除了時事新聞以外，一些花生新聞都有留意，現在網絡世界，想短短時間成名都唔難，最緊要有冇一個talking point畀大眾炒作，就可以成為大眾茶餘飯後的熱話，就好似近排的網絡紅人“豬肉佬威威”想講的並不是呢位威威有什麼魅力能夠吸引咁多人(粉絲大多數係主婦和中女群)，反而係想講講呢位威威未成名時，都跟大家一樣防疫，口罩不離面，但成名後要顯示真面目，個壓力都很大...當初因為一副靚樣型樣才受到大家關注，除低口罩大家又咩反應呢!!呢個才是重點...令我諗起某位女星，是公認的大美人，就算演戲訓病床都要化行個妝，就係驚有一絲的醜態會出現...靚仔靚女的壓力真的相當大!!好在森伯完全冇呢方面的壓力!!!!
在這個疫情間，都認識了很多新面孔，最初個個都戴住口罩示人，但出奇的是他們就算除下口罩樣貎都好自然，暫時都未有一個人除了口罩後樣貌差別很大~~~~正所謂冇期望就冇失望!!哈哈哈
題外話：現在口罩越出越多款式，咩款都有戴過，就算早前咩袁專家的鴨嘴口罩款都有，當然唔敢戴出街啦!!!!始終最襯森伯都係普通的外科口罩(有摺痕的)戴得最好睇，會朝著呢個方向入貨...
疫情下我都是外科口罩，如果疫情平穩我會使用布口罩。
回覆刪除係呀，布口罩一般用都OK，但近排都要用些正規的外科口罩較好!!!
刪除我個人好實際，口罩同衣服都係一樣，最緊要係功效，美觀其次，我由始至終都只戴外科口罩，仲係最普通藍色嗰種，其實靚唔靚係一種自我感覺，我覺得呢種口罩係最靚就得啦，其他人點睇就唔關我事嘞。
回覆刪除本身我對口罩都冇咩特別講究，但基於自己心理上有時需要換下其他款，費事人家以為老人家森伯冇換過口罩，日日戴同一個...哈哈哈
刪除而且換換款式又不會過於單調，最緊要是不同的口罩來應對不同的場合，人多的地方或高危地方就用豬咀口罩，一般返工落街就普通外科口罩~~~
早前第六波我都是外科口罩加布口罩，現在改為KN95，有時都好焗架。
回覆刪除屋企都有呢類防疫較強的口罩，類似豬咀口罩而且內裡有點抖氣位，不致於太個侷促...
刪除哈哈！我唔想畀人話我 “醜人多8怪” ，都係用傳統嘅！用剩喺未來出入醫院都用得著。人已經醜啦！再裝扮吓都要畀人話，一沉100踩，世界真係唔公平喇！
回覆刪除你唔好乜都驚定先，別人心裡未必諗你醜!!醜有醜的打扮方式，最緊要打扮簡單踏實不浮誇就OK!!自從沙士那年很多港人的家中都備有些口罩...
刪除老實講現在的口罩真的不知仲要戴幾耐，屋企都有些僅餘存貨...我一個口罩都會戴上兩三次，唔知一爺又會否天天換呢?!!
多謝暖男森安慰醜一爺，你真係好人喇！我好踏實架！人生教育科係認清自己長短處，亦要了解普羅大衆諗法，仲有現實世界係存在不公平，知己知彼才百戰百勝，能接受自己短處即係戰勝自己，醜住黎開心向前走喎！我呢個態度好正確呀！
刪除做人治國都類同，可惜，衰落中歐美就係唔積極解決自己問題，懶惰政客只轉嫁畀中國係最易做。反而中國迎難而上，被美國禁止加入國際太空站就自己搞個太空站，被美國禁制半導體就自己研發，荷蘭光刻機公司都驚中國能力太高，過多幾年就自己搞到光刻機。
中國領導人係工科出身，而美國領導人嘅係律師，務實同靠吹嘅結果高低立見。好多識時務嘅中小國都睇到東昇西沉呢個趨勢，紛紛選東站，為美滿未來而舖路。
同森哥一樣咁用法。
唔駛咁客氣，寫博是向外，不是收埋自己睇，所以要扮好人!!哈哈...上人生課是終生學習，所謂經一事長一智，現實世界很多不公平的事，若然要斤斤計較就苦了自己...
刪除醜人冇咁大負擔，生活也自在一點~~呢樣我自己最明白......><
無論生活遇到的一切事物，包括新聞或國際大事都可以令到自己得到一些啟發，去使人生過得好一點，待人處事會周全一些吧!!
中國現在就好似一個人，過去正默默做事，時機一到就能盡展所長，也是一個值得學習的故事!!
威威豬一下子出哂名，我都有留意，口罩除下，原形畢露，凡人一個，街市佬而已。
回覆刪除我諗呢位威威豬的爆紅，都算有史以來第一位切豬肉，切到有晒粉絲...不知人氣能否再延續下去?!!......
刪除現在口罩都成為時尚系列。
回覆刪除啲花款顏色仲好多，有種時尚的感覺唔使太乏味~~~
刪除