不知大家有否留意，現在無論男男女女，大大小小，老老幼幼都會揹個袋出街，現今人真的要帶太多東西，基本上手機不能少，也見過人帶兩部手機，平板，還有錢包，環保購物袋等等...總之垃垃雜雜乜都有，唔要袋都唔得啦!!!
除了有個袋外，還有否留意，有些人總喜歡袋旁邊掛個小掛飾，記得咸豐年前，學生們會掛在書包，多數是女生會掛，但時至今日，發覺掛飾都有很多男士會掛，而且他們掛的不是什麼型格匙扣，例如什麼十字架、劍仔、髏髗頭等，而是得意可愛的毛公仔...
至於森伯基本上外出都有個袋隨身，不過就沒有掛飾，頂多掛個隨意鈎，需要時可以把東西鈎起，好駛好用...但從來都絕少掛公仔之類~~有時候亦會想想，一個公仔掛飾，總會令人輕鬆點，給予自己放輕鬆，沒有什麼要拘謹吧!!!
相中的袋主不是森伯，而是個認識已久的人，是個仔大女大的中年男士，他的背包也要掛個"藍色史諾比"公仔，夠晒有趣!!!想問藍色史諾比是否特別版，未見過有呢隻色...哈哈
隨意鈎一絕，我都有。
回覆刪除老人家仲要帶老花鏡、藥油和小食。睇唔到價錢牌，揀食物唔戴翻到屋企才見到有爛嘅！老人唔餓得，會暈架！把遮除左擋雨仲可擋太陽。
森哥仲有餐具呢！有人會帶膠盒裝豆腐。
毛公仔係女性至親送，或許半迫半就掛上袋，寓意係隨時隨地掛住佢。
yeah!!!!難得同一爺有共同做法，隨意鈎真係幾好用，多野買就可以鈎起，方便兩手做其他事...
刪除食品有爛有壞要戴上老花鏡才看到，冇咁誇呀!!!!餓親就暈?!!會否屬血糖低呢?!!有次森伯伯拿起賣老花鏡的眼鏡試睇睇，都矇到睇唔到，點會戴了會清楚呢!!
不過食品標籤上的細字已經看不清，如要睇就用放大卡片來看，好好用，唔阻位置可放落銀包，有需要時就拿出來睇~~~相信我係太長時間接觸藍光產品的職業病...
自備餐具只帶一支匙羮，食乜都靠佢!!!
聽你咁講，外出袋都會掛個公仔，感覺上如果男士袋上掛公仔，為人玩得好好笑...相信一爺都會係咁!!!夠cute!!!
為森活創小小舒適，多發掘，堆成大大快活圈。
刪除未熟森唔識老。網搜老花更詳盡。
手機鏡頭放大睇字。
講人哋！累贅¤行我簡約風。
做人幾時都要為自己生活裡作些創意，製造新鮮感~~
刪除不是不識老，可能只是這些老花鏡的度數唔啱啫!!!基本上去到超市百貨等，可能光線不集中，要睇標籤細字就要放大~~
人越老越想行簡約風!!!!哈哈
想講題外話。
刪除哀聞一，5:2斷食之父67歲英國醫生周日渡假中發現希臘山洞內斃命，原因無可疑。我師傅先遊左，醫生喎！又咁注重健康，應80起跳，唉！劫數！多謝佢醫好我個肥肝、肥腩。默哀 1分鐘。
怒聞二，『西客』日本遊大便浴室內，酒店無即時清理，臭足兩日，仲要付天價清潔費，唔守規和不講衛生到處扔廢物就咁嬲，咁日本倒核污水落海咁嚴重，不準外國派員現場監督抽取樣本，就要受罰，拒絕入口日水產係無錯。
笨聞三，環保團體「綠領行動」叫人重用糉葉，但係，烚過會變脆用唔翻。要帶腦識人，人哋走火入魔，環保唔代表道德高地，班蠢蛋講乜你就跟足，佢哋諗嘢唔實際！
第一單，醫生都係人，人的壽命冇得估計，他斃命亦都唔等於他套理論係錯，如果跟他做認為效果好，都可以繼續keep住維持，最緊要係冇左個肥腩仔!!!
刪除第二單，日本好少咁唔講衛生，做顧客可以換房或投訴，若然太臭好似訓公廁，唔鍾意可以西面走人...唔似倒核水咁，影響到海洋生態，再影響到全世界的人，到今時今日嘈的聲音越來越少，果啲憨堆港人仲話要去玩去食野添...問你又點吹得佢脹!!!!!
第三單，真有其事，包過的粽葉就算丟掉了，葉都可以分解唔會造成環境破壞...呢班人用錯腦，或者直情冇腦~~~~~~~
我幾十年前已經背囊隨身，因為喜歡行山，乜都丟落背囊，慢慢就變成去邊都揹住佢，到如今如是。不過我冇掛飾物，我後生嗰個年代，掛呢啲飾物實比人笑到面黃啦....及後年紀大咗，我曾經有一段時間掛個隨意鈎，都係貪佢幾方便，到咗而家，我掛的是酒精搓手液，是疫情期間到現在都冇改變。
回覆刪除係呀，事事都係講習慣，一旦習慣了就變成生活少不了的東西，基本上森伯外出都會揹個袋，就算以簡約外出，都會掛個腰包...你說的對，年代不同了，以前若是大人大者，掛一個公仔掛飾，真係畀人笑到面黃，當然都會睇睇邊個，如果係學生仔或少女掛書包都冇所謂，不過那個年代都幾多年輕人都好喜歡在袋上掛公仔或徽章...
刪除嚴重疫情期間，細細的搓手液多數放褲袋，但好多時都忘記帶......哈哈
現化人的衣著打扮，或者佩負的飾物，都很隨意和主觀，不似幾十年前的保守了。
回覆刪除衣著飾物很能代表一個人的性格，尤以女性的衣物多樣，其人選擇衣物的眼光，是高手抑或低手，一目便瞭然。遇到好看的 會多看幾眼。
更正：現代人。
刪除感覺時光飛逝，所謂的幾十年前，都不是很久而已...我認為現在人只要自己喜歡的，都未必會諗太多，要著要掛都不用顧慮旁人怎樣睇，而旁人也較開明，只要干犯不到自己，別人有別人的自由...
刪除其實除了衣飾，有很多東西都可以反映一個人的個性，不過衣著比較搶眼球，一看便能看出...
相信秋葉也是個穿著高手，選衣也能大方得體，配搭得宜...
穿衣是要看場合，或心情。赴喜宴時不能穿得太隨便，以示尊重主人家。 衣服有潮流時興，有些會跟從，有些會放棄。懂得分配顏色，懂得配搭也很重要。
刪除我平時穿戴是以簡約為主。如買到喜歡和有特色的衣物，就永遠都不會過時。
對呀，現在大多數的人選衣服都會以簡約風格為主，尤其是夏季的時候，簡便的輕裝最為舒服...去赴飲宴也不會像上一輩，過份悉心打扮，總之讓人感到舒適而隆重便可...
刪除潮流講環保，套裝衣服可能並不好，用搭配方法可以襯出多款的衣裝，看起來也較為有個性!!!
回覆刪除我都沒有掛飾物，因為基本上我是個不喜歡帶東西的人，揹個袋，都是愈細愈好。
我也沒有什麼掛飾之類，只是掛個實用隨意鈎...我基本上出街越遠，帶的東西會比較多點...
刪除老牛出街總要背個背囊（袋），連外孫們都問「點解公公個袋咁大」，我答因為幾十歲人，總要帶遮、水、眼鏡、外套（入到冷氣間會凍），還有一些雜物。不過沒有掛飾物那麼新潮和輕鬆，只加一個隨意鈎，可以掛雨傘或塑膠袋。可見都是以實用為主。
回覆刪除若然不怕麻煩的話，其實帶多個袋外出對很多人來講，都十分方便，尤其是現在人帶的東西多了，反而有個袋看起來也輕鬆些...
刪除聽牛兄所講，一個背囊真的裝了很多有用物品，起碼帶件外套真要個背囊!!對呀，一個所謂的隨意鈎有需要時很方便，到現在森伯外出需要戴口罩時，若然要吃東西，都會把口罩掛在隨意鈎上，吃完東西再戴上不用周圍搵...