相信大家的身邊總會遇到這樣的人，心中有很多怨氣，不時怨外邊市道淡，氣氛差，埋怨股票市場一潭死水，更理怨說話沒自由，隨時被鎖被拉，總之諸多不滿，充斥埋怨...
當然喇，森老伯只是老人，不是聖人，也有埋怨的時候，不過想到其他地方，也有同樣的景況，講市道差，有哪個地方不是呢，自新冠疫情後，恢復比預期慢，各地的搵食都同樣是不容易，有些地方的食物銀行竟大排長龍...日日新聞總離不開戰爭消息，可算一波接一波，有些人要等救濟，而且性命都可能隨時不保...
相反，身處的環境已經好好，沒感恩只有埋怨這樣那樣，或者人生來就不公平!!!!
圖片來自網絡也是新聞相片，當中是現代化城市，環境也十分亮麗，而且人的衣著入時，但仍有相當多的群眾在食物銀行前排隊等待分發食物，看到此情景，令我有所體會...
因為不想接直上載這相片，唯有用編輯器把它圖畫化...
在這個世界上，久不久就有地方打起仗來，「世界和平」只是一個口號和理想。
回覆刪除香港平靜的日子總算是多的，但想不到在19年經歷了一場黑暴事件，堵路、縱火、擲磚殺人，太可怕了 ! 我根本不敢出行太遠。 如今總算平息下來，生活無慮。不敢想像以巴戰火連天下的難民，太多家破人亡，流離失所的慘事，今天我們總算可以安頓生活，應該要感恩 !
對呀，現在說到"世界和平'只是遙不可及的想法，近這幾年有深的體會...
刪除可能19年對秋葉來講印象太深太驚，弄至當時不敢隨便外出，我記得當年進修返學，尖沙咀時時有堵路放火，搞到學校要停課，每日都是等消息，等學校有沒有堂上，有幸返到課室已有很大的燒焦味...仲慘過附近打緊仗!!!!哈哈哈
係囉，個個人天天也看到新聞片段，當人在理怨時，很多人都會講句現在打仗地方的人還慘痛!!!你怨的算什麼!!!!!!!
我都想享受以前~久不久在外用餐進食的悠閒時光，可惜在疫情期間，商場冷清，店舖易手，餐廳小廚食物的水準竟然下降了，唯有繼續 “自煮”，也慳得就慳。
刪除慶幸超市的用品，供應充足，需要時才去入貨沒有問題，感覺已經很幸運了。
政府都帶頭鼓勵大家去刺激一下經濟，而且嚴謹的防疫措施已過，都沒什麼需要過份擔心，如有閒情逸致，都盡可以跟以前般享受在外用餐...當作在生活裡來個調劑!!!
刪除森伯果類長者，無論是否疫情期間，最主要的買菜買吃都在超市~~~~><，最主要行熟的超市，貨品易搵買完便走，慳回不少兩頭騰的時間!!!
昨晚我和家人出街食飯，我見飲食業有部份都好好生意，有排隊等位，有些得一半客，有些一半客都冇，甚至有兩三間是冇客，我都支持本地消費，一星期最少飲一次茶和一次晚飯，旅遊都冇或少購物，一來怕拎，二來盡量在港消費。
回覆刪除對，部份會好生意，但有些地區就可能要拍烏蠅，好分地區和時段...有些都可能同質素有關，長沙灣廣場裡有兩間酒樓，在同一時段都可以兩間唔同生意...哈哈
刪除你做得好啱，適合用的我多數會幫襯附近店舖，有時雖然知道貴少少，都希望支持吓!!!
危險！立刻遠離 負面人，由得佢哋自生自滅，陷入自己設定嘅負面思想深淵中，接觸佢都被捲進黑洞中，搞壞你情緒。你又唔係心理醫生，你都無能力挽救佢。近朱者赤，靠近正面人令你不懼面對困難，佢明白人生充滿磨練，努力諗計跨越每一個難關，下次面對同一問題便能有招式拆解，人生少左難題會走得好順暢
回覆刪除一師傅贈你一句：小人也，避之則吉。
邊有咁誇張，如果你越遠離代表你越在意他人的說話，聽了就算唔需要太過有負面情緒，而你的角色並不是心理醫生，而是一個情緒輔導員，用你的說話去感化佢，開解佢...
刪除通常講得這些怨氣說話的，生活一定少波折，就是順暢的人不受過什麼人間疾苦，如果有所經歷的人受過艱苦的人，明白一切得來不易，擁有的時候會感到知足，不會隨便怨東怨西...
多謝一爺大師指點，遠離一爺算唔算已遠離小人呢?!!!XXXD
原來，森哥愛情緒輔導，愛森爆棚， 簡直係情聖，森理超人拯救世界。我會發忟憎，繼而口角，遠離為左大家好，唔同性格須處事有別。
刪除我認為反而係佢哋遇到阻滯唔用腦化解唯有呻啦！等菩薩森諗計幫佢。
環保人士真係外星人腦筋，巴黎奧運村係無冷氣機，只有水冷系統。多國已準備移動冷氣機給高要求運動員喺炎熱盛夏能渡過唔影響發揮，咁又咪係減唔到碳囉！無腦架！呢班負面人都只係埋怨。
森哥當我係小人？森中把呎不同我把，你度到咩就咩，影響唔到我係我。
一爺回覆勝在夠晒浮誇，同人講下道理有幾難，從中可以訓練自己的口才及腦轉數，擰轉頭走人，陌生人就話得，如果係識得既人點走左去？！……同佢講下哲學，講下道理，自一九年後真係大把人都好萌塞，講幾多都冇用，唯有等佢放長眼慢慢睇個事實真實一面！
刪除發忟憎，係超級港女既獨有專利，隨著扭計，要人乙水……你都係收斂啲！簡直趕桃花！！👎👎
現在官員十居其九都有在外國浸過鹹水，返到黎逗好人工，享福利，諗就諗屎橋，現在父母移居外地都係希望子女浸鹹水，返到黎都唔知做出乜，唉！！
森尺唔係乜都度架，較為自我中心！！
誇唔過兵馬俑、紫禁城、港珠澳大橋…啦！超振撼人，我只係小 case啫。
刪除我係會向難度挑戰，贏左困窘就令日子過得順。三十知天命，明白命中每個人性格係不同，未必可以改變。
我都成日同森哥講道理，但…反叛後生仔句句頂到恒，舉一反百，好難…比上月球更難，我知天命。
係啦！唔好萌塞，學森哥賣萌咁可愛仲好。
八両金都有老婆，唔怕無桃花嘅！不過，有啲人逍遙獨活更快樂，生活模式人人不同。
政府高官大多數港大派， 少數中大派，然後保送外讀，練精學懶垃圾堆中都有啲好嘅！
環境迫住學外語最高效，又會知道鬼佬文化及諗法，外貿同鬼溝通易啲啦！
學歷係職場其中選項之一，初哥由低做起，堆疊經驗，睇工作表現同人際關係。
小人之森度君子爺之心！
跨過又唔同誇過，唔會怪你啲番書仔……😁
刪除有句說話講，若想人似你，除非兩個你，要尋找一個人同自己性格相同係冇咩可能，所以每個人都有屬於自己個性！森伯更唔會勉強他人聽自己所講，相反，自己都唔會咁順攤啦！！
對呀，所以同一爺日日都有野抝，各執己見，總覺得一爺活在自己的世界裡，充滿著理想與幻想之間……🙄
話時話，你幾時見過森伯賣萌？！森伯好古板正經架。桃花之意亦解人緣，有人緣都好點吧！
現在出謀獻策的官員，沒見到有很多好的良策，有些認為只要唔做就不會錯，對內都這樣，都唔敢寄望他們對外有咩好表現……
現在人普遍受的教育多了很多，反而應了一句，高分低能，到真正實戰時，完全不知做什麼，踢一踢，郁一郁！！對一爺來講，就話冇所謂，但對政府，對市民就唔可以咁！！
宏偉建築之誇張，森森又學西人扭曲砌詞老屈、乜都拗！
刪除你都贊同講道理好難啦！特別係對我。
活在自己世界開心已滿足，自己可控，世界或他人不可控，最衰連自己世界都失控活得悲啫！
我有實証支持，上個細路森好 cute 嘅卡通頭像咪賣萌吸客囉！唔好賴帳！又對我死撐到天腳底！
邊個政策孬？不空談，畀個實例
唔好一竹高打一船人，現今中國高科技飛躍、傲視世界有部分都係靠後生仔，北斗定位系統、太空科研人員都係卅來歲。
因西方叻人少讀辛苦又高難度賺大錢嘅理工科，自然畀東方爬頭，班鬼咪築起高牆，保護主義壁壘、加關稅、禁賣晶片、新疆種族滅絕、產能過剩… 都徒然…不治根本必一敗塗地，預料高科技差距擴大。
砌詞狡辯似形容一爺比較貼切，成日都屈老人家森伯呢樣果樣，一唔夠講就試圖抹黑森伯，呢類技倆好熟口面...哈哈哈
刪除我冇贊同講道理好難，都係照自己森中所講，不過對方聽唔聽入耳，就理唔到太多...好老土一句：你的世界如何，你的力量也如何，即是境由心造~~~
哈哈，又畀你執到森伯扮cute的證據，你唔畀個卡通頭像係森伯個孫孫!!!哈哈哈
一向以來，過份輸入人口或勞工都好影響本地人的生活，又似是最近的垃圾徵費，公帤就使了去，成效如何?!!倒不如將錢推行實際的回收設施方便市民做或回收教育方面...
從來沒要一竹竿打一船人，是有些人做得不好才會令人有這種想法...
一爺又想拉到十萬尺遠，航天科技又是另一領域，當中的技術員是比較尖端的人才，並非很多人也能勝任...
我唔會怪西方，因為之前科技這個領域也是由西方主導，眼見逐漸被人追過，把僅餘的科技知識都要保留不外洩，這是人性表現，畀著我都會咁啦..........
少D辯才都畀伶牙俐齒森哥欺凌C，當然要多D練習自由『搏』擊術。
刪除當你透明喎！自討沒趣。咁鍾意就派你去同塔湖講道理啦！當和平使者，宴請你食炸彈。
我問過你行中坑愛賣老路線，點解頭像係小孩，三個年齡層集一身令人錯亂，你認係自己嚟！𡃁仔企街扮可愛去拉客。
估唔到你都有關注喎！咁有咩抵讚良策呢？
除左太空站，中國計劃打造月球科研站，我有信心廿/卅年後能辦到。最大快人心係當年威水禁制大皇淪落到做乞兒，跪拜中國求月壤。
嘩！點解你會幫魔鬼講嘢咁奇怪？？？禁買高端晶片和荷蘭光刻機唔係保留知識不外洩而係掐脖子，切斷你高科技發展嘅重要零件供應鏈，華為本來打低三星蘋果耀登手機銷量冠軍，無得賺手機錢係想打沉華為，破壞中國5G發展其中一項。捉埋人哋個女坐花廳…呢招用過喺法國公司和台灣公司老闆。
哈哈哈...有冇咁誇張，同森老頭子傾偈要好似自由搏擊咁慘...你唔好"借啲倚"又想抹黑森伯，專係欺侮人的老人家...多謝你的過獎，森伯平時緊張會口窒窒，經一爺把神口話伶牙俐齒，忽然信心大增...
刪除派得去的人非一般人物，早有心理準備，要隨時食炸彈，畀一爺就話得啫，練得一身銅皮鐵骨，精叻過人，分分鐘請返佢地食炸彈...
乜講到拉客咁難聽，人越老都唔敢隨便整個頭像，整返個森字，起碼熟悉的博友會知邊位，現在幾廿歲人，平時的社交網站都用一個字做icom圖，起碼親友知邊個!!!!
咁良策當然有，我認為一些惠民政策，好多都有作用，認真抵讚...唔知阿一爺又有何高見呢?!!
森想果句就講果句，唔想太過虛偽，試問你現在想發圍，做你對手的我，都會想出諸多限制給你，照邏輯來講好正常啫!!!萬一畀你突圍而出，我就冇地企~~~~~~ > < 無論是國事，商業社會都會咁做啦...而家唔係講善人善事的時候嘛!!!!!
聽一爺發表的政治內容，真係勝過讀十幾廿年書!!!!呢招親屬坐花廳用過法國公司同台灣公司，正所謂禍不及妻兒，鬼佬唔識呢樣野~~~哈哈哈
同自由搏擊一樣會好瘀 嘔血 反白眼 斷氣…
刪除因為我唔似你鍾意對牛彈琴。
識我用大頭相，唔識用其他。
我貼地係『低見』，高官曲高和寡才『高見』。
唔同啦！商業活動依據法律運作，佢似第三世界國家咁無法無天、無惡不作，想點做都得，自命上帝揀選高人一等嘅…爛爛爛爛仔…惜你係福頭。
你嘔血，反白眼，斷氣咩都入森伯數！！
刪除其實用大頭相最好，冇認錯人，有時收到些whatsapp比較唔熟的號碼，本想刪除，但好在有個真人icon相，先知係識，否則刪錯良民！！
話明係上帝揀選，做乜都神聖，你睇返以前稱為聖戰的戰事，嚇得你一句句……😔
近代人在溫室長大，少少不如意便怨天尤人，好似全世界都虧欠他似的，對於這類人，我一於少理佢，因為根本幫不上。
回覆刪除對呀，人生路漫長，或多或少都會遇過挫折及不快經歷，但常常埋怨，什麼也不順眼，是消極行為，所以話要懂得知足，不是空話，該是人應有的心態……
刪除看到那些排隊等攞食物的人，心裡很難過！其實香港也算不錯了！
回覆刪除有同感，看到這新聞後，就想寫今篇的題材！！
刪除而報導所講的地方，本身是好過香港，但今時今刻當地的食物銀行都要大排長龍……
想知道blog文下那間食物銀行，有很多人在排隊等待分發，是否sin字頭的國家 ? 時間是現在嗎 ? 可否透露一下 ?
回覆刪除是上週的新聞資料，據講澳洲的食物銀行近來大排長龍，澳洲地方很大，可能是其中一間的食物銀行，本身這些國家有很多外國人，但這資料顯示，每六個排隊者當中有一個是本地澳洲人...
刪除澳洲是富庶國家都有這情況，難免近來澳洲總理都急不及待迎見國家總理，謀求商機......
原來如此，謝謝講解 !
刪除不用客氣!!!
刪除不論順逆，都應常懷感恩之心。
回覆刪除對呀，順境有感恩之心都明白，但遇到逆境都有感恩的心，很難得...
刪除近代人多身在福中不知福，社會怨氣很重，真不是好事，風物長宜放眼量。網絡上的照片若果注明了出處並聲明侵權即刪，相信問題不大吧？
回覆刪除可能現代人生活已經很富足，反而遇到少少不順心時，便會諸多埋怨，但反觀世界各地，原來自己已不錯了...
刪除所以每次在網絡找到的圖片，我也會注明是網上的，都算一個簡單的免責聲明!!!
留意看看新聞，與其他地方比較，其實香港真是福地！市況低迷、經濟不景，全世界各地都是如此，尤其是如今各地都有「地緣政治紛爭」甚至是戰爭，香港已算是好，沒有戰火衝突，還怨什麼！珍惜香港的福份吧。
回覆刪除完全認同牛兄所講的說話，經濟低迷很多地方也是，只視乎哪個國家會快先恢復過來...反而地緣政治問題棘手，逢親有戰事，一定對人民，地方及經濟有重大的影響，所以生活在沒有戰爭的地方，是何等興幸...
刪除不是個個人似牛兄懂得惜福，總有些人常常自怨自艾...
懂得惜福的人，就會有感恩之心。
回覆刪除Man Man真正明白此道理，通常有感恩之心的人，比較少埋怨！
刪除呢幾年經歷咗好多生離死別，發覺生命真係好脆弱。
回覆刪除完全認同你所講，有些事情，經歷過，便有不同的看法及體會！
刪除絕對相信人生的經歷使人成長……