很多人都認為無論是世界經濟，或是本地經濟都係麻麻地，有時食個飯可能都會慳住慳住，你睇連外賣平台Deliveroo，都要撤出香港，講真森伯又冇乜叫過外賣平台，因為森伯可以食得好簡單，自己蒸個五穀番薯飯都可以食得飽~~所以現在經營飲食最緊要係平靚正，你睇什麼兩餸飯，幾十蚊自助餐就知喇~~
市道唔樂觀，用個錢都要慳住駛...可是現在食個早餐，買個包都要十幾蚊!!!很多食材不覺間加了又加...不過世事無絕對，眼前的一包餅仔，卻加幅不大，可算是慳家者的恩物...記得呢種餅仔，正名叫嚤囉酥，真係由細見到老，其實一般大超市唔見，多數在一些小型雜貨士多，街坊超市仔可見，例如什麼家興超市、什麼祥興、友誠等等有機會買到...其實回想起這類餅還有很多其他款式，有大白餅(乾酥餅)、香蕉糕、炒米餅等等，越數越餓~~哈哈
價錢都十分親民，真真正正在物價高漲的珅境中益街坊，等一些老人家(如森伯伯果類，唔捨得買高級的榮華奇華唐餅...)都可以實實惠惠地吔幾個餅仔當早餐!!!
回覆刪除我足足等左24小時才有新帖，怕條蛇又入番洞，春眠不覺曉，令我望穿秋水。
聽說川普係想關稅戰整到衰退 增加失業 引致通縮，就可減息，以減低高額政府債要付人利息嘅重擔，所以，未來世界經濟會更壞。精明森哥帶飯一啲都唔驚，素比葷更慳。我係以前打麻雀才叫外賣PIZZA，依家自煮又平又健康。
早餐包係唔平，我食便宜麥皮$15/kg，仲夠錢加隻蛋。奇怪啦！我食過一口酥，味道有花生 杏仁 芝麻，唔識嚤囉酥。平到幾錢磅？我覺得呢個係零食，下午茶餐可以。
咁你留住言先，唔好等森伯……呢排忙到甩轆……
刪除侵侵回歸，都知經濟有排好，唯有在市道逆境時，自己能慳慳地過生活，呢種餅仔見到，兼且有人買，先食到！！
打牌仲食pizza，梗係食糊好過啦——一向自己甚少叫外賣，常諗送來的食物唔衛生，自己煮，帶飯比較可靠！！
呢種餅仔唔係散裝賣，係一包包，一包有六個，以前買幾蚊雞，現在都係唔過十蚊……一爺揀開貴價包點，邊有留意！！唔會當零食，當早餐茶點都得！！
慳人恩物，森哥咪做咗人哋 “恩客” 呀！哈哈！
刪除未發文留言先～拍得住 "唔好空肚食早餐" 金句，証明係忙到甩轆。
貴人事忙，公司重用，恨死隔離。
係打餐飯，贏牌畀錢，飯錢唔夠才夾。
我細過食街邊檔長大，烏蠅橫飛，無理課本話唔衞生，最緊要夠平，窮人有 "那渣" 腸護體。
好大隻蛤乸呀！應該深水埗區平通街價！
直徑和高度約幾多？似叉燒酥咁大？食幾多個才飽？
咩饀？
森哥同我一樣成日幻想有朝一日暴發會…當太子爺日日食豐富酒店自助早餐，但舊時我識老闆仔係去就腳快餐店。
乜華雙雄走高檔路線，目標係幾千萬遊客，信心又有體面(貴)嘅手信，客量多過幾百萬港人，好似舊時上水藥房唔多騷港燦，眼望北上水客。
一爺特別多形容詞，真係好野都畀你講到衰晒!!!咁一爺有冇恩客?!!如果有...你真係要好好報答吓人哋~~~~嘻嘻
刪除近排工有工忙，私雖然未算忙但病有病忙...工作都有得閒無野做的時候，唔需要恨死隔籬~~~
咁你牌技好叻叻，成日有飯食~~森伯同你打牌實輸畀你!!!!
以前邊有人會講什麼衛唔衛生，認為有得食就唔需要太高要求，小時街市檔用報紙包食物，如果現在咁樣一定畀人投訴都得，但以前既人又冇野~~
好野都唔一定要貴，去深水埗一轉都會遇到很多平靚正的東西~~咁一爺有冇幫襯過電子購物城??
呢啲餅仔大約似棋子餅大少，中秋節的迷你月餅差不多~~~~食三個都飽飽!!!!當然冇叉燒酥咁靚仔啦...餡係老婆餅的餡!!!佢有椰絲，重椰絲味...
森伯邊有一爺咁大想頭，成日諗住暴發~~~唔駛暴窮都偷笑~~~~~
太多恭維話，森又話我企圖不軌，我哋都係同類人講到衰啦！咁講衰畀唱好開心好多，因無受屈感。首富賣碼頭運河經營權都被人批判，咩人都要經得起被罵衰。
刪除精力無嚴重透支，平衡到就好。
森哥輸畀我都有免費飯食。
係進步左，富裕左才有能力講要求。
太多平誘惑，乜都想買，要慎選，費事買左廢物，最近投資$10掃地刮真係又平又好用。
$5三真係蝕入肉，檔口早期買落，無租金要計入成本。
老婆餅我都喜歡。
我係窮人諗暴發，森哥係富人避暴窮，我們都不一樣。
唔會唱衰人，森伯好著重口德，起碼人家聽到都舒服些！
刪除所以許可情況下都會讚一爺，話晒你都係森博的常常客……
首富單野越講越烈，當冇後續啲人再無野講，始終條河不單是經營權，仲可能是什麼軍事要塞，航道要塞等等，大家都爭實有目的！！首富唔驚啦，有大把錢，去邊到都大把地方歡迎，即刻入籍都得！！
森伯輸畀你就請你食一餸飯，對森伯黎講好矜貴……哈哈
講起老婆餅，「痕香」都係最好食，太耐冇食過——
因為森伯而家已經係暴窮果隻……＞＜
外賣平台執笠，我都要負啲責任，因為我從未幫襯過。我一向三餐好簡單，喜歡自己煮，萬一有乜特別原因不能夠煮，也會落街在食肆即場食，因為覺得外賣送到嚟已經唔熱，完全唔好食。
回覆刪除Peace兄又唔需要太自責，都有大把人唔多叫外賣食物，包括森伯伯，如果不能煮飯，買個包都可以一餐，外賣食物最怕係唔衛生，夏天更甚……
刪除哈哈！外賣平台執笠，我也要負啲責任，因為我也從未幫襯過。
回覆刪除Stella成日出街食好嘢，邊使叫外賣平台！！相信都有好多人未叫過呢種平台！！
刪除我有一位親人也很喜歡吃中式的餅食，拿來充飢很方便。
回覆刪除至於全白色的餅有種「光酥餅」，也叫做「西樵大餅」；因為它沒有餡料，所以用上「光」這個字。
我孤陋寡聞，可沒有聽過「亁酥餅」。請問還有濕的酥餅嗎 ?
現在有很多其他小食，很少用唐餅充饑……
刪除對呀，光酥餅沒有餡，只得乾乾甜甜，記得以前仍住青衣時，有檔餅家，佢既乾酥餅幾好食！！
基本上很多稱為餅的食品都比較乾身……老婆餅，雞仔餅應該算濕濕地……
據說「西樵大餅」以前在佛山是很有名氣的，這是西樵鄉製造的簡單乾糧。記得以前見到的西樵大餅，十分大個。誰知後來在市上見到：越出越細個，就好似一開二，一分為二一樣。這樣也是好的，細個賣平d, 又唔會食滯。
刪除*
也想到：原來的大餅，像極一個大月光，所以簡稱「光酥餅」。並不是乾濕的乾。
舊時粵人很迷信，「絲瓜」都改口叫「勝瓜」，唔想變成「輸家」。 說窮就是荷包「塘乾」，相信都唔喜歡「乾乾」聲。說「光酥餅」就啱Ga啦。可能閣下都唔係廣東人。
不過，你年紀輕輕，恐怕戒唔到d懶音啫。呵呵...
更正：一時手誤，掉轉了。俗語是說「乾塘」，不是“塘乾”。
刪除可能好耐前叫西樵大餅，不過港人主要都係講光酥餅，細個時常叫這種餅為大白餅，不過以前的西樵大餅是什麼材料而造成，不太清楚，現在的大白餅，主要用麵粉，糖，酵母來造成……本人現在對光酥餅麻麻地，純粹得甜字，以前的人上京考試都會帶備光酥餅，沿途肚餓時可以拿出來充饑……
刪除你真客氣，森伯已經唔算年紀輕輕，不過活得耐了，知道的都豐富了，森伯的懶音，都純係扮ABC，聲底要有R音，扮講開英語，可惜變了懶音，謝謝秋葉老師賜教……
全國各地都有不同的諺語和俗語，尤其是俗語，往往都是一矢中的，都是前人經驗的累積，這都是民間的智慧。
刪除我有幸在母親口中，聽到不少佛山一帶的口頭嘽 (音蟬)，真是大開耳界。
原來森伯伯對懶音頗有研究，可稱為懶音專家了。
中國有很多省市，都有不同的口音方言，習慣，要粗略了解都不容易，當中也包括生活的智慧……
刪除如果有國內的親友或自己的家鄉，都大約知道那兒有什麼特產，美食，或生活習慣習俗等……
森伯伯真是好推介，這些中式餅食真是平靚正、慳家恩物。老牛同意，經濟唔好，食飽肚就是好。老牛從不幫趁外賣平台，通常會幫趁「兩餸飯」，平靚正，有得揀，真是香港經濟低迷時期的好創意、是香港精神的典型表現。
回覆刪除謝謝牛兄認為好推介，其實買開的人都會知道哪處可以買到，時下的人都最緊要平靚正，普羅大眾都想慳吓荷包~~~
刪除森伯本人都未幫襯過外賣平台，就算連家陣大熱的兩餸飯都未幫襯過...其實牛兄又講得誇張了，無論香港經濟怎麼樣，這種唐餅仔都依然存在，以一個低廉的售價益吓街坊~~~
工作關係我日日都要幫襯外賣，淨係幾個包我食唔飽。🥲
回覆刪除現在打工仔工作緊張忙碌，都好難用時間為自己整個飯帶……
刪除