我認為香港的節日應該比起其他地方為多，基本上主要的中英節日都有，在過去的週日便是母親節，在商言商而言，母親節也是個消費節日，飲茶、食飯、送花、送禮物也少不了...當母親節過後又差不多到端午，端午節相對農曆年、中秋來講，不會有太大的消費力，頂多買些粽過節，不知大家又會否期待有粽食的端午佳節呢?!!
可能粽這食物時時都可以吃到，隨時想吃可去到包點店買，到茶樓食，甚至去粥店都有...不過香港地就是這樣，要搵錢就不能執輸，晨咁早就要準備定...我對粽也是一般，不過相對糯米雞或珍珠雞可能比較吸引，亦因為小時開始已戒糯米，所以粽呢類濕重型的食物都少食...
某間連鎖餐廳已一早有了應節粽的預訂，從這個擺景的廣告中，吸引我並不是那些蛋黃鹹肉粽，而是那個紙龍舟，已經N個世紀未見過，可能對於現在很多人來講是件有趣的端午的擺設，但對於某個年代的人來講，可能滿有著童年回憶...
早幾日到超市，已有應節粽供應，今年的端午該是今個月的月底，不知大家又會否早早就品嚐粽的滋味呢?!!今年都可能吃些少粽，當作應應節!!
多節日、促消費、搞活經濟。
回覆刪除有興趣嘅，年年如是都唔嫌重複，仲好開心享受繽紛嘅端午節氣氛。
唔知點解食鹹嘅粽會點砂糖，甜食當然啱我啦！
端午節當天雖然陽光普照，有趣係突然下傾盤大雨，迫住行游龍舟水習俗，可以驅走厄運，帶來好運都唔錯。
回憶中，阿媽拜完神就叫我貼五月符，黃紙紅字「敕令 五月五日午時書破官非口舌鼠蟻蛇蟲一切盡消除」（中央敕咒），咪一樣有蛇蟲鼠蟻，呢啲呃神騙鬼嘅鬼畫符。
其實我都贊成政府為搞旺經濟，制造多些節目氣氛，現在的節日一年比一年公式化，市民志在有假期就出去玩，並未真正感受節日的愉快氣氛……
刪除現在啲人多數去海灘游龍舟水，游泳池唔知算唔算！！
伯有叫你貼五月符，寫五月符，唔需要問緊係唔靈啦……俗語有云，心誠則靈，一爺份人諸多怨氣，冇誠意，冇誠心……繼續惹埋啲蛇蟲鼠蟻……🪳🪳
要得到咩都反嘅森哥贊成…咁對我來講真罕見，做公共事面對群衆真難…。
刪除影響稅收係政府責任。唔通好威、聲大夾惡、咩ass屎橋 搞到貨櫃碼頭無貨入口要縮沙嘅稅戰咁笑大人個口咩！大笨蛋遇上聰明人，聰明人贏左兩場戰爭令人震驚係喜事，我要食個自助大餐（自己整無人幫助咁解）慶祝。
放假讓市民健康鬆吓又花錢去玩促進經濟，充電後全力工作搏殺揾錢，三重好處。大陸有五一黃金周，嘩用黃金形容同香港吋金呎土一樣，假期力量一定好厲害。
阿媽話喺屋企淋浴有濕身都係游龍舟水（免費）…除霉運添好運令人爽。
心誠則靈…森哥仿效邪教教主誤導人。做人靠腦力、實力和知識。被燒衣熏到喊貼幾張紙係無怨氣，細路哥做完儀式有甜蜜蜜砂糖糭食就快樂，開心好易架！
立家後追求家居學問…搞掂最難纏嘅曱甴和卜泥。
咩都反嘅森哥........你唔將個重點放到自己身上，反而推到人家身上，為乜事人哋成日反你的意見，就因為你的觀點時時有問題，令人睇唔過眼要反駁........可想而知，一爺識卸膞~~識推卸~~
刪除始終香港有很多生活所需，或消閒娛樂都比較貴，內地比較經濟，有時同樣的物品，內地都平過人，你睇淘佬就知，當然唔計運費喇!!!!而且某些商舖或食肆的店員或服務員的態度都麻麻地...想趁假期刺激本地經濟都唔係易~~
響屋企淋浴都算?!!咁幾簡單喎...淋一淋都游過龍舟水~~~哈哈哈
你話：心誠則靈…森哥仿效邪教教主誤導人.....乜都畀你講到差晒!!!!
卜泥係乜?!!係書蟲衣魚??
哈哈！森/爺大戰 …人和人好易磨擦，引致峯煙四起，祇係人物 形式和規模大小。貿易 科技戰，冀望和平都係空談。
刪除雖兩地生活指數有高低，但有啲貨品計埋運費香港仲平喎！店員態度真係有啲好差，所以，喜愛無人自助式，唔使睇人面色，對機械人仲好。
哈哈！做人要看風駛利，因唔係咩時候才刮大風呀！唔輸蝕，有位就入。
幾時發現食糯米會濕架？一口氣限量1斤？好味湯圓同糯米糍睇住人哋食會慘到哭……
龍年改Loonge。咁要更正為 Loonge Boat Festival 。
有無注意：扒龍舟健兒咪叫"扒手”，偷野喎！有划艇，划嘅繁體字係劃，咁叫劃手才好聽。奇怪喎！唔見人寫“劃艇”！
卜泥又叫書蟲唔係衣魚，牆身和天花報滿一點點黑芝麻，一隻生1200隻，繁殖力驚人，食真菌和霉菌，春夏潮濕就出現，到秋冬乾爽無嘢食就自動消失。
邊敢同一爺神大戰，未C過咩！！！係你自己小器，唔好拉埋森伯落水……
刪除唔敢話樣樣都平，不過十樣有八樣都係平……
咁又唔需要因怕人面口，就要機械人，人本身係群居動物，一定要與人群在一起才可生活！！
以前細個唔喜歡糯米食品，人大了，變得喜歡軟軟糯糯食品，所以口味會隨著時間而改變！！
1隻生1200隻卜泥，你真係有數到？！……都話你對數字敏感！！
老化進程中都有不受控制嘅生理和心理變化，經年期後隨荷爾蒙減少而影嚮性格，口味轉變，有啲人係變得小氣，森哥要包容妥協我呢個老人。
刪除要適應腦筋諗野慢，行動笨拙…而有生活衣著用品配合。老人電話，老人短髮，小毛巾易擰乾，用品更輕唔易跌爛，穿圍裙食飯放心唔怕整污糟衫褲…
我係獨孤精，更喜愛獨處。人多要包容妥協才能和諧生活，失去自我，好多束縛，我經驗累積職場求生術（為賺$)。
工程和品質管理要量化仼何嘢，如撳制力度，馬達轉速，焗爐温度，顏色在某燈光下睇 到咩Pantone 碼…令事情由主觀含糊變成客觀可測量，不拖泥帶水，一就一，二就二。
未來社會充塞住更多AI和機械人，呢種去人性化趨向更合我。
近來巴印戰，巴用中國三代戰機撃落法國四代戰機，改變打杖模式，唔用咩代戰機埋身肉縛，係預警機遠距離鎖定數百個目標，傳遞信息畀戰機發射遠距離導彈，系統化去人化信息互聯戰爭新規則，都係近無人。
量化咗繁殖力強令人更易理解有幾驚人，係表達清晰，邊關敏感事。新聞寫車禍死得人多都要有實際數字啦！
以你所講，咁真係要一爺後生仔來包容森伯伯呢類老人家！
刪除人老左都唔一定小器，有些人老左反而慈詳，慈祥係形容老人家，唔會用來形容後生人……
哈哈，講得好啱！！森伯伯都認為用小毛巾易擰乾，至於長者手機一向用開，越年長個人越懶，地方大唔願打理，反而地方細細地，易整理，森伯有時乜都唔捨得揼，怕有日變曱甴屋……
細個都好怕與人接觸，人大了非必要都少應酬，有些聚會太多唔相熟的人，都是可免則免，同屋企人聚會就剛剛相反，自在得多！！
森伯接受到孤獨，獨處也沒太大問題，但亦唔怕與人接觸和相處……但是人越老可能越需要其他人的幫忙，這是個很現實的事實！
唔嬲過夜咁蠢。盡力講笑，喜夾雜愛國情懷，可惜，我志高才疏。
刪除慈祥…未用過。
應酬有多假，可免則推。
係呀！每逢打理時都想用縮細槍。如今夢想家係200呎高樓底…日式帶閣仔睡房迷你宅合我，仲有露台晾衫。揾樓網見到細村屋啱我，慳翻管理費，差餉又少。
到時才入耆舍，揀AI機械人照護，脾氣 機心 偷懶 通通無。
過夜咁蠢.....睇下同邊個!!!!哈哈
刪除自從見識過一九年的事件，愛國情懷變得高尚很多...如果聽到佢話自己愛國，反而會欣賞佢~~~~~
應酬唔一定假，場內氣場很重要，些人完全唔識反而冇乜壓力，如果啲人識識地，唔去溝通下反而大有壓力~~~
聽你咁講，你好適合去深山，搭個帳蓬隱居過活，可能幾合你要求...
你日後要入耆舍，預埋森伯伯，起碼隔離左右床位都有個人識~~~~~><
你回覆好似會錯意 我『同人過夜』，我意思係好快嬲完，無隔夜仇。
刪除有啲世界仔睇風頭火勢，世界快易主便先轉駄，有機心愛國。
我愛做宅男，最舒服。
我大你咁多，無緣。森哥話自己人見人愛，咩隔離都被融化。
以一爺的人設，習慣與人過夜，會錯意都唔奇……哈哈
刪除機心或者是真心，應該睇得出，一爺果類緊係真心啦！！
若然有日真要住耆院，到時都唔駛望人見人愛，寧願同隔籬左右的院友傾吓「想當年」……
我對於糉並不熱衷，什至可以說不太喜歡，只是每年端午節循例食少少應節而已，因為實在好滯。不過上星期有人送咗隻大裹蒸糉比我，又唔想阻住個雪柜，於是分兩餐食哂。
回覆刪除的確有很多人對粽都有種""滯""的感覺，都是那一句，粽都是少吃多滋味的食品，但有些人一年一度也沒太過介意~~
刪除裹蒸糉可算是粽界的王者，同糯米雞差唔多，不過糯米雞用荷葉包...大份量真係可以吃多一兩餐!!!
屋企都係買幾隻糉食，叫做應吓節咁囉。
回覆刪除對呀~~粽都不需要吃得太多，買幾隻吃都已經夠!!
刪除糉不常食，但幾有好感。要吃的話，隨時可以在街市買到。
回覆刪除某記也常常有 “糯米雞 ” 賣。“梘水糉” 才配以沙糖來吃。
可能就是不常吃，才不會感到厭膩...其實有很多人可以當粽是正餐，所以很多地方也買到!!!
刪除糯米雞較大隻，一般人吃珍珠雞就不會太飽滯......
糯米雞較大隻，油份太多，不宜多吃。珍珠雞也不錯。
刪除糉也有素的，就算當正餐吃，也沒有問題。
現在很多食品都會出個迷你裝，專給一些想食少少又怕出事的人們……
刪除我吃過素粽，純豆粽！！
月餅和糉，我比較喜歡糉，如果你送給我，送糉好了！嘻嘻！
回覆刪除若是我揀，我反而會選擇月餅！
刪除Stella真係為得人，叫人送的粽都較為經濟飽肚，錫住人哋個荷包！！👍👍
老牛還不必戒口不食糯米物品，不過食糉也只是應節而已，今日與一班友人在酒樓飲茶，也點了鹹肉糉，說是未過節先品嘗。
回覆刪除其實每種天然食品都含有它本身的4營養素，只要不吃得過量都冇問題……
刪除我覺得茶樓的粽無什麼餡料！！
糯米我真係極小食，對個胃唔係咁好。🤣
回覆刪除你講得好啱，如胃部常不適，真係少吃糯米較好，含糯米的食物幾難消化~~~~~~~~
刪除咁多個節日食品 , 端午節糉我覺得好嘛嘛 , 好滯唔食得多 , 但每年端午都會買來應下節 .
回覆刪除可能粽不用等到端午節才可吃，平時都可以買到，所以不似一年一度的月餅、年糕、蘿蔔糕等...
刪除如果胃部時常有脹氣易滯，糯米食品都不宜吃太多...