造啲咁落後嘅青銅器唔配係高科技外星人，至少係地球無嘅合成金屬，真水皮喎！
刪除咁要分開两種：齋睇性（兼拜祭）同 齋用性，好似啲觀想魚和食用魚咁，世上只有珍貴森哥係睇得又食得…哈哈！註：揾食，陪食。
舊公司係美國客為主，有次個榨汁機嘅歐洲標準浸酸安全測試肥佬，驗出有害鉛毒，接觸到酸嘅膠杯 不銹鋼刀 不銹轉軸 防漏矽膠圈物料都不含鉛，原來，走漏眼，仲有個接觸面好細嘅小零件 - 軸承杯士，係銅合金嘅粉末冶金，叫供應商造個無鉛柸士就通過，其實，我早就睇過資料歐洲版係要用無鉛杯士，但唔知係因為酸浸測試，十年唔遇一時醒唔起，肉眼分辨唔到。酸液浸一排會溶解到重金屬如鉛 鎘…等有害物，酸醋食物處理要小心。所以同意森哥安全觀點，白瓷最佳。
乜森哥行極簡主義只靠幾拾樣物件生活咁誇張，無後備要即時買，我覺得佢哋走火入魔，不認同。
話明青銅器，重到九彩...咁易攞走咩?!!你認為落後，對當時環境來講，可能是一種貴重的材料~~放在地球一定要用返地球有的物料，外星物料會有幅射...太空人做完飛行任務後，落到地球都要隔離檢測幅射...
刪除世上只有珍貴森哥......唔好以為咁講，森伯就唔會同你爭辯，有不對的地方都照出聲反駁...
其實大公司賣的小家電，都可以放心用，原來個檢測咁細微，跟一爺去買這些小家電咪好識野，知道邊啲有Q嘜保証...咁現在有些較為平宜的小家電，例如什麼日X城、億X家的電器，買得過嗎??感覺唔太襟...所以我買這些與食有關都會買大公司出的產品，因為大公司捨得去做檢驗或測試!!!
小市民森伯伯又沒錢，為買來的陶瓷去做檢測，唯有買些白瓷器皿食得較安心...
現在買野都算方便，唔需要太多東西有後備，屋企地方矜貴...
清朝戰敗割地賠款，幾百萬兩黃金都搬得走，知道一定搶走。
刪除外星人應該制造鋁合金、不銹鋼、飛機複合金屬 、鈦合金…而唔係當代青銅器時代。
太空無大氣層保護有幅射都知，森哥好博學。
咁寫森哥你真貴呢！貴人呀！
拗撬已是係我哋家常便飯，我喺呢到血壓飈高高，好驚過唔到端午。我有骨氣、有底氣，唔會屈服森哥淫威下跪低，擦鞋以求片刻和平，中國人誓死奮戰到底。
衰在好多時肉眼睇唔出，要測試後才知壽命效能。就算睇到唔通你能拆機睇內餡。大批生產品質參差，大牌子係信譽好的，誠實用家評語有幫助。雪櫃 冷氣機 洗衣機 電視 大電器會要求大牌子，一般小家電無牌子電器夠平我都碰下運氣買，會有好嘢架。
有啲嘢我會(趁平)買定後備，有咩意外即時頂替，順滑生活好爽。
一爺又欺侮老人家森伯伯...話明賠款，擺明搬你就搬你...但係搶走係暗地裡進行，通常都係鬼鬼鼠鼠~~
刪除不如你話用一些天上有，地下無既物料，連個名都講唔到仲合理!!據講金字塔都係由外星人建造，都係用地球的山山石石堆砌而成~~並唔係你口中的太空合金合鋼之類~~~
森哥好博學...証明你平時覺得森伯乜都唔識!!!!又係睇唔起老人家的罪證!!!!
拗撬已是係我哋家常便飯......拗撬係你自己拗，森伯只係平和講道理!!!!
你的血壓飈高高，是否你沉迷太多什麼官能刺激畫面的劇~~~乜都入森伯數!!!!驚過唔到端午，趁現在就食多幾隻粽...
大牌子有信譽，起碼我會放心用，雖然話是小家電，但起碼都用上好幾年，一部好用的電器，花多少少錢也是值得的，不過有時買大牌子的電器，仍有不襟用，常壞的情況~~~~
刪除森哥想做正義關德興咁就將我塑造成壞人罪人石堅，一刀刀斬落黎，我真的受傷了，負傷逃亡，學足尾角卑鄙行徑。
係古人用腦突破盲點解決某難題但又失傳咗，好似神醫華陀為曹操醫頭痛已諗到失傳嘅中式開腦手術根治。中國科學家屠呦呦從中醫古籍得到啟發，成功研製抗瘧藥青篙素，並獲頒諾貝爾醫學獎。金字塔係古埃及人諗到絕活建築法，古人都好聰明架！
至少馬上風死前夕係開心，呢度係激氣鬱死，哈哈！完全相反心理狀態。我寧願狂㗳甜甜華田粉好過傳統粽，森哥一定係鮑參翅肚…。
大牌子來佬貨品質確差咗， 因為減成本同中國鬥，鬼佬工程師差咗。日本德國汽車都造假，美國劣質波音飛機都怕搭，NASA泄氣太空船…係呀！砸多咗錢買都未必有保障。上網睇人哋評價都可輔助下。中國製造高質咗，淘淘可信賴。
係你自己塑造成受害者，歧視老人家唔識野...藐視老人家啲養生常識...暗踩老人家見識少...嘲諷老人家冇你咁靚仔...好想問究竟邊個至係受害者，邊個先至似某角，行些卑劣所為~~~~~~~><
刪除你都講失傳，以前的醫術怎樣高明也好，我們都不認識，何解你能一口咬定認為是現代做不到呢?!!
就算古埃及人點聰明，點用絕活方法都好，人始終是人，能力有限制...即使現在的科學家，建築家都唔知當時的金字塔是怎樣建成的!!!
一爺睇官能刺激的劇，都可以比喻馬上風...咁你都睇得幾投入!!!
你講起端午節，緊係同你講粽啦~~~有人端午節食華田粉應節?!!!
對，現在很多大牌子的電器都差了，未必太耐用...
咁樣我哋倆個都係爭住做受害者，點爭都無結果，要排期上一號皇庭評理。哈哈！
刪除外星人就能力無限，唔好睇低人類智慧，睇低古人。
好好睇架！熱血沸騰、行氣活血。
端午節唔食糭會坐立不安？過節能享受自己喜愛美食才算幸福，認清自己需要，未必係貴嘢，也不必理會俗世眼光。
只係你爭住做受害者，森伯伯係真正的受害者……完全係兩回事！！🤣🤣
刪除大眾一向的思想都認為外星人是高智慧的生物，古時的社會較今日落後，人類為了生存，動動腦筋去改善環境，訓練自己的智力，現代人懶慣，有些人腦筋都費事動，變得某些現代人不及古人咁叻叻！！👍👍
原來森伯伯對陶瓷咁有研究、咁鍾意。陶瓷的確係堪用、耐用、好用，而且化學性質穩定、唔容易起化學作用，所以煲藥、煲醋都係用瓦煲，唔可以同銅煲、不鏽鋼煲 。沙田文化博物館有個兒童專區，讓兒童認識出土陶片（就是古代的爛缸瓦）；屯馬線宋皇台站大堂，有一面牆專門展示在宋皇台站出土的陶器殘片，甚有歷史研究價值。
回覆刪除牛兄見笑...森伯對陶瓷沒有太深的研究，只是純在欣賞的角度來出發，正所謂針無兩頭利，陶瓷雖然好用，但亦都較為重，而且比較脆弱易打碎，存放不容易...
刪除但現代人講求健康，陶瓷用品比較受大眾所歡迎~~現在家中的煲大致都是瓦煲，除了煲出來的東西有味道之外，還會較為健康~~
宋皇台站未睇過，有機會去真要留意一吓...其實有很多遺留下來的歷史寶物都很有意義上的價值，唯有等侍人們繼續去發掘~~
十幾年前興團購，我買了在火炭區玩了一堂，上堂都是自己搓，佢哋教我上色，上色後交畀佢燒，燒成了一件小小擺設品都要近300多元呀！作品造得不錯但好貴！去年到南疆有幸玩陶瓷拉坯好開心，因為，十幾年前團購如果揀拉坯玩，只可試三次拉坯，三次都不成功！玩完！！！所以我揀咗搓泥！
回覆刪除能夠親身去參與陶瓷製作的確幾有趣，除了親手整陶瓷之外，第一件作品自己還可以帶回家，如果做的是杯杯碗碗，可欣賞外，還可以拿來用...
刪除一向人手做的陶瓷都比較貴，聽講燒出來的作品，雖然做的東西是一樣，但燒出來卻會隻隻不盡相同的...這就是陶藝的有趣之處!!!
跟工業生產的陶瓷用品不同，她們有系統的生產，會生產出隻隻一樣的...
stella都好熟陶瓷的製作過程，有機會都會試玩玩!!!
米通碗真係好靚 , 但現在甚少見了 .
回覆刪除係呀!!!真的很少賣米通碗，國貨公司還可買到，不過價錢亦不平.........
刪除米通碗屋企都有用過，是回憶呀！
回覆刪除唔知點解，以前很多家庭都會用米通碗，現在少見了，米通碗幾乎冇乜人用……
刪除舍下一向都是用江西景德鎮燒造的 “米通碗” 吃飯。可是不懂得珍惜，打破了再去買過。豈料新燒造的米通碗偷工減料，雖然外貌相同，可是拿起來越來越燙手 !
回覆刪除所以母親在很久之前買下的「醴陵碗」，我已經封存不動。因為「醴陵」的瓷器，拍賣有價。還有一套「廣彩瓷碟」是以前收到的禮物，都在櫃中珍藏了。
看來秋葉姨對米通碗都素有研究，現在都唔容易搵到米通碗買，已經唔記得以前的碗是可隔熱……通常質料好才會生產好的碗！！
刪除你所講的醴陵碗等，我不認識，有機會，秋葉可以在博裡介紹一下，能展示一下舍下的珍藏更好，可讓一眾博友開吓眼界！！
對於瓷器用品，我只是跟隨母親的習慣使用。因為好奇，就会探索而略知一二吧了。
刪除記得多年前，我曾經出po贴出家中瓷器，如果我找回這篇博文，一切方便很多。
可惜昨天電腦失靈！現在無奈只有用手機留言。
香港也有一間山寨式私人製瓷廠，產品供應本港店舖。
刪除大陸的燒瓷廠越來越多，山西景德鎮的後人都不接棒。
「醴陵」早就不搞了。
時下的人，一般的家居餐具多以陶瓷製，一向對碗碗碟碟沒有太深入的研究，曾幾何時好興米通碗，而「萬壽無疆」碗都興過，到今時今日人們愛懷舊，用返雞公碗……不過人大了，反而覺得純白餐具最好！！
刪除有機會買些港產陶瓷都幾有趣，感覺陶瓷業的競爭都幾大，只講國內，都有很多陶瓷供應市場……」憑秋葉姨時常提到的「醴陵碗」……可否給我連結，去看看你過去的介紹……
刪除手機連接不到，down了的電腦在請救兵中。明天週日不能來的話，要等下個星期日。
刪除識別瓷器的產地，主要是看碟底、碗底的標誌，也是身份的象徵。普通的貨色，碟底碗底是空白的，識别就是那麼簡單。
刪除咁希望秋葉部電腦可以快點整好……的確用手機寫博覆博唔太方便！！
刪除通常買什麼東西，有牌子會較好品質，不過有時也例外！！
今天我找出來，研究了半天，覺得真是有例外的。
刪除哈哈，雖然同一篇自己寫的文章，但在不同時候看回，都會有不同的感受！！
刪除舍下的電腦已經修好，也曾經在《西海情歌》這一篇回覆了你的新留言。不知道你有沒有看到 ?
刪除下一篇我會介紹一下舍下的新舊瓷器。這次細看之下，也有些新發現。
我大概40年前買了一套10隻米通碗，用到現在還是新的一樣，可惜可能年紀大了手震震，今年初打爛了一隻，有點遺憾。
回覆刪除以前的米通碗，很普遍，差不多很多竾方都有售，相對現在很少見到有賣……
刪除用陶瓷餐具，真的要小心為上，否則很易打碎！！