自從有次在街頭簽個電子名後，就不時收到綠色和平的電郵活動介紹...好笑就係已經唔記得當時為什麼而簽名，只記得怱怱行過就被截停要求做問卷......
其實都冇咩所謂，有關環保議題森伯都會支持!!
當然講環保唔係就咁簽個名就可以，真係要身體力行...而且覺得環保不能只做少少，真的要完全豁出去...這樣才有用~~森伯自問要做到徹底環保，都未必可以...因為好多時買東西都會去超市，見到超市的貨品全是包裝物，有部份超市話都會響應減少塑料包裝，但減少得幾多呢!!
買水果蔬菜的濕貨，收銀更加畀多一兩個保鮮袋，好離譜!!!只係減少唔畀客人自己攞~~~~~~所以森伯去買東西時除了一個大的購物袋仲要帶多一兩個保鮮袋..........時下興裸乜裸物，森伯最贊成裸買，即是貨品唔要包裝，倒返去以前買米、買鹽、買粥的年代，拿個壼買完就拎返屋企!!
圖：來自緣色和平的宣傳活動
有個B字頭水係自備水樽，但唔見有人用喎！
回覆刪除我又未見過，咁佢點收錢??只係聽佢講膠樽可以回收再造.........
刪除水機收八達通同電子貨幣。
刪除包裝有重要價值。
儲存價值，防穀牛、曱甴、螞蟻、防潮。零售商同消費者唔使煩惱儲存問題。可以安心大量入貨，降低售價，受惠大衆窮民。
建立品牌質量保証，奸商會混搭其他牌子，其他雜質，過期食物。森哥唔會諗吓散裝會買到假嘢。 減少好多欺詐與猜疑。
街市買菜農民會混雜好多泥沙，菜檔會淋水，呃秤詭計。
廠商自動化快速秤好，減少零售商秤嘢時間，慳番消費者等秤時間，窮民唔夠時間用咖。
麻包袋運米，要時不時檢查有冇破損要更換，浪費人力物力。
袋上Barcode可自動化計錢，用電子貨幣收錢，消費者、零售商都有得益。
有食用日期，方便消費者。
有營養標籤。
有成份標籤。
可產品追蹤，回收某批次有問題貨品。
…………仲有好多我諗唔到嘅好處。
令整個儲存物流銷售鏈 更有效能。
一大堆好處呀！裸買倒行逆施，唔好用『環保』搶佔道德高地，利用呢個光環操弄人心，我唔食呢一套，而且，佢嘅方法衹從單一方面出發，唔理會全面大局，如同美國單極化，最終注定失敗，所以，我係反對裸買嘅。
呢個NGO做事唔和平，要用個名粉色自己，有問題，質疑背後有金主控制某目的？我只信小小部份。
國家走錯方向就好大件事，從前走錯方向有幾慘、幾屈辱、幾卑微，只用短短半個世紀走啱方向，飛快崛起得令人震驚，証明中國人好優越。
你個一爺...今次用萬字文回敬我~~~~~~
刪除你講既水機，我真係未見識過，都好!!可以自備水壼去買水飲...
其實包裝都有需要，可以為食物保質，唔會因潮濕而變質，不過有時見到超市樣樣都係包裝，就算一支洗頭水都要裝入一個硬樽裡，若有人發明一樣可代替膠的環保物料，相信都可以改變世界，造福環境...但係真係冇人發明到?!!!...好耐前在博裡都介紹過我有支筆是在保護動物協會買，用穀物殼製成，到今時今日都可以用...
包裝雖然有很多好處，但最終過量的膠微粒又走到海洋裡，結果人吃魚都吃了膠粒，唔止海洋，泥土都有，眾多膠用品結果人類都自食其膠.......
現在超市都有少少野做到，就係買蔬果時唔需要包裝，拎啲生果，菜蔬去計錢，對我們消費者都冇咩所謂，洗乾淨就可以，有時被包裝紙包實冇空氣，啲生果菜蔬都好易爛...
唔好話國家咁大件事啦，人都唔好走錯路，白白浪費人生最寶貴的時間~~~~~~~
我好長架！嚇襯森哥！
刪除我一嚿皂全洗。仲好多喎！減：解決到咩？
早已入咗我哋食物鏈啦！拾年前已揾到體內有微塑膠，特別係明星好多膠面啦！
早年陸拒收洋垃圾起大風波，接著東南亞幾個國家跟進，揭露虛偽西方冇做環保處理啦！得把囗講自己有幾高尚，正一大隻講，仲不知廉恥大罵拒收國唔啱，咁樣想領導全世界點得架！佢條路行錯曬，衰落中，好在有另一綫生機，多個中嘅去制衡奸嘅，令世界變得更好。
中國治沙成功變綠林，竟然有個西方學者跳出黎話中國破壞沙漠原始生態，收咗銀就乜都做得出。
不視乎長短，最緊要係內容是否精彩啫......你平時的留言都言之有理!!!!
刪除香皂過水好麻煩，香皂同梘液兩種都有用，用一般的番梘最環保!!!!
都市人都吔左唔少膠，遲早變塑膠人~~~明星為左延長自己的演藝事業，不惜要變膠面，但有幾多個膠左面都仲靚?!!...
通常一些肯收垃圾的國家都會係些第三世界國家，她們的人民生活已經困難，仲要面對衛生環境的問題...
收咗銀乜都做得出，一爺有冇收人銀乜都做呢?!!哈哈哈........俗語都有講：有錢使得鬼推磨嘛!!!!現在七月份都唔敢亂講野~~~XXD
唔係老板畀錢我點做我就點做，我會反對老板架！
刪除工程問題有時要打樣辦做測試去驗證幾個唔同方法，才知邊個有用、邊個最好。有次老板無啦啦叉隻腳落嚟，仲要方向完全唔同，已經時間同人手緊絀，十萬火急，咁我唯有照佢意思做辦同測試，做咗一個數據已知老板諗法唔掂，好在佢知錯，立即放棄唔使我團隊繼續做測試攞齊數據，但係，攪到我哋要通宵先至唔使甩期，險過剃頭， 好在，知道我有料到後，就冇再煩過我喇！類似 中國崛起，西方統治近尾聲。
工作上我培養獨立思想同分析能力去解決形形色色、大大小小嘅問題，所以， 森哥發覺我意見多多，仲成日同你爭辯。
你係打工皇帝梗係啦，現在時勢唔係好多人敢反抗老板命令.........
刪除係呀，做野最怕係時間緊絀，正所謂慢工出細貨，趕工就總有甩漏，得出來的效果都唔好...
既然你幫公司慳番時間，唔需要剃頭...老闆的諗法又畀你reject左，好應該成團隊人請你吔餐才對!!!
解決問題還解決問題，同一爺爭辯的事，就好明顯真理站在森伯果邊~~~~~~XXXXD
老板都係要畀你一份人工，要做三個人嘅嘢，點會有得慢工咁嘆架！受人錢財，替人消災。
刪除一開波就諗定有咩問題同高危(FMEA)，想好爆鑊時嘅對策，打定預防針，執生易啲。已有工作流程防甩漏，我好 professional。
真理係利益：(1)老大都話中人企錯鵝邊，跟尾才啱。(2)老大話沙地王係殺人犯，都要屈膝抱腿求加油降9.1%通漲…………
在某個時候你要當份工係興趣，就會自在一點，一向的慣例，可能佢都係唔急唔叫下屬做~~~
刪除其實同你認識咁耐，你的工作範疇係咩?!!起碼可以對多一行職業知多啲~~~~
做咩事都要森伯同政治老尾扯上關係，你滿腦字都要仇恨某個國家?!!......好似現在的人乜都政治化，非黑即白，睇事情都要多面睇......
我辦事速度係3½倍喎！高過老板要求小小就夠啦！一直推高自己能力，摸索極限。
刪除我會原諒老人森記性衰退中，隔幾年又問吖！係小型家庭電器產品開發嘅跨國公司，由設計到生產及退貨品質問題一條龍服務，包生仔，仲要有咩頭暈身㷫都要醫。
太虛偽、卑鄙令人髮指，無間道嘅劉德華，不吐不快。打理十幾億人口，九千幾平方公里，唔輕易，仲要全方位壓迫抹黑下依然超音高速崛起，無間道嘅梁朝偉，你咪話唔犀利，好似比賽由落後急起直追上前，仲唔開心到彈起身握緊拳頭大嗌。
好多發展中落後國家爭相仿效，伸張正義，挺直腰板向黑社會大佬說『不』，展開新局面。
即係未盡全力囉!!!!今時今日咁既工作態度唔得!!!!!!
刪除先要謝謝你原諒老人森，幾老人痴呆都好似未聽你認真講過，係咪同你班新識的朋友仔講過，以為同我講?!!!
咁唔怪得你時時都有用小型家電，現在小型家電真係有市場，好多人的居住環境狹窄，小型傢俬，小型家電都好流行......如果買一個小型電煲，咁點包生仔法?!!送多個煲仔比顧客...哈哈哈
國家事，點到我哋小小蟻民去參與，多數食吓花生...不過近這幾年才關心了時事政治事，有時同人理論都可以有理據，知道多啲是好事，個腦可以多啲思考，但看的只有一面就唔夠全面，聽到的消化後再分析!!!!
要老板盡力揾多啲客仔架，咪可以塞多啲工作畀我，同時要塞多啲銀畀我喎！
刪除你都知我畀人嫌棄過，我脾性唔好，唔係咁多人受得，再者，我時日唔多，只撥少少時間留言輕鬆吓，係貴精不貴多嘅策略，我認識中都係得森哥一個對我呢個閒人嘅職業有興趣。
送咩係銷售商決定，無法干預。香港買嘅電磁爐係會送個煲仔呀！
睇完你講十分同意...老板能唔能幹，好睇佢搵得多唔多客，無論什麼時候多野做幾時都好，可能到將來有心做都未必做到...
刪除我都知你畀人嫌棄過?!!........幾時呀?!!是我老癡呆定進入了平衡時空?!!現在打博的人越來越少，留到現在都仲寫博就真正喜歡寫多些生活事或鬥下文字...放幾張圖又寫一兩行字唔啱森伯~~就係無人知自己的時日有幾多，否則都唔會常聽到活在當下，唔緊要，藉著博客這個平台，大家傾吓偈~~你見森伯覆得幾多就幾多喇!!!!
買電磁爐送煲仔...送成set餐具都某用，森伯唔用電磁爐，不過話唔定有日需要...........
永樂大典。
刪除好小事啫~~
刪除令人懷念的網站名字!!!
錯！係無事。開心就傾多兩句，唔夾咪算囉！
刪除很多事情都過去，不用太介意~~~~
刪除早前疫情爆發時，小女勸諭不要多出外，堅持網購食物到家中。 店方為了分類和保存上的需要，那些包裝物料比超市的多出很多 ! 我一向支持環保，每回收貨後拆貨，總是拆下一大堆包裝物料，真是很無奈 !
回覆刪除對呀，有時網購反而仲唔環保，往往都要多幾倍的包裝物料去包貨品，有時看看只買小小東西，卻包到大大個，都幾無奈架!!
刪除可能都市人講環保，說來容易但卻很難做到~~~~~~~~
環保原意是好的, 我當然會盡力而為, 但有些環保組織有時候會過火, 不切實際, 有些到最後目的還是想你捐錢。
回覆刪除很多機構都會以「做善事」來叫人捐錢，但對想做善事的人來講，真的要看真一點才捐錢...就好似普通賣旗，有些慈善機構個名都未聽過......
刪除雖然呢度都有裸賣，但係我未試過。
回覆刪除香港啲人少啲包裝都怕唔衛生，都好少有裸賣...除非時光倒流~~~
刪除我自1990年開始已經自携購物袋，家人沒有此習慣所以仍有淨餘膠袋，我會儲起轉送給雜貨店。
回覆刪除當然買東西前帶定購物袋好些，唔需要浪費太多膠袋...雜貨店會要人家裝過東西的膠袋嗎??我通常剩餘的膠袋會做埋垃圾袋~~~~
刪除會儘量少用
回覆刪除購物好難避免！
刪除有時候感到有些人借環保之名多賺些錢，政府是為他們開拓財路，一個塑料袋收兩蚊，超過政府宣傳金額，買件衣物，故意把包裹的膠紙拆走，再多收你兩蚊，還說政府規定。
回覆刪除因為畀多個膠袋而收多點錢...相信這情況不會發生在森伯身上，佢一拿個膠袋立即會講我有購物袋，超市收銀就最離譜，見我大大個購物袋都可以畀多個膠袋裝，通常我即場放低...
刪除你都提醒我會有這情況，都算環保陷阱~~~~~~