不知不覺踏入三月了，正正是一年之始的春季，其實經過寒冬後，春天是代表溫暖的，但在香港這地方就會顯得比較潮濕，查實森伯伯都幾怕太過濕立立的潮濕天氣~~
可能與潮濕天氣有關係，人都特別容易濕重，尤其朝早似是訓不夠，這些都或者同春困有關~~~
最近這幾個月以來，一直都受手患的困擾，畫東西，寫東西都減少了很多，也不想亂動太多，而且有閑適的森情就話作畫習字啫，沒森情就什麼事都放低，今年蛇年就真真正正應了做了條...大懶蛇，既然不畫蛇便寫了個蛇字，當為應吓今個蛇年~~
過去一年都算幾多"濕滯"(麻煩)事，但春天已經來到，望事事平安，事事順暢...今天又適逢驚蟄，蛇蟲鼠蟻都抖完，係時候唔好再做大懶蟲!!!!
潮濕心情都差D^_<祝森伯蛇年身體健康，羊羊其實和森伯一樣都被受病痛困擾，現在唯有睇開些放鬆心情吧﹗
回覆刪除都冇辦法，天氣不可改變，只能改個心態去適應~~~
刪除當病痛來襲，人的力量感到變得相當渺小，或者把病痛視作人生必然面對的障礙，也得自己去衝過、跨過...
共勉之!!!
咁多種氣候，我最憎呢個“濕滯”，濕漉漉嘅哭牆 ，發晒霉 ，因為霉菌係佢食物，就會滋生卜泥，牆上有一點點“芝麻”可爬上天花板，煩死人呀！
回覆刪除所以我搵吓回南天有咩武器，可用膠質護牆板，部份牆身和天花塗上硅藻土吸濕，日本仲有勁D嘅叫“漆喰”，除咗吸濕，其強鹼性能殺菌好犀厲，牆身就係天然物料嘅抽濕器，一勞永逸。浴室冲身位都用大塊護牆板，唔使瓷磚縫發霉變黑。
諗起習俗～午時符，即是用寛約一寸，長近一尺的黄紙條，上面用朱砂寫上“五月五日午時書，官非口舌疾病蛇虫鼠蟻皆消除”等字樣。 貼于屋上，以示辟邪。 貼“午時符”，是中國的端午習俗，端午節午時，家家貼“午時符”。舊陣時係有貼架。
紅“森”唔係扮圖章，點解次次都唔同樣嘅？
我特登放大幅圖昅，仲諗住底墊張紅剪紙有個“洞”字，呼應“引蛇出洞”。蛇頭有個蛇果引誘。
我都怕大回南天氣，最怕家中的牆發霉，而且掂什麼也濕濕地~~~若然天花板都發霉，你有咩方法清理佢呢?!!
刪除有時唔知大回南天氣何時煞到，很難做些什麼功夫去應付，唯一最簡單直接都係開抽濕機...大回南天氣可能只係好幾日，你都做幾多準備功夫!!!
你都識幾多這類習俗，我只知道端午期間，以前家家戶戶都會插些菖浦，艾葉(不知有否記錯?!!)，用意都係趕蛇蟲鼠蟻，去熱毒病氣之類...
一爺有留意，這圖章不是一個真正圖章印出來，整幅圖是放在軟件上做出來，蛇字同印章是森伯寫和畫的~~歡迎畀意見!!!!
我特登放大幅圖昅>>>>>>>>>好在森伯冇放張真人相出來，萬一你又特登放大出來昅，咁森伯既皺紋，老人斑都畀你睇得一清二楚!!!!!XXXD
只知網上互傳方法，無招。
刪除唔會定居北方，沿海南方一帶唯有開機。未來如果再裝修就採用貴D漆喰，仲有日本一體化防霉衛浴，打好個底。
叻媽代代相傳。屋前門楣會插 “清明”柳，端午艾葉我又唔知喎！
圖章化咪每次P圖。
乜話！數碼相有美顏喎！瑕疵早已濾掉！而且，正常人放大都係性感部位～阿當阿娃蛇果位置。
你有好多家事常識，以為你好多計……
刪除正所謂一分錢，一分貨，好的漆油可以防潮就最好，如果住的地方是長久的話，貴貴地都值啦……
係呀，上一代的人端午節時候都會掛些柳葉，以前的習俗梗有意思！！
幅圖係人手畫加電腦軟件處理！！
後生時有父母我唔使理，立家後才知同病痛一樣好煩，係生活必須常識。森哥有冇咩書推介。
刪除可惜無規範系統教學，靠散收收口述相傳，所以，維修 ～裝修～設計公司都無乜堅實基礎常識，良莠不齊，完全唔可靠。先前設計師鑿穿主力牆話整靚啲，其實拆牆加大裝修費想賺更多，結果，影響樓價 賣樓 按揭 好大鑊。
一住拾多年以上，耐用！ 實用！去家務化！唔使花巧，簡約最好，因多隻香爐多隻鬼，更多嘢壞。
我寫太短令人誤會添，指清明節會插清明柳，話鬼怕柳枝，愈打愈矮，去驅鬼。
我讀書時仲要學手畫工程圖紙，踏入職場已用電腦2d繪圖，後來做主管公司唔要你畫圖咁易做，3d電腦繪圖才出現，學幾堂體驗吓都未學識。
相信你獨立生活後，樣樣都要自己嚟，家居簡單，就慳好多功夫，獨力承擔的人唔容易做！！
刪除就係你乜嘢家事都自己嚟，所以以為你是家事達人！！
主力牆都拆得，真係攞來搞，知道什麼叫唔係專家扮專家……
我都認為人漸年長，反而屋企不用大，越大就越難打理……住一間屋，最怕係大廈維修同家裡的大型電器壞了！！
雖然在職場不是要做學生，但都要不停學習，不停進步，否則飯碗不保！！
森伯一啲都唔「蛇」，努力寫好一個蛇字，相當應時。
回覆刪除寫一個蛇字很簡單，相對畫蛇更不易...
刪除希望老人家森伯手部早日如蛇般靈活~~
森伯寫「蛇」字，蛇頭已經開始出動了！
回覆刪除俗語有云：蛇無頭不行，所以蛇頭都要寫得生動點!!!
刪除希望森伯以後日子都順暢，萬事大吉！
回覆刪除謝謝Man Man，希望不如意事快些過去~~
刪除網上查知若是缺乏維他命B12，也會讓末梢神經出現異常，導致手、腳麻痺。也可能是手部操勞過度之故，要多休息。
回覆刪除據知已有醫生跟進，可以放心了。祝安康 !
暫時感覺都唔係太好，康復情況太慢……不過也多謝秋葉的關心，佢未必同缺乏B12有關，可能跟早前揹過重的東西有關，搞到神經線痺痛……
刪除時節已到「驚蟄」，森伯伯寫個大「蛇」，冬眠（被病痛折磨）許久的森伯伯看來也醒了、出洞了，祝森伯伯一切都好起來，靈活變通，四處出動，創作更多作品。
回覆刪除希望承牛兄所言，問題終可迎刃而解……
刪除生活上，都會遇過很多的不順事，有時都習慣了，有信心，難關總會跨過！！