很多人都講，呢排氣溫很熱，尤其在中午時間!!不過在香港三月尾都開始暖起來，感覺上今年熱早了，又是那些幾十年來最熱的三月份...不過相比以往真的熱了很多~~~
早些星期前去某間日式百貨買衫時，滿心希望趁冬季水尾，可以買多兩件粗著長袖衣，殊不知已經換晒季，全場短袖衫...商業市場真的要行先一步...俗稱話要飲頭啖湯!!
至於買衫的店舖，其他都很多，某日經過UNI服裝連鎖店，印象中是第一次去的，可能未必架...森伯隨時腦退化~~哈哈...有時行過都未必細心睇!!!今次終可入內細心看看，其實它有很多衫款都合森水，不過當時是天時冷，衫又太過厚，試問現在的氣候都甚少穿得厚厚，而且森伯燥底行兩行又很熱...
其實現時，森伯已經很少去這類連鎖店買衫，最多買些底衫或孖煙囪之類，因為這類店比較合年青人口味，至於呢間店的衫款算不錯，大體得來不會太過花巧...發覺影的長袖外套都唔錯，細十年都可能仲會買...
對比細個時，我覺得真係全球暖化，所以，唔使買咁多厚衫，我冬天著三件上衣就夠晒，不過，後生時認為好姿整嘅帽和頸巾喺我老左就要用，感覺漏風咁，要封住，可能後生時長髮，依家自己剪清爽易打理嘅吋頭裝，無左層厚髮保暖。
回覆刪除夏天就快乾排汗衫，首次發現咁好質地嘅衫就喺UNI ，不過條棉質長褲就會變形和起毛粒，唔係樣樣好。
依家一年唔行衫店都得，係件衫殘舊爛左有需要才買。
幾拾年前買件黑色韓風長褸時，點知隔離個阿嬸話買畀佢老豆，嘩！個阿伯7拾幾咁鬼老，同個老嘢撞衫，我都好嫌棄呀！所以『發覺影的長袖外套都唔錯，細十年都可能仲會買...』啱就買啦！尷尬嗰個係後生仔。好似我賣口乖讚個女同事同佢個女好似兩姊妹，個女即刻好唔開心，始終係細嗰個介意。
對呀，好記得以前的綿被，可以用到五、六月，因為家裡都習慣收綿被前先曬曬太陽，現在四季不明顯，夏裝都沒有放入膠箱，隨時都可以穿著...冬天更加唔需要著厚褸，裡面著暖些，外面著件一般風褸已經夠了...
刪除所以現在，個個國家，個個人都話要減碳，海水又發現微膠粒，所以垃圾徴費是需要，現在生活製造很多即棄廢物，當中起碼有八成是塑膠物料...
至於現在買衣服，以輕便、薄、易乾為主，那就是買衣之選，其實現在要買的衫少了，有需要時才買~~
哈哈哈...又真係幾好笑~~以一爺的外表就算唔陽光型男，都諗住似韓國oppa，殊不知被人感覺件褸適合老人家...可能你諗多咗，佢70歲爸爸都可能係好型，一般款式睇唔上眼，要型款他才喜歡都唔定~~
細十年才會買的外套...家裡都有同款，無謂再買，最重要現在幾何要著厚褸!!!!
汪阿姐仲會曬埋貴貴手袋皮鞋靚衫，咁森哥啲寶石都會拎出黎曬吓！要吸收日月精華才靚架。
刪除塑膠和二氣化碳係兩樣嘢。塑膠係地球要好幾百年才自然消化到，講就話要少用，實際成日用到，科學家正揾消滅方法。從糞便檢查，人已食左微塑膠，自作孽…膠面、膠人。
減碳係能源燃燒而產生廢氣，少用煤炭石油改用 清潔嘅核能 風電 光電 水力，中國已發展最平嘅電動車、高鐵、風電 、光電制造業，可惜，被某國打壓嘅種族滅絕新疆光伏太陽能板，某國好似5G咁，正計劃打擊大鬧「產能過剩」嘅國産電動車和電池，實際供唔切貨，係唔夠產能才啱。某國唔係真心減碳，明顯係想壓低他人發展，心術不正。另一高科技能源研發中係核聚變，中國都喺領先位置，預計2050年投產。
火藥引需於頂級棉絨，只有被制裁新疆棉才合格，西方計漏呢一樣，應該會自打嘴巴，豁免入口。
衰在佢阿爸後尾行埋嚟，無得好似森哥咁講呃自己。好彩件褸後來無撞衫啫！森哥如同人撞衫個心會點諗？
我年年都有著厚褸，無森哥咁強壯。
城市越進步，耗膠量越大，如非必要，我都減少取膠袋，盡量環保些！
刪除乜一爺成個膠人咩？！唔怪得好少現身，唔好曬太陽太久，勿行近火源，成個人熔晒……
當某國不斷抹黑之際，自己就默默研發改進，令世界眼前一亮……
有時可能講者無心，聽者有耳，可能只純粹你件褸物料靚，又保暖，所以即時諗到買給父親，只是聽者---你以為人地話你件褸係老人家款，心裡戚戚然啫！
森伯現在很少幫襯呢類連鎖服裝店，冇咩可能撞衫，最緊要同邊個撞衫，如果同一爺撞衫，諗都唔駛諗-----即除！！夠晒潚脫！！🤣
環保我盡力，有分類回收，如無特殊，一般我三周才掉一袋15L垃圾，將來用埋厨餘機會更少。
刪除膠人…相由心生，因我硬膠膠囉！我好膠(交)心，任人狠狠擲地都速彈回高位，蹦蹦跳打不死，唔係玻璃心碎晒。邊有森哥咁精靈型格啦！除左火源，森源也勿近，一樣畀你電到熔晒。
中國高速發展到大國，由于人才濟濟，天生勤力聰明，加上國家體制優良，長線5年計劃，執行力高，愈行愈好。西方4年總統換屆，短視無能愛甩鍋，一路走衰。
不用安慰因我已係老人，怕嘅係𡃁仔。
周處除三害，森哥除3易，夏天好易畀我剝光豬…展露……傲視同儕。
三星期掉一袋……你真係好環保，三個禮拜放在屋企唔會太大味？！垃圾中最怕係塑膠垃圾，超市幾乎乜都有包裝，回來都很多包裝即棄物，間接多了垃圾！！有時避無可避……
刪除一爺特別口乖，未聽過老人家識得發電，仲要電熔人，哈哈，咁好電力，就用來發動屋企電器，慳返唔少電費！！
我不是安慰說話，只係唔排除有這樣的可能……
純講笑，如果同人撞衫，就算一爺都係，同衫就當兄弟裝或者知道唔出聲，唔會公開講，心照就算！！
「避無可避」…政策係用市民時間減少整體垃圾量，唔係垃圾清零，有啲要清潔完才去回收。我有做到，所以，反對垃圾罰款，人哋犯錯我無錯都陪罰。所以，我要鬧政府無做好，欠足夠回收桶唔就腳，政策要我花過分多時間去處理垃圾就不正確、不合理。罰錢改為賞錢鼓勵回收。人要用全部時間去處理垃圾？時間價値係咩？生産和垃圾時間分配比例？環保人會矯枉過正，只係無限放大呢一點，忽略其它重要事，妹仔大過主人婆係錯誤。
刪除奉行簡約生活，少嘢少垃圾，係啲嘢爛左才更換嘅非經常性垃圾，所以，我話垃圾稅令人減少消費會損害經濟復甦。唔生仔無人咪無垃圾囉，罰令人好負面。
因自己煮，經常性垃圾大都同食有關，係掉厨餘和污糟包裝材料為主，其他去回收。
以下全部膠袋都係買野包裝重用。我都係用枱面好細個垃圾桶，每日都用紙蓋頂避烏蠅和氣味，三、四日後垃圾包好，用手擠走空氣壓扁後就放入另一厚身膠袋，袋口摺好套上橡筋，橡筋係買雞蛋時嘅包裝材料，双袋兼封口放好耐都無臭和小強。
森哥用燦爛笑容溶化人。
森哥反悔…無潚脫除衫令我好失望呀！不過，好識辯駁，回得有智慧。
當校服制服就無問題。我會讚大家都有咁高著衫tastes ，靚森多人追，靚菜多人買，靚衫係多人揀。普世對撞衫價值觀有錯，有人扭曲左，不追求你係世界唯一，你著上身舒服又靚咪得囉！
@@……每次見你留言都成篇論文，簡覆就算！！
刪除乜你好多東西回收？！回收桶我都唔知係乜！最大問題相信係商家的包裝物，源頭減廢才是有幫助，其次是舊的壞的，以前的產品很多時有保養，就算壞了，都有人整番好，現在的人如果是新買壞了，就有保養期，但一舊了，整都費事整，掉了換部新就算，就今日我就掉了用了很久的風扇仔，佢唔係咩大牌子，冇人維修，所以最直接掉了……
現實生活中，甚少機會同人撞衫，冇諗呢個問題喎！！
老人好嘮叨長氣！哈哈！讀書時作文就限定字數啫，勉強無幸福，寫作自由發揮由心而發，森我都一齊快樂。
刪除我回收都少量 因行簡約風！
產品要通過國際跌落測試，每批貨驗貨員都抽辦測試，新產品通常係會遇到好多鑊，最初包裝都會用料十足，設計得更安全，多續單和産品成熟後才減包裝物料去降低成本。
買新化算過維修，因為依家豆泥產品壽命短過舊時，維修完另一處都壞，整修價錢高過買新。
係呀！有時煮到黎就食，船到橋頭自然直，唔使諗咁多，輕鬆又一天。
森伯呢個blog限制不太多，喜歡講吓政治都OK，不過唔可以太過激，始終寄google籬下，說話都要謹慎~~~
刪除對森伯來講，無論買什麼，都希望可以耐用耐擺，如家中用品，很少買些即棄，有心用都想有排用!!!!
唔好諗住生產技術進步，產品應該比以前耐用，有些大牌子都好化學，之前買過部樂X牌的CD音響，擺唔夠年多，就壞了，冇得保養唯有迫住畀住所的交收站回收...自始都冇再買CD機，聽下MP3算數~~
睇嚟一爺都有份豁達心境~~
我一向花衣著消費極低，年青自己會做衣服，年老不追求潮流，幾套簡單舒適休閒服就好了！也省得換季執拾衣服的功夫和時間。
回覆刪除基本上一般人要著的衣服不多，所以花費最多都未必是衣裝，可能住、食、玩佔大部份...
刪除現在大致上都冇真正的換季，夏天開冷氣，長袖或外套不少得，而冬天又不是日日寒冷，求其穿件長袖也可!!!!!
我覺得穿衣服要穿細過自己年紀嘅，否則好易未老先衰，只要不過份前衛便可。
回覆刪除說得對，相信每個人都有自己一套的穿衣哲學，可能現在一般的消費群都不喜歡太老人款，眼見衫款都趨向年青化！！
刪除你以為仲會有「季尾大減價」，點知人家早就「新裝上市」，足見商家一直是推動社會的動力，任何時候商業宣傳都是「早着先機」。
回覆刪除