過去的一星期，都有幾多新聞要事所發生，都想同大家講講：
醫療新收費：
自香港財赤以來，政府都希望緊縮開支，早前就討論長者的乘車優惠，現在就有關急症室收費，目的就是打擊一些濫用急症室的市民，這個也是親身的體會，如果有去過急症室的人都感到有些人並非很危急，可能只是傷風感冒或咳幾聲，戴住口罩就去睇急症，無形中阻了真正急需的病人，現在分流都要等四、五個鐘...收費的同時，亦都要增加住院的收費，但呢個收費真的需要商榷，住院留醫係醫生所決定，同濫用無關...所以現在真的應驗了：「保重身體，孝順荷包」這句說話~~~~
人生很化學：
早兩日前，聽到唱歌的KC Lee李國祥逝世，感覺也不是太年長，據聞是因病離世的，跟之前的大S離世一樣，都有點意外，感到人生實在無常，真有點唏噓!!!
李國祥最有印象的歌，相信都係《餘情未了》，還有一首叫《摘星的晚上》自己也十分喜歡，若然歸類，我覺得他是實力派歌手，曾經都有一段時間頗紅，但之後就越來越淡靜...覺得有點可惜，名作不是很多，不過我認為每個人都總會離開世上，但能夠有些遺作留在人世間，已經算不錯~~~
不隱惡揚善：
呢陣子最震憾人心的新聞，相信就是緬甸的大地震，它所波及的地方都幾大，包括泰國和國內雲南等地...詳細情況相信大家都了解，反而我想講的就是，在曼谷的災難現場有一幢大樓，竟如粉塵中倒塌下來，當然當地政府都感到有問題，需要調查事件，據講這幢大樓是泰中合作興建的，屬於一帶一路工程...一提到有中方參與好易令人聯想起以前的豆腐渣工程，相信見到這個場景，很多人都認為定要徹查到底和有個不造假的交代...我也認為若然真的有人從中"落隔"、偷工減料去建造工程都很應該受到懲罰，除了影響中國辛苦建來的"一帶一路"正面作為外，當然最為重要的就是人的性命~~~
我曾在兩天遊的遊輪看過李國祥表演，估不到是第一次也是最後一次。
回覆刪除所以話人生無常是對的，活在當下，珍惜當下最為重要...今次再見難否知道下次又如何...........
刪除急症室令我諗起雙親～～～😢
回覆刪除太近愚人節，令我諗起巨星自殺，初初聽以為係假新聞。生死有命，事不關己，睇人哋不如關心自己，簡樸健康、能隨自己心意過活就滿足，最近有空唔逛商場而係逛淘寶，物價十運費都平過香港舖頭，質量一樣咁好，更有好多我前所未聞，腦洞和眼界大開，睇下有咩改善到我家居大小事項，令我更舒適自在。
我仲以為緬甸和泰國係冇地震嘅國家。無可能泰國得呢一座大樓倒塌，結構一定大有問題。
親人的回憶是很難忘記的...........
刪除生命很脆弱，很難預計下一秒會發生什麼事情，或者人生在世，懂得珍視眼前的一切，不輕言就話放棄，學懂感恩和知足，不要事事埋怨，習慣了埋怨就容易厭世都唔出奇......
呢個諗法同你完全一致，淘佬的確有很多生活用品能改善在生活上遇到的問題，每一件貨品都有得選擇，可以揀到最為滿意...不過香港可買到，我都會幫襯，尤其有關飲食，或藥物!!!
我都以為泰國冇地震，所以世事難料，遲下可能香港都有，執定求生包穩陣啲...就係單單一座大樓變為粉碎式塌下，令人懷疑~~其他樓宇建築物都有傾斜裂痕，不過啲人都唔敢再入去住喇~~~
生命…老人最怕call白車，果頭近！每次入院可能係最後一次。驚驚！
刪除埋怨入怨腸怨更怨，泥足森陷，揾笨？做有益有建設性嘅。
早幾日首次淘都有買嘢食～豆/花生/蠔豉/淡菜，質素同現在買嘅一樣。巨變中國，食物質素提升中，可試。
唔知咩規舉海帶乾程式不凖落單？ 係香港十分一價錢。
過條馬路就取到，買開鋪頭變得千條路遠，點解我仲要拎住重嘢行咁遠？謀取我最大利益，留港消費不是重點。
發覺自取點超密集，屋企500米內已有3處，即係網購盛行遍地開花。
之前飯後撩牙條木牙籤斷左攝『死』左喺牙罅，搞咗好耐出唔翻嚟，似摻到木刺拔唔出，嚇死我呀！差D要call白車入急症室，歇一陣幾個鐘後再試猛隊入去，可能撞啱角度又搞掂左。有一必有二，我咪買左香港無入口嘅環保不銹鋼牙籤/牙線，咁堅一定唔會斷。好瘀呀！小小事都可以搞好大。
我太健康，係十X年前感冒睇政府診所。無藥物需要，都係擦傷貼膠布。不過，有次公司大粒老鬼話我知佢中耳炎，都咁大個人，自己知自己事，要帶定藥公幹，搞到我喺人生路不熟嘅中山撲抗生素，問人中山最大間藥房，買最貴抗生素¥25，好在食完一服已好轉，要做佢醫生教佢抗生素必須食完整個流程。
森哥好識諗，地震災救生包內會有咩呢？
好總統肯認低威嗌國際救援。
又唔需要太灰，現在醫學發達，醫好了，再不用怕……
刪除唔係話你，講有些人乜都埋怨，習慣了，對每樣事都睇唔順眼……
我自己冇淘過野食，但見過人淘很多，可能森理作用，親身去買，感覺放心食……而且香港坿方細，行幾步就搵到野食，都幾方便，咁你有咩好推介？！
程式唔畀落單？！真係未試過，是否限時優惠己過？！而家的取貨點好似以前便利店，梗有一間響左近，其實現在網上買東西，取貨的渠道多了很多！！
你攝左支牙簽在牙罅諗住call白車，因住等分流等十畿廿個鐘，不鏽鋼牙簽都有？！
咁你個鬼鬼上司未好感激你？！
求生包最基本要有水樽餐盒，暖冚等等
講得對，遍當時期認自己無能力瓣到，就呼籲大家伸出援示手，欣賞他……
邊係灰，好似KC夠鐘被趕走，你個古老石山好忌諱死亡現實，計劃離開前要完成事項列表 ，要今生無悔，不過，我現在無咩大心願如旅遊玩耍 食山珍海錯，簡約平淡健康自主就好。
刪除知你講人哋，我講我諗法啫。
你驚乜？你果次喺香港買饅頭？睇完標籤好多添加劑都唔敢食啦！醒目森親身去買咪一樣中伏，人生如一場賭博，一場遊戲 一場夢。
買睇到原形無加工食物穩陣D，我買咗紅豆 綠豆 黃豆 眉豆 (生)花生 蠔豉 淡菜 碎生腰果，共12kg…舊時拎到成隻野咁，依家短路程拉車仔舒舒服又慳慳錢，為潦倒老人力量和荷包著想嘛！後生仔森哥當做尖又賺到錢梗係唔同我啦！。
森敏感唔識介紹咩畀你好，人哋有益你係毒藥，豈敢輕舉妄動。
近日我見到$99免運費到港都有海帶，但高至港價，我每周食，下次試下。
不鏽鋼牙簽都有？…一套4件，另有2支鈎形似牙醫工具，仲有牙線，藏喺小筒如唇膏方便攜帶，諗唔到都有。眼界腦洞大開，奇趣如發掘寶藏…如其名淘寶。
因為唔知實物係點，有種BOXING DAY 感覺撕開神祕面紗拆禮物好鬼開心。
幫到生活各細節，積聚體現一帆風順爽滑生活，係臨死前享受開心時光最佳有風險投資，唔使kick住kick住！
上司無表示！
森伯認為你諗法實在太灰，無乜朝氣……負面、負能量！！
刪除係你自己覺得森伯有忌諱，假若有日一爺走左（瓜左），我都唔忌諱你上嚟留言😁，如果得既話……
有時驚唔係齋係那份元素週期表，係佢背後的製作過程，或有什麼不清楚的東西加在內，不過現在買包裝食物，都避唔到咁多！！
你講得好啱，有時買野真係拎到重一重，做成今次的手患，遲吓要認真買部購物手推車，你有冇咩購買要點及心得？！
你仲好講，森老伯拎多兩拎變成手痛，當做尖？！你就話得啫，當舉啞鈴，分分鐘可以拎到手瓜起蹍……
咁又未見過，唔係你講真係唔知，不鏽鋼牙簽都有？！其實有時睇淘佬網，能夠諗到的都可能搵到……
你講開都已一早發覺，個個在取件站攞到郵件，都係開開心心拎住走……
你又負面！！未聽過人會咁形容，乜叫臨死前享受開心時光……
對呀，總有些東西可以合用，所以話淘x殺死香港零售……
又硬要屈我太灰，你咁講，我何衹灰，直情係黑添，係黑口黑面。
刪除AI可以留我靈魂在凡間，仿照我講嘢口吻同森哥傾偈架！
依家我好少食加工食品除咗調味醬料如豉油蠔油 阿華田飲品，佔我總食量少少，有靚肝清毒唔成問題。
我仲用緊阿爹遺物，雖古董車齡卅幾年，末壞唔會換車，直至我老到需要換更易拉嘅車。兩個轆平衡唔好容易左右晃動，四個萬向轆穩定好好推。古董車拉桿太短啱阿爸唔啱我，高森莫測你要揀啱長度才拉得舒服。金屬轉軸嘅車轆比塑膠更負重耐用。需要爬樓梯揀可以爬梯級果種。摺得埋易存放。轆距大D架車穩定。D貨會墮下刮到個轆，要有塊板隔開轆和貨物。
我仲係井底之蛙，多多觀摩別人，擴濶不知領域，才揾到最啱用物件。
即係盡歡…人生得意須盡歡，莫使空樽金空對月。臨死插喉卧床一定傷心，簽字放棄拯救，唔會無質素下延長無意義生命。
淘x係殺死香港零售，但有D香港買仲抵如麥片 阿華田 罐頭魚 白米 食油，因為香港入口零關稅。大陸內捲殺死舖頭咪仲兇狠過香港啦！
又灰又黑真係好唔掂，森伯平時衣著顏色，都係偏向黑白灰，至於灰色我認為男士著就好好睇，尤其是淺灰色...不過有日聽過一個視頻講，衣著唔好太多黑色，會影響身心，尤其影響身體，好易得癌症，因為黑色比軙沉色，沒有朝氣活力，太過長期揹住黑衫黑褲就唔好，所以現在有些顏色都會買返少少淺色tone的衣服，以前買衫當有顏色揀，一定揀黑色，一來襟污糟，二來黑色比較大路的顏色，但現在儘量少揀~~~
刪除咁AI留住你的魂魄在塵世，個肉身就去鬼混?!!啲劇情好似電影橋段~~~
蠔油我唔食，不過豉油都幾喜歡用來調味，加了它就好味得多~~近排食番早餐，因為體重下降，不能斷食，如果有人要減肥的話，我會推荐佢斷食，現在以原食物當早餐，至於麵包餅食，若然可以就等下午茶時段才吃~~
咁襟?!!購物車仔可以用到卅幾年?!!緊係名貴品牌，好耐用...都唔會太講究，總之用起來方便順暢便可~~一分錢，一分貨買貴少少應該會耐用啲，金屬轉軸當然好，但現在大多數都係膠製品居多!!
人生路途就是太多的未可預知的變數，有時今日身體好唔掂，人又感覺唔太好，但經過一兩日後件事會突然發覺又冇咁差喎，忽然感覺順利了，我都試過無數次，我係會存有希望的...
食品多數在香港買，尤其在大型超市，食物甚少網購......
片主(黃綠醫)亂噏癌啦！森色吸熱啱凍天，淺色合熱天，行山鮮色易揾你，行政人員黑色顯專業，閒服鮮色心開朗，我嘅面色睇森情…顏色有功能架。
刪除唔係老作：咁我個魂魄一定飛去偷睇森哥肉身。
我發現：任何餸加多一匙蠔油調味會更好味，比味精/雞精更好。森哥食素唔係加菇粉？
自古成功在嘗試，唔試連成功機會都無。無論成敗，多生活體驗擴闊視野，試試下就有匹配森哥良方。証明我靠佢搣脂係真話，一直講我真相和感受，並非諗住同森哥鬥氣，確實思想對立。
無牌·全金屬只有軑和手柄用膠當然耐用。希望森哥揾啱幫手幫拖·無手痺。
D人只會說：睇到一個黑點，而忘却一塊巨大白板有99.999%純白。別只無限放大一小點來睇，退後十步小黑點變得朦朧，海濶天空，你才見到事情嘅全部，小瑕疵要接受共存，不追求完美。
豬牛雞瓜菜水果…東江水60年都係大陸貨。可能我喺大陸厰工作，接觸過無你想像中咁可怕。
人哋唔係黃綠醫，人哋講的有佢的論點...人家話一般的日常生活，唔係講什麼行山、做行政人員...總之淺色好過成日黑沉沉!!!!
刪除如果一爺個魂魄尊程飄來睇森老伯的肉身，咁就要同你既魂魄講句不好意思，森老伯瘦瘦地冇咩肉可以畀你個魂魄觀看...坊間大把鮮肉人士畀你觀賞到夠!!!XXXXXD
唔認同，本身我唔喜歡有魚腥味的食物，如果無端端加了些蠔油在內就會唔想食!!!菇粉味道唔夠搶，加在食物內只是少少香味，反而加個冬菇在內，味道更出~~~
你雖然話唔係鬥氣，但係有時覺得你為拗頸而拗頸，否則都唔會畀你激到老人家時時嘔雪啦~~~
如果一部購物車可以用到三十幾年算好好質地，現在的商品不耐用，搏人用爛了又再去買過新，雖然現在買些家品很方便，但用慣了都想耐用少少~~~
乜一爺好追求完美咩?!!...無論人和事都冇完美架啦!!!更何況唔同人對"完美"兩個字都有唔同的標準，好難有真正的完美!!!
首先澄清，森伯冇話大陸食物可怕，又係你想屈森伯的技倆...只不過過於加工的食品，森伯少掂少買...
對緬甸地震真的很意外，從未聽過緬甸會發生地震，由此而聯想到，香港也是否應該做點防範措施呢？
回覆刪除對呀，初時真有點愕然，泰國也有地震？所以很多事情也無可預計……
刪除香港發生大地震機率應不高……
保護自己的身體是緊8，我們不知道下一步怎樣，李國祥的確有幾首歌，不錯，｀總有你鼓勵｀是其中一首，同時，也為緬甸地震代禱。
回覆刪除什麼是緊8，每個人其實都要保重身體，一病了就很麻煩……
刪除對呀，「總有你鼓勵」很好聽，是其中他的經典之一！
我一向都好有危機感。我愛海，當年在搬近海岸時，都諗過海嘯這個問題。所以盡量隔遠一些。也不敢住得太高，(越高樓價越貴)，因為火災時，消防車的雲梯，只能到達18樓。若然住得太高，住在30樓的人，走到腳軟都未到地下。如果遇到地震，住得低離開也快些。
回覆刪除千算萬算，有時都不到人算。所謂「生死有命，富貴由天。」
說得對，你所講的也有所聞，不要說若有什麼災害時，就算簡單的斷電時，可能也會造成電梯不得運作，所以住低層都較好，而且本人有畏高，一望樓下景緻，都怯怯地……
刪除聽秋葉咁講，可能會住獨立屋比較適合……哈哈
也不能盲目地喜歡獨立屋。即如-----
刪除這裡貼近海邊的樓宇，除了建築高樓大廈，在前面一排，特別建有單幢的獨立屋，屋前都有一個方型的庭園，向著海岸走廊，望向海洋。 遊人散步時，也可以同時欣賞一個個的庭園。
多年來，看到屋主人可能已經看膩了海景，或者避免鹹氣與潮濕，常常關門閉戶，任得庭園冷落。幸好這裡靠近內海，否則忽然一個海嘯撲上來，想走避也來不及 !
如果單位可以望到海景，以現在住屋的要求，己算相當好～不過所謂有得有失，對海的住屋會比較潮混，屋內家物也不耐用，很易變舊，因海風的關係！！
刪除反而香港有海啸的禨會不大，我自己也麻麻對海，海浪的一起一伏，心情也很易變得惆怅～～
每個人的看法和感受都不同。 當我看到潮水泊岸，白色的浪花四濺，顯現出大自然的動力，我會感覺得精神變得很愉快 !
刪除對呀~~正如你所講，每人的感覺都有不同，如果對著的是茫茫大海，心情的起伏更大，而且總怕望到水裡有不知名的龐大生物~~
刪除這邊屬於內海，再前些以往只是看中華白海豚出沒的地方，一向都沒有什麼龐大生物出現過。
刪除對於海洋，可能你有童年陰影，才對生出畏懼的心理。
更正：才 “會”生出畏懼的心理。
刪除我只是講：住所若然望到一大片海的感受而已...本身對海都冇什麼童年陰影，只是感到大海有種神秘的感覺，高深莫測才令老人家森伯感到畏懼~~
刪除雖然個個都明白人總會有生老病死的過程，但在現代所謂「科學昌明」仍然有些人會早逝，實在無奈，可見人生無常，真是要活在當下、珍惜今天。
回覆刪除牛兄說得非常之對，正所謂活在當下，珍惜眼前人...或者人的生命是相當脆弱，儘管科學，醫學等幾昌明都好，人死去亦沒得挽回頭，唯有珍惜身邊人~~~~
刪除