自從早幾年的疫情時，都很少外出吃自助餐，因為當時很多限制，而到現在疫情漸漸緩和，大眾亦沒有那麼緊張，就多了外出吃自助餐...相信很多在港食肆也猜不到，疫情過後，竟然遇上北上消費潮，可能這個打擊更大，餐飲食肆都要紛紛作出很多優惠吸引顧客...
因早前為家人book枱做生日，他們老人家喜歡自助餐，認為有氣氛，所以都以搵自助餐為主，雖則話現在的飲食市道麻麻地，但都問過十多間尖沙咀附近酒店，一般價錢都貴了，不過亦找到間價錢相宜的...但他們都情有獨鍾九龍酒店，於是都是重回舊地，雖然不是在官網訂位，但都有優惠，算不錯!!!!
一個熟悉的環境...有些地方只要去多好幾次，就能夠成為大家心目中的回憶~~
去到都快快手拿東西吃，其實時間是足夠的，怕就怕森伯個老人家唔吃得太多...
今趟又估唔到呢杯所謂的蘋果汁又幾好飲啵，雖然好人工味道，但總比汽水好...
今次可能吃多了鹹葷熱食，反而少吃了甜品，今次葡撻仔真的不錯，新鮮出爐，攞多幾個都唔怕食滯!!!當然幾飽滯都要食埋個tiramisu...
現時香港的食肆生意唔易做，我認為價錢可平些，有助緩和北上消費帶來的影響，之前book枱時，有間酒店的自助餐很相宜，找一日我們幾人再去吃過!!!!
尖沙咀君怡酒店咖啡屋都唔貴，有長者價。我現在對自助餐可免則免。
回覆刪除這兩個月沒什麼大節日，所以很多自助餐都有優惠搶客……
刪除當然啦，有時吃得多都會滯，適可而止就夠了……
嘩，這幾個葡撻仔好吸引呀 ! 睇嚟都好新鮮，我食晒3個都唔怕滯㗎。飲番杯西瓜汁啦。
回覆刪除新鮮出爐一定吸引啦！！蛋撻仔只是一少部份，同場的甜點多的是啊……這裡沒西瓜汁！！
刪除講開食，就想飲飲食食。都係入廚房蒸碗甜水蛋吃吃，遲吓蒸碗豆奶喝喝。自己廚房搞掂。
刪除食也是生活裡的重要一環，講到飲飲食食，大家都會舔舔脷...
刪除蒸碗甜水蛋...聽落幾健康又美味，可以自己整嗎??
當然可以，沒有神奇之處。打勻兩或三個雞蛋，加多些砂糖在裡面，放在瓷碗裡，上蓋保鮮紙，或者覆蓋不鏽鋼碟，隔水蒸熟就得了。為了易於取上來，蒸時碗下放一個小碟。如果用大湯碗，雞蛋就要放多些了。
刪除為長輩慶生好孝順。抵讚！100分滿分。真係超級感動，睇一次個鼻酸一次。
回覆刪除我感觸兩個人在人海(80億人)中相遇(同一時間/地點)已很難，可以血脈(DNA)相連實在難得。俗語講無仇不成父子，就要抛開生活磨擦仇恨，付出愛心和關心。港男女平均壽命分别係83和88，預計可相聚時限要珍惜。
自助餐不愧係北歐維京人海盜首領諗出嚟嘅偈仔，可盡顯我放縱不覊 、豪邁爽朗 ，解鎖自己，暫時忘卻健康和營養，所以，話『錢』係邪惡嘅，影響力大，扭曲人生，因我要食回票價。
咁即係跟賊阿爸諗法咁嚇人，壞人都唔一定想法全壞嘅。反而，道貌岸然自吹自擂大好尾國人就窮兇極惡，滿腦子壞主意，信譽狼藉。
交通和網購便利當然唔會局限香港彈丸之地，響應祖國融入大灣區，揾CP值高和嘗新體驗。假如無英國鴉片就係一體無分界限、無分你我啦！
下次試召喚AI揾吓合適自助餐，驗証能力，突然改日子就唔使翻開十幾個網頁遂個摷一次查價咁重復。
一爺的說話十分誇張，雙親的生日飯年年都外出食，疫情時也會在家煮！！
回覆刪除一爺不用太過煽情，大家都係食餐飯而已！！
見到一爺咁識諗，森伯都老懷安慰，做人無論什麼時候都應活在當下，珍惜身邊人！！
喜歡食自助餐的人，或做自助餐的食肆，佢地好應該多謝班北歐維京人。
AU現在有谷歌地圖，對於森伯伯呢類路盲來講，幾實用……
我都冇用AI做太多東西，乜一爺會用AI覆博友？！！
因為這已是過去式。
刪除森哥一到自助餐就放縱食糕點甜品，平時係咪無食架？
減淨3個博友邊使用AI呀！而且係開心嘢當然親身上陣啦！
雖則已成過去，但回憶可留至今天……
刪除不會，不過就不常吃！！自助餐吃甜品糕點會多吃，但不是放縱！！
咁留返幾多個先至用AⅠ咁呢？！平時見到一爺的留言字就多，但內容九唔搭八，估你用AI來覆森伯……👎👎
記憶會隨時光淡忘。
刪除付費美食在前都唔放縱，森哥管食力比我好幾倍。有咩食物會令你失手？
興之所至，生活見聞乜到講一餐，由其是邪惡軸心覇，不吐不快，出啖氣才舒服。你所謂9唔搭8。
仲乜浪費我寶貴時間用AI咁蠢，乾脆唔留言。
有人用AI解決相處問題，問者才明白兩人屬不同人格類型，A得唔到B所想要嘅關心，B形格只會有另一種回應。
只要個記憶深刻，相信不易淡忘的......
刪除付費點都希望食到夠，很多人都有個通病，就是會眼闊個肚仔窄，可能食幾嚿就飽到上森口!!!!
你所指的邪惡軸心覇，我應該知你講乜，但有時你寫到長篇大論，完全唔明白...可能森伯呢類低B，冇你咁高智慧，理解力差!!!!!!
我第一次聽人講話AI係浪費寶貴時間，用AI就係想快快趣做到自己要做的東西~~~
乜一爺得唔到人的關心咩?!!果個係邊個?!!某個異國博友......?!!哈哈哈哈
人都走咗適時要放下，記憶斷舍離。
刪除一口氣食太多會腻，咸甜肉菜相隔才食得多。
達到我出啖氣目的就夠，閒聊明幾多就幾多啦！我都會盡力回覆。
即係森哥貴人事忙會用AI快趣回我長長留言。
森哥又貶我為無知青年，我屋企係大家庭一早就知不同類型人啦！
我好獨立，唔需要關心（=管束我），覺得好煩架！唔係我呀！
森哥對素食自助餐有咩心得？
回憶或思憶冇必要斷捨離，如果將謹餘的回憶都要拋棄，根本同三秒記憶的金魚冇咩分別……
刪除達到我出氣的目的就夠？！咩事？！你當森博係出氣袋，來吹吓水，搵森伯踩吓鬧吓窒吓……森伯老人家真係好可憐！好值得大家同情！
森伯一字一詞都是自己用心去覆，唔會假手AI，用真心，真誠去經營森博！！
你哋啲反叛年青人，多數唔喜歡人管束，束縛，所以2019年造成很多所謂的年青人，和過晒期的年青人有反社會人格，肆意破壞……👎👎
你請森伯食次素食自助餐，等森伯睇下有乜心得！！😁
咪書應付考試嗰種真係金魚記憶，依家乜都忘記，人生經歷係好難刪減。
刪除森哥原來係碰瓷黨，自己撞向已停車輛，然後話被碰受傷，幸好呢度無一班夾定同黨衝出嚟附和去屈人。
森哥好似邪惡霸王管住世界各國，到處搗亂、要脅、壓制，佢都話老二好反叛唔聽話，要受到教訓。
碰瓷/惡霸森又喺窮人乞衣兜拿飯食，真係弱肉強食，我有強國夢，不受欺凌而低頭 kiss 森……。
講真說話，細個用心溫書都係應付個考試同屋企家長，當溫完書後真係好似金魚得三秒記憶，森伯始終是人類都有三日記憶既~~
刪除你又真係好睇得起森伯伯，老人家邊有咁高超兼咁敏捷，要就啱架車來到，即刻衝上去扮撞到，你估森伯做開龍虎舞獅?!!
森伯真係好想問你，平時睇開乜時事評論?!!等我唔睇...森伯咁好人你都當為邪惡軸心，上晒腦，好偏激~~~~~
咁你平時冇請人食飯嗎?!!如果有人叫你請食飯，你就會同人講你想乞兒兜拿飯食...仲要同人講，我唔會kiss你個.......?!!做你朋友會覺得你極度冇品，兼極度冇禮貌~~~~~~
家長……阿爸祇讀咗幾年卜卜齋，然後，二次世界大戰。封建時代阿媽係無得讀書，要落田、做家務、照顧弟妹。大家庭家長只顧揾食唔會理你學業，我哋跟傳統價値觀，開自動波盡力讀好書，無壓力真好。
刪除估計森哥食過夜粥，飛檐走壁，凌波微步。
森哥為人好好，係我哋前世撈亂骨頭，係對我有一個人差，恰似兩大國關係。
係我自願請人食飯，一係受人恩惠要答謝，一係追求者。亦從未試過有人無啦啦開口叫我請佢食飯，只有森哥例外，所以，我覺得森哥係鬧着玩，我咪奉陪玩埋一份囉！哈哈！
可能係森哥人見人愛兼喺富豪圈，平時爭住請你食飯，而我醜窮就無呢種福氣，無請食飯文化，覺得好突兀。唉！呢種咪係貧窮限制想像，來自兩個生活階層嘅磨擦，交友都要門當戶對。
kiss XXX……係跟大名頂頂嘅世一總統架，咁森哥快啲去教訓佢啦！
相對現在，以前的家長對子女的學業沒有太緊張，讀到就讀，讀唔到就外出找工作，或者對以前社會都可以幫補家計，相信一爺以前是家中的經濟支柱...以前我讀書壓力不是很大，但亦不見得輕鬆...
刪除邊度你睇到森伯食過夜粥呢?!!因為慳家，食隔夜粥都食過，咁算唔算?!!!
你唔好講到好似一齊鬥氣嘈吵，係你自己咋，森伯為人隨和友善文靜!!!
你自願請人食飯，一係受人恩惠，二係追求者...我仲以為你有第三種，係施捨窮人(例如森伯伯果類人士)!!!
唔會啦，真正請人食飯真的無幾多人，正如你講你估大家都係富豪級，大家都只不過是升斗市民，自己食自己咋~~~
kiss XXX……好學唔學，學世一總統咁講，你哋啲細露仔好易學壞!!!!!!!
我一向對自助餐並不熱衷，因為不太喜歡食魚生、生蠔、長腳蠏之類的東西，扣除這些，其他食物都好例牌，唔值咁高價錢，以前也許間中帶兒子去食，算是親子活動，現在兒子大了，大家都冇乜興趣食，加上現在食嘢越來越少，越來越謹慎，已十多年沒有幫襯自助餐了。
回覆刪除正如和平兄所講，你說出的幾樣海鮮食物，我也不喜歡，不過自助餐就勝在有其他食物選擇，一班人去或者幾個去，都總有些食物適合各個人的胃口...
刪除係呀，很多食物都不值高的價錢，所以因應各人的胃口，再去睇睇價錢，選啱才拍板，所以森伯訂位前要先問問，再作決定...
哈哈，自助餐雖然有很多認為不健康的食物，但仍有些食物冇問題，外邊食多數不健康，要健康唯有自己整得清清地~~~~~~
你講中咗，我除了親友相聚之外，極少外面進餐，喜歡自己煮。有時候我諗，香港經濟唔好，我都有啲啲責任。🤣
刪除有時並非個個人都喜歡在外用膳，我也是其中之一，除非有原因，自己煮比較健康，合自己口味!!
刪除係呀!!!你有責任架!!!餸菜自己煮，蛋糕自己整...食肆、餅店唔駛做你生意!!!!!!哈哈哈
對自助餐，一向麻麻地
回覆刪除自己一條友就少去食自助餐，多數人多食才熱鬧，而且總有食物適合每個人的胃口...都唔錯!!!
刪除食自助餐就係有好多食物可以揀選，所以都幾鍾意食架。
回覆刪除有機會你都介紹下你食開的自助餐...
刪除食物不會太單一，總算可以有得選擇!!!!
家人聚會最啱食自助餐 , 不用傷腦筋點菜 , 而且各自搵自己愛吃的 , 熱熱鬧鬧傾下食下真不錯 .
回覆刪除對，你說的正是我們的想法...
刪除自助餐裡有各類食物，適合不同口味、和不同年齡層的喜好，感覺有氣氛而且大家可以傾下偈...
老牛甚反對食自助餐，有時老友請客沒有辦法就「應酬」一番，若自己家人，則寧願酒樓賀生日。因為老人家吃得少也有許多禁忌，頂多食五六十蚊食物，幾百大洋一位實在太浪費金錢了。
回覆刪除