俗語有云：與君一席話，勝讀十年書...因為古時都會用席來鋪地，大家都可以坐在席上傾淡聊聊...不過今次森伯不是講人生道理，而是講蓆這東西...
好似今年動輒動的氣溫都成三十幾度，還未到七、八月份，可能會更高，熱到不能不開冷氣，最頭痛是客廳內的冷氣壞了，簡直"熱"不堪言...相信在這種熱天下，睡覺是最多問題，所以夏季的睡眠質素都係麻麻地~~
的確若然有張蓆，真的涼爽得多，但好的蓆並不是容易買，尤其現在市面都很少見，聽講現在一張好蓆都會幾高價錢，早幾年前都買過一張沙灘蓆，但睡不夠一些長時間，就四分五裂，真係大吉......
相片就是好幾年前買的蓆，在某間家品店買，完全不耐用!!!
自此之後再冇用床蓆，但家裡有張竹坐墊，太熱時都可以鋪床睡，但佔的範圍少，用一用都可以，但長時間睡在竹塾上真係搞到成身骨痛...
我相信現在真要買張床蓆真不容易，就算搵到都唔會平宜，但又沒有衝動在網上找，始終都是要看過才買較好!!!!
草、竹蓆都易爛，我瞓藤蓆，耐用好多。
回覆刪除反而想知現在仲有邊度有藤蓆賣...
刪除睇你張都係由細陪到你大...?!!
上年千色店特價買，係名牌嘅1/20價錢。當你時日唔多，換個算計法更合。
刪除就唔知係咪森哥有心同邊個割爛蓆，還是磨爛蓆，世界大舞台上演梗呢套戲呢…睇完兩大智障長老電視鬥咀，好似細蚊仔玩泥沙，愈來愈糟糕，質疑咁樣仲有聰明治國？無嘅只好搞壞他國，靠把口吹水，宣傳人哋好差。回看去完月球玩泥沙呢邊，都係時候轉台、變心；多看看展現能掌握未來世界表表者…
無所謂啦，都唔一定要買張蓆，可能現在會訓的人少了，香港有咩太熱都會開冷氣，以前細蚊仔年代下晝會舖張蓆在地下覺覺豬，諗起蓆，很易聯想起這些前塵往事……一爺自小在大家庭長大好少訓蓆打地鋪？！……
刪除不過蓆有禁忌，不能送給人，只可自己買，基本上都唔會攞蓆做禮物！！
冇睇某國總統辨論，就算果兩位幾不堪都好，背後班大佬才是決策人，講得好唔好有班人去信「民主選舉」就去投票，手中果一票就可決定自己的未來咁話……🤭🤭
人多屋細係打地鋪，我小一(下午班)一起身第一樣家務就係執清全屋被鋪，係熱身運動，上午仲有洗杯、洗碗、洗菜，家務式運動量唔小，冬天濕水對手好凍。
刪除有人叫瑜珈墊，咁森哥送清涼床墊畀我咪得囉！送鐘就唔好，因手機/平板睇時間，鐘/錶都係多餘。
森話：『由細陪到你大』除左身體外就只得出世紙。得幾拾年無咩好講，近排網上睇左好多發掘國寶片段，唐代古墓竟發現宋代油燈陶器，原來係古代盜墓者被同黨謀殺，我要咀咒班盜墓者，令中國失去左重要歷史證據真衰。原來，中國考古大學生實習機會係去實地掃墓/古城，寫報告，呢啲係大國比小香港大規模嘅差異，大有好處。
歐盟結合成大國諗法係好，不過實際運行得像盤散沙，發揮唔到大國效應，幸好中國幾千年前秦朝已統一。
培養細路從小開始做家務係好事，現在細路矜貴，十小手指不用做家務……
刪除以前的冬天真係好凍，能克苦耐勞都未嚐為不好！！
森伯唔知你張床墊要幾大，送唔到……哈哈😀
每個國家都有佢歷史背景，很難作比較！！
我不喜歡用蓆，我喜歡棉的柔軟感覺，所以就算是夏天仍然是床褥上舗上床單，是個人喜好吧。
回覆刪除夏季比較悶熱，如果鋪張蓆會比較清涼，那就正正是夏日炎炎正好眠，好的蓆不易搵……
刪除睡在蓆上也是講習慣，我都認為睡在綿質床單會比較舒服……
現在很少見床上用的蓆了 , 最近我在家品店見到的沙灘蓆跟你的唔同 , 底部用反光像錫紙的物料 , 唔多實用的 .
回覆刪除現在沙灘蓆可能有防UV功能，感覺不耐用，若然鋪在粗粒的沙礫上更加不耐用，磨幾磨就爛……
刪除我諗高級的床蓆會比較好用耐用！！
那些年很流行馬辰蓆和竹蓆，我小時候瞓過竹蓆，幾清涼的。
回覆刪除記得好耐前都有聽過馬辰蓆好用兼且耐用，不過唔識分辨，如現在搵張正宗的馬辰蓆，價錢亦不少！！
刪除老牛見過彌敦道佐敦附近，土瓜灣道落山道附近有藤蓆、馬辰蓆出售。另外，有許多加盟店的「萬豐百貨」有串竹片的竹蓆出售。
回覆刪除通常現在欲買這類舊式用品，一般出彌敦道，土瓜灣等舊區地舖會較易搵到……如果畀森伯都未必會四圍搵，去裕華國貨睇睇有冇……😄
刪除多謝牛兄提供的地方！！
今日下午老牛特意去土瓜灣道行，看到落山道土瓜灣道交界處有一個店鋪買竹蓆、藤蓆等涼蓆。
刪除土瓜灣這些舊區會搵到很多生活舊物，記得牛兄講的地方，早前也去過，附近都有麵包店，舊式家品店等等……
刪除對於各種蓆，我都略有認識。蓆這種東西，只能抹，不要用水清洗。對於放沙灘的草蓆，建議在沙上先墊上一塊膠布，每次沖洗膠布就爽脆得多。沙灘蓆也較為耐用。
回覆刪除謝謝秋葉的資料...
刪除基本上很少人把蓆用來水洗，大多數都只宜抹...
我的沙灘蓆損爛的原因都係接駁位不好，正如你講草蓆所以不耐用...基本上用沙灘蓆來睡覺，也不應該!!!
草蓆是吸熱的，會越坐越熱。藤蓆較好，但不及馬辰蓆涼快。
回覆刪除至於圖上那麼幼细的竹蓆，我還未見識過。
大片的竹蓆，實在不宜用來睡。
呢張草蓆睡覺都還可以，不太熱也有涼涼地的感覺，當然啦稱為馬辰蓆應該好得多...
刪除可能不是竹蓆，是草蓆都唔定!!這麼幼細居然是沙灘蓆，磨幾磨就爛!!
哈哈，對呀!!唔怪得訓到我腰痠背痛~~~~~~~~~~
大片咁硬的竹蓆墊，瞓得耐梗係辛苦㗎啦！ 如果深更半夜落場大雨，就會冷親著咗涼都唔知。
刪除都有這個可能，但都已經睡了好幾年的夏季...如果剛剛睡在這種竹片墊，真有可能唔慣，弄致腰酸背痛!!!
刪除不怕冷親，因為夏季真的很熱...
竹蓆間隔過寛會夾到肉，用藤蓆好些。
回覆刪除哈哈，唔排除都有這個可能，如果多肉地，就唔好訓竹蓆…
刪除小時候，一到夏天，父親就會取出竹蓆鋪在床上，取其涼快。那些竹蓆很耐用，印象中有十多年歷史。
回覆刪除