在眾多食材當中，森伯都頗喜歡豆製品，相信在這個博裡都時有介紹，最多食會是支竹、素雞、素鵝...
至於豆製之王的豆腐，至少都會每星期食一次，最好食就係用來蒸，尤其是一道雞蛋蒸豆腐，我認為是開胃餸，用來送飯一流，基本上雞蛋同豆腐都幾夾，用蛋煎豆腐都一樣咁香滑好味...
不過太稔身的豆腐就覺得麻麻，比較硬點會較好，如什麼硬豆腐、板豆腐、冰過的蜂巢豆腐...至於有新鮮豆腐當然好喇，但若然沒有，包裝豆腐也不錯，但市面上的盒裝豆腐，感覺豆味沒太濃，而且太稔一碰就散...
而今次買這盒豆腐反而唔錯，佢聲稱有機豆腐，姑且一試無妨，吃過後也覺不錯，若然沒新鮮的，買這個也可以~~它都有好幾款豆腐，有機會也會試試!!
可能時時食豆腐的關係，森伯煮豆腐餐都有一手...豆腐除了經濟，易送飯之外，仲係一種算健康的食材，算是一種清淡的滋味!!
聲明先，大家唔好以為森伯伯買過期食品，只不過相片是幾個月前拍的...
方便又健康。
回覆刪除豆腐算是清淡之選~~~
刪除森哥由上篇講，終於甩晒啲轆有空發文，恭喜你。
回覆刪除我要行遠啲(當運動)街市買好抵$10/3塊硬豆腐，附近係$5塊，遠嘅每次買6嚿(砌到腹肌)，然後冲洗入獨立盒放冰格可長時間保存，食前早一日拎落下面冷藏格解凍，蜂巢豆腐索汁易入味都好食。
榨出豆腐水用喺精人慳水慳力一煲熟嘅煮飯水和煲湯中。
豆腐灑上鹽花蒸熟，咸咸哋一係和生蔬菜切碎撈醋油燕麥飯，一係小塊混埋生嘅爽脆原味生蔬菜食。
從前我食軟滑嫩口，由其是入口即溶豆腐花，老咗研究營養後就改食高鈣硬嘅去達到每日攝取量，當然，唔使森哥話我 “老牛吃嫩草”，警覺人生唔同階段大不同，依家受硬唔受軟。
拜年時有個親戚因擒高拎嘢跌倒用手撐住地下，咁就斷骨要入院醫治，老人家卜卜脆要夠鈣，仲要曬太陽和維他命K，做負重運動，幾多嘢架。
都唔係架!!!!不過篇博文可以預先打定，到時到候個系統會幫我出博~~
刪除去街市買真係平好多喎!!!其實街市的豆品檔的豆腐新鮮，點都好食過呢類盒裝豆腐…乜可以擺好耐架?!!咁我都要試吓，我成日覺得豆腐越新鮮食就最好，有時用水浸住放入雪櫃，兩三日後就會滑潺潺…豆腐是華人菜單中不可少的食材，每個人都有烹調豆腐的心得，眾多蔬菜中最麻麻食生菜，反而豆腐舖底，上面放肉片榨菜，好正!!
除非食豆腐花，基本上喜歡硬豆腐，口感唔錯，而且富含鈣質…
你自己諗多左，邊會話一爺老牛吃嫰草，一爺只會吃嫰口鮮肉啫…吃豬就揀梅頭肉，吃牛就揀牛冧肉，吃魚就揀魚臉豬dump………夠晒咀刁!!!!
老人家有很多時候都力不從心，以為可以做得到，小小事唔想靠其他人做，結果整傷自己，得不償失!!! 擒高擒低真係要小心…森老伯以前年青時覺得請工人冇必要，但人老了，反而現在認為都有需要，有乜家居意外都起碼多個人幫手call白車………><
我都係喺嗰間遙遠街市檔首次買到熱豆腐，証明佢真係新鮮沙田制造。
刪除睇成份如蛋白/鈣質，新鮮度唔影嚮營養，只係最啱細箘繁殖嘅濕蛋白質會易壞。我冰住45日都唔壞，應該同急凍肉類（蛋白質類）嘅保質期咁長，不過，我通常一日解凍後即煮食。
大多數蔬菜包括生菜都好食，係食唔落苦瓜。
豆腐無味，加咩味都夾。
我食豬脷補鐵因平過豬肝和牛肉，仲有豬扒和豬腩，係食嫩滑雞肶/雞翼而無食牛。我食沙甸魚罐頭和鯖魚柳都已經切走個魚頭，森哥又幻想我當富豪好咀刁，人生有幻想係好，可惜，不是我想要嘅森哥心目中嘅我。
一直做開，又點估到邊日老化到唔得呢！
世界都老化、少子化，睇怕都要靠AI機械人照顧，好處唔驚工人欺負。所以，AI和機械人已納入中國頭號發展計劃，幾萬億投資，定會領跑世界，好多新科技會喺中國橫空出現而唔係美國，美國會繼續搞鬼。我估未來政府會資助護老機械人，森哥都有份，悶就同AI聊天，叫 Deep Seek 逗你開心。
依家要出盡法寶用廉價方法去保持健康，豆腐 蛋 要記一功。
熱辣辣的豆腐真係好新鮮，可能豆檔老闆見一爺熟客仔，私下留舊新鮮豆腐畀你……
刪除冰住的豆腐能夠擺45日都好犀利，買些可以留雪櫃的食材幾方便，因為唔係日日買野食……
又加上豆腐幾常食，能夠好好保存都係一種生活智慧……
苦瓜你梗係食唔慣，你仲咁後生，森伯老人家就接受到苦瓜，一般都係苦瓜炒蛋食，幾好送飯！！
如果要揀肉食來補鐵，森伯會揀牛肉，把牛肉切片再調味去蒸，用來整簡單的牛肉飯！！
＞＞＞可惜，是我想要嘅森哥心目中嘅我。＞＞＞做乜講野咁玄，唔知講乜？？
我都期待中國生產一些高端的護理機械人，真正可以做福人群，老齡化社會邊個國家也是，多個機械人幫手點都好，而且中國製造都可能價錢較為經濟，任何人都可以用到……
Deep Seek下載了仲未玩過……AI時下大熱，都做到很多意想不到的東西，就好似YT的有AI視頻，相當有趣！！
有次十點幾就賣晒，老闆話十二點返貨，咁晏晝去買咪新鮮囉，留乜嘢吖！有啲檔夏天(温度高適合細菌生長時)會將豆腐浸冰水降溫減慢衰壞，因佢去貨慢，咁我揀吉檔擇吉時買靚嘢，行遠D都值。
刪除我不時思索搜尋食物保存法，應該係改良我生活上每個大小環節，懂得咁做令我自豪，應驗人祝我新年進步，掌控生活令我順心開心。
森哥吃得苦，確係人上人，我係窮鬼蟻民。
牛肉係豬脷(<$10磅)幾倍，我係cheap精揀性價比高。
我每周必食不同種類嘅蛋白質 ：豆腐/豆類 蛋 魚 白肉 紅肉，其中，豆腐係最廉價嘅糧尾蛋白質，花更少錢過更優質生活。
別人點睇我，不同我點睇自己，但我營造條件期望人睇我係點，我唔想森哥睇我係富豪，能了解真實嘅我並非有錢人，森哥都好頑皮反叛，往往朝反方向而行，不能掌握生活不開心。
有人叫AI評價自己衣著，被批判得體無完膚。森哥叫AI從不同人(小孩/老人/年青人/富翁/中產/鬼佬/港人)角度評價自己畫作都好有趣，問有咩改善方向，唔提高質量得啖笑都好玩。
過去式追英趕美，現代式追美趕中，美國平均落後中國，所以，總統都認低威大叫： American great again。(美國再次偉大)
咁一爺為舊豆腐都要行幾轉街市，森伯一定做唔到，冇豆腐食就搵第二樣，森伯可以食到好清淡，蒸個蕃薯加在飯內可以當一餐...反而你叫我買個飯就唔知叫什麼飯比較好，或者乾脆外出食唔駛自己煮...你地後生就話行遠D買啫，森老伯驚行得遠得滯會盪失路~~~~~~~哈哈哈
刪除窮鬼蟻民森伯都係，否則都唔會成日話慳得一毫得一毫啦~~~畀著一爺自己跌了十蚊都費事執，但森伯自己跌左5毫都會執返~~~><
牛肉係補鐵的最佳食物，一向都係動物性的食物較易於人體吸收~~現時會多吃提子乾，每日食少量，算是價廉物美...蛋白質多數食一大包的雞胸肉，不過都想買些無激素會比較好~~森伯都幾想素食，不過不適合我，否則增肥無望，有次駐院營養師叫我可以食多些東西，發覺不能再如此下去...呢單野遲下都可以出番篇blog......
現在人大了，自己最實際，又不是做些違法舉動，想做便做都懶得人哋點睇...
畀AI評下都幾好玩，咁一爺有冇叫AI評下你的相貌呢?!!自己私底下玩下又無妨...
細個聽的龜兔賽跑故事，原來都可以套在現今事例裡，美國以為樣樣都是領先，用時間來製造各國的紛爭，到最後被其他國家趕上......
自小即喜歡吃豆腐，聽網上的專家說：街市的板上硬豆腐才有鈣有益處。可是街市較遠，唯有在超市買些盒裝的充數。
回覆刪除曾經買過一些枝竹和粉絲，竟然浸極、煮極都不腍軟，顯然不是用豆做的，原來是造假的。
華人的菜單中，一定有豆腐，易買，又可以烹調多款菜式，甜食鹹食都皆宜…秋葉做了咁多年的家庭煮婦，應該有很多拿手的豆腐菜式可介紹吓嗎?!!等森伯學吓嘢…
刪除對!!!!!街市的豆腐營養較豐富，盒裝豆腐(我估)不知落了幾多添加物，而且營養流失了很多…
唔係呀?!!! 枝竹、粉絲都造假?!!所以食品安全幾時都要小心~~~做件假貨仲貴過真!!
作者已經移除這則留言。
刪除咁秋葉屬好彩之人，粉絲很少買到假貨，但都畀你遇到，常見常食一種叫龍口的粉絲，細細包，比較有保證……而且揀些有信譽的店舖比較好，冇咁易買到假貨……
刪除所謂經一事，長一智，被搵笨過，下次再買便會小心……有心利用食物來騙財的人，都已經不能用人性來形容，唯有自己當心一點！！
就是啦！我一向買的就是「龍口」粉絲啦。細細包，包裝是透明的膠袋，有湛藍色的字體，帶些少紅色。被假冒的就是這種粉絲！
刪除我都是隨便在街市某一些店舖買，也不知道哪一間是有信譽囉。
誰知有一次煮極都唔腍 ! 我照食，食完很辛苦 ! 才知道上當買到假貨。以後都不敢買了。
後來在一間較大的店舖前，見到一箱「龍口」粉絲，插著一個牌子，寫著：「真粉絲」。這樣就證明有假貨了。
如果要買包裝食品，會去大超市買，大公司的食品貨源通常都會有商業証明才會給他們上架買，但若然是街市雜貨店，他們食品來源未必清楚，在內買東西真係要碰彩數，除非幫襯過多次，冇呃錢兼買來的食品冇咩問題，才有信譽的……
刪除秋葉是否貴人事忙，粉絲放落煲灼幾秒就摟上來食，這當然唔腍，粉絲都要煮吓才會索汁變腍……
我說過「煮極都唔腍」，當然不是“灼幾秒就摟上來食”啦。煮粉絲，幾分鐘之後，用筷子放下去撓夾試試。
刪除我最驚食物唔熟有細菌，起碼煮它十分八分鐘。最少都要煮５分鐘。
不過專家說：雞蛋不能煮超過十二分鐘，否則營養全失。
我仲以為秋葉灼幾秒當煮熟了，有些食材的確要些時間去整熟，粉絲最主要是把餸汁索去，煮的時間越長，就會入味些~~~
刪除有些食物如菜蔬類，煮的時間可以短些，反而肉食類的食材我一定要煮到全熟...
雞蛋說有什麼沙門氏菌，所以12分鐘驚它不熟，烚蛋都要20分鐘咁上下......
想不到森源煮食比我更穩陣，刻意把雞蛋烚20分鐘左右。
刪除近日多看“北京衛視”的醫生詳述分析，與實驗報告，原來雞蛋用水烚超過12分鐘之後，反為有害處。
詳情我也忘記了，如有興趣的話，可以上YT找來看看。
我也極之喜歡豆製品，豆腐、豆卜、支竹、豆皮、豆花、豆漿，通通都喜歡，豆漿一般我都自己製，豆腐我喜歡街市的，無奈去街市唔方便，也只好買超市貨，都可以接受受的，不過，你嘅雞蛋蒸豆腐就未試過，下次試吓。
回覆刪除我諗豆製品很多人都唔抗拒，而且方便易買…你講既豆皮好似未食過，記得有隻叫”百頁”都好似豆皮之類~~
刪除豆漿或黑豆漿自己都做過，不過普通的黃豆漿是最好飲的…
對呀，有時買包裝豆腐都係貪方便，在超市買開東西可以順便買埋~~~~
豆皮比支竹粗糙一些，香港不太多人食，但價錢比支竹平，營養價值更高。
刪除真係未食過豆皮，有機會一定要試試，每逢有豆製品的餸，都好好送飯，相信豆皮都啱食！！
刪除老牛都很喜歡食豆類製品，豆腐、腐竹、枝竹、豆乾都鍾意，好食又有營養。
回覆刪除相信很多人對豆製品都不會抗拒，你以上提到的豆製品我也常常吃的，開胃又好送飯...
刪除