相信有很多人都想一嘗做農夫的心願，種下菜，養下魚...來過些自給自足的生活，或是過些農耕生活，以前比較多聽什麼假日農夫，或租一塊小田地種吓菜，想想可能會幾好玩...我就沒有這個想法，森知要種到可以食的菜實在有排，不過可以試試做農夫的樂趣，但現在只要你想，就變得什麼事都有可能，就算在家中種菜都可以!!
留意了很久的培植箱，裡面一切的生長要素都有齊，種植物需要充足陽光，所以光源最重要，最明顯就是個培植箱有燈長期照著，遠睇好似金魚缸，相信自己種的水耕菜都應該比較衛生安全...森伯總結：而我認為這種培植箱的的空間實在有限，要日日種到足夠食的菜都唔易，就算用LED燈長期開，始終都耗電費，都係嗰句，買返來食好過!!!!
至於什麼人比較需要，就是需要種些小麥草來調理身體的人士，因為小麥草賣的少，自己種就最穩陣，或有嬰孩的家庭，餵些自種的有機菜給BB，點都好啲!!!!
水栽或土栽也有，不過土栽的培植土粒用完未必搵到買，培植箱的價錢大概數百元至成千元...如果種得靚都可以當家中的室內植物來觀賞!!!!
(圖片來自購物網)
我屋邨平台花園撥咗一塊花圃畀人租黎耕種，大多三分鐘熱度，最後半途而廢。做農夫好辛苦，又要望天打掛(我新年種水仙花都好驚太多、太少陽光)，美好幻想同實際差一大節距離，希望佢哋上咗一堂教訓。
回覆刪除工厦耕種咪係咁樣囉！係種貴價免洗嘅沙律菜。
室內種植最怕惹蚊蟲，夜晚冇得瞓好。
又幾好!!!咁你有冇租來玩過?!!...其實都估到很多人都係三分鐘熱度，要日日淋水記得施肥等等的繁瑣事，不過相信都有好幾個仍堅持...
刪除就係家中的陽光唔穩定，到新年期間唔夠陽光，所以唔敢再種水仙花~~
我昨日睇到一則外聞，正如你講一間工廈的天台改為水耕場，訪問一位高層轉職做農夫的女士，不過不是香港而是新架坡~~
水栽冇咁多蚊蟲，可用辣椒粉驅蟲!!!!
冇啦! 後生時想培養興趣，種過小盆栽，死嘅死、生蟲嘅掉咗、唔開花嘅掉咗，要長線打理好鬼煩，所以，年青時乜都試吓，早啲揾到真我個性。從而，覺得身外物愈少愈好，極簡主義最啱我。 兩老走咗後，唔使跟佢哋意願，省却傳統過年種水仙，可以從心出發係最開心啦！
刪除高層壓力大，揾到錢都冇命享，轉做農夫都好。
因此，我反而喜歡屋企西斜多陽光比向南樓更好。
辣椒粉得咩？網上資訊未必得，要親身驗證!
興趣冇分老幼，有些人攝影，寫書法都是年長後才喜歡...不過都贊成一個人需要興趣，當生活裡遇到不如人意的時候，都有樣興趣來陪伴自己~~~
刪除對呀，漸漸發覺物質越少越好，簡單生活~~所以森伯現在買東西都會講求有幾樣用途才好，正如現在很多電器都標明多功能，啱晒很多人的窩居唔阻定~~
可以無拘無束的生活方式都幾好，自主權多了~~不過最大的問題是當遇到有咩頭暈身售罄時，叫十字車都冇人幫........
人各有志喇，總之生活想點過就點過最好~~以前常聽啲長輩講：做慣乞兒懶做官，都未嘗無道理!!
森伯唔係肥人都怕熱，向南好好，家樓下是平台花園仔，夏天都涼風送爽，唔開風扇都得，甚舒服!!!
有機種植的驅蟲法是用辣椒水，把辣椒浸水噴花或蒜頭水~~~
依家最有興趣係養生，中美惡鬥，家居裝修、收納(日式)、維修護理，係喎！我喜歡嘅都係齋睇唔花錢唔打理，唔需要實物興趣都可滿足。
刪除老人難題：養兒防老唔可靠，孝順有財力嘅請工人，未來東盟發展起來會好難請人，窮嘅照顧唔到你。 我覺得都係靠自己，賣力保持健康，我咪嘗試奇怪嘅斷食囉！仲強迫每日做唔鍾意嘅運動，臨尾入老人院等死，生死有命，特發失救短痛好過長期病長期折磨終結。森哥理想點過？想幾多歲命？我有7~80夠啦！
好享受此刻獨居自由生活，森哥理想生活係點？兒孫滿堂好熱鬧
多功能係多餘，因我奉行簡約生活，應該係老人更了解自己，唔要花巧，需求縮窄，來來去去我只用到一項功能，基本型號啱我。後生森哥才啱多功能。
森哥冇開冷氣/風扇瞓？老咗，天口熱我淨係吹住風扇瞓就得。
係森哥實際試咗有效？
現在對森伯來說都冇話什麼特別有興趣，能夠沒太大的病痛已經叫好好，這個時勢都好怕會被感染(call fit)冇打針針更加驚驚，人老了可以使錢時就使錢，太慳住慳住又冇意義!!
刪除你好灰，臨尾入老人院等死，老人院質素太參差，遇到唔好的盞快啲送你一程咋!!!!壽命冇得預算，總之能過活的時候就好好過活才是!!!唔通你到81歲時即刻自盡咩?!!哈哈哈
森伯既老土又傳統又含蓄，都想百子千孫，擺壽宴時都想子子孫孫坐滿幾十圍枱......XXXD
反而多功能的物品仲簡約，家中放一件物品便可替代好幾件...譬如：衣櫃有一件衫，又可以返工，又可以粗著，又可以著去飲宴...不是更簡約咩!!!
唔得!!!!訓之前一定要開開冷氣，室內溫度降低後就開風扇就OK...
森伯現在的植物以水種為主，少些蚊蟲，好偶爾才噴噴些少殺蟲劑，減低產生蚊螆仔~~~~~~~~
估咗好耐 call fit 係 covid？ 你呢啲後生仔真係創意又鬼馬！
刪除我為未知嘅未來(醫藥費……)兼幾拾年後(未知幾時夠期)通漲做儲備，退休後冇收入，先洗未來錢態度唔正確。
灰？生老病死係必然，坦然面對才正確，為乜要逃避，早啲策劃每個階段點過，居安思危，到時就唔使太驚青。我睇森哥仲係好後生，太遙遠暫時唔使諗定。發覺年紀差距產生嘅代溝令我哋時常意見不合。哈哈！
有啲咁嘅萬能場合衫咩？(人老了可以使錢時就使錢，太慳住慳住又冇意義!!)😜
二合一烤焗/微波爐：我只用微波。
電磁爐：8個煮食模式中，我祗其1
風扇：只用風速檔，未用過預設 sleep 和natural mode。
多出黎功能對我來講都係廢嘅！係我實際生活體驗，唔係為咗反森而反架！
仲乜要慳住用冷氣呀！(人老了可以使錢時就使錢，太慳住慳住又冇意義!!)😜
森伯唔係後生又夠創意，只不過係唔識雞腸，邊及一爺英文勒勒聲，我求其拼個讀音出嚟應該有人睇得明，現在身邊總有人中招都怕有天被感染!!!!
刪除如果相信食幾多，著幾多係整定的話，就很多事情都預計唔到...你平時有顧好身體，都希望保障唔需要未來用太多醫療費~~反正人到年老手鬆啲，使吓錢都唔需要太介懷，適當時候金錢要用在當下!!
冇人知自己個時限去到幾時，計劃將來都應該，但目前這刻都要過得好些......
就算真係有咁嘅萬能場合衫，你都唔好買啦...費事畀人講時時都著住同一件衫咁寒酸，唔合一爺的富貴身份~~
我都係咁，就算件物件有幾多功能都好，都係用得一兩樣......森伯唔係慳住用冷氣，係人年紀老，開耐了冷氣就顫寒顫凍，怕懾親~~~~~~><
水培養比較難買而且都貴，所以很少機會吃到。
回覆刪除可能地方關係種得唔多，又要專人打理，貴都唔出奇!!!
刪除有時在傳媒看到一些人的講法，要求政府留番啲地比人做假日農夫，我對此嗤之以鼻，住的地方都未夠，何來地方給有閒者浪費？事實上我曾在八鄉居住，附近有農場業主將農地畫細出租給城市人假日來種菜，那些人都是三分鐘熱度，頭兩三個星期來播種翻土打卡，之後就鬼影都唔見，到頭來還是要農場主執手尾。
回覆刪除都明白你的想法，始終香港地方有限，有理想的地方都會諗諗先建樓，所以現在香港很多屏風樓，或插針樓......相對農地，郊區就越來越少，以前都會有些小販會帶些自種的農作物出來賣，話是新界種，吃起來真是菜有菜味，瓜有瓜味~~現在真的越來越少見!!!都十分可惜~~
刪除你講中他們的心態，初頭都有點恆心玩耕種，其後又嫌麻煩，相信大部份人也是~~若然沒有真正恆心就應該一早不要試!!!!
所需設備太於收成很多很多，不值得！
回覆刪除對呀，而且所付出的時間和打理的心機，不如買來吃好過……
刪除