近這些日子以來，確診新冠人數漸漸回升，每日都有幾千宗，事實聽落都覺得擔憂，十日累計就幾萬宗......初時大家可能對新政府在防疫上有所期盼，但結果卻是強差人意~~~
一方面來港人士的隔離期越縮越少，又不下禁令，而另一方面就叫人不斷打防疫針，呢種並不是積極做法……我都沒有留意打到第幾針，第四定第五?!!...有日聽人提起就話：而家唔打針，都唔知這些人點生存?!!通常講出這說話的人就一定打了，因為唔打針，連食都冇啖好食，而我諗佢只係想問因乜原因唔打針……其實打針與否都係個人取態，但事實因為很多處所都要疫苗通行証，尤其食肆…
堂食對森伯來講影響唔大，自己可以簡單煮，亦可以外賣自取，唔明點解話冇啖好食…若果話不能去理髮，就可以買定架生自己剪髮…可能現在的人食慣，嘆慣，一落街很多事情都一應俱全，少一樣東西都唔識點生存……
總之到暫時為止，森伯完全冇諗過打什麼疫苗，所以都冇理會打到第幾針，身邊實在太多中招的人都已經打過針，所以對打針冇抱有任何期望，捧著一種心態就是：是福不是禍，是禍躲不過!!!!
我都打齊針，主要是保護自己保謢家人，其次是我媽媽常進出醫院睇醫生，如果我吾打針就吾可陪呀娘去睇醫生，不過講真除左打針，又有些甚麼防疫方法呢？吾通好似其它地方與病毒共存？
回覆刪除好多人都有這個想法，打疫苗為了減低對自己對家人的感染風險，你好孝順!!聽過有些人打針係為左可以堂食~~~~
刪除打左針都係一種心理作用起碼自覺安全，都冇咩有效防疫方法，戴口罩，盡量遠離多人聚集的地方~~~而家香港都行緊與病毒共存啦~~~~
大多數世界各國政府抗疫策略係咩？
回覆刪除現今清零政策只有中國同澳門。
香港要同大多數國家接軌還是中澳兩地？
咁港府策略會係偏向邊方？
6、8月我都要強檢，明顯地，政府加強咗檢查。
港府想打針主要防重症，唔係防感染。
各國都係束手無策，最緊要係有番經濟活動......
刪除諗諗吓澳門都幾好野，講得出就好有決心做得到，大家都有目共睹!!!
香港都唔知想行乜方向，講就話係想清零，但又冇實質的行動畀人見得到~~好明顯係偏向病毒共存!!日日幾千宗確診，昨日仲離譜!!!!!
有時見日日都有強檢，為何不能一次過做晒全民檢測，可能香港人多不似澳門，其實澳門的全民檢測都做了好多次...財力唔夠未必做到~~~~
又畀一爺的說話激到森老伯嘔雪，一個人冇感染又何來重症呢?!!!!!有冇聽過未病先防的重要~~~
應該係森哥眼仔碌碌睇得快，誤會咗我意思，血氣方剛後生仔捐咗就唔會咁易嘔喇！幫人助己，救得人多自有神庇佑。
刪除打咗針係依然會感染，只係病情會輕咗，仲會輕到好似無症狀感染，如常人一樣。而且，依照數據，打針後死亡率遠遠低過冇打針嘅(約28倍)。汽車安全帶/氣袋係減輕撞車時對司機和乘客嘅傷害，冲激力太猛都會致命，同打針一樣係預防意外，減低傷害。
通常每位博友的留言，森伯都會好仔細睇兼且用心回覆，唔會睇得快好世界，草草納過就算~~~
刪除就好似雞同雞蛋的道理，有雞先定有蛋先?!!...其實會否變重症都要睇睇個人的體質，不能一概而論!!
森哥好認真，反而我常講笑。
刪除雞同雞蛋我都常食，道理我就唔明，只知某國追索源頭把戲已冇玩，轉戰寶島 。
又話一般疫情會三年變弱並消失，呢次都唔知幾時至會收科？等！唉！
可能一爺的講笑方式太過高深，曲高和寡的森伯伯唔識笑~~~~~某國很多花招玩!!!
刪除冇感染就唔會有重症啦!!!疫苗本身就是靠身體的免疫功能去記認病毒，萬一某種病毒入侵，就會產生抗體來對付，理應係唔會感染到的!!!
因為病毒不停變種，所以冇咁易消失，除非當佢傷風流感~~~
打針無法避免感染，但可以在感染後減輕病情、減低死亡，我估你打咗4針，因為到目前為止政府未容許打第5針。
回覆刪除至於你提及可以堂食，對我冇乜著數，因為我一向很少幫襯街外食肆，更加不會外賣，都係食自己又好食又健康又慳錢。
想大家打疫苗，多數會咁講......你估我打左四針?!!又何以見得呢?!!我暫時一針都未打，所以都冇理會打到第幾針~~~
刪除平時少幫襯食肆，少叫外賣!!對現代人來講真是很難得...對呀!!就算不是疫情自己動手煮又有幾難呢!!簡單煮又可以一餐~~~
新任長官幸運呀，換著是前任，早被鬧爆，厚薄如此，夫復何言？
回覆刪除唉，直情行正運，畀著以前鬧到九彩...上任已經有好幾個月，防疫策略方面唔見起色.............
刪除呢個疫病不簡單，有後遺，我考慮年底打第四針，自己執生好了。
回覆刪除這個疫病好似沒完沒了，不知那時才可結束......
刪除正常的流感針一年一次，但這種針可以短時間內打咁多咩?!
疫情搞左咁耐都還未見到曙光，好多人心理上會感到困擾。
回覆刪除係呀，相信大家都感到有點灰，就算政府唔做就唯有做好自己的衛生..........
刪除經常上班的人士，出外的機會很多，都很佩服森少直到現在也沒有打疫苗的能耐 ! 相信你戴兩個口罩都很有效。
回覆刪除原本我都唔想打針，因為聽到有些人打了之後，會搞到心肌炎等等毛病，而且聲明這些疫苗不可以預妨，只用作緩減病情之用。
可是超市、冷氣大街市，都設了「安心出行」的QR code , 不掃是犯規會罰款。」 不出街也要去買日常用品和食物吧。
手機持有「疫苗通行證」很重要。如果戴兩個口罩，我會抖唔到氣。
謝謝秋葉的佩服，就因為自己沒有打疫苗，如非必要都唔會周圍去，工作也不能避免要外出乘車，所以口罩都要加多層......不打疫苗因為一來怕針藥帶來的副作用，二來針藥研發的時間不長，有很多後患是未知的，所以可以不打就不打...家附近的超市感覺都好隨意，而且佢沒太多人手盯住每位有冇掃，而顧客大多數都是附近街坊，所以都不會太緊張，都有人會掃過才進內，而某間大型的日式超市都冇問題，只要話不在內除口罩吃東西便可，的確方便顧客~~~~
刪除戴兩個口罩抖唔到氣都理解，有些人戴一個都好難頂，森伯個口罩只是加多層在內，把它釘在一起，外面睇都係戴一個，有冇實質作用唔知，心理覺得OK就算~~~~~~~
我們這裡的商場超市和冷氣街市，一直都有人是直行直過，不會去掃碼的。但係停下來掃碼的人越來越多。可能是不想遇到來抽查的人。事實上很多商場都以生意為上，不會理會來客掃或不掃。 食店就會緊張一些。
刪除戴口罩很重要，遇著疫情嚴峻，我也會加一張濾紙在口罩內，更加不會在外間進食。頂多買些外賣回家。
其實很多街市或超市人流不少，如要搵人手來作檢查都有排查，而且顧客若嫌麻煩就會索性不進內，當然會影響生意喇~~
刪除無論有否打過針，相信身邊都有很多人患了新冠，只查電子針卡作用不大...對呀，食肆比較嚴謹，萬一有人確診，分分鐘冇得開門做生意，而且食東西時都唔會戴口罩，所以要嚴厲一點，買回家吃仲好!!!!
通常患了新冠疫病會發燒，很多店舖、中心都設置體溫探測器，只要不見響起發燒的聲音就ok. 這樣比查看手機更方便。 除非那是個無病徵的新冠症患者。
刪除近日來確診人數急速上升，情況堪憂。
相信體溫探測器是比較方便簡捷，尤其入銀行，入商舖等...都要例行嘟嘟先~~不過久而久之店舖都冇乜見做..........
刪除手機有時都會顯示錯，打晒針，或康復完都可以係紅碼，又要搞一大輪才可進內...都幾煩擾!!!
現在每日都有很多人確診，都係一句...真要保重!!!!!!!