這陣子的天氣，時晴時雨，成個禮拜的雨水總是下過不停，有幾日都發出過什麼黃雨紅雨，若果晚上沒有冷氣空調的話，都幾熱...可能是這些原因，又加上這陣子習慣吃雪櫃食物，一冷一熱造成了腸胃問題，上個星期也病了~~~其實不適期間也沒有胃口，不停肚瀉，最怕是脫水問題，森想：若果再沒好轉，可真要睇睇急症，當然想忍得就忍，相信是腸胃炎，有很多用藥油的方法都試過，未有很大功效...
一有問題，都想尋求解決的方法，就算平時不想吃成藥的都儘管一試，這隻中成藥有人用過是得的，於是都吃吃，本著試少少看看吧，成人份量應該是每次兩小樽，我扣減一小樽，及後感到個人真的舒服了...
亦在網上看到位中醫師，介紹淮山可以治腹瀉，於是用作餸菜來吃，果然很奏效!!始終天然食物較好，不怕有什麼副作用之類...之前未有試過持續好幾日的病況，事後可能真的要小心飲食，尤其是涼粉，凍水果等冷藏食物...
週末期間，都要吔個清淡的豆粥加兩個大包為午餐，當清下腸胃~~~
可能很多友好都期待...睇咁耐，究竟森伯打破邊句話呢?!!咪就係＂財多身子弱＂呢句話，森伯現在才發覺厡來財少，都可以身子弱，咁老人家算唔算貧病交迫，好可憐~~~~~~> <
對呢隻藥有童年陰影。
回覆刪除呢隻藥可能係好多人的童年回憶，包括森伯...
刪除有個親戚說，曾經在這間香港開設的廠房工作過，天天把藥丸放進樽裡，也沒有戴手套，不清潔的，叫我不要吃。可能現在是機器放藥入樽的，這就好了。
回覆刪除其實以前很多這些港產的中成藥，都係家庭式作業，簡稱為山寨廠式經營，但時代改變了，人講求衛生，而且政府對中成藥都會有規管，所以現在都以現代式廠房處理...我看到藥的標籤顯示都是由香港製造!!!!
刪除若有食滯、輕瀉、肚子不適，沖或煮1、2包成藥茶葉~以九蒸九曬的百年古方製成。始創人初在佛山煮成藥茶，分發給街坊醫治流行性感冒，腸胃不適等。
回覆刪除自沖的一杯喝完，可以沖多次來飲。只要喝後紓緩了，就唔使去急症室苦候數小時啦。
要知：太熱、或是冰冷的飲食，對腸胃會造成很大的傷害。
我小時候在筲箕灣一幢唐樓單位，見過佩夫人止咳水小型工場，止咳水放在大珵缸，幾個女工圍著大珵缸坐，左手持玻璃小樽，右手舀大珵缸止咳水入樽。
刪除謝謝妳的回應 ! 以前很多人都用它來治理初起的咳嗽， 十分有效。說明書上說明是外國珮夫人用中草藥提煉而成的，樽也不算很小。可能香港買了這條藥方自製，自行入樽。以往的工場多數都是用人手操作。
刪除*
後來「珮夫人」出了加強劑，不適合初發的人士，人們唯有自製川貝雪梨水，或柚子露喝。不想麻煩的唯有看醫生了。但看醫生開的藥水藥丸通常都很勁 !
秋葉：
刪除以前的中成藥，有些感冒藥都以是茶葉式沖泡，感冒初起真係幾駛得...不過現在人樣樣講求方便，要多點功夫煲煮都嫌麻煩，這些有治療作用的中藥茶包都不見了，換來是中藥的沖劑，成效差一大截...
早前有隻出名的藥行出的感冒茶，是茶葉形式沖泡，家人好信服，又是可以沖完再沖來飲，直至舒服了，但現在這藥行的感冒茶已變了沖劑...
當然唔想去睇急症啦，坐著等分流分分鐘要五六個鐘，當時個人已經渾身不舒服，森老伯怕老人家等唔到~~~~哈哈哈
stella：
刪除以前的藥廠都以家庭式經營，現在看回真的相當不衛生，但以前的人會接受，隨著時代改變兼且有政府規管，藥行的出品都已經衛生很多...當然冒牌藥就唔包!!!!
秋葉：
以前的成藥很駛得，但很多這些傳統有品牌的藥品隨著時代改變，很多老牌子已經看不見了，呢隻咳藥，森伯完全未試過......
森源：閣下不需要這種成藥，也很幸福 !
刪除在80年代，我見過上司、鄰居都有拿出一瓶「珮夫人」來喝，她甚至不喝水送服，說不沖淡更有用。
果然她就這樣地把咳嗽鎮壓住了，天天如常上班。
以往我的氣管十分敏感，容易引發咳嗽，因此家中常備這種成藥。現在同圍的空氣清新了，才少了咳嗽。
聽你所講，呢隻止咳水都幾駛得，不過有時咳都幾手尾，若果用盡方法也搞不好，都可以買來試，自己比較少這問題……
刪除如果用盡方法都止不了咳，吃過醫生開的藥都好不了，那麼，只有走去看胸肺科，在飲完整瓶「馬尿」之後才會痊癒。
刪除以往政府都會呼籲市民，若是咳嗽超過一個月，就必須要去看政府的胸肺科診所。
記得以前政府醫生總開，俗稱馬尿給咳嗽病人飲，以前聽人講好有效，但現在有冇，就不得而知……以前肺病很普遍，若然咳得犀利，就怕係肺病肺癆之類，但現在感冒病毒引起的病症長手尾，好多人一咳就幾星期，時好時壞，公司都有見過同事有這樣情況……
刪除我沒有吃過保濟丸，也少腹瀉，如有腹瀉也立刻睇醫生，但很多多謝分享。
回覆刪除不用客氣，記得呢隻藥，細時都會間中食，若然不是太嚴重的話，小小問題都喜歡中成藥，醫生只會給抗生素或西藥，未必治根本!!!!
刪除一覺醒來，見到這個話題很想回應。
回覆刪除一般醫生都說，腹瀉不宜立刻止住，要把體內的髒物瀉清，跟著補充喝葡萄糖水。才去看醫生調理。
多謝秋葉對話題的關心...
刪除對呀，不應該把病立即止去，可能要待一會把腸胃細菌除去...
以前家裡有葡萄糖水，不過過份微細的葡萄糖已經沒再飲了，我當時溝了少許淡鹽水來當補充水份!!!
也聽說過~用淡鹽水漱口，可以殺菌消毒，抑止輕微的牙痛，不會惡化。
刪除如果瀉得太厲害，就要吃一粒藥丸止瀉，去看醫生。
刪除淡鹽水對人體好有療效，外出慎防中暑，可以帶備淡鹽水飲 ，補充身體電解質而且又可以消炎……
刪除哈哈，病得太緊要，緊會睇醫生，尤其森伯呢類年事已高的長者……
原來喝淡鹽水還有預防中暑的功效，又增知識了。
刪除淡鹽水不能預防中暑，只是在炎炎的氣溫下，喝些淡鹽水，減低因太熱脫水造成的虛脫！！
刪除謝謝你的經驗分享。
刪除暑熱天時，外出预防中暑，有些人會在鼻下人中處，搽少少藥油才出街，據說很有效。
不是自己的經歷，只是人家給我的應付暑熱天時的方法，鹽每個家庭都會有，戶外活動又怕中暑，都可以帶備，而且不需要什麼功夫……
刪除中式藥油都幾多用途，塗些在人中處都可以試試！謝分享！
今年三月起多雨，攪到發霉要我抹牆…無啦啦…慘…通勝牛郎有著鞋。
回覆刪除暫時未需開風扇，再熱D摷番張籐蓆出黎瞓，啱唔受得冷氣老人。今年早暖，4月尾起冲凍水涼，降溫又慳煤氣。
冷熱混食無事，係食左外面唔乾淨食物。
家傳：燮和堂五寶散、黃體超瀉痢丹、喇叭正露丸針對屙嘔最掂當，保濟丸功效無咁大。離港遠行個救命藥袋必備嘅！
知淮山黏液顧胃，舊時阿媽食後無左胃虛，乜嘢都食得。
森哥腸胃弱，要補咩強化呢？…益生源？…今年實施『強搶』大企劃，好腸菌愈戰愈勇，固若金湯，快達財少身子強。
好怕太潮濕，做成四周東西濕濕立立的，兼且發霉，其實現在要潮濕起來都幾濕，所以開抽濕機是需要的，雖然有些人想慳電費，但這種天氣下這些電是不能慳的...霉牆越抹越容易黑，久而久之成片牆都黑晒!!!
刪除有張籐蓆的確是夏季恩物，很舒服而且可以開少點冷氣...
一來森伯好少吃出面的東西，二來仲要食正不潔東西?!!可能性不大...相信是吃太多冷藏水果或涼粉!!!森伯食藥有禁忌，不是什麼藥都可以亂吃一通，保濟丸由細食起，較為可靠!!!你講得好啱，如果要遠行真要帶定救命藥，可能隨時幫到手...
淮山好有營養，一個虛弱的人要多吃淮山，可能補充體力!!天然食材，不怕副作用~~~唔會亂食益生菌，是商人搵錢技倆，若然需要益生菌，會買幾樽益力多仔...
我都期待財少但可以身子強的日子!!!!
寒底食左涼粉 綠豆沙會肚屙，奇葩森哥係咪又燥又寒底，唔食得平價寒涼嘢？身子矜貴 可能貴價 龜苓膏啱。咁名牌雪糕得，平民牌雪糕要戒。含住金鎖匙出世嘅窮鬼森確實異類。森哥要走中庸之道，太寒太燥都唔食得，日日食都唔得，間唔中食一次半次還可！
刪除我咁強就唔使淮山，反而有幾次血色素唔夠，要做殭屍吸血，主攻我嘅弱點。
公認韓國泡菜 日本納豆和麵豉湯 鬼佬乳酪都有益菌，唔係商業吹水，不過，鬼佬滿口謊言，由其是西方傳媒，日本車廠做假報告，韓國愛作大，都係信唔過。反正細菌充斥周圍，吸啖空氣都補充到。
咁我中秋切月餅時幫森哥許願，攞回原屬於森哥強壯身體。
一向食得涼粉，寒涼野啱森伯個偏燥體質，可能呢個時候食物易變質，昨日的豆飯隔了一段短時間已經叔晒，所以乜都要放雪櫃，水果室溫放太耐就好快壞，所以天熱都比較濕滯……如果要食貴價野真係要富貴的一爺請，財少的森伯買唔起！！
刪除到現在你的血色素有冇改善？！你有冇食的東西是阻鐵質吸收？！你的富泰生活時時high tea得多？！茶係其中一樣阻鐵吸收的飲品！！
現在傳媒報導的都要諗清楚才好相信……
真係好多謝一爺切月餅都幫老人家祈福，身強體健最重要……
常聽森哥食涼粉雪糕消暑，今次係偶一，唔死得人就唔做温室小花，隔疏D照食生冷嘢都無妨！必須讓身體遇上新壞菌，畀機會免疫力增强，下次再撞上就可打低，當間中排清毒素。
刪除怕就自己煲涼茶，熱過殺菌好安心，凍飲 或 冰條都得。
夏苦解燥，半生瓜隆重登場，森哥夠老食到苦瓜未？
香港中醫會話：宜健脾化濕：選用黨參、山藥、芡實、薏苡仁、白扁豆等。叻森有食薏仁 山藥 扁豆。
夏天陽氣洩於表，易神浮氣躁，也應吃酸味食物以斂氣：如番茄、檸檬、烏梅、 葡萄等。
推薦食療：枸杞山藥芝麻糊，理氣健脾 滋陰明目 益壽延年。(呢3樣森哥食開，原來混合食都得，森哥無睇中醫都識食，真叻)
兩次捐血規定最少隔75天，我隔長D才得，營養吸收係慢慢累積提升至合格水平。除左聯宜飲茶，平時我無茶啡癮，十字會都有教。
我諗食涼粉比較多，雪糕就好偶然吃一次，今年雖然熱辣辣，但未食雪糕雪條之類……
刪除今次估計什麼出事，都唔敢再沾惹，森伯唔多煲涼茶，煲些簡單方，有用清熱便可，半生瓜都成日食，你提起烏梅，即刻諗起好耐以前屋企煲的酸梅湯，通常放雪櫃，以前人食的飲的都比較健康，消暑解渴……
山藥芝麻糊，呢個好易整，有機會可以攪攪……
你真係要keep好身體，捐血幫人有意義，可以食啲補血食品補補血……
中藥舖買涼粉草嚟煲，夠單一又安全，饅頭都難唔到你，呢個易過借火啦！
刪除我都唔知烏梅用嚟煲酸梅湯，屋企唔會煲。係幾十年前德興火鍋興起熱天打邊爐時會飲，酸酸哋好醒胃，奸商令人多食茅招。環保人會去酒樓示威抗議！！
再老D唔畀捐，期間限定，好珍貴，耆時有心無力，愛心爆棚都徒然，照計我係博愛歡樂傳百家。
你真係講咁易咩?!!將涼粉草變真涼粉好多工序，買好過...冇整小饅頭咁簡單~~~~
刪除通常酸梅湯煲的時候會落糖，所以酸酸甜甜，而且絕冇添加烏梅味，好香，好有水果味~~咩奸商出茅招?!!...環保人士乜都抗議?!!!到真正倒核污水又唔見佢地出來示威抗議...直情靜到烏蠅飛過都聽到!!!!!
算啦，人生總有些時候需要退下來，捐血也不例外，總之享受這刻助人的時光...以前聽長輩講，常常去捐血的人，若然發生什麼意外，醫生會把血留下先救他，是嗎?!!我以前舅父是定期捐血，是聽他們講的...
我眼中森哥係高手，真係講咁易呀！
刪除日本都話美國批准左，主人都命令收聲。其實未發生呢單嘢前，我已鄙視和譏笑班狗，利用環保光環，假仁假義，仲有好多愚蠢環保建議，全質疑絕不信，唔好被騙局洗腦。
組織已被滲透，仲要聽呢班被操縱嘅鬼話？佢哋做事只符合他國利益，別有用心，不要被玩弄完還矇然不知以為自己好環保。
歐美對抗中國電動車、太陽能板表現純私利假環保。點解唔畀市民用少D錢加快碳中和步伐！
我細路時都有聽過咁嘅傳說，不過，十字會無講過呢點，係假嘅！
真係講咁易?!!你估森伯係有超能力咩?!!
刪除某國批准左就做乜都得，加沙之戰，某軍視民眾的命如草芥，簡直無法無天，大家有眼睇!!!!騙局洗腦，咁打去防騙熱線得唔得呢?!!哈哈哈
現在感覺某些機構只為金主做事，所以收到什麼訊息或什麼捐款表，都會諗過先...今次很多環保組織都絕聲不講，令人對她們很反感~~~
其實我超認同你所講，每次講中國的產能過剩，都有這想法...有些中國製造的東西，也不錯，可以用少少金錢，買到一些東西用，可以畀人有選擇買貴定平...
實在太多都市傳說~~哈哈
童年回憶的止瀉中藥，幾啱用架。
回覆刪除當有需要時，都可以試試，老牌子都應該有一定成效...
刪除我老牛不抗拒服中成藥，有時稍覺不適，服食中成藥就好返，不用再去看醫生。真是搞笑，身子好不好與財多財少無關。森伯伯又不聽老人家一句話，就是「凍食傷身」。
回覆刪除
刪除的確當有不適時，成藥真的十分需要，可解救燃眉之急，亦可作個舒緩，若然吃後能好轉，也不用看醫生，因為病住看醫生都幾麻煩……
牛兄所講是對的，凍食物真的少吃為好！！！
近年中藥工業急速發展，除了中成藥之外，就是中式保健食品，佔了電視廣告重要份量。
回覆刪除因為現在人們比較關注藥品的安全，一般認為中藥製比較天然，所以中成藥及中藥補充品較受吹捧！帶動了中藥製品的生意！！
刪除保重身體，腸胃唔妥，我多數食日本既喇叭丸！😉
回覆刪除謝謝你關心，現在暑熱天，吃東西會加陪小心……
刪除喇叭丸未食過，可能都駛得！
多多保重啊 ! 肚瀉真要徹底醫治 , 瀉得多身體變得虛弱 .
回覆刪除謝謝AK的關心...
刪除已好轉多了，大概是前個星期的事了，人一老，每遇到病都係虛虛弱弱~~~~><
保濟丸真係有效。以前發燒就食克痛，自從疫情後，一有頭痛喉痛就食一粒清瘟，也覺有效。
回覆刪除其實一般的頭暈身興，很多中成藥都可以幫手...
刪除自己平時較少食這些藥，因本身有藥物敏感，不是種種西藥中藥都食得!!!!