其實立秋都係剛剛過去，並不要以為天氣開始漸漸涼，一般來講七、八月是全年最熱...覺得香港起碼熱到九月，唔知大家喜歡天熱還是天冷，在現今環境森伯較喜歡天冷，暑熱天時大汗淋漓，黐立立都幾難頂架!!雖則森伯唔係肥人，但都好怕熱~~~
至於消暑品都唔會食得多，雪糕雖然相當吸引，但過多的糖份又會引發炎症，所以都要忍下口~~~~改為食些淡貿貿的涼粉都一樣消暑降溫!!
其實大熱天時嘆冷氣真係很舒服，尤其訓覺的時候，不過森伯始終年事已高，冷氣太凍都唔係太好，中醫話什麼邪風入骨，就係指天時熱有凍風吹入身體，會好易有病痛...所以用風扇比較好，房間原本有一把風扇，可是擺放的位置唔適合睡覺開，於是後來再添多一把放在櫃上，所以房間就有兩把扇，不覺間已經年多...
森伯可能燥底，一年四季都會用風扇，就算冬季都唔會收...
夏天必備。
回覆刪除早前電纜橋火災，西北停電兼停水，真係瞓唔到，儲電式風扇大派用場。上一代無電唔知點過活？
細路時會晚飯後托張尼龍床去公園或冷巷乘涼，做 part time 露宿者。徙置區間屋好翳焗，等夜啲凉啲才瞓。有時，暑假中午風扇吹埋黎係熱風。
不過，去過落雪地方，都係香港有小小冬天啱我。
假如核爆後地球只剩赤道同北極適宜居住，森哥會點揀？
我忍受唔倒唔甜豆沙(自煮)。淡涼粉森哥好嘢！
少食糖和醣，咪行生酮飲食避炎兼消脂。
乜早前的電纜橋對你有影響...聽聞後來電力公司派返優惠券畀受影響居民，事實熱天冇電用都幾慘!!!樣樣講習慣，上一代慳電，如非必要之電器都盡量少用，而且天氣亦冇咁熱，今年可以熱到三十四度以上...
刪除記得細個在家中用席打地鋪訓晏覺，打開窗都有陣陣涼風......以前啲人就當冇問題，而家都冇乜可能有細路做part time 露宿者，寧願在家中訓地板!!!!
有些地方的冬季很寒凍，熱帶人未必能適應...下雪時凍，溶雪時更凍，而且又要鏟雪.......對年事已高的森伯來講都要迫住揀赤道附近住~~~
淡涼粉好嘢?!!有幾好嘢，個個都可以食~~唔會生酮飲食，現在已經開始學習適應斷食，覺得OK就用16:8的斷食法，到時再請教一爺!!!!
幸好。借例實情貼地啲。
刪除當代流行事。依家野餐、游水曬太陽、草地上賞月差唔多啦！
上年消費券使用期太短，我都急住買咗把風扇。今年嘅長啲，我大都買日常食物。
原始動機想減中年發福，成功後再挖深啲，發現多多好處：可抗癌、增強免疫力、降發炎……，我全要。
有問必答，使命必達。
現今人使慣用慣，生活冇水冇電都唔得，仲有馬桶水都不可或缺...
刪除你這樣講，比較容易明白當時的人會畀細露訓街，記得森媽講過以前有位街坊的細佬夜晚訓街，一不為意被貨車碾過...諗吓都驚!!!!
今次的消費券逐次逐次分發，襟用很多...我未用過消券買過大件電器，要用的東西不會等到消費券才買，通常一早買了~~~
咁一爺有冇一些斷食過後，改善了的地方呢?!!
都係大人嚇細路嘅話。唔好自己亂出街玩，鴉烏婆會拐走你。要食清碗內每粒飯，唔係未來會娶個豆皮婆……
刪除肚腩脂肪消失、輕盈咗，不過，胸圍都減咗1吋，係實淨咗，應該係胸部脂肪清除，連頸圍都瘦咗1吋。抵抗力強咗，自從七年前斷食後都未睇個醫生，冇喉嚨痕、冇咳嗽、冇發燒、冇整日疲倦軟趴趴…… 等傷風感冒發炎病徵。傷口好快癒合。增強腦力、思考敏銳。以為會軟弱無力，剛好相反，精神更飽滿。胃口佳。血壓低咗20~30。
呢個世界咁多鴉烏婆，豆皮婆?!!...係真實發生過，那個年代細路在街訓都唔出奇，因為事發在住家的地舖前，不為意訓了在馬路邊，天黑有車駛過都唔知...不要將現在的街燈數目跟以前比較~~
刪除咁一爺個胸未細咗?!!我認為取之平衡...得個瘦字又唔好，最好係肥少少睇落順眼些，消化都要用很多身體的酵素分解食物，而且又要用能量去轉化身體所需或排走廢物，
斷食減少一餐，可以讓身體有時間恢復，都可以試下...森伯老人家做左成日都會疲累，過左十一點就要覺覺豬~~~撐唔到!!!!
胃口徍就唔奇，斷食都算饑饉，一有野食當然胃口佳啦!!!!!!!
你點斷食法?!!...唔食早餐?!!...一周一兩日唔食?!!
本身已經唔順眼，都唔差得去邊啦！人哋眼光點會比我健康更重要呀！我唔係瘦到條柴，係結實。
刪除唔使一下子就跟足，按照自己生活節奏和適應能力去實行。先認識5:2斷食(有2日只食600卡)，當初都只係每周一日食少啲，慢慢調到一餐過食600卡，再行每周兩日 。近年才知道有168呢樣，覺得有好處咪試下啦！我用午、晚兩餐8小時內食晒全日份量，食少咗怕唔夠營養。依家5:2同每日168兩樣一齊進行。斷食期間肚餓可灌水(或無糖綠茶或齋啡)撐過去。
我不是說要在乎別人目光，只是自己看自己都唔順眼，最緊要係過到自己那關嘛...
刪除先聽下你的做法先，冇話會跟足一爺的方法，每個人不同...斷食最驚不是要捱肚餓，而是怕忽略了營養，只顧以為斷食就好~~~~我不會越食越少，瘦唔代表一定fit,森伯唔會以變條籐為目的，肥番少少較好...要實行16:8，八小時內食三餐，早餐改為下午茶，只是畀自己腸胃有16小時休息...橫掂一向早餐唔係最開胃的時候，反而下午茶餐可以乜都食......
聽長輩講齋啡好削胃，唔食野都唔應該飲太多!!!!
我係睇英文同國語網上短片參考，鬼佬冇削胃架！ 有啲係醫生個人斷食經歷，仲哋睇咗好多醫學研究和文獻支持，覺得好正，全都由168進化到一日一餐，每年有一、二次加長時間斷食(>48小時)，話更好喎！用斷食幫助病人調理好身子唔使長期食藥，同中醫慨念類同。
刪除重新 審視 咩飲食時間(when to eat )對身體帶來最大好處，改變錯咗好耐嘅時間觀念，反問自己跟住上一輩嘅三餐時間真係最好？
老人家吸收力點都差過後生仔，餓透後有胃口當然要食多啲啦！
其實，斷食有過千年歷史，中國古代(即長輩，森哥最聽長輩講)叫辟穀，回教徒齋戒月(晚黑食一餐)。
斷食可激活細胞自噬 (autophagy) 係2016年諾貝爾獎，可長壽啲、睇落更年青，篇幅太長，森哥上網睇吓啦！
中國人有中國人的體質，不過都係講習慣...飲慣齋啡應該冇問題，是森伯份人蛇龜啫!!!!!哈哈哈
刪除森伯唔會覺得越食越少才好，斷食只是畀腸胃有適當的休養生息，都係試下試下的實行，唔對路就適當調整~~~~唔會跟足一爺咁做，老人家邊及一爺啲後生人咁易適應~~~~
上一輩的人唔會早午晚餐都大魚大肉，以前的環境比較節儉，早餐可能食個蕃薯，下午炒碟青菜加碗飯，晚餐就食條魚或肉片炒菜心...每餐定時定量食少少，正正是少食多餐!!!
我諗一爺都算係森伯伯的長輩，雖然時時頂嘴，你唔妥我，我唔妥你...但有時啱聽都會聽，不過就唔多!!XXD
近親繁殖有遺傳病，唔同嘅基因才有健康BB仔，所以，唔妥森哥係健康嘅，會激發出創新好意見。
刪除咁既比喻，你估犬隻配種咩??!!哈哈...生活上總會遇到夾與唔夾的人，森伯不能要求個個人都可以夾得來!!!!!!
刪除我比較怕凍，因為穿著厚衣服做家務不方便。熱都不喜歡，最愛秋天。
回覆刪除現在沒有那麼怕凍，反而怕太熱...相信很多人都會揀秋天，涼涼爽爽較舒服~~~~
刪除我皮膚不能長期吹冷氣，所以一年365日裏面大多數日子都只會開風扇。
回覆刪除冷氣風一般都較乾燥，就算不是敏感性皮膚都未必受得住，用風扇就較為自然~~~
刪除你問我喜歡冬季定夏季，今日我嘅答案一定係冬季，不過，到咗冬天，我可能會答你係夏季架。😎
回覆刪除哈哈，當然喇，無論夏季還是冬季都有好與不好方面，天熱著衫可以輕鬆點，但一出街就成身汗，所以咁多人寧願舒舒服服行商場......
刪除喜歡冬天，好怕成身汗，痴笠笠！
回覆刪除同樣都好怕太高溫，而且外出一定成身痴笠笠，室內都還好~~~~
刪除以前冬天好凍嘅時候我就鍾意夏天，現在天氣實在太熱，所以會喜歡冬天多D。
回覆刪除係呀，現在的冬天跟以前的冬天爭好遠，現在整個冬季的寒冷警告只係幾日，其他的日子好似秋天咁咋~~~~~~
刪除