上篇是講新曆年，今篇就係講農曆年...咁快?!!!
就真係咁快...今篇都來一個農曆年雜記!!其實一年裡面，有兩個節日自己會覺得有氣氛，一個係中秋，另一個就係農曆新年，因為有很多富節日特色的食品吃，以前細個對過節食品很一般，有種俗套的感覺，但人漸漸大才發覺，原來傳統的過節食品都好好味...之不過有很多過年食品也是森伯的「禁物」，看來過時過節，都好應該讓自己「解禁」一吓!!!
在香港眾多的節日當中，唯有是農曆新年才會有一個長長的預備時間，因為一踏入年廿幾就已經要「做嘢」，年廿幾開始辦年貨...年廿幾開始大掃除俗稱洗邋遢...年廿幾要做定糕點...年廿幾開始買賀年品揮春等佈置...年廿幾開始買餸煮團年飯，或者Book檯食團年飯...相信以前的人更忙，至於現在的人們寧願一切從簡，不需做那麼多...至於睇緊森blog的你，今日年廿幾又做緊咩呢?!!
其實對森伯來講，都沒有什麼特別要辦的年貨，只不過新年期間不會有太多的商店營業，所以都要買定一些東西在節日假期裡吃，若然要新年買新的用品來用，就應該冇這個習慣，至於講到過新年剪頭髮，以往都需要，當然喇，新年剪就計雙倍，或者比平時貴，就算貴都唔係問題，之不過自疫情以來，已習慣自己理髮，架生都買定，自己怎剪都可以控制，暫時都OK!!
下班時已經入夜，夜景十分舒服，尤其荃灣這裡，充滿著節日氣氛，對面不遠就是有名的沙咀道年宵市場，當日還未見花市，但自己就沒有逛年宵的習慣...
過年祝大家動如脫兔，生生猛猛，健健康康!!
新一年，否極泰來！四年惡運終於隨虎遠去！
回覆刪除新一年更加要居安思危，因為有很多事都未必預計在內...
刪除大陸因疫封鎖，急轉彎，驚人地一下子全開。正合1蚊復始 萬象更新，新一年要添置新嘢，擴大自己舒服圈。
回覆刪除五年前新年我勇敢踏出新一步，同飛髮鋪永訣。我會用個毛擦擦走身上毛髮才去冲洗因怕塞水渠，仲戴上雙袖套令手臂唔再黏上毛髮。好處繁多，愛上了自己。
近期有3個幾好新意：
1)3葉草形鬚刨，仲花心思，剛好有單丁一個無用想掉嘅布甸小樽仔，好似插花咁，可直立式放置慳位美觀又方便拎取，好印賞自己創意。
2)殺菁長期保鮮蔬瓜，趁平多買絕技。
3)奶油鹽自制沙律醬撈菜飯食，添多種口味，健康又無添加劑。
其實真係好切合大陸的做事模式，乜都一下子改變就改變......
刪除咁你添置了什麼呢?!!今年我都冇咩係新用品，平時舊就換新了，唔需要等到過新年~~~~你點同飛髮舖永訣?!!乜你成日甩頭髮?!!
唔會喇，森伯買左的食物都希望盡快食完，趁新鮮食嘛!!!!其實生活有很多可即棄的東西，尤其超市貨品，食完真係很多即棄物，諗諗點用有創意之餘仲可以帶來生活一些方便!!!
人地就話，少油少鹽少脂係健康啲，你反而整個沙律醬......都很好奇你點整，可以講解吓!!!等森伯老人家學吓野!!!!
等有緣碰到好嘢！
刪除自己飛髮後咪永別，再冇入過去舖頭。
係飛髮後黏喺身上嘅毛髮，擦走佢。
200ml 全脂奶 300ml健康油 1 1/4茶匙鹽用機攪拌一下就成 cream狀。500ml分十幾餐食，每餐鹽好少，油有2湯匙，我呢派係好油好事，地中海飲食療法都食好多欖油，只係碳水化合物要少。
蒸烚煮法無滴油，醃肉都無落油，配鹹奶油啱啱好。
咁一爺仲有大把青春，可以慢慢等好嘢...
刪除反而想問吓頭髮後面你會怎樣剪?!!身上剪完的毛髮可以用膠紙黐走...
你呢個醬真係夠營養?!!用來撈沙津菜都OK，但撈飯食就未必均衡營養...最近用椰漿造了個椰子抹醬，十分簡單，唔需要開爐煮，又唔需要開機搞，只是溝埋就可以，放雪櫃可以擺四、五日，對我喜歡椰子呢個好啱，唔需要買其他抹醬...
森哥超硬 要 喚醒我刻意忘記咗嘅年紀，真壞。時日唔多，都唔買廢物回家。
刪除我盒飯內有好多無味無油菜包括 椰菜(生) 洋蔥(生) 綠葉菜(生) 甘筍 矮瓜 雲耳 金菇，得無油醃肉同金菇有味，又Dry 又 淡，之前係溝醋 芥花籽油 糖 蠔油 麻油 黑椒 紹酒 豉油 ，喜歡弄碎堆蔬全部撈埋一羹羹食嘅爽軟口感，蔬菜多飯少近似沙律，咁食法啱我。1L盒奶喺數字屋特價$13，平過椰漿，最重要係，我仍住 好好好味 椰漿係飽和脂肪酸唔太健康，少食為佳，森哥接受咗椰漿中鏈結構健康多食無防，我仲有心理陰影，唔好迫我食呀！
兩塊鏡睇到後面， 不過我鏟青，避開要剪條明確筆直界線。原來， 做人有時都要含糊不清 ，輕輕略過就算，唔好為難自己。
新的一年做人不要太消極，只要憑理智去消費，就不會買太多無謂野回家……我現在買東西前都三思，就是避免買錯東西，怕阻地方又用不著！！
刪除太多油唔啱我胃口，自制椰醬好好味，常用來查麵包，搽的份量不太多，所以唔驚超標！
自己理髮唔易，講的是經驗，當習慣怎樣剪就會變得純熟，所以我有待磨練！！
農曆新年前，儲定糧，梗係買定啲食物啦。而家我都唔會買d 又貴又花工夫嘅海味；改買急凍花膠海參，罐頭鮑魚，慳錢又慳力。
回覆刪除對呀，常講的辦年貨其實都係買定餸菜，因為過年時候未必商舖有開，不過現在的商舖都唔會休息太耐...
刪除罐頭鮑魚甚少食，因為試過味道不新鮮，總是有些怪味，多數別人送來...
看牌子啦，有些好味，有些不太好。其實鮮鮑魚是無味的，所有鮑魚都要加味。所以我還是喜歡買會動的鮮鮑魚，加自己喜歡的味道。
刪除可能是罐頭食品，感覺上都不是新鮮食品，所以一般都少食，人家送來，煮來吃也覺味道不太好，鮮鮑會是首選！！
刪除初初吃罐頭鮑魚，都是別人送來的，當然是鮮鮑魚自加味道比較好。不過，我調的比較清淡。
刪除有些(包括酒樓)的專家調較的味道真是一流。
最近超市推出應市的急凍半壳鮑魚也不錯，雖然蒸熟比較細小。前幾天也買回來蒸熟試過了，平時不見有售，想吃要出街市。
罐頭也不全是味道差的食物，好像粟米羹、蜜味豆。
刪除沙甸魚的味道單一，但是營養專家卻是推舉是好的食物，可以多吃。我卻少吃，因為怕開罐麻煩。
鮑魚本身味道不大，所以要靠調味來增加鮑魚的味道，你講的超市鮑魚間中見到，都想買，不過未試過，唔知有冇搵笨……我認為要真正買鮮鮈魚，去凍肉店買應該會好些！！
刪除罐頭都未必不好，只是平時小食，近幾年，很多罐頭食物
都變了紙盒裝，食起來較方便！而且都幾多選擇 ，忌廉粟米就用途多多，所以不時都會買！！
我也是最喜歡中秋節及春節，如果要兩者比較的話，就覺得中秋節溫馨浪漫，春節就溫馨中帶些繁瑣。
回覆刪除一般來講華人社會，中秋和農曆新年也是大節日，所以特別有氣氛……
刪除經過夏天的酷熱，到中秋時節，便會舒服很多，自然覺得清爽又浪漫！！
祝森伯兔氣揚眉，森想事成，文思設計源源不絕。
刪除我也祝KM兄兔年事事如意，新春大吉，身體健康!!!
刪除