新的一年又開始，正確來講這篇是2023年第一篇網誌，寫些什麼?!一於寫篇新年雜記...
新年大禮?!...
一年之始，算唔算政府畀市民一份禮物?!!我指是通關以及大部份的防疫措施放寬，當然好壞的回響都有，但見市面的確熱鬧了很多，聽講個個人都走出來買東西，吃東西...在呢班人的心裡認為放寬等同病毒已經遠去~~
一向森伯都唔會人云亦云，話晒每日都有上萬個案，近年來都慣了!再睇睇情況怎樣再算，又唔一定要外出食東西...至於壞的情況就是人流多了確診數字會舉升，不過現在都有很多人中招，包括身邊識與唔識都一大堆人...
新年有計...
有晚無意中去到某個公眾地方，竟發現有自己的畫作貼出來，當為一個公眾的溫馨提示，初時看到都已經熟口熟面，再看清楚是自己畫的，因為見到我N世紀前的森字印章(係森blog的插圖)，我相信這些畫作是他們在網上下載打印出來......
因為這張圖片都是用作提醒大眾，唔會追究什麼版權之類!!不過能在公眾地方見到，都很高興，亦對我是一個鼓勵，在新年開始，都好應該執番支畫筆畫下東西，可是自己創意唔夠...不過也可以成為本年自己的一個plan!!
新年特飲...
一到年尾年頭，節日多就自然食得多，就連自己都會被節日氣氛所帶動，買多了又食多了，等自己森魔好過點就是節日冇所謂啦...無論有咩聚餐飯局，都會傍住一支飲品，現時多買了椰水，食得熱氣東西多都想飲番支清清涼涼的東西，椰水自然是不二之選...
我個人並不認為放寬通關是甚麼大禮物，只是衛生檢疫要求可以減低，同樣道理，之前的嚴厲檢疫措施也是衛生檢疫的需要，並非政府限制人權，只是現時情況改變了。傳媒總是喜歡用誇張煽情的手法報導簡單的事件。
回覆刪除好定壞，真的有兩面睇，因為感染個案亦不少……但始終通關對某些人要回家確實係一大喜訊……無論港府或中央政府都認為現在感染的人多了，無形中也成了免疫屏障，就算感染後病程也較輕，而且太耐不通關，真的影響多方經濟，唔開放都唔得……
刪除傳媒唔用誇張手法，怕冇人睇！！
係咪有種好似幼稚園/小學畫作貼堂嘅感覺呢?
回覆刪除你講小學生貼堂，感覺已忘記，照常理森伯當年的圖畫都應該成日貼堂...哈哈哈
刪除森哥23年打嚮頭砲，有人賞識引用畫作好光榮又有滿足感，好嘅開始就係成功咗一半，戥你高興，祝森哥兔年好事停不了，全年開心安康。
回覆刪除新年話生肖，唔係我要指點森哥迷津，係某次畀個老網友鬼鬼恥笑， 指中國官方話 羊年 用 year of lambs 或 goats 或 sheeps 都得， 咁兒戲求其， 我才深入探究， 從 生物科 目錄學 入手，原來，真係無一個英文字對等『羊』 呢個大系之首，駁斥到隻鬼啞口無言。 哈哈！
趁仲可攞7天有薪病假， 有人揾確診者接吻，平日感冒依然要帶病上班，二綫小生花旦可奉旨假偷懶。 呢個係抽獎中大禮。
內地出外打工後生仔女紛紛喺春節前 流行 『陽 咗未』， 咁就唔會帶病毒回家鄉傳畀高危嘅老一輩。
近排試下 『殺菁 』技術，可存放一個多月都唔變黃腐爛，讓蔬菜凍齡保鮮，好似三色豆咁，今個兔年不缺綠葉菜食，趁未漲價今日買定大量蔬菜，食到元宵節都得，唔使 挨近新年前後捱貴菜。
你講句：戥你高興......現在人都很少會戥人高興，真的非常多謝!!!!一年之始，當為可以啟發一些新構思~~~哈哈
刪除其實都唔會搞錯，中國人的羊年，多數指山羊，應該用這個goats，因為記得細時都見過用山羊代表羊年，冇咩可能用羊仔或綿羊，唔係正式中國有的羊品種...唔通鼠年又唔知指倉鼠、松鼠、或是天竺鼠?!!通常指家鼠...
搵人接吻想自己中招，有冇咁既二綫小生花旦呀?!!萬一惹左惡菌，就唔慌唔中大禮...過去幾年的過年，大家親朋戚友都已經習慣了唔搞聚會，呢種時勢好應該忍讓吓先，惹到家人長輩都唔好...
哈哈哈，聽你咁講，森老伯都要提早辦定年貨，就算新年閉關都有野食...其實年年新年期間都不缺綠葉菜，乜有年冇綠葉菜咩?!!...
現在好多國家地方都通脹，樣樣都貴...認識的人當中嗱住本BNO去左英國話啲食物都唔貴，相信識搵都有啲平野買，香港都係!!!森老伯冇得四圍格價，唯有搵啲超市平貨當慳左~~~~~~~~~><
戥人高興：出席他人各式喜酒如緍宴 壽辰 添丁 春茗 畢業 視帝 升職 喬遷…都好多種類。 迎接人哋珍貴時刻和成就都好多。能夠有共情能力的人是善良的(讚自己)，和這樣的人做朋友，才會感到 踏實、真誠和溫暖，要珍惜那個總是「戥你開心」嘅人。
刪除森哥實牙實齒，想必引經據典，唔知出自那本書呢？ rat / mouse 係一大一小，咁你點揀呢？我反而覺得生肖係用一個種類唔係特定其中一種動物。講人都泛指人類，無分性別老嫩顔色。不過，我係估下無咩支持我嘅諗法。 反正入選12佳麗我無權揀，答案係咪對我冇咩得益！發牙痕講完就算，唔會同森哥深入爭論。
我有科學精神勇敢嘗試不同東西，當一種生活體驗都好。
新年啲食物係比平時貴咗，我習慣早啲買，記得我細路時阿媽係會預早買定兩隻活雞，養到新年自己劏，劏雞都識佢真好叻呀！有時，會買到隻生蛋雞，我哋食到新鮮雞蛋，仲有滿滿鐵質嘅雞紅食。
英國有夠期特價食物係平過香港，要撞彩數啦！為咗讓窮人有嘢食，有幾類食物唔徵税/(補貼？)，所以，牛奶平過水。
有時戥人高興同湊熱鬧，感覺相似，但內裡是兩樣事情，戥人高興可以發自內心，但湊熱鬧真的是齊齊哇，未必真心戥人高興架......鬼仔一爺可能冇透徹到中文字博大精深的辭意~~~哈哈哈
刪除在好耐似前出過一張十二生肖的卡，講解十二生肖的次序和英文名字，正確的老鼠應該是rat...不過十二生肖多數是華人社會才會關注，對西人來講不是一回事，英文寫什麼對他們來講也沒所謂~~~
你有咩科學精神是勇於嘗試呢?!!我都想見識吓......
森伯真係冇咩可能接受養過的雞自己劏，通常養養吓變左小寵物，所以都係買冰鮮雞好過...咁現在過時過節，你便可以簡單一些吧!!通常你會營造一種過節氣氛嗎?!!
其實聽佢哋講，英國的食物選擇始終冇香港咁多，邊樣平就有可能成日食果樣，假設薯仔，牛奶平就成日食薯仔同牛奶，可能食的慳慳地，用來交能源費...不過住的環境當然好過香港，唔需要住納米單位~~~~~
有時工作上要試幾個不同方向才揾出最佳答案，呢個就係科學精神。
刪除舊時華人社會冇雪藏肉，亦都唔流行，而且，雪櫃都好貴，要有錢月供架，都係食新鮮嘢！臘肉、醃菜、乾貨、鹹魚……保存到嘅。
森哥有冇一大班人做個活動搞手呀？ 因為我同父母同住，好自然我就係節日家庭團聚果個搞手，我真係覺得搞好多嘢好很繁，心願兩老走後我就唔使做啦！依家兩袖清風好輕鬆。現在，睇吓節日影片、聽吓節日歌已經有過節感覺，愈簡單愈合我心意，莫非做果行厭果行。我好靜……解：懶郁。哈哈！
咁要花心思諗計，百變星君如雞蛋。
獨居嘅200呎全開放式已夠晒，怕打理。
不只是工作，生活上各樣事情都有需要找出答案，都冇話科學唔科學...有時可能是數學，例如去完超市買完野計吓啲婆媽數...哈哈哈，又或者是哲學，生活上都碰到很多哲理事情...有時又有心理學，生活上都唔知遇到幾多心理問題，也要找到解決答案...
刪除現在有雪櫃的確解決很多食物變質問題，是現代廚房不可少的電器...以前的人用很多醃制食物，現代人認為唔健康，但基本上食物最好即日煮即日食完~~~
你話：心願兩老走後我就唔使做啦！........心願想父母走?!!咁不孝~~~如果我自己願意做，都會樂意承擔，有時好與不好，親人家人的關係是一世...都計較唔到太多，自己都可能有事喇，彼此關照才是上策!!!
在節日好多人都是這樣渡過，有時我認為外出逛逛感受下節日氣氛都幾爽!!!!
完全認同，居住環境唔需要太大，細細地反而易打理!!人大了，簡約生活更好吧!!!
「某個公眾地方」位置在邊呀？！讓我欣賞你的畫作好嗎！
回覆刪除只是以前在森博post過的插圖，你有可能會看過...
刪除與Stella的畫作相比，森伯的畫作簡直獻醜兼失禮......哈哈哈哈
唔敢當，太過獎了！你的插畫很可愛，大家的畫風各異不能相比。
刪除我的插圖只是文章的點綴，所以可以簡單形式便可 ，隨手畫畫……
刪除而Stella的畫作多以顏色豐富，構圖認真，自然也講究畫功！
小學時有作品貼，看到後真係好開心架。
回覆刪除點解個個都形容同小學時期貼堂的感受一樣!!!
刪除明明新年後大一歲，忽然心態又返番去小學雞年代...哈哈!!!!!
森少今年伊始，即看到自己的作品獲得賞識貼堂，又買到喜歡的飲品，真是好事連連，祝你事事如意，一路行運行落去 !
回覆刪除聽秋葉咁講，又貼堂，又可以有喜歡的飲品...驟耳聽以為是一個小朋友講的開心事!!!!哈哈
刪除其實只是在平實的生活裡，往往都有些讓人意想不到的事，使生活感覺不致於太糟吧!!!!都多謝的祝福
常懷赤子之心，是好事來的。
刪除對呀，能有顆赤子之心也是好事...
刪除