其實久不久就會逛下國貨公司，因為我有些東西需要買，比起現今一式一樣的商場，反而逛國貨公司仲有新意...或者國貨公司都要與時並進，除了傳統古老的東西搵到，她也加插很多新款東西，話就話買國貨，其實都有很多其他地方的產品，都無不對，讓顧客可以多點不同的選擇!!!
今次去多見了這部分，就是買些傳統的護理產品，有些貨品外邊都可能搵唔到，檀香梘相信很多人都見過...
每次來都特定有幾個部份會看的，藝術品部和超市部，去這裡看藝術品都唔錯，若然睇中都可以買返屋企，藝術品類型甚多，就算較平宜的都很值得欣賞及選購!!!!那日是周六晚，藝術品部人流不算多，所以可以慢慢睇...
這盆花是用陶瓷做的，看看也十分美觀，當時沒有留意價目，回來看網站才知這盆陶瓷花要十萬元，而且呢盆花更大更多...森伯影吓就算，掂都唔會掂啦，陣間甩一兩粒花仔，點賠呀!!!!!!
逛吓睇吓時間過得特別快，其實都未睇完就要去樓下超市買東西，有機會下次再來睇睇藝術品!!
全球包括香港9成貨品都係『中國制造』，即係國貨，喺外國想『平平哋』買手信都係國貨啦！貴價手信又買唔落手喎！都係價廉物美嘅國貨啱我。
回覆刪除香港自來水都係國貨。英國啱啱喺福克蘭群島打勝仗，仲諗住拖長香港租借期，點知鄧伯伯回應：睇吓我斷水斷糧你可以點搞，嚇到戴夫人跌一交，香港才得以回歸祖國懷抱。多得重要水資源握住香港命脈。
盆栽整到好似用玉石造咁樣。藝術品係啱啲有閑錢嘅人買，況且，我都唔覺得值咁貴，無藝術審美眼光嘅我興趣唔大。
附近店舖應有盡有，我唔使要去咁遠嘅國貨公司買，國貨超市有咩獨特嘢買呀？
首先印了『中國制造』，都不等如百份百是國貨，有時原材料是本身國家出產，只是組裝，生產，包裝在中國，都係寫『中國制造』，國貨都有分等級，有平有貴......一般都係大眾化，有時廉價的國貨可以惠及大眾，就好似某些家品，或一些淘佬貨，對很多人來講都較經濟實惠，不過好老實講質素好參差...
刪除戴夫人就因為咁而跌一交，我又唔知...你真係知得多!!!與其香港呢撻地遲早都要歸還，都唔好拖長個租借期，夜長夢多...最近新聞都有講，很多國家首領都希望與中國合作，望能在這個市道可以有點生機，這就印證是大勢所趨吧~~
一爺真係好眼光，一睇就知盆花是玉石鑲嵌，不過都有加上陶瓷花葉，仲有個盆用有名的景泰藍工藝所製作，所以價值都有番咁上下!!!!我覺得呢類藝術品適而放在展覽廳供人欣賞較好，放屋企要時時清潔，真係冇咁有閒情...
國貨超市有些國產食品賣，平時地方未必多見，森伯講都冇用，你有機會親自去睇吓......
全球化後產品都係以最化算方式去分工合作，早十年因為大陸要升格唔再做低回報勞工密集產品，都驅趕一堆中國人出走東南亞、非洲設廠，現在，屬邊國產品呢條界線變得含糊。
刪除當我著住件貴衫都寧願自己受傷都唔想件衫有破損，我做咗件衫嘅僕人、保鑣，哈哈！我係咪好儍呀！都係粗嘢爛咗都唔肉痛更啱我。
屋企附近間X色店都附設裕X國貨超市我都未睇過，下次行過等我去八卦下有乜咁特別吸引到森哥。
因為太多先進國家唔想太過工業化 ，很多都設廠在另一些國家，以前大陸地方大租平，人工又平，人又夠勤力，所以很多工序都搬移到國內，世界很多產品都有在國內生產，久而久之中國成為世界工廠……
刪除所以好多國家冇得眼紅，的確有很多事佢哋做唔到！
森伯又冇你咁多貴衫著，所以都好少有你的情況，貴衫同平衫都一樣，唔需穿著時太大壓力，衫係身外物啫！
有機會去下國貨公司睇睇，可能有樣東西適合你……
十年河東，十年河西，東西風水輪流轉。美國才公布核聚變實驗成果，祇係皮毛，早已被中國甩開十萬八千里，正研發核反應堆熔爐，可以1億度高温運行1000秒，預計2050年可發電，係嚇怕鬼佬，從低廉產品到高科技都咁出色，懶惰鬼拍馬都追唔上，出那渣招鬼抆腳，限制晶片都無用啦！
刪除美國公司無能力生產低於7奈米晶片，無廠就搶走台灣護國神山嘅台積電，變成美積電，不過，美國人嫌廠辛苦唔願做，打工網留言呢份工評語：『速逃』。
回望我出席大場面嘅幾件貴衫都係值一隻大牛，牛咁眼望住我，不敢放肆。機會又唔多，無佢又唔得，使用率低，簡直係雞肋。
中國現在做的東西，是真真正正，唔聲唔聲嚇你一驚！！唔好話一個國家，就算一個人要改變都要給予時間，除了科學技術，還有很多方面都可以一同進步，那就更好了……
刪除現在外國正著急，感覺他們心急如焚，不論大事小事都要搞些小動作，好似小學生在後面整蠱做怪，之前的國歌事件，現在仲要搞埋香港區旗……一個國家的作為就正正反映佢既興衰，可憐又可悲……
無論咩人都好，衣櫃總有一兩件見得吓人的飲衫，靚衫名貴衫就正正是養兵千日用在一朝……
我年輕時候不會逛國貨公司，覺得落後，現在喜歡逛逛看看，但除了地庫超市，其他的我都消費不起了！
回覆刪除相信有很多人都有這個感覺，但人漸漸大了，反而睇吓國貨都幾有趣，而且去工藝品部好似去展覽廳睇藝術品，非一般的大型商場可見到~~~
刪除我覺得這些傳統的百貨公司有一種味，是「回味」，可以令人回味從前，從而憶起不少的往事。咁就加多一種味是「往味」^.^
回覆刪除你又講得冇錯，入到國貨公司的大門，即刻聞到一陣藥材味，因為地下賣藥材...哈哈
刪除細時去過的地方、食過的食物、玩過的玩具都有一份回憶!!
雖然國貨公司現存不多，坦白說，香港大部份百貨公司都是"國貨公司"，無論他們賣甚麼牌子，中國製造的佔了大多數，我在職期間，XX島百貨公司高管對我說，他們的貨品八成來自中國。
回覆刪除現在打正旗號係國貨公司真的寥寥可數...而且大部份港人消費能力好了，個個都較喜歡買其他地方出產的貨品，但細心睇佢地又係買梗中國製造的產品...哈哈
刪除你講的公司，我間中都會去，只見佢都有幾多來自日本的貨，但我都相信有很多家品、服裝、其他的日用品都係中國製造...若仲見made in Japan多數是食品居多!!!
國貨公司閒時去行下都唔錯。
回覆刪除你有機會經過都去睇睇吧！
刪除相信年青人很少自己上去逛國货公司。
回覆刪除我都是直到獨立成家之後，才喜歡走上去逛逛。主要都是去欣賞陶瓷畫作，和象牙銀器玉石等工藝品。
我在那裡買過两幅畫，象牙首飾，扇子等不太昂貴的東西。
一向都認為國貨公司的貨品都比較特別，小時偶爾會去逛逛，但人大了又喜歡中式的手工藝，所以間中去去，這裡的畫作大多數是大幅作品，一般家庭少買來掛，我也想知秋葉會喜歡那類畫作……
刪除我只是買些小型工藝品便是了，因沒有太多地方收藏或攞放！