現今世代人，相信話要減磅的多...森伯可能是個異數，反而要多多增磅，當然喇，就算要增磅也不是什麼都可以放進口，都要揀些合適的食物...
早前(因隻神經手，不多解說，可翻看之前網誌)入院時，仲誇張，有營養師推介所謂的營養飲品(廣告商品)給我，當然其後我也沒有買，好人工化的飲品，而且味道也不太好...
至於之前的斷食，都自行取消了，其實唔好講得太誇，所謂的斷食只是不吃早餐，只要跟往常一樣，食個早餐就可以了，始後的早餐就改為原食物就算，其實一向以來早餐都是一般胃口，現在改為吃些原食物可能更好吧，薯類、根莖類、豆類等等...
今個早餐就一於吃過蒸薯仔，加些牛油，對一般人來講，可能肥C，但對森伯來講可能OK...其實薯蓉加純正牛油，都幾好味道...這也不是天天吃，每日換上不同食物!!
揀原食材做早餐可能比一般的麵包、蛋糕、麥皮的好，比較方便，前一晚蒸烚定，也可當早上的早餐，不會阻時間!!!也算方便...
分享吓我網上學咗個配方，係舊時整畀無乜牙力嘅阿媽食。
回覆刪除薯仔 3個 (揀細個啲) 約1~1.5斤
芝士 5~6片
暖奶或熱水 約 110ml [半杯] (見堆蓉索唔到奶就停手)
牛油 40g (師奶仔秘笈：烘焙店買無鹽牛油比超市抵）
仲要壓過麵粉篩等薯蓉更幼滑 [好費時]。
食前蒸翻熱佢就得，好鬼方便。
講真，真係好好味，食到嘴舐舐。
貪方便，係買普通全脂奶粉開成奶水。加奶更滑溜。除咗好味仲暗中食埋高鈣 蛋白質……等營養補老人家。少份量連乳糖不耐症患者都食得。
好多時整畀人食會講究有要求，反而整畀自己為求簡單快趣省錢，求其整到入得口就接受，無形中刻薄咗自己，見你慳到得兩樣食材真係少得可憐，糧尾到！！！
我喜歡薯仔夠百搭。
幾拾年前就有整生果 雞蛋 薯仔沙律，夏天消暑解膩冷盤。仲有咖喱薯仔乜乜，薯仔燜雞翼，蕃茄甘筍粟米薯仔肉片湯……全都好好味。
睇見你的用心食譜，感到你相當孝順，做一餐這樣營養豐富的食物，不容易...最難得就是有這樣多的材料，要記都有排記，森伯未必會跟足，因為有些時候食完要趕上班，遲到仲慘過糧尾到~~~
刪除森伯喜歡簡單，每餐的食物以單一性為主，可能咁樣唔駛旨意會變肥伯，所以事出必有因.........><
其實我盡量都會吃得比較簡便，現在一日食四餐，早餐有時吔個蕃薯就算，午晚餐就一般飯餸，工作時下午tea time就一嚿包，在家時下午tea time吔得最豐富...
薯仔幾好，送飯又得，早餐都可以，而且以前常飲的薯仔蕃茄牛肉湯，雖然是滾湯，但味道都好好，肯花時間滾個羅宋湯，送法包仲好味~~~薯仔唔貴又飽肚，好啱森伯果類常年糧尾的人食!!!
見我回覆咁詳盡就知我好用心架啦！多謝讚賞！
刪除4样材料唔算多喇 ！我一煲煮二日有十幾樣嘢，當然種類愈多又真係備餐時間好長，多隻香爐多隻鬼，太多有時會忘記煮其中一隻鬼架，走鬼呀！哈哈！
Less is more 喺90%方面我認同，但正因為人體結構太複雜，所需要營養素同樣都係咁複雜，唔簡化得，因此，忙碌都市人食丸仔補數。
上班族都想瞓多D，趕上班都係咬2個包就算，有人仲邊行邊食，因辦公時間唔係畀你食早餐，舊時有個同齡仲有個不好習慣，開工第一件事就係去開大。
衰老板畀一份人工要你做3個人嘢，真係攞你條命仔，工作太繁重午晚餐求其速食塞飽，鬼叫你窮頂硬上。
我見有人用拼XX買蔬果如薯仔 蒜頭 薑 芒果 哈蜜瓜……平到好誘惑，又唔使運費，知道中伏機會大過淘。
冇讚賞，覺得你超長氣！！👎
刪除就算4，5樣材料，都要去買都要去整，以前的人們邊有現在的人咁多都市病，三高病，就因為唔會所謂的營養過剩，有咩人需要多些營養呢？！就是大肚女士，怕胎兒不夠營養，欠缺某些營養，會造成問題，好似我哋幾廿歲，基本食物營養都夠，不需要額外補充！！
可能一爺平時過多的夜生活，搞到殘晒，需要食丸仔補充返體力，勸一爺作息正常，都能讓體力恢復！！
開工第一件事開大，都算醒目，用公司時間辦私事，又乘機偷偷懶，你都應該學吓佢……👍
富有富的樂，窮有窮開心，有得頂硬上都應該感恩！！
乜拼XX有餸買？！唔知！買菜自己親自揀較為實際！！
長氣係老人特徵，你老咗都係咁，時辰未到啫！我反彈翻👎畀你。哈哈！
刪除我明知山有虎，偏向虎山行。知道你一定不認同我講食物多類化，會緊守自己諗法，我預咗會畀老虎咬一口，給我劣評啦！哈哈！
所以，感覺到父母教子女會好頭痛，19年勸子女唔好去參加反中暴亂係唔會聽，結果要坐花廳，慘豬豬。
丸仔貴過食物，唔符合我經濟原則。夜生活過多要食狗鞭才鞭鞭有力，幾廿歲人嘅我唔會咁打搞自己嘅。
「不是天天吃」…… 點知肥仔餐有無效？你有無呃人架？
熱氣嘅煎餅 炸條 薯片 都好正呀！
拼 薯仔賣 ¥6.5/3斤，￥5/5斤都有。大量唔啱森哥，啱我自制蒜蓉多多都唔拘，好多師奶仔咁做，所以，會威脅到街市賣菜和水果。
話明係森老伯，即係已經老咗，是現在式！！！
刪除畀咗你👎，就等如👎跟埋你下半生！！驚未？！！
你咁講只代表你固執，成日以為人哋講是多餘，你哋青年人總聽不入耳，覺得自己嗰套是對的，就好似當年黒暴，唔聽話，結果就要踎花廳，一爺啲反叛年齡最易闖禍！！
我仲以為你會為左晚晚的夜生活而甘願犧牲金錢換取魄力和活力！！🤣
每個人的吸收力都唔同，好難講肥仔餐有冇效，總之森伯油浸都唔會肥！
首先，你能否食得晒3斤薯仔先，薯仔好易變綠兼出芽，到時又要攞去堆填……
現在已威脅到街市的生存，現代年輕一輩己經不喜歡污糟的傳統街市，寧願上網買或超市，政府要幫街市諗計點樣活化！！
死我都唔驚，係怕病痛，你隻手指指我打個乞嗤就冇咗啦！
刪除後生時我睇見新聞話兩個老人家口角又動武引致傷亡，心諗 咁老乜都睇化，收晒火唔會同人有衝突，老人家打架好輸蝕，依家才知好似我哋兩個老頑固，日日火拼，見到面真係有機會打起來，有啲嘢到咗年紀才體會到，和後生時諗法有出入。哈哈！我咁樣叫『自殺式留言』。
我從少都捱唔到夜，做都喺日光日白。
烚2分鐘放冰室就唔壞架，呢個方法叫殺菁，冷藏三色豆咪係咁做囉！師奶幫有 friends/親戚 可夾份，獨孤精就無得講。
成年計真係慳唔少，精明消費者會多咗網購。
剛剛颱風大力吹埋隻窗撞斷手柄，咁我又要淘，點知其中芝麻核桃粉畀漏一罐，客服秒覆回水或補貨，一流服務，好過實體店。拼XX一件都免運費。個個上癮變晒網購狂，唔怪得自提點日日排晒長龍。
咁肥咗幾多磅？後生時我去美國工作三周肥10磅，你有冇我咁叻？
果然夠灑脫!!!唔明什麼叫手指指我打個乞嗤就冇咗...又係用AI覆森伯~~~~
刪除好似我哋兩個老頑固，日日火拼，見到面真係有機會打起來...呢啲真正抹黑森伯，真正似足現今某國屈伊國有殺傷力核武，去攻打一個人實會用諸多藉口去合理化自己的行為，一爺學到十足十~~~
森伯一向以和為貴，如果一個相處開的人常常因為無厘頭小事而嘈吵，我先諗到這人可能精神或情緒有問題，盡量同佢少講野，免得他的情況會惡化...
咁叫『自殺式留言』，唔知現在一爺瓜得未呢??又生鈎鈎響度同森伯傾偈!!!!!!
可能有啲事情，令到一爺甘願捱夜做呢?!!...冇，我講睇奧運啫!!!
原來這樣叫殺菁，唔怪得有時見到啲三色豆的蘿蔔有少少好似煮過了，有機會試吓咁做!!!
森伯買野好少要孖人買，為搏平啲...成日覺得貴有貴食，平有平食~~~~
有時網淘的服務幾好，以消費者利益為主，試過買野唔啱或爛了，影張相可以退返貨錢，當然自己蝕運費...
三周肥十磅，當時你食乜，美式快餐?!!好犀利喎!!!!教教小森伯!!!!
👎手指公向下……咪係手指指。快過鼻癢癢打乞嚏幾秒後已無感覺，未驚過。
刪除我燃起森哥團火，以和為貴嘅温和森變得暴躁，我講一句你頂三句，火勢燒得更猛烈。哈哈！我放火，森哥人格解離。
事實勝於雄辯，我無抺黑。
偽善鬼鬼發展咗核子武器就設立 『核不擴散條約 』去禁止他國。舊時，中國都高唱『要核子、不要褲子』，對安全好重要。朝鮮就醒，快快手揾俄傳授核彈技術，依家唔驚有人炸佢。
森哥攻擊到我死咗好多個細胞。
半夜鐘聲好難鬧醒我。醒咗睇到少少又好快瞓翻著。
美國嘢囉！感謝我腸內肥菌，分解營養畀我吸收。森哥無肥菌啦！無分解食物係吸收唔到，直入直出。辦法有一個，畀我堆人造夜明砂（內含肥菌）森哥享受。哈哈！
真係每個人的理解都唔同，我認為手指90度指向人才叫手指指...
刪除森伯只有熱氣的燥火，除非好明顯得罪森伯，基本上都好少對人扯火，多謝一爺咁留意森伯伯的每句說話，幫森伯伯數住頂左幾多句!!!!
抹黑完又當冇件事，呢類行徑太、太、太似某國的舉動~~~~~一個國家除了看有冇錢之外，仲要看看她有多少先進的軍備，有些國家閱兵儀式，就係要展示給世界看他有幾威威~~~其實要抵擋霸權國的尊橫，的確要有些國家站出來，如俄國，朝鮮，中東地區的國家，合力建立一套制度去抗衡舊有的規矩~~靠其他小弟國，根本冇用!!!!
你死左咁多細胞，可能你日間活動太頻繁~~~~~我意思係話，你又要通街格價，中午又要應酬班閨密好友，下午又要去半島嘆個tea...仲忙過某國總統侵侵!!!
歸根究底，可能森伯條...腸實在太過乾淨，冇你所講的肥菌...><
火氣就有喇！森哥好似缺慾火？ 森哥有關慾嘅都單方面只寫我，有欠公允，莫非你咁快收山？男人一生好似得1公升，森哥咁早玩完，年少輕狂。
刪除世一係好賤格 無良 殘暴 偏私。不過，大國末落中，臨尾畀機會佢囂張 / 狂妄吓。
嗰啲活動死小小啦！都係森哥猛攻死大量，你好勁呀！
愛「拼」(多多)才會贏！有主題曲添。
森哥碌嘢吸唔到！慨歎 可惜、浪費。
森老伯長期缺水就真！！係你諗多咗！森伯邊句寫你單方面的慾火…
刪除森伯都得一公升嘅……口水，所以你唔好咁長氣，有時同你傾都傾到喉乾！！
你知世一咁無良，咁你又學佢……🤣
如果你啲細胞為森老伯而死，都總算死得有價值！！👍
我未買過拼多多，一來冇一爺咁多水，二來又冇一爺咁大間屋，買多啲都唔驚冇位擺！！！😚
能食到本身食物嘅營養，值得一試。
回覆刪除原食物不需要過份加工，營養自然少流失......
刪除吃的原材料食物沒有添加劑，始終比較放心。
回覆刪除如果見到出售的蔬果太過肥大，色素特別鮮艷，又有可能是在種植時下了催激素，通常我都不會買。
對，不過吃原食物不是單單怕它的特別種植或加工，亦想取代部份麵包及蛋糕的慣常早餐...
刪除秋葉選購食物也相當小心，現在農業，畜牧業十分人工化，添加激素是平常事，所以都會留意!!!
相信仍有崇尚天然食物的農戶與商人，在超市推出比較天然的食物。有走地放養的雞隻，也有在溫室培植的菇菌類。
刪除一般農地都有蟲害，菜農要打農藥是免不了，有良心的農人不會急於收割去賣，會等待農藥消散了才收割，這些就叫做「良心菜」。
如果為了蔬果豐盛好看、熱賣，而進行基因改造、落藥，這些讓人吃了是會致癌的 ! 我們在購買食物時要小心一些了。
總有些農牧商是用心去養殖及種植的，如果幫襯農墟都可能買到真正良好品質的食材，但這些食材如果放到超市或餐廳，就會買到很貴，在於消費者的角度看，只是日常煮食認為價錢不值……
刪除噴上農藥是少不免，唯有買來時，都要做些功夫去清洗！！
最穩陣就是「不時不吃」，當造時自然又大又靚，唔需要太多額外添加！！
減肥都是港人一個課提，我也是。
回覆刪除所以話森伯屬於異數，當人人嚷著要減肥，森老伯偏偏要增肥！！😀
刪除早餐我食很少東西，所以退休後我都改為每朝一碗麥皮，只用滾水沖，唔使煮，慳水慳力。
回覆刪除可能朝早並非腸胃活躍時間，一般都沒有胃口，食些半流質食物幾好，麥皮也是不錯的選擇！！
刪除返工的日子，我一定吃早餐。吃原形食物，比較好。森哥哥的薯仔早餐，不錯！
回覆刪除返工一定要吃東西補充體力!!!
刪除吃原形食物幾好，可以天天不同食材...
其實薯仔，牛油都屬於高熱量食物，增肥較適合...
老牛一直是正常三餐，不敢吃太肥膩的物品；當年返工正餐必有一餐在公司飯堂，大約與茶餐廳差不多。不過老牛一直堅持做運動，所以體重保持得還好。森伯伯要增肥增重，真是現代都市的異類了。
回覆刪除正常三餐已經足夠，最好限制每餐吃到七成飽就可以了...但現在我偏偏要增肥，所以盡可能再要吃多一點!!!
刪除能夠堅持自己每天做運動對健康不錯!!!不單可控制一下體重，更可令筋骨得以舒展...
你都認為森伯屬於異類，都市人比較少見~~哈哈